دنيا ساعات تكون ظالمة برشا و قاسية معانا و وقتها لازمنا يا نقاومو و ناقفو على ساقينا مرة اخرى يا نطيحو و نموتو و نتنساو مع جروحنا ام انا قررت ناقف و نكون اقوى و نظرب الموجة و نتعدى قررت نحارب كل شي في دنيا على خاطر كبدتي تحبو تعرفو انا شكون انا اسمي مريم تكتب عليا الحزن من عام لول متع عرسي ترزيت في الانسان الوحيد الي تمنيتو
اسمعني ندى توة حضرلي اجتماع وقلهم كل يبداو موجودين ولي ميحضرش ميلوم كان روحو فهمتي ولا (تصيح و كشكشها طيرى) اسمع زيدني قهوة اخرى
باهي مدام (خرجت تجري)
شبيها مدام مريم تصيح يا ندو
والله مانعرف سي نجيب ادخللها انت الوحيد الي تنجم تهديها كتبدى في هلحالة ملي جاها نديم صباح و هي تهز و تنفض (تطبع في اوراق للاجتماع)
(حل باب و دخل) شبي بنتي متغششة و مكش قد بعضك
شوف دوسيات هاذي يا عم نجيب و بعدها قلي شبيك الخدمة داخلة بعضها مناقصة الجديدة عندي عام نحضرلها و بعد نلقى الملف متع مناقصة كيما هكا (مدتلو ملف)
هات نشوف بنتي (يقرى في الملف) صحيح فيه شويا اغلاط اما عادي تو يصلحوهم (هز راسو يشوفلها) حاسس فما حاجة اخرى مغششتك
جاني نديم اليوم (طبست راسها نحت لينات و تكت على الكرسي ) بعثو بوه يحبو تاج الدين يعدي معاهم السبت و الاحد
اي شنية مشكلة لوقتاش بش تبقى عايشة في رعب هون عليك بنيتي و خليها على ربي
لاخر نهار في حياتي يا عمي لاخر نهار (دموعها هابطة )
نسيت معرفتكمش انا مريم عمري ثمنية و عشرين سنة خلي نوصفلكم روحي شوية انا بيضة طويلة بدني متناسق شعري طويل بني عينيا خضرا و فمي مليان و روز نلبس لينات نظر و انا ارملة اي ارملة على صغر سني هكة دنيا حكمت عليا اما تنجم تقولو عطتني هدية او جائزة ترضية اسمها تاج الدين ولدي و نوارت عينيا عمري الي نعيش على خاطرو
خليني نرجع بيكم لربعة سنين لتالي ليام الي كنت فيها وردة نوارت الدار كيما كان بابا يناديلي حتى لين قابلتو و تربط مصيري بمصيرو لاخر نهار في عمري
بابا قتلك مسائل الخدمة هاذي خليني بعيد عليها (يلعب بالكاس العصير)
قلي يا سيد انا صرفت عليك و قريتك باش تشد الدار الواحد كان ربى كلب راو نفعو اكثر منك (ينفخ في سقارو ) اسمع نعرف الي شركة " تاج " داخلة للمناقصة هاذي و منحبش نفوت الفرصة خدم مخك هي تاخذ المناقصة و انت شركها فيها خاطر مستحيل تخدم فيها وحدها انت كون في صورة باش تحفزها باش تتحدى و تربح المناقصة وقتها ادخل على الخط و اقترح عليها تشاركها الربح و لخسارة فهمت سي لبهيم(تنرفز)
بابا من بكري انت تقول شركها و حفزها يخي شكون هي (يتبهلل)
مدام مريم مديرة شركة "تاج" مرا عليها لكلام بمية من امثالك انت هاذا الي همك في كلامي كل زايد والله زايد (خلاه وقام) تو نعطي الخدمة النذير هو تو يقوم بلازم كل
انا معز و الي خارج منرفز بابا انا امي قاورية ماتت و انا صغير عمىري ثمنية و عشرين مزلت كملت مرحلة ثالثة في ادارة الاعمال بابا يحبني نكمل امبراطورية متاعو اما انا نكره خدمة متاع العايلة نحب نولي مصور محترف نموت على التصوير من صغري
انا ابيض طويل بدني مخدوم برشا هههه شعري اصفر و عيني شهل مل لخر كعبة وحدة ههههههه نموت على سهريات الجو و البلعة و خاصة لبنات منجمش نعيش بلا بيهم الاكسجين متاعي هههههه منخليش حتى كعبة تهرب من ايدي معرسة مطلقة كبيرة صغيرة ميهمنيش هههه جيست حاجة و حدة عندها امكنيات ههههه عندي ستديو متع تصوير نعدي فيه وقت اكثر من دارنا منها نعمل حاجة نحبها منها نرتاح من تخرنين بابا
تفضل عمي شبيك واقف(سكر بيسي متاعو و ستوا قعدتو)
هيا باهي نلقاك ساهر ولدي (مدلو اوراق و جبد كرسي و قعد مقابلو)
هاذي المناقصة جديدة (يقرى)
اي هاو باهي عندك فكرة على الموضوع (يشعل في سيقارو)
اي سي جمال البارح حكالي عليها اما هاذي بش تكون مخاطرة على شريكة متاعنا كان لاقدر الله و منجمنش نكملو الخدمة في الوقت نباصو و نافلسو (مركز في لوراق)
هاذا علاش جيتك نحبك تدخل في المنافسة اما من غير متربحها
تقصد نشاركو الرابح هاكة ولا (يتبسم)
بضبط ولدي بما انك فاهم لحكاية كل من غدوة تعطي الخدمة الي عندك لهاك المليس معز و انت تتفرغلي للمناقصة (حل الباب ) على خير ولدي
على خير عمي(رجع يقرى في ملف)
هاذا نذير عايش هو امو و خواتو لبنات الزوز في دار العايلة مع عمو سي براهيم و ولدو معز و جدتهم للا فطيمة
نذير راجل شرقي بمتياز اسمر خشين اكتافو عراض مملح و تحس عينيه الذابلة تخلي اي طفلة تحبو زيد لحيتو لخفيفة كملت لوك هوا جدي برشا في خدمتو عنيد راسو كاسح و ميعمل كان الي في مخو ذكي برشا و يفهمها على طاير رغم الي هو معز بعاد على بعضهم في شكل و طبيعة لكنهم اصحاب ولا اكثر اخوات جملا
اليوم ذكرى لولة الي تقابلت فيها انا و تاج كيما اليوم شفت حبيبي كما اليوم حبيتو من اول ماجات عينو في عينيا كانت مروحة و تتفكر حتى شفور عندو ساعة يحكي و هي مش معاه
من خمسة سنين كنت مروحة من الجامعة نكركر في سقيا من تعب قصيت الشارع من غير منثبت ضربتني كرهبة من قوة الضربة ما فقت كان و انا في سبيطار حليت عينيا نشوف في واحد يحكي بتلفون يمشي و يجي باين عليه متغشش شفتو نسيت لوجيعة دخت في وهرتو و زينو في عينيه الواسعة و حواجبو الكاملة في لبستو و صوتو و حتى ريحت برفا متاعو تنجمو تقولو حب من اول نظرة
لاباس مداموزال (عاقد حواجبو)
اي لاباس اما حاسة بشوية وجيعة في ساقي (نحكي بصوت واطي)
متخافش طبيب عملك جبيرة و الله ربي ستر علاش تمشي هكاكا في شارع يخي ملك سيد الوالد زعما بصيت في جرتك (يصيح عليها)
سمحني و الله منيش قاصدة كنت تاعبة البارح لصباح نحظر للسوتنوس متاعي و تاعبة (كشاف دموعها ندم مدلها منديل )
رد بالك المرة الجاية هاني كلمت داركم تو يجو ارقد ارتاح(ضعفها حرك فيه حاجة مفهمهاش شنية من كان مغشش ولا يسكت فيها غريبة )
من نهارتها كل يوم يوصلني للفاك و يجي روح بيا قال البابا الي هو مسؤول على كسر رجلي و لازم يتحمل مسؤوليتو
وليت نحب الوقت الي نعديه معاه ساعات نتمنى طريق زيد يطوال بش نبقى معاه هو زادة نحسو كان حاب لحكاية قبل الوقت نلقاه قدام الدار و كنكونو مروحين يبدى يلوج على عذر باش يزيد يبقى معايا جانهار الي لازم نحي فيه الجبيرة هبلت في مخي معناها معادش بش نشوفو
تعدات جمعة و مشفتوش حسيت عمري وقف فيها و الوقت معادش يتعدى نهار انا خارجة سارحة نسمع في واحد ينادي
يا مريم يا مريم (منيش نحلم والله هو تاج )
(خبيت لهفتي عليه) اهلا تاج لاباس
لاباس (يشعل في سقارو) حبيت نطمن عليك
الحمدالله هاني قرايا هههه
ايا تعملي معايا قهوة (غمزها)
علاش لا هيا (مثدقت ربي طلعت نجري)
شربنا القهوة قعدناعلى لبحر نحكو هو يحكيلي على روحو و انا زادة
تاج شهيا غطسة (نلعب بماء)
توا رانا في جانفي هبلت الماء بارد (جبدني نترت ايدو و نقزت لحقني من غير مايشعر)
ااااااااححح بارد بارد (ينقز و يصيح)
(وقفت نتفرج و نضحك كان وقت غروب الشمس عكست ضوها عليا شعري ساب و ولى يلعب مع الماء و المريول تبل و لصق فوق بدني (زاد بين سدرهاالمليان) نسى برودة الماء و بقى يتفرج
نظرتو ليا خوفتني خرجت نجري احنا هكاكا وجونا زوز شاربين بدو ينادو عليا خفت و تخبيت وراه حسيت الي هو الملجئ متاعي شدلي يدي دخلني للكهربة و قلي متخافيش انا نحميك
مدام ...مدااام
شبيك صالح علاش تصيح
عنا درجين ملي وصلنا يا مدام و انت سارحة
شبيك مقلتش اففف(خرجت نترت الباب)
عجب (صالح معاد فاهم شي ههه)
دخلت الصالة لقت جوجو يتفرج في كوميك اول مشافها جاها يجري
ماما ...ماما اذا ثوف البطل ذلبهم كل ..حتى انا بطل ماما مث هكة
ههههههه هكة و نص يا روح ماما ويني نعيمة
في كوثينا تعملي في تات بثكولا (يلعب بشعر امو )
باهي برا كمل الكوميك تو نجيك (حطاتو و مشت للكوجينة)
اهلا للا مريم (نعيمة تقص في تارت )
تو شحكينا نعيمة مش قلنا كوميك الي فيه ضرب لا و شوكولا لا تشنية عاد (تشرب في كاس ماء)
اسمعي ولدك راسو صحيح قتلو نحطلك القط و الفار محبش و كبش في فيلم هذاكا و طارطت مشتهيها وليدي اي والله عندو مدة يلحلح بيا باش نعملهالو (تتبهلل)
اي نعيمة طرف هذاكا يحكم فيك اسمع دلال برشا لا اي هات هطارط و هيا ههههههه(تتمنيك عليها و تضحك)
شنيا سي تاج مش قلنا تنقص من شوكولا(كبست وجهها)
مث انا نيمة ها الي كتلي اقبى رايد نعملك تات (حملها بيديه الصغرونين و يتكلم)
لا اعطني ربي كيفك كيفها زوز تبرك الله عليكم ايا كول ايا بعدها تمشي تغسل سنانك باهي ماما
بهي (حل رجليه و شد مرصو بيديه الزوز و قعد ياكل و يتبنن و هي تشوفلو تلعبلو على شعرو )
اههه با جوجو قداش تفكرني بيه كان يموت على تارت هاذي (رجعت تتذكر فيه)
نهارتها بعد ماحطني في الكرهبة شدهم اعطاهم طريحة قداش كان مضاربي و فهمت الي كيتسكر ماعاد يفهم شي
رجعلي و فما جرح صغير على فمو حبيت نمسح دم ياخي جبدني ليه بقوة و باسني لين تقطع عليا نفس وقالي
شوف مريم من اليوم انت متاعي و نسمت الهواء كان تتعدى بجنبك انا نحسبها خاطرني نحبك
زادت هزتها الذكريات مرة اخرى اما المرة هاذي فيقها جوجو مامي هايا هايا (واقف لابس بيجما و شاد قصة كان ميرقد الا متقرالو قصة )
غسلت فمك (تشوفلو تتبسم)
اي نيمة غثلتلي اثناني( يتبسم ببراءة )
ايا ايجا ولدي (قرتلو قصة قاتلو شهد)
اثهد ان لا الاه الا الله و اثهد ان محمد عبده و رثوله
صحيت ولدي ايا بونوي(تطفي في ضو )
لا يا ماما احلام ثيدة (حط ايديه تحت خدودو لحمر و غمض عينيه )دخلت البيتها كيما كل يوم دوشت و لبست مريولو و غرقت في النوم من كثرت التعب فاقت الصباح على صوت جوحو يغني بجنبها حملاتو و شداتو تبوس فيه و دغدغ فيه و هو يتكركب و يضحك
شكون حبيب ماماتو
تاذ ....تاذ(وين يقولها تزيد تموت فيه)
نعيمة ..نعيمة
صباح الخير للا مريم
صباح خير هز تاج لبسو و تو يجي نديم يهزكم رجلك على رجلهم فهمت ولا لربعة متع لعشية نكلمك نلقاك في دار لربعة قدقد فهمتي (تتكلم بيديها)
باهي للا تهنى لهنى التام (شدت ايد تاج جت تجبد فيه محبش يقوم)
محبث انا ماما (تلفت لامو عينه معبيا بدموع) محبث ماما نمثي
تمشي تشوف عزيزك و تسمع لكلام غدوة نهزك نحوس بيك(بساتو )
هزو نعيمة و كيما وصيتك ميغيبش عليك لحظة تو نوصي صالح زادة
دخلت لبيت البانو تغسلت و خرجت تنشف في وجها دخلت نعيمة حطتلها القهوة متيعها و قتلها منى البرة تستنى
باهي نعيمة هاني جاية (هزت روبة كحلة كلعادة تلبس كان لسود اما المرة هاذي لزوم الخدمة خترتها اتيرو علخر لمت شعرها الفوق و هبطت قصتها عملت فرا بابيي نوار و كحلت عينيها و عملت مسكرا نزادت زين على زين و عملت روج احمر غامق و كملت برفنت و لبست تالون و هزت بوشات و خرجت
(في الكرهبة) منى لوراق كل حاضرة
اي مدام
اسمع منحبش حتى غلطة لازمك تعمل الي تفهمنا عليه امان بلاش اغلاط
اوك مدام تهنى
دخلو لصالة متع اجتماع كلهم يشفولها بهتين في زين الي فيها كلهم رجال اعمال هي هكاكا و جا نجيب طمنها للي كل شي سافا دخلو للقاعة بعد اربعة سوايع خرجت تتبسم الحمدلله الي حبت عليه وصلتلو
الحمد الله يا عم نجيب الي حبينا عليه صار تو نستنو شكون الي باش يجي بحب يشركنا و وقتها نفرض عليه شروطي (تضحك و عاملة جو)
ربي زهيك يا بنيتي (،يضحك على فكرة عم نجيب هو الي ربى المرحوم و عمرو ما خلاها حسبها كي بنتو واعز )
عم نجيب قلي العيلة الي قتلي عليها (طلع في قصتها)
سيي الراجل جبت هنا مع العساس و الطفلة رجعتها تقرى و دفعت الدين الكل
باهي يعطيك الصحة
باهي انا خليني نمشي نكمل الخدمة (خرج و سكر الباب )
(هزت تلفون طلبت نعيمة )
الو اهلا للا مريم
وينكم نعيمة (تترشف في قهوة)
هانا في جنينة و تاج يلعب مع جده
باهي هيا باي (علقت)
(منى دخلت )مكش باش تفطر مدام
كروح تو ناكل بارة انتي افطر (حلت موزيك دوس شدت تصويرة الي محطوطة على بيرو و سرحت)
التصويرة هاذي نهار عيد ميلادي نهارتها هزني حبي تعشينا في مطعم كلاس علخر بعد خطبة متاعنا ديراكت و ليلتها عدينا احلى ليلة في عمرنا لين جاء نديم و فسد القعدة اففف قداش نكرهو اما عجبني تاج كهنتلو و سخسخو و عرفو قدرو كان ديمة حطني في عينيه و توا شكون باش يخاف عليا من النسمة اااااااه قداش خليت عليا بلاصة (تكلم في تصويرة صونى التلفون )
امي وينك يا غالية اليوم زعما جاية حذاكم
اي اي عديني بكلمتين انا نهار كل نخمم عليك و انت متخسرش حتى تلفون (متغششة)
باهي حضرلي عشاء بنين بركا و تهنى و الله الليلة نجي
تجي و تباتي و الله متوحشتك و بوك و خواتك زادة (تبكي)
علاه لبكى باهي ماما دللي خليني مالا تو في ليل نحكو ايا السلام (علقت)
(دخلت منى مدتلها كارت فزيت )فما شكون يستنى البرة مدام
شكونو هاذا سي براهيم مش معاه
باهي دخلهم (وقفت تستوي في روبتها و تصلح في المكياج )
نرجعو لمعز و نذير قعدين يلعبو في بلياردو
ايا الليلة نمشو للبواتا مالا برجوليا فاد (معز متكي على الحيط)
الليلة لا غدوة المناقصة سي لبهيم (يضرب في بول)
ياخي بش تعدي حياتك كلها خدمة
لا باش نعديها بنات و شراب كيما سيادتك انا عندي مسؤولية عندي زوز صبايا و امي في رقبتي مش كيفك (مشى تكا وحط رجليه على طاولة )
غدوة عيد ميلاد اميرة هاكا و لا
اي هي مكبشة تحب تعديه في كرتاج لاند (يحك في عينيه)
اااه غدوة سبت نمشو حمامات نلعبو و نشيخو و نهار لثنين نروحو (يضرب في رجل نذير )
خليني نمشي نرقد غدوة نهار طويل (قام نذير مشى بيتو)
فاق صباح دوش لبس كوستيم و ريقل الشعرو بجال و برفن هاك صباط يلمع و منقالا اكيد و خرج عرضتو امو
الله مصلي على نبي على ولدي عرريس مشاالله (تحمل فيه و تبوس)
كل يوم تعاود نفس لكلام يامي ههههههه(باس يدها)
منفرحش بولدي ههه برة وليدي يجعلك في كل خطوة ربح و فكل عتبة فلاح (هازة ايديها و تدعي )
امييين ايا خلي نمشي السلام
كان وقف مع عمو وقت الي دخلت مريم قعد يشوفلها و يثبت في كل تفصيل فيها توا فما زين كهكة سحراتو بهزت عينيها و قدها بقى يتفرج و حال فمو ضاع فيها و في تفاصيلها تبسيمتها المصطنعة كتسلم على واحد شفيفها كيتحركو وقت تتكلم برفا الي واصلة حذاه قصتها الي بشويا طلعها وقفتها هزت يدها كل شي فيها كان سبيسيال كل شي مغري و يجذب فيه لها
(خرج يفطر هو و معز )
ااااااو ...هااااااي .الووووووو
شبيك معز تصيح
عندي ساعة نتكلم و انت ضايع شبيك
فما وحدة ..
وحدة استنى استنى(حط فرشيتا و سكين بقى مركز معاه) احكي
شفتها اليوم مش طبيعية ملاك مش عبد (تبسم و عدى ايدو على شعرو ) بلحق تقتل
حكيت معاها ولا قالو تقتل هههه الرسمي يا معلم
لا منجمتش جمدت زيد كان معايا بوك (يتفكر فيها)
عرفتها شكون على الاقل
اي اسمها مريم (نطق اسمها بطريقة حنينة)
صحة الخويا هههههه (كملو فطرو )
مريم قعدت الرجل على الرجل و ستنت الضيف يدخل هو حل الباب و دخل شافها قاعدة شادة دوسي تقرى فيه تصدم هي لا مش هي انا نحلم لا لا هي والله هي
(مدتلو ايدها وتبسمت نفس ابتسامة المصطنعة) عسلامة تفضل ارتاح
عسلامة مدام انا نذير عبد الحق من شركة فنيكس (كبس روحو و حل فاست و قعد مقابلها)
مرحبة بيك نتشرفو (تتامل في لوراق مش عطياتو حتى اهتمام هاذا الظاهر اما هي قاعدة تثبت فيه و تشوفلو من غير متبين)
انا جيتك اليوم باش نقدملك عرض منتصورش اذا باش تنجم ترفضو
تفضل نسمع فيك (حطت لوراق و ركزت معاه)
الواضح انو الشركة متاعكم متنجمش تاخذ المناقصة وحدها لذلك نقترح عليك نكونو مساهمين معاك نتقاسمو الربح ولخسارة بنسبة معينة (مدلها نسخة عن العقد جبدت لينات و بدت تقرى في الوقت هاذا كان يتامل فيها و في عينيها قلش عليه حاب يحفظ تفاصيلها هزت راسها و على فمها ابتسامت استهزاء)
حسب منشوف انتم تحبو تقسم معانا الرباح بنص لكن في حالة لخسارة تتحملو كان الربع (تفاجئ من ذكاءها و سرعت بديهتها زاد اعجابو بيها اكثر) شوف اذا باش نقبل اقتراح الشراكة و هاذا اذا قبلتها بطبيعة نعطوكم ربع الخدمة يعني ثلاث ارباع الخدمة شركتنا هي الي تخذها و تاخذو ربع الرباح و تتقاسمو معانا ربع لخسارة و بطبيعة فما شرط جزائي في صورت انو الخدمة مكملتش في الوقت الي شركتنا حددتو تفضل هاذا الكنترا اقراه في عقلك و كتاخذ قرارك كلم سكريتار و خوذ موعد (وقفت)
خرج وجهو احمر من الغزول و يحرق في دخان و يعاود ضرب الفولون بيدو تعدى لدار دخل لقى عمو يتكيف في سيجار و يشرب في قهوة
ايا يا بطل شنية عملت(يضحك في بالو خذا الي حاشتو بيه)
عمي لخبار متفرحش قعد بجنبو و هو ينفخ من الغزول ميزيش التهنتيلا و زيد تعديها عليه و تحطو قدام امر واقع شنية هالقوة الى عندها ماهيش نرمال
قامت مريم تتمشى تشوف في الخدامة وصلت قدام بيرو نجيب دقت الباب و دخلت
اهلا بمية (يتبسم)
بربي عود ديمة ناديلي بهاالاسم قداش نحبو كان تاج ديمة يقولي مية
الله يرحمو يا بنيتي (عيونو دمعو)
تعيش و ترحم عمي (دموعها سالت)
مازلت منسيتش يا مريم (حط ايدو على كتفها)
عمري ما ننسى و عمري منسامح الي حرموني منو يا عمي استكثرت عليا دنيا فرحة صغيرة اما الحمدالله على كل حال تعرف هو ديما معايا قريب مني ومعيا كنتغشش نتفكرو نظحك و كنتعب نتفكرو نرتاح وكنطيح نتفكرو نتفكرو ناقف و كي نتنفس نتفكرو نحس بدنيا (حطت ايدها على قلبها ) ساكن هنا راو
باهي انا في مقام بوك ولا اسمع كلامي وافق على اقتراح نديم شنية هو مو زواج صوري على الوراق انت تضمن ولدك يتربى في حضنك و هو يضمن حقو في الورثة وهكاكا تربحو زوز (يشوفلها بحنان)
نديم طماع و ظهرلي انت تعرفو اكثر مني هو يحب على ورثتو و ورثت ولدي و عليا زادة مستحيل نوافق وولدي الي طشو بالماء نطشو بدم (تنهدت) خليني نمشي باش نرجع كان نهار الاربعاء نشاالله نحب بدل الجو و كالعادة الشركة كل في رقبتك ايا السلام
سلام بنتي ربي يوفقك بوسلي تاج
دخلت لدار جاها جوجو يجري
ماما..ماما (بسها و كبش فيها قلش عليه خايف من حاجة)
شبيك بابا شبي ولدي (غمزتها نعيمة تلفتت تلقى نديم قاعد)
اهلا بمرت خويا الغالية (قدم باش يسلم عليها بعدت وجها )
نعيمة خوذ تاج البيتو (مدتهولها حملاتو و طلعت بيه)
اش مجيبك مش قتلك معادش نحب نشوف وجهك سيرتو بعد الي عملتو اخر مرة (تقحرلو بطريقة كان تلقا تخنقو)
شبيك متحبش تفهم انا نحبك و حاجتي بيك نحب نستحفظ على مرت خويا ولدو لوقتاش باش تعيش هكة وحدك زيد بابا كان واضح معاك اذا تعرس براجل اخر يفكلك جوجو معنتها انا حلك الوحيد يا روحي (يتكلم بكل برود و ثيقة في النفس)
والله كان مايبقى فرجال كان انت لا ناخذك كان تموت فهمت توا اخرج من داري اخرج (ولت تتهز وتنفض من الغش)
صالح يا صالح
(جاء صالح يجري) نعم مدام
وصل السيد للباب (واقفة و تهز فيه وتحط)
كان مندمكش على كل كلمة حكيتها متسمنيش نديم (دز صالح و خرج)
طلعت البيتها نحت دبشها و دخلت للبانو تبكي
ااااااه لشكون خليتني يا تاج دين (تبكي تضرب في روحها)
لبست سروال دجين و بودي و سبادري و هبطت لقات نعيمة تستنى اللوطة بجنب الكرهبة معها تاج يغني عامل جو فرحان باش يمشي مماتو تيفة (لطيفة) كيما هو يقول وصت نعيمة باش غدوة تحضر روحها بكري و وصت صالح باش يستنى قدام دار بوها على خاطر باش يمشو نهارات للحمامات يبدلو جو كيما وعدت تاج ولى يرقص من الفرحة
كتلاج ناند...كتلاج ناند (يصيح وصفق)
وصلت لدار لقت الطاولة حاضرة و كلهم يستناو فيها سلمت عليهم و سالت على حوالهم تلمو على طاولة يتعاشو و يتحدثو
ميمى تيفة حتلي ككسي (يضحك)
هههه نحطلك يا روح ميمى قداش توحشتو كبر ولى راجل ولدي (تبوس فيه)
داه في كرشو هذاكا هههه(مريم تضحك)
خلي ياكل ولدي صحة ليه(ناجي بو مريم يمسح على شعرو)
دلال كل التاج وانا لا (تتبهنس)
هذا كلام يا بنتي راك نوارت الدار (بوها قرصها من خدها)
ميمى بث نمثو كتلاج ناند في ثباح(فمو معبي بكسكسي)
اش يقول يا بنيتي
هههه قلك غدوة مشين كرتاج لاند ههههههه(بساتو) تموانطق بصحيح على القليلة ههه
منعرفث ماما هههه
ولو كل يضحكو عليه
نذير لبس سيرفات و مشى صالة سبور دخل معز يلقاه يضرب في البوكس بغل
فكرني باش معادش نغششك يا معلم شبيك شكون الي عامل فيك هاذا كل (متكي قدامو على كرديو)
مريم (رجع يضرب)
مكش نرمال وقتاش عرفتها حتى باش تغششك لدرجة طايح على راسك(يدكك عليه)
ميزيش دخلتني في حيط و قلبت عليا طاولة و طردتني بضخامة زيد مهزتش فيا عينها طفتني قلش عليا مش موجود شبيني انا حتى متشوفليش (عينيه نار)
ميسالش خويا يصير على الرجال اما هي قوية يا سيدي اعطتهالك لا تقرى لا تكتب هههههه (يتصكك بضحك)
بش تبدى انت ب****بلادتك اقعد فيها (خلاه و مشى)
دخل البيتو ميت بتعب دخل دوش و جبد سيقارو وتكى فوق الفرش سرح فيها و تفكر اليوم كفاش سلم على ايديها قلش عليها ايد بيبي صغير نسى سيقارو فيدو تحرق رماه في صندرية هو هكاكة دخلو سارة و اميرة اخواتو
عسلامة يا حمامة( اميرة حملاتو )
اهلا بيكم شبيه صبعك (سارة شدتلو ايدو )
تكويت بسقارو
شكون تخمم ااااه (اميرة تدكك عليه)
انت سكر فمك و برا ارقد غدوة باش نسافرو بكري )
ديمة توزعو فيا متحبنيش نسمع اسرركم حتى انا معادش نحكيلكم حتى شي (خرجت متغششة)
تي اش باش تحكيلنا هالفرخة تعمرها عشرة سنين (نذير يافف)
سيب علينا منها قلي عيش خويا شبيك(تحطلو في ثلج على البلاصة محروقة)
اش باش نحكيلك فما وحدة قلبتلي مخي معرفتش كيفاش و وقتاش اما من نهارت الي شفتها نهتري بها نحلم بيها و انا فايق و انا راقد (تكا على الفرش )
لدرجة هاذي يا وخي اش فيها سبيسيال (تشوفلو وحايرة فيه)
كل شي فيها سبيسيال تغزر العينيها تشوف حزن كبييير و تشوف زادة حنان كبير متفهمش القوة الي عندها منين لغز صعيب معندوش حل (ينفخ في دخان متع سقارو)
شهيتني نشوفها (تتبسم)
ايا ارقد و سيب ها سيقارو غدوة باش نفيقو بكري (فكتلو سيقارو طفاتو)
وصلت مريم للوتيل مشت لاستقبال اكدت حجز للبيوت الي خذتهم . طلعو للبيوت باش يرتاحو اعطت مفتاح لصالح و مرتو نعيمة و هي و جوجو دخلو لبيتهم دوشت هي و تاج مع بعضهم هو من كثر ما لعب في طريق ديراكت رقد هي حلت تبلات متاعها عملت طلة على فيس و بعد رقدت
نذير هبط هو سارة يبحرو و اميرة قاعدت تاخذ في جلاص و تتشمس اما سي وخينا معز تعدى ديراكت لجروب متاع بنات روس يضيحك و يدحنس عليهم . كان جو هبال و شط يملى و يفرغ تعبو لبنات طلعو يقيلو زاد لحقهم نذير وخلو معز من وحدة لوحدة
لبست مريم بيكيني اصفر جذاب على لخر و كاش ميو فلوري لينات و شلاكة صبع لبست تاج شورط و خلعة و صندال و هبطو لقاو صالح و نعيمة يستناو هبطو يبحرو
تمدت هي تتشمس و جماعة هزو تاج و هبطو للماء
تلفت معز يشوف في كعبة من نوع الي هو يموت عليه مشى جاب زوز كيسان سيتروناد و جا قعد بجنب مريم
عسلامة مدموازال (يتبسم)
عسلامة تفضل(نحت لينات قعدت تهز فيه و تحط)
شفتك وحدك حبيت نونسك (مدلها كاس سيتروناد)
(طفاتو عاودت لبست لينات) شكون قالك اني وحدي و كنبدة نلوج على شكون يونسني تو نلوج وحدي مرسي
جيست حبيت نتعرف(حط الكاس بجنبها حس روحو تحقر)
معينيش مرسي (لفتت وجهها هزت كونتر سولاي و بدت تدهن في ايدها)
كان تحب نعاونك ميسالش (هز ها من يدها)
(غزلت هزت كاس جي و قلباتو عليه ) اوووبس سمحني مقصدتش
(معز من كثر متغشش وجهو حمار تعدى ديراكت للبحر و مازاد حتى كلمة)
في ليل لولاد هبطو لبواتا ولبنات قعدو بجنب بسين اميرة قلش عليها بالعة رديو مسكتتش لحظة
تاج تعشى ورقد هزاتو مريم عند نعيمة و هي لبست روب كحلة طويلة و هبطت قعدت على جنب بيسين تشرب في كوكتال تسمع في سارة تتافف من اختها و تعارك فيها سخفتها كانت تقريب في عمرها هزت جي متاعها ومشت حذاها
عسلامة نجم نقعد بحذاكم لبنات (تبسمت)
اييي اكيد تفضل (سارة تحسها تفرهدت)
انا مريم (مدتلهم ايدها)
انا سارة و هاذي اختي سارة (سلمو عليها)
هي هكاكا و نعيمة جابت تاج و جت
للا مريم فاق و مباش يسكت يحب عليك (شافها مشى يجري)
باهي خليه و برا اطلع ارتاح هاو معايا(حطاتو في حجرها)
سلم على طاطا جوجو
عثلامة( يحك في عينو )
محلاك جوجو ايجا بوسني (مشالها يجري)
ااااه ولدي كان فيها بوس ميقولش لا هههههه
شنوا اسمك انت يا صغرون (تلعب فيه)
تاذالدين نكلى في لوظة متع انيثة ثمية و كبيل لاني لازل منيث ثغلون انا (يشوف لمو ) قلها ماما
لاولدي كبير راجل يا سارة (تغمز فيها )
(شداتو اميرة) ايجا نلعبو جوجو
(تلفت لمو)برا ولدي ميسالش
تعدى يتكعبر مع اميرة
ربي فضلهولك اكيد انت و المسيو فرحانين بيه برشا ههههه
(تنهدت ) بوه متوفي وقت الي جا لدنيا بوه الله يرحمو
سامحني امان (حشمت)
لا عادي قلي انت جيت انت صاحبك و فصع عليك ولا شنية هههه(تبدل في موضوع) انت شكون جيت
جيت انا و خويا و ولد عمنا اما ماك تعرف لولاد مشو بواتا خلاونا ههههه
اممم انا غدوة ماشية كرتاج لاند تحب تمشي معانا (تلعب بشعرها)
بلحق غدوة عيد ميلاد اميرة احنا زادة ماشين اكيد توا نتقابلو مالا
امممم اكيد اووو معادش وقت ايا روحو بابا يلا (قامت)
محلاك و محلا قعدتك يا سارة والله رتحتلك هاو نمرويا امان بالله تفكرني كترجعو لتونس
وووه والله انا زادة رتحتلك و اكيد توا نتلاقاو و نعملو قهوة (تقيد في نمرو)
تصبحو على خير
تثبحو خير (تاج ماشي يتكعبر و شاد في ايد ماماتو)
مسكينة راجلها ميت زح(تكت اميرة على حجر اختها)
وانت كنت تلعب ولا حاطة وذنيك لهنا(ضربتها على راسها بشوي)
اما هي قطعة يابو قلب تفتق (تحك في راسها)
(وقف معز بجنبهم) شكون القطعة توا هكا فما حاجة حلوة متودش بيها ولد عمك
(قحرتلو سارة) خايفة عليك من سكر سامحها ههههه
(ضربو نذير)ياخي متشبعش انت كمنشار الهم ايا لبنات الى النوم ههههه
تاج ملي وصل هو و نعيمة و صالح من لعبة لعبة شايخ عامل جو وهي تصور فيه بالكاميرا بشويا يلوح لمو بوسة و هي عاملة عليه جو
تعبت قالت نعيمة رد بالك عليه نمشي نعمل قهوة تكات على الكرسي و سرحت بافكارها
زعما كان جيت معانا كيفاش كانت حياتنا باش تكون اااااااه تفكرت ليلة عرسهم تفكرت كفاش هربو من السهريا و عداو ليلة كاملة في المناج هو بالكوستيم وهي بروبة كيفاش ناس عاملين عليهم جو و هو يطبس و يحي فيهم كفاش شرالها برشا امبايل وهي قداش كانت فارحة بيهم تفكرت كروحو في لوتيل و حنيتو معاها كفاش سيسها لين هناها كانت تتفكر كل لحظة بكل تفاصيلها تفكرت نهارت الي عرفت روحها حبلى قداش فرح و قداش دللها هي هكاكة و تسمع في نعيمة
هاااا مدااام وخيتي ...مدااام وخيتي (تبكي)
شبيك نعيمة وينو تاج تشبيك تبكي انطق وينو ولدي (كلمت ترعبت شويا على المنظر الي كان فيها)
صالح مشى يشرينا في قطانيا و انا تلفت نشوف في تلفون والله لحظة يا مداام ملقيتوش(تحكي و تشهق)
امشي قدامي امشي (دز فيها و دموعها هابطة على خدها)
مشو يلوجو و هي ولت كمهبولة تنادي و تصيح و تسال في لعباد لين ايست طاحت على ركيبها في القاعة و قعدت تبكي
نذير كان عامل جو على لبنات و يصور فيهم شم ريحت لقطانيا شتهاها مشى شرى ليه و لجماعة هو راجع و يشوف في وليد صغير يبكي مشالو يجري
شبيك بابا لاباس (حملو)
ماما ماثماث(يبكي بالغصة )
باهي ايجا تو لوجو عليها شسمك انت
تاذ الدين(دموعو هابطة)
و ماما اش اسمها (يمسحلو في دموعو )
مليم ماما و ذادة نيمة و ثالح (يسخف)
باهي يزي من البكى ايجا معايا (شدو من ايدو و مشو يلوجو)
هوما يدورو و يسمعو في مرا تصيح و تنادي
تاج يا تاج ....تاج بالله لاتكويني يا وليدي وينك ...تاج
ماما ...ماما (تاج صاح)
حملو نذير و زرب في خطوتو وصل لقاها منهارة تبكي و ناس يواسو فيها
ماما ...ماما ..تبكيث هاني ذيت ..ثوفي ذبني عمي راذل ثوفي
هزت راسها شفاتو واقف قدامها حملاتو و رجعت تبكي
نذير كشافها هي مريم تصدم و مخو حبس قعد باهت يشوفلها محلاها و محلى ضحكتها المرة هاذي من قلبها مش مصطنعة يا ربي فما انسانة كيما هكة فاق من سباتو اووووه كان هاذا ولدها اكيد معرسا لا امبوسبل يا ربي ...مستحيل نصدق علاه يا ربي ....بلكش مطلقة ايي تنجم زادة تكون معرسا اففففف باش نهبل .....ياربي زعما
فيقو صوت صالح
بركة الله فيك خويا يكثر من امثالك
اااااه من غير مزيا ماعندي معملت(تلفت دار تريق الي جابو رجعو و هو يمشي و يدعثر قريب يجي على وجهو وصل حذاهم و هو مفجوع داخل بعضو هز معز من ايده لقطانيا )
شبيك صاحبي شبيه وجهك هكا (يتبسم نذير قحرلو و مجوبوش قحرلو من سكات معز فهم روحو فسدها خلاهم و مشى مع طفلة من بكري تبزنس فيه)
سارة وقفت بجنب خوها و شدتلو ايدو بحنية) شبي خويا الغالي شبيك داخل بعضك هاك كنت تضحك و شايخ
شفتها يا سارة كانت هنا طلعت معرسة و الله قلبي تحرق يا سارة ،(يتكلم و شفايفو ترعش و عينيه مدمعة)
شكون الي شفتها متقوليش الي حكيتلي عليها (حيرة)و كفاش مغرسة انت منين عرفت شفتها مع رجلها ؟؟؟
لا مشيت نشري في قطانيا نلقى وليد ضايع لوجنا على امو ضهرت هي فديييت و دنيا صغارت في عيني اففففف مفبليش تعلقت بيها لدرجة هو يحكي و سارة مركزة معاه تحس في ايد شدت صبعها تلفتت
سالة ...سالة ...ماما سوفي سالة (يضحك و ينقز)
اهلا بجوجو وينك لاباس (طبست هزاتو تبوس فيه)
باث (يلعب بشعرها)
(خلطت عليه مريم)عسلامة سارة لاباس
عسلامة عزيزتي (تشوفلها) شبيه وجهك اصفر لاباس
اش باش نحكيلك اليوم تفجعت باش نموت في بالي ضيعتو غير ولد حلال جابو (تتبسم)
ستار الله يا بنتي ايا ايجا (تلفتت لنذير لقاتو مصدوم جامد كحجرة مريم زادة تلفتت تلقاه واقف،)
اش يعمل هذا هنا (قعدت مركزة معاه لحظة قلش عليها تتفكر فيه محبتش تبين انها تعرفو ديركت)
مش حضرتك سي....سي عبد الحق هكة ولا (مدتلو يدها)
عسلامة مدام غالي لاباس (في عينو كسرة و حزن كبير )
(هو ما هكاكة و تاج ولا يصيح ) امي ماما ...اهو امي (عمي)
عسلامة يا بطل لاباس توه (مسح على راسو)
تلفتو لبعضهم كل فهمو لحكاية ولاو يضحكو
مالا انت صاحبت اختي جديدة هههههه (تفرهد خاطر فهم انو مريم ارملة)
واتت الي لقيتلي ولدي هههه(فرحانة خاطر عاودت شفاتو متفاجئ زادة من هشعور)
وانت الي حكالي عليها نذير خويا (قرصها نذير)
(شفتلها مستغربة)حكالك عليا ؟؟
تقصد ...تقصد وقت الي ضاع تاج ولدك ههه
اه اوك
دخلو لمطعم باش يفطرو سارة قعدت بجنب نذير و تاج اميرة بجنب بعضهم و مريم مقبلتهم تقص في سكالوب لجوجو دخل معز تلفت لقى مريم قاعدة تبسم تبسيمت خبث
شنيا متستناوش هذا كل جوع (شاف مريم ) معرفتونيش (مد لها ايدو ) معز عبد الحق نتشرفو(قعد حذاها عينيه باش تكلها)
(قحرتلو مدتلو يدها)مدام غالي .مريم غالي (تلفتت لاميرة)
امان ايجا بدلو لبلايص خليني نوكل تاج
قوم اميرة فيسع(نذير يغزل)
قعدت مقبلاتو توكل في ولدها و تلعب معاه و هو يتفرج عليهم مستحيل لمرا الي قدامي هي نفسها الي في بيرو قداش تبدلت على قد ماكانت باردة و مشاعرها بليدة على قد منحس في حب دنيا كل توا في عينيها ملا لغز لغز كبير شكونك يا مريم و اش عملتي فيا خلاني مجنون بيك .
في ليل نعيمة هزت تاج و اميرة و هوما مشو لبواتا يبدلو جو لبست سروال دجين و بودي ابيض عليه فاست دجين حلت شعرها فريزي و صندال تالون سارة لبست روبة فلوري و لولاد دجين مراول نص دخلو قعدو لبنات يحكو و يضحكو و معز و نذير مركزين مع مريم عيونهم باش تكلها
جات غنيا تحفونة قام نذير مع سارة يرقصو و قلبو خلاه مع مريم فوق طاولة خاصة و معز قاعد بحذاها و كان فما واحد يعرف خبثو راو هوا
ايا نقوم نرقصو (معز لمريم)
لا منحبش مرسي (تتفرج في نذير و سارة)
اش فيها عادي مش بش ناكلك راو هههه (ضحكة صفرا)
متنجمش بابا اللقمة اكبر من فمك هههه(اعطتهالو لا تقرى لا تكتب)
امالة علاش خايفة (قعد يقنقن)
اوك قوم (عرفاتو مش باش يسيبها)
مشت ديراكت وين نذير و سارة بداو يرقصو ضربة ضربتين و معز يلوح ايدو و هي تغزل و فادة شلق بيه نذير جبد سارة قلها برا ارقص مع معز وجبد مريم بحذاه قربتلو باش تحكي معاه
مرسي نذير عيشك (تحكي في وذنو)
(دخل بعضو و ريقو شاح محلى ريحتها ااااه كان نلقى نخبيك بين ضلوعي ) متخوش على معز اكيد زودلها في الشرب
مش مشكل حتى المرة الي فاتت في شط عمل هكة امان فهمو قلو يبعدني مهما كان باش نولو شركاء في الخدمة و منحبش نضرو هههه(تتكلم بكل ثيقة في النفس)
(تصدم من قوة شخصيتها ) تهنى حسابو عندي و انت كفاش عرفت بلي باش نوافقو ؟
اسرار المهنة ههههههه انا تعبت ايجا نقعدو
غمز نذير سارة و رجعو لطاولة
كملت ايامات اللعب رجع نذير الخدمتو درس كونترا متع شراكة مليح و مشى العمو
شنية عمي طولت لحكايا اش باش نعملو انا شفت عقد الي عملينو (نذير في اصل محامي ) عقد مسكر مفيشي حتى مسرب قانوني ظاهر فيها محظرة روحها بقدا
اي نعرف ولدي ....خممت برشا و قررت نوافق معنديش حل اخر (ينفخ في سيقارو)
اوك مالة ناخذ موعد و نكمل اجراءات و نعملو على ربي (قام مزروب فرحان باش يشوفها الحمد الله يا ربي عندو جمعة ملي فارقها حسها دهر ولى يمشي يتبسم وحدو كمهبول كلم منى اعطاتو موعد مع لربعة )
مريم كعادة غاطسة في الخدمة الوذنيها و مرة هاذي جوجو حذاها في بيرو كبش صباح بش تهزو ولا يبكي سخفت عليه حطتلو كوميك في بيرو الداخل و خلاتو هو بطبيعتو مشاءالله هادي
شبيك منى
شركة انفنيكس كلمونا و اعطيتهم موعد لربعة
باهي اوك هايل برشا
قعدت تخدم بشويا تشوف للمنقالة و هي متحمسة و فرحانة مش فهما علاش و لا خلي نقولو فاهما اما تتبهلل على روحها جات ثلاثة و نص نقزت لتوالات صلحت مكياجها و ركحت شعرها زادت طلعت جيب الفوق و ستوت شميز و برفنت قعدت على بيرو كل درج تجبد لمرايا تشوف روحها
تفضل سي نذير مدام مريم تستنى فيك (حلتلو الباب دخل و قفت مريم تسلم عليه مدلها ايدو و يحاول ميركزش مع سقيها لكن عينيه فضحاتو )
عسلامة مدام لاباس (يبسملها)
لاباس شنية حوالك انت(تخبي في فرحتها بسيف)
قعدت هي تحكي و هو يسمع يتامل في فمها و عينيها في يدها كفاش تتمد لفنجال القهوة كل حركة تعملها يحسها سبيسيال حتى لو كانت ناس كل تعملها تجي من عندها هي حاجة اخرى كملت شرحتلو الخدمة كيفاش تكون و سالاتو عن معمل متاعهم و اذا كان حاظر كيما لازم ولى يشرحلها و هي مركزة في بدنو في هزت ايدو في شدت صابعو للسيقارو لحواجبو و عينيه مزينو والله حليلتو اي طفلى تتمناه اممم الا انت يا مريم الا انت
كملو تفاهمو على التفاصيل الكل و غدوة يصحح كونترا و يبدو الخدمة استفقدت مريم تاج اعتذرت من نذير و دخلت تفقد فيه تلقاه متكي و راقد هزت تستوي فيه لقاتو يشعل بسخانة
اجريلي يا نذير خرجت هزاتو و تجري
شبيه تاج
سخانة ..عندو سخانة
باهي امشي اسبيطار عندي حبيبي طبيب باهي(جبد تلفون كلمو،)
وصلو كلينيك مضخم دخلو ديراكت تاج و طبيب طمنهم و دخل
قاعدو برة هي كانت منهارة و مفهمتش كيفاش تكات على كتف نذير و قعدت تبكي مبينتنا هو ستحلى لحكاية و حط ايدو على كتفها حكاية ساعة خرج طبيب
دكتور سافا امان قلي (تحكي و شادة في ايد نذير)
متخافش مدام انفكسيو من حاجة كلاها (يتبسم) خلوه سويعتين يرتاح بعد روحو بيه لاباس يا مداام (تلفت نذير)ايجا معايا حجتي بيك
دخلت لولدها تبوس فيه و تعنق نذير لحق صاحبو
اااا رضوان لاباس (حاير)
لاباس
اش مطيحك بمريم غالي منين تعرفها و شبيها محملاتك من بكري بيناتكم حاجة (يثبت في عينيه)
علاش و برا كان فما
هبلت انت حموها انسان ميعرفش ربي ملي مات و لدو هبل الي قربلها تصيرلو حاجة (يتكلم و اعصابو مكبوسة)
شنية ها لكلام الي تحكي فيه لمرا مبيني و بينها شي جيست خدمة وكانك على منبكري خاطر كانت خايفة اكا هاو (تكبس و عينيه ضياقت و اذا عيني فيها لا حموها لا الف منو يعملولي فيها حاجة)
اسمع انا شفتك كيفاش تغزرلها من بكري متنجمش تعديها عليا و هي في روحها مستحيل تنسى رجلها قصة حبهم ناس كل تعرفها بعد موتو قعدت عندي هنا في كلينيك اربعة اشهرة لا تنجم تتحرك لا تنجم تاكل لا تشرب مريم انسانة اعطت الحب الي عندها كلو في مرة خايف عليك صاحبي (حط ايدو عالى كتفو)
متخافش (طفى سيقارو و خرج قعد في جنينة كان لازم يصفي مخو و ينظم افكارو قعد يخمم في كلام صاحبو شعل سيقارو و غمض عينيه
لازمك تسيطر على روحك نذير فيق ..فيق وين ماشي وين باش توصل( مشى الكرهبتو ديمارة و شد طريق على اساس مروح نص ثنية شد فرا و دار رجع لكلينيك نعرف كلامو صحيح اما انا منجمش نبعد باش نكمل طريق لخر و خلي الي يصير يصير انا نحبها اي نحبها و منهار الي شفتها مرضت بيها مستحيل نخليها لغيري و على خاطرها نحارب ابليس ذات نفسو وقف قدام البيت ستوا دبشو ها اعصابو و دخل لقاها شد ايد تاج و تتفرج فيه شفاتو تبسمت)
في بالي روحت (طلعت قصتها)
(ذاب في تبسيمتها المرة هاذي تبسمت من قلبها يا ربي شنية الي فيك قاعد يجبد فيا علاش لدرجة وليت ضعيف قدامك )
لا مشيت جبتلك جي باين فيك تاعبة (مدلها الكاس)
مرسي يعيشك تعبتك معايا اليوم (هزت الكاس تتبسملو)
(اول مرة يحس روحو قريب ليها حب يحملها و يقلها متخافش يا عمري منخليكش انا نحميك من الدنيا كل حب يبوسها من شفتها و يحط خشمو في رقبتها و يبقى يشم في ريحتها لبنينة كان في داخلو بركان يغلي
وصلو قدام الدار تاج كان ذابل و تاعب هي زادة كانت تاعبة برشا وقفت الكرهبة
تفضل تعشى معانا (هازة تاج في حضنها)
لا خلي مرة اخرى (من داخل يحب يدخل يستكشف عالمها)
شنية معدتش غريب تفضل (سكر البابو لحقها)
لقاها دار على قد ماهي بسيطة على قد ماهي كلاس قعد في صالة جت نعيمة هزت تاج لبيتو و هي طلعت معاها و قالت نذير لحظة و راجعة
بقى يتفرج على تصاور كل تركينة و كل حيط معلقى فيه تصويرة المرحوم رجلها هو غرق في افكارو صفوان مش يكذب حبهاليه كبير و مستحيل تنساه لكن هو باش يعمل المستحيل بش يخليها تحبو في لحظة نغر منو ااااه يا نذير اخر عمرك وليت تغار من واحد ميت هبطت لابسة جبة و لما شعرها ضفرة على جنب
ايا سيدي اش تحب تتعشى ليلة هههههه(تلفت محلاها بجبة فصلتلها بدنها حتى في هاذي بنتلو اتيرو برشا )
هههه الموجود (يتبسم)
اهااااه عندك طباخة من لبريمة و مش ناس كل عندها فرصة ذوق تصنيفها تساعات نعيمة تكبش فيا باش نطيب (تظحك)
باهي الي يجي من عندك مبروك (تكا على باب كوجينة)
امالا خلي نعملو سبقيتي انا نموت عليها ههههه
اوك حتى انا (هو في حقيقة كان يكره حاجة اسمها سبقيتي)
بقت هي طيب و شايخة و هو عامل جو على شيختها تلفتتلو
ايا قص السلاطة عاد (مدتلو سكين)
تدلل يا للا (هز سلاطة يغسل فيها هي هكاكة و تنطر على صبعها شوية صوص حرقتها
اااااححح افففف كمنحرقش روحي منتسماش(مزالت مكملتش الجملة شد صبعها بيدو و بدى ينفخ عليه بشوية و هي تتفرج فيه و ساكتا دخلت نعيمة كالعادة لا احم و لا دستور جبدت ايدها من عندو طبست وجها ولى احمر حتى هكة محلاها اول مرة يشوفها حاشمة
ايا مدام طبش لعشى جعت و سيدي صالح زادة (شدة كرشها)
برة حط لازنيا و طجين متع نص نهار في ميكرواند (داخلة بعضها
حضرت الطاولة جاو صالح و نعيمة ستغرب نديم برشا من علاقتها بيهم مريم الي شوفها من برة يحسها مغرورة و باردة لكن هي كلها تواضع و حنان كان ياكل و يتبنن ايييي ياكل و يحس في مقرونة شهد في فمو ههههههه
كان يحب يراقب فمها وقت تبدى تمضغ يحسها تتفنن هههههه شلقت بيه مركز معاها ضحكت ضحكة مفهمهاش ضحكة هادية كيفها تحس دور بنت دار يخرج عليها برشا تقول شنية الي ميخرجش عليها.
روح لدار شايخ عامل جو يغني دخل لدار يلقى معز قاعد في ظلام و يتكيف في سيقارو
شنية هجو الرعب الي عايش فيه لاباس بركة(يدكك عليه)
سيبني توا مني و قلي منين جاي شايخ و تغني(يتسومم)
انا جاي من الجنة ههههه (خلاه و طلع لبيتو )
معز عارف الي كان في بيت مريم كان معاها (من صباح يتبع في مريم بالكرهبة مش عارف علاش اما لقى روحو يتبع فيها شافها و قت الي روحت مع نذير و بقى يستنى قدام دار و بعد روح )انا مستحيل حد يخذ مني حاجة بسيف عليا نذير انت خويا و اكثر اما مريم ليا مش ليك (قعد يخمم يسكر و حل في سهارا بجنبو و يخمم )
نذير وقف قدام مرايا شاف بقعة متع دموع و كحل متع مريم وقت تكات عليه نحى مريول و شدو يشم فيه و بتبنن في الريحة متع مريم لين هزو نوم بات يحلم بيها بين ايديه
هبط نذير يفطر لقى معز لابس كوستيم و قاعد يفطر
هههه مضمرك (لفت عليه وجهو)
هاو قال يحب يخدم معاك في صفقة متع شركة تاج قول ربي يهديه و متضهرش نفحة وبرا (بوه يشرب في قهوة)
فاقت مريم صباح مشت لتاج لقاتو راقد و معندوش سخانة ولت لبست و مشت تخدم ووصت نعيمة تكلمها كان صارت حاجة ديراكت و تقيس سخانة كل ساعة لتاج
دخلت للبيرو كلمتها سارة
شنية ملي دفنوه ما زروه (تضحك)
لا و الله ديمة في بالي اما كانت عندي خدمة(تحل في بيسي متاعها)
اش رايك نخرجو نعملو شوبيق و نعملو دورة على بوتيكات لعشية
مشات معاك تعدالي مع الخمسة متع لعشية للخدمة
اوك باهي ملا منزيدش نعطلك انا ايا باي
هي هكاكا و جت منى
مداام سي نذير لبرا
وحدو !!!
لا معاه شكون
اممم نادي عم نجيب باهي و جيبلنا قهاوي
اوك مدام
تحل الباب طلعت راسها تتبسم في بالها نذير
عسلامة نذ... (طلعت راسها لقاتو معز) اش تعمل انت هنا اش مجيبك
شنية وجه الي يضحك ليه و الكاش ليا (قعد و حط رجل على رجل)متخافش هو جاي ورايا ههههه
اش حاجتك انت و ين حاب توصل (ركزت بيدها على طاولة)
ملخر نحب عليك باهي (قربلها على لخر)
(بعدت عليه) تحلم والله كتبوس عينك هههه
(دخل نذير عينيه طايشة و داخل بعضو )السلام لاباس
(تبسمتلو و مشت سلمت عليه) لاباس انت سافا
تاج لاباس توا (قعد مقابلها)
لاباس بخير طاحت سخانة (تضحكلو و معز يقحرلهم زوز)
دخل نجيب سلم عليهم قعد بجنبها و بدو اجتماع
هبطت هي وسارة من بوتيك لبوتيك و صالح مسكين يحمل و راهم دخلت تشوف في روبة خرجت تلقى نذير واقف
نذييير اش تعمل هنا
حكم القوي على ضعيف يا للا (يشاور على سارة)
ههه انا نديتو الله غالب تعودت نلبس على ذوقو هههه(شداتو من ايدو)
استعنا على الشقاء بالله (تعدى مع اختو لكن تركيزو مع مريم)
دخلت شافت روبى تركواز هزتها و قفت قدام لمرايا
جاها نذير يوشوشلها
لون هاذا يطلع عليك يفتق (خلاها و مشى)
(تبسمت) مدموازال حضرلي نوار باش نهزو
عدت ايدها على جيب ميني عجبها تلفت لسارة هاذا قصير متلبسوش فهماتو تبسمت مرة اخرى خلاتو و مشت كملو شراو الدبش و روحو
من غدوة صباح جاها كولي لدار فيه روبة تركواز الي شفتها و مشرتهاش و ورقة مكتوب عليها البسها على خاطري تبسمت و تفكرت نذير طلعت باست تاج و فيقاتو
بونذور (حك في عينيه)
بنجور روح ماما فيق عيش ولدي يوم تمشي حذا بابا عزيزك باهي
بهي (متع واحد مش حاب)
دخلت بيتها لبست روبة و عملت شويا مكياج اليوم باش تمشي لفنيكس خاطر باش يتفقدو معمل قبل الخدمة
دخلت تتمشى العينين كل عليها استقبلها نذير في الباب يتبسم
هيا باهي كخذيت بخاطري (يضحك)
(تربثت عدت ايدها ورا وذنيها و تبسمت )مرسي
دخل معز شافها لابسة روبة تبسم و قعد يثبت فيها و هي تقحرلو
جات سكريتار نادت على نذير خرج قعد في بيرو كان معز و مريم و كان جو مكهرب قربلها عدى ايدو على كتفها)
وتاتك روبة صحة (ضحك ضحكة صفرا)
(نترت ايدو تصدم و استغرب خرجت عصب هز فيها و يحط عرضها نذير)ايا نمشو امان
وي تفضل( ركبو في كرهبة)
نذير مرسي على الروبة (تتبسملو )
روبة اما روبة ؟؟؟(مستغرب)
هاذي الي لبستها (توريلو فيها) مش انت بعثتها
صحيح حبيت نشوفها عليك اما احترمت اختيارك كشريتي الكحلة (باهت و مش فاهم)
وقتها استوعبت معناها مهز الطحان هو لبعثها امممم سي يراقب فيا ههها اوك تو نوريه(تتكلم في قلبها)
كملت شافت المعمل روحت نحت الروبة و جبدت مقص و قطعتها طروف و رجعتها في نفس الباكو لمعز
حل معز باكو هبل كتبتلو ورقة البسها انت تواتيك خير
بالله على اخر عمري تجي هجالة تسمعني لكلام و الله يا مريم منشيخ فيك و نعمل فيك الي نحب و خلي وين ترصي ترصي معادش يهمني ميسالش لمليح يبطى هههههه(برد غزول كل في ضحكة طويلة مستفزة)
مريم عبات البانو بماء و تكات تحاسب و تعاتب في روحها
شنية الي تعملي فيه مية هبلتي ويني قوتك نسيتي مسؤوليتك و نسيتي وعدك و ولدك (تفكرت لي تاج مزال في دار جدو لبست فيسع و خرجت تجري وصلت قدام البوابة وحبست لبلاصة هاذي تفكرها بليلة المشومة الي حولتلها جنتها الصغيرة لجهنم
كانت حبلة في شهرها الخامس كانت تتشمس و تستنى في تاج يروح يبوسها و يلعبلها على كرشها كعادة صونى تلفونها
الو حبي سمحني بطيت عليك (يتكلم بحنيا كبيرة)
شنية سي شباب نسيتني انا و ولدك (متغشة)
باهي البس باش نجي نهزك لبلاصة باهية (يرضي فيها)
تاعبة و الله معينيش (تدلل) ايجا جبلي بيتزا معاك
باهي يا مية شتحبي اخر (يضحك)
نحبك انت ههههههه
بعد حكاية ساعة و نص دخلت دوش سمعت صياح و ندبان قلبها رجف ولات ترعش حيت فما حاجة صارت لتاج مزالت موصلتش لنص دروج تسمع في بوه يبكي و يقول كل الا تاج هبطت تكركر في سقيها تجر فيهم جران عينيها محلولة و مش مصدقة الي تسمع فيه
شبييه ...شششبيه تتتتاج .تاجج..شبيه امااان (حد مجوبها)
شدت البون تضرب فيها )قتلك شبيه
(طبست البون راسها تبكي ) في سبيطار عمل اكسيدو
مفهمتش كيفاش وصلت للبوابة و شديت تاكسي و مشت دخلت ماهي تشوف في شي هو وصلت لبيتو و طبيب غطالو وجهو مستوعبتش الي صار حملاتو ولت تضرب فيه و تصيح و بعد طاحت ما في عينها بلة قعدت اربعة شهور عيشة على مهدئات و بنج و سيروم تنجم تسميها اي حاجة الا انسانة و لات جثة عايشة كانو تاج خذا روحها معاه بعد ما جا جوجو رجعت لدنيا على خاطرو هو حموها خيرها با تاخذ ولدو نديم الهامل ولا تعبش طول عمرها هاكة و كامن تخمم تعاود حياتها يهزلها تاج و يحرمها منو للابد
عدت ايدها على كرومتها متوترا مسحت دموعها و دخلت
عندها عشرة ايام داخلة بعضها ماهي لاهية بشي لا خدمتها و لا حتى تاج بعثاتو لدارهم و اعطت نعيمة كونجي و قعدت وحدها في دار هايمة ترقد تاعبة تقوم اتعب تحويقى الي تحت عينيها كل يوم تزيد دور في دار بيجما متع رجلها تشم ريحتو و تطرشق ببكى تاكل بلحيلة رجعت لنقطة سفر حست روحها رجعت اربعة سنين نفس ليلة هذيكا لتالي حاسة بنفس لوجيعة و نفس الخنقة كانت مهزومة و مكسورة منهارة علخر دق الباب مرة و ثنين و ثلاثة (نذير واقف هاز بوك نوار كان متحير عليها كل يوم يوقف قدام دارها لفجاري و اليو م بركا تجرئ و طبطب الباب)
(حشمت باش تسحتو )عسلامة
دخل يتامل في حالتها كانت تاعبة برشا حس قلبو عصر عليه حس روحو مخنوق و تاعب اكثر منها)
شبيك مريم لاباس وينم تاج و نعيمة و صالح هاك وحدك
(تتكلم مخنوقة )تاج عند امي نعيمة و صالح اعطيتهم كونجي (طلع في شعرها)
شبيك هاكة شنية هالحالة لي فيك مستانس بيك قوية شنية صارلك (يشوف لعينيها حسهم مليانين خوف و انكسار)
تاعبة نذير معنديش حق نتعب راني عبد لحم و دم .....فديييييت معادش منجمة معنديش حق نفد (تنهدت)
قوم روح نذير نحب نبقى وحدي امااان
منيش مروح و منيش مخليك وحدك قول الي تحب و اعمل الي تحب باهي (حطت عينو في عينها شافت نظرة خوف و اهتمام النظرة هاذي كانت تشوف فيها في عينين تاج) نعمل اي حاجة تريحك مريم اي حاجة و منشوفكش هاكة
اي حاجة ..(عمللها براسها اي ) بهي هزني مقبرة امممان
باهي برة البس و هاني نستنى (قرر هزها وين تحب مهم ترتاح)
لبست جلباب و خمار حتى و هي في اتعس حلاتها كانويشوف فيها مزيانة وصلو حللها ضو تلفون و تبعها ساكت وصلت في بلاصة مبنية مكتوب عليها "هنا يرقد المغفور له تاج الدين غالي" حلت الباب و دخلت حست روحها باش طيح رجعت خطوة تكت على نذير طلعت دروج رجليخا و ايديها بدنها كلو يرعش كعصفور اول مجات عينها علقبر ترمات عليه ولات تصيح و تضرب في روحها
تاااج ...تاااج....علاش خليتني ...تااااااج ..تاااج حرام عليك خليتني
تعبت قعدت بجنبو و ولات تبكي و تعدي فاديها قلش عليها تبنن في وليد صغير و تبكي
تتفكر تاج مش كنت تقلي عمري منخليك هاك خليتني مش كنت تقولي..... الله لا يبكيك يا مية ..هاني نبكي اخرج امسحلي دمعتي ....مش كنت تقولي انت روحي و حياتي ......ايجى هزني عندك اماااااان (تتكلم بسيف و صوت واطي و مخنوق)
نذير خلاها حذى قبر و وقف في الباب يشوف فيها تصيح تضرب في روحها خلاها مشدهاش هي كانت مستحقة اللحظة هذيكا مستحقى تخرج الحزن و الهم الي مخزناتو توا سنين كانت قلش عليها تقطع في حزنها و ليعتها كنها تقتل في مضيها و وجعتها تتكلم و قلبو يتقطع و يتحرق يتحرق من الغيرة الي كلاتلو قلبو متمني تحبو حتى ربع حبها ليه كانت مع كل حرف منها تغرس سكينة فيه
ااااه يا مريم كان جيت نجم نهز الي في قلبك و نحطو في قلبي والله منقصر لو كان عرفتك قبلو والله راني صنتك و حطيتك في عينيا ...مش عارف نبكي عليك ولا على روحي ااااه
قعدت ليل كامل تبكي و هو واقف ساند روحو على باب لين معادش حاس بسقيه طلع الفجر و دنيا ضوات شدها من ايدها تسندت عليه و دخلها للكرهبة
دخلها بيتها سايس فيها حطها فوق فرش دخل حضرلها البانو و وصلها لباب توالات و خرج
دخلت للبانو حست روحها مرتاحة حست السحابة سودة الي كانت فوق راسها مشت حست بدنها خفيف علخر لبست كاب و نادت عليه شدلها يدها رجعها فوق الفرش شد منشفة و جاب سيشوار شيحلها شعرها اعطاها بظهرو خلاها تلبس
( نادت عليه بصوت واطي ) نذير
نعم
كملت لبست (دار هز لكوات طلعلها ساقيها و ستولها مخدة و غطاها جا ماشي شدتلو يدو )
ابقى معايا امان (غمضت عينيها و بدنها كلو يرعش ) شد ايدها بايد و ليد لخرى حطها على راسها و بدى يقرا في اية الكرسي و صورة الفلق و الناس لين بظنها ترخف و رقدت بقى يشوفلها يتامل في ملامحها كل ثانية تتعدى عليه يزيد يحبها اكثر و يتمناها ليه
هو هكاكة ويسمع في الباب يدق حل الباب يلقى معز واقف يتبسم
اهلا بولد العم (جاء باش يدخل شدو مخلاشي)
مش بلاصة نجم نحكو فيها ايجا روحو (عضلاتو تكبست )
شنية نذير منوقتاش تاكل وحدك خويا (يشوفلو بغيرة و حقد ريحتو شراب ليلة كاملة واقف قدام الدار شافهم وقت الي رجعو فجر وقت الي مريم متكية عليه و داخلين شرب زوز دبابز وهو في كرهبة يستنى وقتاش يخرجو لين معادش عندو صبر و )
معز انت شارب توا ايجا (جبدو برة و سكر باب وراه) هيا نروحو دخلو للكرهبة
ويسمع في الباب يدق حل الباب يلقى معز واقف يتبسم
اهلا بولد العم (جاء باش يدخل شدو مخلاشي)
مش بلاصة نجم نحكو فيها ايجا روحو (عضلاتو تكبست )
شنية نذير منوقتاش تاكل وحدك خويا (يشوفلو بغيرة و حقد ريحتو شراب ليلة كاملة واقف قدام الدار شافهم وقت الي رجعو فجر وقت الي مريم متكية عليه و داخلين شرب زوز دبابز وهو في كرهبة يستنى وقتاش يخرجو لين معادش عندو صبر و )
معز انت شارب توا ايجا (جبدو برة و سكر باب وراه) هيا نروحو دخلو للكرهبة
وصلو لدار معز يترامى و عينيه تتناطر بشر
ايا ولد عم احكيلي وين مشيتو منجمتوش تاخذو راحتكم غادي ....قولي لانا وتيل هزيتها ...علاش انت مش انا ...شبيني نقصني يد ولا ساق ...قلي علاش انت
(كان يصيح ويضرب في صدر نذير )
يزي عيش خويا ...حرام تحكي في عروض ناس...مرا شريفة عفيفة ..اما انت شارب منيش باش نلومك
(يعملو بصبعو لا) انا فايق و فايق برشا زادة بش تحبها اكثر مني زعما .....مستحيل ..حل قلبي حل ...توتلقاها قاعدة فيه
معز احترم روحك ...انا شفتها قبلك و انا حبيتها قبلك ....انا حبيتها بروحي ..اما انت حبيتها بعينيك ...فيق عيشك انت خويا اليوم غدوة تطلب روحي نعطهالك.... لكن مريم لا.. تفهم مريم لا
معاشش الي يخو من عند معز حاجة عينو فيها و انت اكثر واحد تعرفني اش نجم نعمل (يحذر فيه بصبعو) عندي توا ملي ريتها في حمامات حياتي تقلبت كل وحدة نعرفها نشوفها مريم وليت نعيش بيها( يضرب في راسو )ساكنة هنا
لو تمس شعرة منها نشرب من دمك فهمت ولا والله نقتلك (ولا يرعش مش خايف على روحو اما خايف على مريم)
تنجم تقول الحرب بدات ....تو تشوف نخوها منك و عينيك تشوف ولا (يصيح)
(نذير معادش متمالك اعصابو هز ايدو و اعطاه بونية جابو مفرش قام معز نقز عليه و بدو يضاربو جا ابراهيم يجري وقف بيناتهم )
هاذا الي مزال شنية وليتولي كلشرات ناس ميزيش رجعين لدار فجاري زيد تتضاربو لا حشمة و لا جعرة زايد (طبس نذير راسو حشم و معز هز روحو و خرج الشر يتناطر من عينيه تحسو ناوي على حاجة )نذير دخل دوش كان ماء هابط على بدنو هو سارح في مريم لازمني نخرجها ملي هي فيه و نحميها من روحي قبل الناس خرج شد تلفون طلب مريم
كانت مزالت راقدة حلت عينيها بسيف تلوج في تلفون
الو (صوتها بنوم)
فيقتك يخي (ضحكة صغيرة محلاها)
عادي مش مشكل مافقتش بيك كروحت (تتنفس قريب من تلفون)
(بقى ساكت لحظة حسها قريبة ليه غمض عينيه و تكا)
محبيتش فيقك عندي ليك سوربريز البس و هاني جايك (علق قبل حتى متجاوب)
لبس سروال دجين و مريول روج بردو و سبدري برفن و خذا تاكسي و مشى و صل لقاها لبسة سروال دجين و شميز نوار لامة شعرها فوق و جهها اصفر و شاحب
بش تخرج معايا هكا (يشوفلها بستغراب)
شبيني (وقفت قدام لمرايا)
شدها من ايدها وقف قدام جلص حلو بدى يلوج فيه
اللطف معندك كان حوايج النوار (يلوج يلقى جيب كلوش لركبة فلوري علبيض و لحمر محلاه و شميز حمرا شيك برشا حطهم حذاها هزتهم و دخلت بيت بانو لبستهم من غير نقاش خرجت وقفت قدامو بدا يشوفلها بعد وقفها قدام لمرايا جبد بوند متع شعرها تحل و هبط على اكتفها )
اااه هكا وليتي حاظرة مزالت حاجة اكا هو (مدلها تروس مكياج)
(متعرفش علاش كانت طاوع فيه عندها سنين تلبس كان نوار و متحبش تبدلو علاش بامر منو نحاتو شبيني نسمع في كلامو هزت راصها قلش عليها تحب تعيش لحظة من غير تخمام مكيجت مكياج خفيف ودرتلو)
سافا توا سي نذير (عمللها بايدو ممتاز 👍👍👍)
(حللها الكرهبة ) توة لازمنا نجيبو جوجو
(شفتلو مستغربة و هزت تلفون كلمت نعيمة لبساتو و خرجاتو شفتها كفاش لابسة ستغربت لكن بقت ساكتا )
ملي هزت تاج و هي تحمل فيه و تبوس توحشاتو و هو زادة توحشها صحيح كانت. تكلم فيه بتلفون اما حنان الام وحدو حملاتو بقوة يمكن كانت هي محتجاتو اكثر ملي هوا محتاجها
سكر تلفونك (جبد تلفونو سكرو )
زير و ين مثيين (يلعب بشعر امو)
سيربريز (يشوفلهم و يضحك)
ماما شنية سرر...سسربيز (تلفت لمو حاول ينطق الكلمة)
(تظحك عليه )معناها مفاجئة ههههه
طريق كامل و هوما يغنو مع تاج لحظة حست انهم عايلة عايلة صغيرة و تحفونة كانت تستنا في نذير باش يسئلها او يستفسر منها لكنو استوعبها و فهمها من غير كلام )
حبسو قدام بيست واسعة تلفتت مريم تشوف في منطاد اي منطاد بدت تضحك و تاج مش فاهم شي
نذير ...ياخي بش نركبو فيه ...احنا باش نركبو في منطاد ...كفاش جاتك لفكرة ...يا مبنها لحكايا ...جوجو بش نطلعو في منطاد (كان في عينيها لمعة حست روحها رجعت مريم لقديمة مية الي ديمة تضحك نست كل شي تعبها و وجيعتها و اهم شي وقعها المر)
نذير واقف و يتبسم يتفرج عليها كفاش تنقز هي و تاج محلاهم جبد تلفون صورهم بداو يبوزيو هما وياه ويعملو فزات بوجوهم ضحك
كان منطاد وين ماشي يعلى في سماء دنيا ولت صغيييرة و بعيدة هواء كان قوي طار شعرها جاء على وجه نذير شدو بيدو بدا يشم فيه مريم ركحت و معملت حتى حركة زاد نذير تشجع و حملها من تالي جبدها ليه و كبس عليها مريم حست روحها مطمانة و فرحانة وقت نذير حطها في حظنو استسلمت لقلبها و استمتعت بلحظات الي كانت تتمنى متوفاش
تنهدت و تكت على صدر نذير و تنفست كانت تعبي في صدرها بهواء قلش عليها عندها سنين محبوسة و اليوم ولت حرة ..اليوم العصفور الي عاش في قفص فرد جنحاتو و طار منغير متشعر حلت ايديها زوز ولت تصيح و نذير يصيح معاها خرجو شارج نقاتيف الي فيهم كل تلفتلهم تاج
ثبيكم هبلتو ...ماما هبلت ...زير هبلت
تلفتو لبعضهم فرد وقت طرشقو بضحك
باهي وين تحبو تمشو توا نحب نمشي نتفرج في فيلم 4D تدلل دخلو لسينما لبسو لينات و قعدو يتفرجو عملين جو و اكثر واحد فيهم تاج ملي دخلو و هو يضحك و يصيح و حاير فلي صاير ههههه
هوما هكاكة جت ايدها فوق ايد نذير جبدتها فيسع يخي مد ايدو جبدها باسها و حطها فوق قلبو تلفت وشوشها
خليها هنا بلاصتها (تبسملها بحب طبست وجها ولى احمر)
هوما يتمشاو شمو ريحت مشوى دخلو تعاشاو بعدها كملو يتمشو على شط تاج تعب رقد حطوه في كرهبة منتالي و هوما تكو على كرهبة و بقاو يتفرجو في لبحر و يسمعو في نغمت امواجو تلفت نذير لقاها مغمضى عينيها و نسمة تلعبلها بشعرها طبس طبع على جنب شفيفها بوسة خفيفة و حط راسو على حجرها حلت عينيها و تبسمت قعدت تلعبلو بشعرو
دخلت مريم لبيتها بعد محطت تاج في فرشو دوشت و قعدت تتفكر في كل لحظة عدتها في نهارها معا نذير قلبها كان يدق بسرعة اليوم معادش تخبي اكثر من هكة هي تحبو اي تحب نذير وخلي الي يصير يصير
معادش يهمها شي في هدنيا يزي متعبت و ما بكت من حقها تعيش كناس كل
تعدات جمعتين نذير تاج و مريم كل يوم يحوسو يدورو شيخين عيشين دنيا من الفرحة
مريم كل شي فيها تبدل لبستها لون شعرها برفا متاعها كل شي فيها مختلف تحس كل قطعة من بدنها تصيح "انا عايشة" حتى من تاج تحسو عامل جو و متفرهد كانو لقى حنان البو نذير يحبو و يموت عليه و هو زادة يحبو برشا
معز اليوم فايق فرحان متفرهد خرج من صباح بكري لقى نديم يستنى فيه في قهوة تقلولي اش لمهم على بعضهم نقلكم يلا نرجعو لجمعتين التالي معز كان لاحق نذير و مريم بخطوة و صورهم كان يصور و كلو حقد و بغض و انانية قعد بعدها يلوج ورا مريم لين ولاد لحلال حكولو مشكلتها مع دار حموها هو مكانش من العكسين و لوج على نديم سال عليه مليح عرف بلي هو كلب فلوس ونو قمارجي و سكارجي و متع زنى يعني طنجرة و لقت غطاها مشالو و تفاهم هو وياه على مريم المسكينة و نذير مغبون
اهلا بيك صاحبي (نديم يتبسم)
صباح الخير سافا وينك (قعد و شعل سيقارو)
ايا وينك جبت تصاور (يترشف في قهوة)
اي هاهوما (ورالو انفلوب) اما نتفاهمو ساعة
اش بيه نتفاهمو تفضل هاني نسمع (شعل سيقارو و حط رجل على رجل)
انا نحب نبات مع مريم ليلة و بعد اعمل الي تحب ميهمنيش المهم نشبع رغبتي منها اكا هو (يتكلم و عينيه كلها سم)
(نديم حس لعصب ضربو اما باش يوصل لليحب عليه لازم يهزو على قد عقلو ) ساهل صحبي هاذا الي بيك ههههه
(مدلو تصاور كان يتفرج و عينيه باش تخرج هبل خلى معز قاعد و خرج يجري مريم كانت في بيروها دخل عليها نديم و منى تجري وراه شافت مريم لمنى خرجت و سكرت الباب اش تحب ...اش مجيبك ...في بالي رتحت منك (تشوفلو بتحدي)
(هز تصاور و رماهم على وجها مريم شفتهم عينيها تحلت و دخلت بعضهم و جمدت في بلاصتها مخها حابس و صوتها مش خارج لم نديم تصاور و هز عينو فيها يضحك)
تو وليتي ملكي مريم ...توا تكلم بابا و تقلو موافقة نعرس بنديم ...سي نو انسى تاج ...للابد اوك
قعد نديم حط ساق فوق ساق و حطلها تلفون فوق بيرو يستفز فيها
خوذ وقتك منيش مزروب (جبد سيقارو شعلو)
مريم معادش سقيها حملينها ترمات في الكرسي وراها مخها رافض يعطي اي ردت فعل مهبطة راسها و دموعها تجري تبكي على لحكاية لحلوة الي وفات قبل متبدا و على ولدها الي تشوف كان فيه هو و في ربي و على حياتها الي دور دور و ترجع لصفر اما اكيد فما حل اي حل غير انها تعرس بنديم ملزمش تبان ضعيفة جمعت قوتها كل قالت هاذي حرب يانربح كل شي يا نخسر كل شي
لحظة هاني جاية (دخلت صلحت مكياجها و ركحت روحها و خرجت وقفت قدامو كان مصدوم من ردت فعلها كان متوقعها طيح تحت رجليه و تبوسلو ايديه على ولدها كان متوقعها تنهار و تستسلم خاصة الي هو يعرف قداش متعلقة بيه )
نوافق اما بشروط (تتكلم كلها ثيقة في نفس)
دلل روحي ( زاد تصدم من قوتها استوى قعدتو وركز معاها)
اول حاجة نعرف الي معز كلب هو الي جابلك تصاور نحبك دكو في الحبس
طول عمرك ذكية و لماحة و بطبيعتو معز ولا ورقة محروقة بيك ولا بلا بيك باش نعفسو تحت صباطي (هو صحيح فيه كل شي خايب في دنيا اما حب مريم في قلبو ابيض و صافي )
شنية مقابل متع تصاور (تشوفلو بتحدي ) بدني مش هكة
هاذا مش موضوعنا (تبسم تبسيمة صفرا)كمل
نحدو فترة خطوبة ستة شهور (طلعت شعرها الي هابط على وجها)
برشا شهرين يكفو (قرب منها بعدت)
نحب في شهرين هذوما نرجع للقصر و متقربش لتاج ولدي جملا (تنهدت) و مدورش بنذير انا نحكي معاه و نفهمو كل شي
(تكبس) خايفة على مشاعرو السيد بهي يا مريم ميسالش
اخر حاجة فترت الخطبة متحولش تاخذ مني اي حاجة اوك ميسالش صبرنا برشا و مزال شوي هههه (هز تصاور و خرج)
ترمات على بيرو تبكي بغصتها
يا ربي فرج عليا يا ربي راني عييت ااااااه يا ربي اش باش نعمل تو تشوف يا نديم الكلب نهايتك متكون كان على ايدي والله منحشيك في الحبس و الله
قامت كمهبولة فتش على نومرو نذير لازم تفهمو كل شي
مية اش فما ...شبيك تبكي ..محسيتش كفاش وصلت ..شبيك
ترمت في حضنو و بدت تحكيلو حكتلو كل شي من وقت
الي شافت نديم في سبيطار يحكي مع الي فسد فرنات حتى لكلام الي قالو اليوم كان يسمع و قلبو و عينيه شاعلين دز عليه لعرق ميزيش معز الي حاسبو خوه هو الي طعنو ليزي مريم ممكن تضيع منو بقى ساكت يحرق في الدخان و مركز في السيقارو الي في ايدو
مريم قتلي شفت الي يحكي معاه نهرتها على جريمت القتل هكة ولا (تحي نذير المحامي الي فيه هو يتكلم)
اي عمري مننساه وجهو محفور في مخي و مستحيل ننساه (متكية على كانبي)
لازم نجيبوه عندي صاحبي حاكم تحقيق اكيد توا يعوني (شبك صوابعو في بعضهم ) الاعتراف سيد الادلة لازم تحاولي تاخذي منو اعتراف مسجل لازم تكوني ذكية و قوية
اعتراف (بقت تخمم ) نشالله تو نركح لمور اما حاجتي كاميرا صغيرة برشا متبانش
معز لازم يصدق بلي احنا بعدنا و بلي انا مافي بالي بشي اكيد مزال راقب فينا خلينا نوره الي نحبوه يشوفو
اشري بيس جديدة متركبها كان كتبدى وحدك اعملي منها ابال هذيكا باش تكون وسيلة اتصالنا (عدى ايدو على شعرو يخمم)
(دكت راسها في حضنو ) خايفة نذير
متخافش بقدرت ربي كل شي كيما تفهمنا المهم صبر و دقة و رد بالك يحسو بحاجة ( زاد جبدها ليه حملها و كبس عليها) متخافش نموت منسلمش فيك حبيبتي
(حطت ايدها على فمو )معادش نحب نسمع كلمت موت في فمك
(نحلها ايدها باسها و هبط على شفيفها و رقبتها يبوس فيهم بغل و رغبة كبيرة لين تقطع عليها النفس بعد عليها شويا قعد يشوف لعينيها ذابلة الي كلها رغبة و شفيفها الحمرا منجمش يشد روحو زاد عاود حط شفايفو على شفيفها و ذاب فيها بعد عليها بسيف وقف قدام شباك شاف كرهبت معز تبسم وندى مريم بشويا طلت )
حل معز شباك و فيدو سيقارو حواجبو معقودة
انا تعمل بيا هكة يا مريم انا تتخلى عليا
(مريم شدة روحها بسيف باش متضحكش ) امان افهمني نذير
(هز ايدو و عطاها كف هبط يجري و ركب في كرهبة ديمارة هز تلفون يلقاها مريم )
ملا ممثلا فاشلة عندي ههههه
اماان هههه زعما صدق
اكييد و انا هاني توا نكلمو و نزيد نقنعو ايا باي توا
(يطلب في معز ) الو وينك حاجتي بيك اكيد
هاني في الدار انت وينك
هاني ماشي للبار متع العادة نستناك
لاباس شبيك
منيش لباس هاني ايجى تو نحكيلك (علق)
طلب ديراكت دبوزة و سكي كبها في توالات ومضمض بيها فمو و صب منها على حوايجو و زاد حط اخرى معبيا ) حسب روحو سكران بالعو
بعد ربع ساعة دخل معز ) نذير شبيك مستانس تشرب صباح شبيك
مريم خلتني باش تاخذ ولد حموها بعد محبيتها غدرتني
شنية حرام عليها الي تعمل فيه ( وانت تعرف لحرام يا كلب)
سامحني معز جبتك اليوم باش تسامحني زعما باش نخسرك في خاطر و حدة متسواش
سماح رانا خوات مصار شي
روح بيا امان
باهي هيا هزو و نذير داز فيها دايخ لوحو في كرهبة من تالي و جبد تلفون
مبروك علينا يا نديم سيي الي نحبو عليه صار ههههه(صار كمنورلكمش نجوم في قايلة راني منيش نذير)
مريم روحت قالت نعيمة تلم لازم خاطر باش يمشو للقصر مع تسعة جاء نديم هزهم دخلو لقت حموها واقف متبسم
اخيرا عملتي عقلك يا مريم مرحبة بيك
سلمت عليه برود تاج كان مخبي روحو وراها خايف منهم كعادة دخلت بعثت مساج لنذير طمناتو سكرت عليهم باب بمفتاح و رقدت لازمها ترتاح غدوة نهار طويل
خرجت صباح بكري تاكدت الي مفما حد يتبع فيها مشت شرت نومرو جديد وكلمت نذير
صباح خير حبي
صباح نور وينك شبيك لتوا لاجيت
مام با خمسة دقايق و نبدى بحذاك
دخلت مركز لقت نذير واقف يستنى فيها شدها من يدها و دخلو لصاحبو حكالو لحكاية كل و تفاهمو معاه جابو رسام بدت توصفلو في الراجل الي كان مع نديم نهرتها و بوقت خرجت دوريات تلوج عليه
دخلت مريم تخدم كيما كل يوم حلت بيرو تلقى نديم قاعد يلعب بستيلو شافها قسم لستيلو في زوز
وين كنت(نبرت واحد متغشش اما يهدي في روحو)
(بلعت ريقها) تنت الي اش تعمل هنا في بيرويا مش تفهمنا تبقى بعيد على خدمتي
(زاد تنرفز ) ماجوبتنيش راك ....دين ر***وين كنت
شبيك صيح كنت في دارنا نحكي لامي علينا
اش قاتلك (هدى شوية)
اش عندها تقول باركتلي ( لفتت وجها لشباك)
هو خرج و هي طلبت امها وصاتها كان جا نديم و سالها تقولو بلي هي صباح كل عندها
تحس في روحها خايفة و مخلخلة اما نذير عطيها قوة و دعم مخليها تكمل
شهر كامل ماشفتش نذير حست حياتها ناقصة حاجة كبيرة دخلت للبيت لقت تاج يبكي
تاج شبيك ولدي علاش تبكي بابا (حملاتو حطاتو في حجرها)
نحب لاوحو لدال . .حب نمثو ميمة
توا نمشو يا روحي زيد اصبر شويا
حطت تاج فوق الفرش و قررت ليلة تسجلو دخلت دوشت و خرجت لبست نويزات روج و طلعت شعرها فوق برفنت و حطت الكام في سلسة الي لبستها و مشت نديم
كان قاعد في بيتو يقرا في كتاب شافها وقف ولا يبلع في ريقو
مممممم...مممية ..اشششتعمل هنا
قلقت حبيت نجي نوسع بالي معاك ميسالش )دخلت و سكرت الباب
اييي تفضل ..ادخل(عينيه كانت كلها رغبة بطبيعة شكون ينجم يشد روحو قدام زين هذاكا)
نديم نسالك سؤال (تلعب بصباعها على وجهو)
تحبني ياخي ولا باش تخوني على الورثة
اماااان مزلت تسال في ها سؤال مية ....انا نحبك قبل متعرف خويا تاج ...كنت كل يوم نستنا قدام قهوة باش نشوفك وقت تبدا خارجة و هازة القهوة في ايدك ..نحبك ملي جيتي و سكنتي عنا مع خويا
(زادت قربت منو و هي كلها اشمئزاز) بصراحا منيش مصدقة حبك ليا ...الي يحب يعمل المستحيل و انت خليت خوك يخذني عادي
(قرب باش يبوسها بعدت) شكون قالك معملتش قلت تاج اني نحبك من قبل ولي انت من حقي لكن انانيتو عماتو من قبل يحب يفك حاجت غيرو ...زيد بابا قرر انو هو الي ياخذك مش انا ....تعرف كنت كل ليلة ناقف قدام بيتكم نسمعك تان من لذة معاه نحس روحي مع كل نفس نموت الف موته نمشي نشرب لين معادش نحس بدنيا
انت الي خليتني نضيع من بين ايدك و انت الي محافظتش عليا الحب مستحق تضحيا و انت مضحيت بشي على خاطري (تمدت فوق كنابي)
ااا...نا ..اانا (مركز مع بدنها و كلو يرعش) ااا..نا على خخخطرك ..ضحيييت ...و مزلت نجم نضحي ..مهم انت ترضى ...مية والله نحبك
باش ضحيت تره قلي ..قلي باش ضحيت ..انت جيست استغليت موت تاج باش توصلي
(تغشش)شكون قتلو تاج مو انا ...اي انا قتلتو على خاطرك ...على خاطر حبي ليك ..باش تكون معايا
نعرف(هبطت دمعة مسحتها فيسع) في بالي
كفاش عرفت(طبس راسو)
شفتك في سبيطار
ههههههه ههههههههه (يضحك بهستيريا) يعني في بالك من لول و سكت ههههههه انا كان في بالي مجرد شك
لا مش شك كنت دايخة شويا وقتها اما شفتك
وقتها جا يعزي و ياخذ في فلوسو (حك في راسو يتفكر)
انا مش مستعد نقتل تاج بركا في خاطرك نقتل اي واحد يخمم فيك مجرد تخمام ...فهمت توا قداش نحبك ...فهمت
(طبس يبوس فيها قاوماتو و دزتو) شنوا تفهمنا بعد العرس
(خلاتو قاعد فوق الكانبي شاد راسو بين ايديه ) مريييم ... مريييم..مرييم ..وين هازني حبك ...وييين
سكرت على روحها باب و دخلت بيت بانو تجري حلت دوش و بدت تحك في بدنها كنها تحب تتخلص من يديه الي تحطت عليها تخلطت دموعها بماء الي هابط و حست نار شاعلة في جواجيها
نذير كان يلوج على مع صاحبو على راجل الي شفاتو مريم كان في دار يمثل عليهم انو قلبو مكسور و معز جدت عليه لحكايا علخر
بعد نهارين هزت تسجيل ومشت للمركز لقت نذير كعادة يستنى في بيرو صاحبو اول مشافها حملها كبس عليها لين تقطع عليها نفس
كي انت متوحشني هاكة علاش شهر كامل نتشحت فيك باش نشوفك مخلتنيش (متغشة)
روحي تعرفني منصبرش عليك اما مكنتش نجم نخاطر بيك ( زاد كبس عليها)
جاء منير مدولو التسجيل حلوه في بيسي اول مشافو نذير هبل في مخو طلب من صاحبو يخليهم وحدهم
هبلت ياخي ...لا هبلت ..انت (غزول يهز فيه و يرفن ) .شبيك لبسة هكة ..تتكلم ..تحل ر**فمك (يحرق في دخان)
مكانش عندي طريقة اخرى كان لازم نخليه يحكي (تبكي)
لمسك ...مربم تكلم (ساكتا )مريم تكلم ....تحل ر***فمك متزيدش تهبلني (عملتلو براسها لا)
اااااه ااااه يا ربي كان في بالي باش تعملي هكة راني والله لا خليتك
(دخل منير يجري ) ظهرلي شديناه يا نذير لعوان مشولو لدارو كان يظهر هوا نديم يبات في قلبها ليلة يا صاحبي
(نذير داخل بعضو) نشالله نشالله ...قولي منير اذا تعرف هو وقتها تسجيل نجمو نستغناو عليه
(فهمو ) اول حاجة تسجيل اهم دليل ثاني حاجة متخافش لقطات الي فيهم مريم كل توا نغطيهم تهنى
حس نذير روحو زودلها مع مريم الي كانت واقفة في تركينة ترعش مشالها حملها و باسها من جبينها
سامحني حبيبي مقصدتش نخوفك ايجا عندي (مسحلها على شعرها)
بعد ساعتين ستراس و حرقان اعصاب دخلو المجرم وقف قدام مريم
شوف مريم هاذا هو الي شفتو نهرتها (طلعت راسها و كبشت في نذير)
(رجعت لنهار هذاكا بذكرتها ) اي ...اي هوا هوا (و طرشقت ببكى)
تره نشوف ياعيني هاك نورتنا قبل الاسم محرز شهيرا "اللص" التهم السرقة التحيل و توا يا معلم باش ينزاد لسي في تحفون القتل العمد اش رايك
خطيني معملت شي راني (هبطو عليه بمشطة )
نذير هز مريم خرجها البرة خاطر تعبت
هانت يا عمري ليوم ولا غدوة نرتاحو ايا برا انت ليفيق بيك رد بالك على روحك
عملت موافقة براسها و مشت
نديم و معز تقابلو في نفس القهوة
يا معلم عاش منشافك شنية هلغيبة (يتكلم بخبث)
خدمة يا معز ...خدمة شدتني
باهي و خدمتي انا
اما خدمة تحكي عليها (يشعل في سيقارو)
مريم
قص عليه ) اسمها مدام مريم و مرتي مش خدمة اعرف اش تخرج من ر***فمك
اش معناها (شعل و ضرب طاولة)
معناها كان عندك ريح ذر عشرة ههههه
معناها كان عندك ريح ذر عشرة ههههه (يضحك بخبث) بهيم الحاجة الي عشت كل متمنيها باش نعطيها الواحد كيفك (طفى سيقارو )كلامي مش باش نعاودو مزلت تقربلي و الا تقرب مريم نبعثك ورا شمس بكلمة وحدة اوكي
(خلاه وقام )
بقى معز ياكل في روحو اش معناها لكلا م هاذا والله مندمكم الناس كل هز مفاتح الكرهبة و ستنى قدام الروضة متع تاج شافو يلعب في جنينة مشالو في غفلة من مروضة
عسلامة جوجو
(هز راسو صغير)عثلامة
ايا تمشي معايا
وين نمثو عند ميمة
اي عند ميمة مريم قتلي هزو لميمة راهي توحشاتو
باهي هيا نمثو
(روحت مريم مع الخمسة تاعبة و دخلا بعضها تستنى في خبر توقيف نديم )
دخلت للبيت لحقتها نعيمة
للا مريم تستحقيش حاجة
لا نعيمة عيشك تاج مزال مروحش من روضة (تعدي في ايدها على كرومتها )
هي الخمسة تو عدك بيه بيس جا (تشوف في الوقت )
باهي اعملي قهوة مالا( نحت تالون مدت رجليها )
(صونى تلفون نومرو متعرفوش ) الو
مريوومة
شكون معايا
معز عبد الحق
شتحب عندي يا مسخ
انت الي تحب عندي توا مش انا (يضحك )
اش تقصد
تاج ايجا ماما باش تكلمك...ماما وقتاث بس تزي وحشتك ....شنية رايك مريومة
ولدي شيعمل عندك ..يا كلب... يا مسخ.. يا هامل... والله تلمسو نشرب من دمك والله
هاني باش نبعثلك لدراس تجي وحدك سي نو ولدك معادش تحلم بيه (علق)
الوو...الووو ...الووو(هزت مفاتح كرهبة و خرجت حافية تجري )
وصلتها لدراس زادت قوت في فيتاس وصلت لقت معز واقف في الباب يستنى دخلت معاه بسكات لقت تاج جا ديراكت حملها تلفتت تشوف في بيت فيها تلفزة حطتلو كوميك وعلت صوت لخر
ماما ايجا تفرج في كوميك( سكرت باب بمفتاح هي ترعش بكلها )
تفضل سي معز طلباتك (كتفت ايدها و قعدت تهز فيه و تحط)
طلب متاعي انت تعرفو ههههه( جا باش يحط ايده عليها بعدت)
في احلامك يا معز ..في احلامك (تبسمت بطريقة حيراتو) مستحيل نخلي واحد مش راجل كيفك يلمسني فهمت
توا نوريلك مش راجل اش يعمل (دزها في القاعة و برك فوقها دزاتو بقوة جهدها و هربت شدها من ساقها وعود طيحها ضرباتو برجلها و عودت هربت دخلت بيت و سكرت الباب دزو بغل و بدى يقربلها و ينحي في مريولو دزها على فرش و قطعلها شميز و هبط على رقبتها تلفتت تشوف في فاز فوق تابل دنوي هزتها و ضرباتو على راسو
قام معز مترهوج حط ايدو على راسو منتالي لقاها كلها دم طاح ما في عينو بلا دزاتو من فوقها و
خرجت تجري هزت تلفون تطلب في نذير
قتلتو ...قتلتو ...دم كلو ...قتلتو ..وليت قاتلة(تبكي و تصيح)
بشوي خلي نفهم شكون قتلت اش تحكي (داخل بعضو )
مممم...مممعز ....معززززز (تصيح)
وينك انت توا ...قلي وينك
علقت و بعثتلو لدراس
وصل نذير يلقى الباب محلول مريم كلها دم حويجها مقطعة ملمومة في كوا ترعش كعصفور مجروح الي نازع باش يموت و تبكي
مريم انت لاباس ...وينو معز ...شنيا الي صار (شورتلو بصبعها على بيت)
دخل يجري للبيت لمسو لقاه مزال فيه نبض كلم ارجونس و كلم صاحبو و رجع مريم
متخافش مازال حي حكيلي شنيا صار كفاش جيت هنا (محملها و يهدي فيها)
خط..خطف تا..ج ..خطف ولدي
باهي يزي من لبكى والله ميشوف الكلب ..الا منخليه يعدي عمرو في الحبس منتسماش نذير .(اعصابو كل تكبست)
جا منير و ارجونس هزو معز و مريم زادة تاج من حسن الحظ رقد و مفاق بشي هزوها لسبيطار كان لحمها مرضرض ازرق و عندها شويا. خدوش عينها طبيب لقاها لاباس لكن حالتها نفسية كانت منهارة دخل منير خذا افادتها و نذير رفع دعوى رسمية ضد معز و نديم
حموها كسمع جاتو جلطة و مات ورثتو كل خلاها لتاج الصغير لكن مريم رفضتها و تبرعت بيها كل للمحتاجين عايلة نذير عرفو بلحكاية و تصدمو خاصة عمو الي تبرى من معز بعد فترة تقبلو مريم و حسبوها من عايلة و تاج زادة فيسع دخل لقلوبهم اول ما مريم ولت لاباس كتبو صداق مريم لبست روبة بيضى اجستي مع بدنها و سيبت شعرها و عملت مكياج سامبل طلعت محلاها كحورية و نذير لبس كوستيم زاد فيه شطر
تعدا عامين توا مريم و نذير مع بعضهم يواجهو في دنيا تاج نزادلو زوز اخوة توام رؤى و سجى صحيح مريم عملت برشا ذكريات سعيدة اما كانت كل فترة تمشي بدرقة على نذير لقبر تاج تقعد تفرغ قلبها و تحكيلو
الدنيا فيها برشا نسا كيف مريم الي بعد موت ازواجهم يحكمو عليهم هما زادا بموت ينساو الي هما بشر و منحقهم يكملو حياتهم وين وقفت
التعبيراتالتعبيرات