ة في قلبها تمشي مصدومة مش مصدقة لي صار .. حتى لين تلقى روحها قدام دار خذات نفس قوي و دخلت طول لبيتها تجري تترما على الفرش و تترشق بالبكاء كانت تبكي و تصيح مالوجيعة غصة و تحب تخرجها .. جاتها امها تجري
- شبي بنتي شصارلك شفما!
-...
-يا بنتي تكلم شبيك متزيدش تفجعني قلي حسام عملك حاجة
-سمعت اسمو تزيد تتفلق بالبكى و تقوم تصيح : امي امان اخرج و خليني وحدي
- كل يوم و انا نوصي فيك سيب اعليك منو وانت متعمل كان الي في راسك .. نقص مالبكاء بوك عدو جاء و قوم احكيلي شفما راو معاش فيا قوم
-امي اخرج و سكر الباب تو بعد نحكو متخافش مفما شيء قعدت ليلة كاملة عالحالة هذيكا مقمتش مالفرش و مكلات شيء لين هزها النوم .. قامت الصباح راسها يوجع عينها منفوخين و محوقين عبات البانو بالماء و قعدت فيه و قعدت تخمم غمضت عينها واسترجعت لي صار ..
نسيت معرفتكمش ! .. مرام عمرها 20 عام تقرى بروميار فاك ..من عايلة متواضعة هي وحيدة امها و بوها سي نجيب استاذ و مدام سهام موظفة .. مرام طفلة مزيانة مدينة لاهي طويلة و لاهي قصيرة ستيل بيضة شعرها اكحل ارطب و طويل عينها كبار فمها صغير و مليان ..طفلة عاقلة و رزينة دوبها دوب روحها فدلاكة و صاحبت جو تحب لكتب و البانتير وقتها الكل تعديه ترسم في اي حاجة تحسها طفلة مدللة برشا بحكم هي الوحيدة امها و بوها موفرينلها كل شيء كان يلقو عينهم يعطوهالها ^^
و ترعش خدودها حمر عينها بالدموع كانت كيما البيبي
هزت روحها و مشات خلط اعليها و جبدها دورها ليه
-باهي ستنى متخافش هاني معاك تو نوصلك
-لا سافا اصلا الدار معاش بعيدا مرسي اعليك
-امشي واسكت يا بكاية منفهم شيء منسيبك كان قدام الدار
تبسمت و مشات منغير متقلو شيء قعد يمشي بجنبها ثنية كاملة ساكتين لين وصلت قدام الدار وقفت و قتلو
-عيشكك يا ..
-حسام اسمي حسام
- عيشك يا حسام و سمحنا في تعبك مزيتك مننسهاش
-معندي معملت
هي جات ماشية و هو قلها ا بكاية ماكش بش تقلي على اسمك ياخي
-هه مرام ليلتك زينة
و دخلت تجري للدار باست امها و تعدات لبيتها بش طير مالفرحة احساس اول مرة تحسو مش فاهمة لي صار .. طول تكلم امل صحبتها و عشيرتها معوضتلها الاخت لي مجابتهاش امها ميخبو على بعضهم شيء لوقت الكل ايعدوه مع بعضهم بحكم يسكنو حومة وحدة
-اااهم وينك ايجاني تو تو اجري عندي منحكيلك
-مرام احكي على التاليفون بركا و الله في حالة عزاك شفز اعليك تو
-تي امشي راني بش ندوووووخ اااه قلبي وعلقت
جاتها أمل هاا شبيك زادة شنية هالحكاية المهمة لي مخرجتني أعليها في ها الطقس
-اااه كان تشوف محلاه راو يتڨرمش
-شكوووون !
-واكة البرفا دووخ
-يا بنتي شكون انطق
- طويل يا امل و عندو لحية خفيفة شعرو اكحل و عينيه شهل يعمل23 سنة اكاكة
ههه حل وذنك خنحكيلك اش صار ....
من غدوة قامت مرام كيما العادة حضرت روحها و مشات تقرى ثنية كاملة سارحة زعمة نراه مرة اخرى .. اوف أصلا شيهمني فيه انا ربي معاه شبيني مليت بيه راسي ياسر
تعدات جمعة و حسام مظهرش .. و نهار هي خارجة مالدار ماشية تقرى و تلقاه قدامها تصدمت مش مصدقة لي هو قدامها كان يخزرلها و شايخ ضحك
-حسام شتعمل لهنا
-نستنى فيك
-تستنى فيا !
-ايه فيك ميسالش ماو
أيا قدامي لل ليسي خنوصلك
ثنية كاملة و هوما هارين ضحكهم مالي الشارع تقولش اعليهم يعرفو بعضهم من سنين .. خذا نومروها ولا ديما ايكلمها ويجاها لليسي حست روحها تعلقت بيه واستانست بيه علخر كان مهتم بيها برشا و مدللها كانت ترى فيه دنيتها و فارس أحلامها فيسع سحرها و خذالها عقلها و بطبيعة دخل الحب بيناتهم و زادو تعلقو و تقربو من بعضهم أكثر كان ديما خايف عليها وكان في طبيعتو مغيار برشا بالرغم الي هي ماعندها كان هو اما هي كانت تحب غيرتو و بلادتو الي ماتوفاش تعدات ليامات فيسع خذات الباك و ولات تقرى في الفاك و حسام كان ديما معاها و حبها ليه ماشي ويزيد مع انو ليامات لخرا ولا يتبدل ساعات و تقل تاليفوناتو و فازاتو و ساعات يرجع عادي
الحلقة 3
كانت راخية بدنها في الماء و الدموع هابطة على خدها تحس في حرقة في قلبها تحس في روحها ضايعة كانت تتمنى تموت و ترتاح تنهدت تنهيدة فاها برشا و جيعة و زادت سرحت تتفكر في الي صار تتفكر في اخيب نهار في حياتها نهار كلات فيه صدمة عمرها ....
كلمت حسام بش نقلوا نتقابلو مع الخمسة كيف كل يوم
- الو روحي اليوم بش نخليك تستناني شويا ،البروف بش يخرجنا روتار
- باهي كعبورتي نستناك العمر الكل باي اقرى على روحك
- باي يا روحي
خرجت مالفاك و مشيتلو ال نفس القهوة الي ديمانبقاو فيها طلبنا
حكينا و عملنا جو جيت بش نتفلسف شويا و نشربو الjus من يدياتي ياخي نعمل هكا و يطيح الكاس فوق دبشو تتمسخلو السورية حشمت برشا وتربثت قداشني بهيمة
- سامحنييي حسام ماقصدتش وانا نقول فيها بالسيف من الحشمة
- هههههه تي موش مشكل نعرفك مازلت صغيرة عادي عادي
- لااا مانيش صغيرة الف مرة قلتهالك
- باهي باهي كبيرة اوس الناس تسمع هاني ماشي للتوالت
-باهي سامحني مرة اخرى
مرام بقات تلوم في روحها
-شلزني انا نعمل اكاكا نتفاف على بدني و هي كاكا تحكي و تاليفون حسام صونى جاه مساج كانت متشوقة بش تقرا شفيه حلت المساج تصدمت ولات تهجي في الحروف
" معاش نجم ...نحبك تكون ليا وحدي و نرجعو كيما قبل راني تعبت "
ما فهمت شي مخها حبس
*لي تقرى تخلي جام بش نعرف قداه من واحد قاعد يقرى موش نحكي وحدي :*
لحلقة 4
شردت تخمم في الكلام الي قراتو موش مصدقة و تمتم زعما يخون فيا حسام
و خذات نومرو الطفلة لازم تعرف الحكاية
قيدت النومرو في تاليفونها و و جاء حسام حسبت روحها ما صار شي زيد هي ياسر واثقة فيه و قررت بش تتصرف عادي حتى تفهم الحكاية و حدها
قالها هيا نروحوا
- باهي مازلت متغشش !
- ههه شبيك كعبورتي ياخي انا من وقتاه نتغشش منك يهديك ربي
- اي جملة اما المرة هاذي انا خربتها شويا
- ههه لا قول برشا موش شويا
- يعني متغشش 😑
- تي لا و راس حبي لاني متغشش هيا قوم روح لتزيد تكسر حاجة اخرى
-باهي حسام
-استنى استنى شبيك حاسك موش قد بعضك ( كانت تحاول بش تكون عادية و ماصار شي بالرغم اذاكا الكل حس فما حاجة
- هه شي تاعبة من القراية زيد عندي شبعة نوم
- مممم باهي انا قلت بالك ماتحبش تروح كيف كل يوم
- لا هاني مروحة المرة هاذي
مرام كانت تستنى فيه وقتاه يقلها باي كانت اول مرة تتهرب منو
وصلها للدار هو مشى و هي طول طلبت اكا النومرو معاش تتحمل
- الو
-الو شكون معايا
- لقيتك باعثة مساج لنومرو هاذا....20 نحب نعرف حسام منين تعرفو ! ؟!
- ههه تقليش انت مرام !
-(تصدمت مرام مافهمت شي وتلعثمت في الكلام ) ا ا ي صحيح شكونك انت !؟؟
- انا صاحبت صاحبك ههه الروح متاعو
-(زيد تصدمت اكثر و حبست ما نطقت شي ) .....
-احكي ههه شفما ماتعرش الي هو ميحبكش مافيبليش بش نصدمك في بالي قالي بش نقلها كل واحد يمشي على روحو ههه
*كانت شايخة بالضحك و مرام كلمة لا
-ههه شبيك عزيزة بلعت لسانك
اسمع و لا نقلك ايجا نتقابلو راس راس خير بالك كاكا تنجم تتكلم ..
كانت تتمسخر عليها
سمر طفلة مغرورة و متكبرة برشا تشوف في روحها قوية و مايغلبها حد و الي في راسها تعملو بحكم هي من عايلة غنية كل شي عندها بالفلوس حياتها الكل خرجات و سهريات ...
الحلقة 5
مرام كانت مصدومة مش فاهمة شيء حاسة روحها تحلم تحكي مع روحها كالمهبولة اكيد تكذب حسام ايحبني و مستحيل يعمل معايا هكا و مشات بحذا أمل حكاتلها كل شيء حتى لين جا الوقت لي بش يتقابلو فيه
مرام معادش تصبر تحب تفهم الحكاية بالضبط و في نفس الوقت خايفة ليطلع كلام سمر صحيح
مشات للبلاصة الي تفاهمو عليها تلقى اكا اللفعة متصدرة تستنى فيها
قلتلها مرام السلام من باب التربية
-خلاها عندك ! و اسمعني مليح راك فقصة صغيرة ماك عارفة شيء و مزال لعمر قدامك تو تكبر و تنسى
حسام اذاكة متاعي نعرفو قبل متعرفو انت ايحبني ويموت اعليا جات باريود تعاركنا و كل واحد مشا ع روحو هه تعرف على سيادتك مشا فيبالو نساني بيك شوية طلع غالط أحنا رجعنا لبعضنا عنا شهرين مشكلتنا هي انت تو جاتو صعيبة بش يملص روحو منكك وانت كل العلكة في وجنا ابعدوو انساه راو ميحبكش ..
-هه تسخايلني دغفة بش نصدقك
مرام مزالت مكملتش كلامها و تلفون سمر ايصوني
-شوف بعينك يالا نومرو حسام ولا انا غالطة هههه برا عيش الزين شوف حاجة اخرى تلها فيها خيرلك حسام عمرو مكان ليك يعدي بيك في وقيت و برا ههههه زح تغيض اما كيما قتلك تكبر و تنسى
-هزت سمر روحها و مشات خلات النار شاعلة في قلب مرام
اعلاه كذب اعليا.. اعلاه لعب بيا !! ! لا اكيد تكذب مستحيل ايكون لي عشتو معاه الكل كذب !نشاء الله نطلع نحلم يا ربي راو معاش فيا
و غرقت في دموعها لي يتعدا يقعد يغزرلها
زادت شوية مسحت دموعها و قامت هه أكيد بش تمشيلو وتفهم كل شيء و ترتاح والي بش ايصير ايصير..
مشاتلو للدار دقت الباب حللها كيف شافها دخل بعضو
- مرام! !!!
-شبيك مستغرب
-لا شيء اما اول مرة تجيني للدار
هه لدرجة فيسع توحشتني!
-لازم نحكيو حسام
- تو في الليل نكلمك و نحكيو للصباح بحذايا صاحبي نجمش نفوت فيه
الشيطان بدى يلعب في راسها
-شكون صاحبك هذا
- متعرفوش!!!
دزو و تدخل و المفاجاة تلقى سمر لابسة روب قصيرة تقولش اعليها مرتو دور معاه في الدار تصدمت حست الدنيا بدات دور بيها يعني لي قالتو كلو صحيح
مهبطت حتى دمعة بقات تتفرج في العرض هو حمار و صفار منجم ايقول شيء مشاتلو قربتلو بكل برود
- قبل منجيك حكاتلي كل شيء و انا منجمتش نصدق كي الدغفة حبي ليك عماني جيت بش نسمع منك انت على امل تقلي لا راو كذب راني منحبك كان انت و منراش غيرك انت هه هاني خذيت ليجابة ..
- شقتللللككك ! مرام شحكتلك
و تلفت لسمر ايصيح ويربرب شعملت نرمال انت ...
-حكيت الي كان يلزمو يتحكا و تو صار الي كان لازمو ايصير انت ليا وحدي انت متاعي انا ملول هي فكتك مفهمتش شمزلت تحب منها سيب الكازي خلي طير هاي عرفت كل شيء ..
- بلع سمررر
!!!مرام ستنى خنحكو صحيح غلط و خنتك اما راهي نزوة و برا نحبك انت تو و م..!!
تهز ايدها و تعطيه كف و تشدها هستيريا متع بكا نعمبو الحب الي خلي الانسان يتذل و يتغدر هكا هه تحبني ! تخوني و تقلي نحبك زايد واطي اما انا نستاهل مسمعت كلام حد و تبعتكك رد بالك نرى منظرك قدامي نحبك كي تراني تبدل الثنية انسى حاجة اسمها مرام و تو نخليك انت و الخمج متاعك يا خامج
خزرت لسمر بكل ثيقة لمرة هذي -طلعنا لثنين دغف تفرحش ياسر و هوكة قدامككك اشبع بيه
خرجت مقهورة و كيما تعرفو اخيب احساس تحسو لمرأة هو الخيانة .. اول انسان حبتو ايخونها و مع شكون مع الex متاعو الي عمرو محكالها عليها كانت تخزرلو بغل و ناقمة عليه
تفكرت كلامو كيفاه قلها نحبك كان انت اما المرة هاذي مصدقتوش كان ايحب يضرب عصفورين بحجرة الي عملو ميتغفرش لقاتها معاه في الدار مش شوية كان جا ايحبها عمرو ميرا غيرها اما زايد طلع
ساقط و مش راجل انسان مزال ايحب يلعب ويعدي وقيت اما اكيد مش بمرام ..
حست روحها حتى شيء حست بالغدر و الاهانة بالضعف و بالصدمة عمرها مكانت تتخيل انو حسام يعمل معاها هكا و لا يخزر الغيرها و مخسر اعليها كان نحبك انت هه غاضتها روحها غضتها ليامات الي عدتهم تحلم معاه ... كلو طاح في الماء في ليلة و نهار تقوم تلقى روحها وحدها من غيرو بش تكمل حياتها وحدها مش بش ترقد ع صوتو ولا تراه بعد لقراية اصلا كان الحاجة الي ماليتلها حياتها بعد امها و بوها ..
الحلقة 6
كانت ملوحة في البانو تحكي بينها و ببن روحها هذا حسام الي حبيتو و حبني .. هذا الي حسبتو راجل اه يا مرام ...خانك راو والله باعك بوحدة ماتسواش
تفكرت كل لحظة ضحكت فيها معاه
كان حب كبييير بينتهم حتى امها كانت حكيتلها عليه اما هي مكانش عاجبها خاطر سي حسام هذا سمعت عليه برشا حاجات خايبة موش باهي مع بوه و صاحب مشاكل حست بنتها موش بش تتهنى معاه و فترة مراهقة و بش تفوت و كانت ديما تنصح فيها تفكرت مرام كل كلمة قالتها امها
- بنيتي امشي بمخك .... اسمع كلام والديك ....
انا راني مانيش مرتاحتلو ...ماطغلتش و تخليه يعميلك عينيك بالكلام الحلو .. مازلت صغيرة قريتك هي الي بش تعليلك راسك ايجي ما خير منو زيد هو عندو تصرفات متهورة موش متاعك بنيتي ....
و انا كنت نقول - لا يامي حسام نعرفو راجل و ميخونش ثقتي فيه حسام اذاكا الاول و الاخر منحب نعرف حد بعدو افهمني نحبو....
مرام غطست مع ذكرياتها لين فاقت مفجوعة على صياح امها و الباب قريب تكسرو -مرام .. مرام !!
- بشويا شفما هاني خارجة
- بنيتي تفجعت عليك
- لاباس لاباس مازلت منتحرتش
-لطف عليك بنيتي بعيد الشر نعرفك قوية
واخرج فيسع احكيلي شصار بالضبط راني ميمتك ليلة كاملة و انا نخمم فيك
-باهي يامي نلبس و نخرج كملت لبست و مشات بحذا امها
- صحة ل بنيتي
- يعطيك الصحة امي
- اشرب اكا التيزانا ترتحك شويا
- ايييه يا مي توا ماينفع فيا شي
- شصار مرام احكيلي
-( تنهدت بالقوي و كانت عينها مليانة دموع )
وحكات ال امها شصار .....
-قتلك بنيتي راو موش متاعك ،مرتاحتلوش ملي ريتو و ريت طبيعتو ،
نحبك قويا و ميأثر فيك شي موش على خاطر ساقط تعمل في روحك هكا بكاء و تخمام ..شوف ميمتك كيفاه متحيرة عليك لا تعمل حاجة في روحك راني منحملش فيك دقة الشوكة
مانيش بش نقلك انسى توا اما انت بالوقت تو تنسى حاجة اسمها حسام
- ان شاء الله يامي ننسى ( تقول فيها بالسيف )
-اي بش تنسى و تلقى ماخير منو و يناسبك .
مرام كيف سمعت كلام امها حست بوجيييعة كبيييرة "تلقى ما خير منو" محملتهاش الكلمة و
مانجمتش تشد روحها و ترشقت بالبكاء حضنتها امها مرام كانت تحب تبين روحها قويية قدام امها و شي منجمتش الحب الي في قلبها كان كبير موش شويا السنين اللي عدتها معاه ،
اما مــوش الحب الي يووجع .. الي يوجع إنّّك تحبّّ الانسان الغالط الي حسبتو دنيتك الكل واقرب الناس ليك تشكيلو همومك و فرحك ويجي اكا النهار الي تتوجع فيه كيف ترى حبك ليه و هيامك بيه ميستاهلوش تووجعك كـ'ترى مهما تعمل معاه باهي ميراش بيه والله توجع برشا ... تووجع آآي برشآآ حآآجآآت تووجع متنجمش تعبر اعليها تحسها في قلبك و تسكت
هي اكاكا تبكي و امها معنقتها و تنصح فيها والباب دق مشات امها تحل في الباب تلقاها سلمى بنت اختها هي و مرام قراب من بعضهم برشا ..
- اهلا طاطا هات بوسة
- عسلامة سلومة ادخل ادخل
- لا قبل ماندخل قلي مهبولتي هنا
- اي هاني تبكي
- تبكي ! وووه طاطا ياخي التوا تضرب فيها راي كبرت قريب نعرسولها
- ماعيني في ضحك المشاكل فوق راسي كان جات طريحة من عندي انا خير ادخل واسي اوخيتك و حللها عينها
- والله خوفتني يا طاطا شفما
دخلت تجري ال بيت مرام تلقاها غارقة في دموعها
- يا بنتي شبيك ! شصار ! شفما ! علاه تبكي ! احكيلي شكون عليك
- ح س ا م يا سلمى
- شبيه حسام !! صارتلو حاجة !
- لا انا هي الي صارتلي حاجات كان نحكيلك بش تتصدم ..
الحلقة 7
حكتلها الحكاية بالتفصيل ..كيفاه شافت المساج.. تقابلت مع اكا اللفعة ... و كيفاه شافتهم مع بعضهم في دارو...
تحكي و تبكي بالشهقة
و تعدى الوقت عشية كاملة و هي ملوحة فوق الفرش مخها موش معاها حارت فيها امها و صاحبتها و بنت خالتها حبها كان كبير برشا ال حسام و الضربة جاتها قوية برشا
جاء الليل مرام متحركتش من بيتها المخ سارح تتفكر في الحب الي كانت عيشاتو ولا قول الكذب الي عشاتو
شفت الوقت تلقاها التسعة تنهدت و تفكرت حسام كيف كان يكلمها كل ليلة قبل ما ترقد
كانت ترقد كان على صوتو و ضحكتو و عمرها ما رقدت تبكي و لا متغششة منو اما توا تحس كان بالوجيعة في قلبها ،بقاات تخمم لين هزها النوم ....
فاقت مرام الصباح حاست فما حاجة نقصتها شافت التاليفون مالقاتش مساج حسام الي كان كل يوم يفيقها و تحل عينها على كلام حلو
وقتها عرفت الي هي ماكنتش تحلم حسام خانها اي خاننها
تعدات ليامات و هي على نفس الحالة امل و سلمى ديما ايجو ايطلو اعليها ويحاولو ايخرجوها مالروتين الي هي فيه حتى الفاك معاش تمشيلها
نهار وقفت قدام لمراية قعدت تخزر اروحها و للحالة لي وصلتلها الوجهش اصفر العنين ذابلين مالبكى قعدت تتفكر فالي صار و تتفكر في امها و بوها لي عاملين كل شيء بش تكون هي فرحانة
"يزي مبكيت و معذبت روحي على انسان ميستهلش دمعة ليوم بش نصنع مالضعف قوة و نرجع مرام متع قبل الضحكة مالية وجها الدنيا عمرها متاقف ع راجل اه قصدي ع ذكر !!
مشات عملت دوش خفيف لبست روب نوار تفتق مع خمار باج عملت ماكياج خفيف و هزت ساكها و خرجت
-امي هاني خارجة نتمشى منبطاش
- هكا نحب بنتي حمد الله كي شفت اكا التبسيمة من جديد رد بالك ع روحك عيش بنتي برا تفرهد اما متبطاش عاد
- تهنى يا عمري ايخليك ليا موااه
مشات قعدت ع البحر حاطة الكيت و مخها سارح كانت تخمم في حياتها مصممة انها تنسى تفسخ لي فات و تبدى من جديد تعفس ع قلبهت و تعيش اروحها و لعايلتها برك .. ( اما مكنتش تتصور انو حياتها بش تزيد تتقلب مرة اخرى ..اصلا حسام مالو الا تجربة فاشلة تعلمت منها و بش يقعد مالماضي الي جاي اقوى واهم )
تعدات ليامات تجري
نهار بعد نهار نفسيتها تتحسن اكثر رجعتلها الضحكة و البشاشة الي ع وجها رجعت لجوها و لخرجاتها مع صحابها ستانست بحياتها من غيرو .. قلبها كساح معاش تاثق في حد و قررت معاش تحل قلبها لحد كرهت حاجة اسمها راجل و نحت فكرة الماخذة من مخها كملت عامين و مترزت و توا بش تعمل الماستار كان تفكيرها الكل في قرايتها و مستقبلها الف واحد يتقدملها و هي كيما كل مرة كانت ترفض من غير حتى متعرف شكون ديما لا .. حتى من امها و بوها تقهرو اعليها وملقاو معاها حتى حل..
حلقة 8
قامت بكري موش من عوايدها عملت دوش صلت صلاتها و دعات ربي بش ايوفقها في حياتها و تحقق احلامها حضرت روحها لبست jupe نوار و كونفارس بلون و pulle بلون و خمار نوار و chemise djinو هبطت للكوجينة لقات امها و بوها يفطرو مشات باستهم و قعدت تدكك اعليهم كيما العادة
-بوها: ك'سبتك قمت على بكري !
- ههه ماشية نقابل في صاحبي :3
-امها: احشم راك تحكي مع بوك
-؛ بوها: هههههه هاو باهي ايا وقتاه يجي يخطب هالسيد خنراك عروسة...
مخلتش بوها يكمل كلامو محبتش تسمع هدرة العرس معادش تحب تكون مع حتى راجل تحب تعيش حياتها تقوم ااصباح متفرهدة تضحك و تعمل جو على بوها و امها
-هيا انا نخليكم لبنات يستناو فيا بيزو..
-سهام مش عاجبتني حالت بنتك لوقتاش بش تقعد هكا راي معاش صغيرة احنا مناش بش ندومولها نحب نتهنى عليها قبل منام عيني
- اللطف اعليك نشاء الله بعد عمر طويل! اما ماك تعرف بنتك طالعتلك راسها كاسح و متسمع كلام حد متعمل كان الي في راسها من بعد لي صارلها تبدلت و الله حرت شبش نعمل معاها
-اسمع ! تتفكر سي الشادلي الرصاع صاحبي تقابلنا اليوم بعد هالسنين.. قعدنا نحكيو و بعد جبدلي على ولدو لكبير قال مهندس كان يخدم في سويسرا و تو روح بش يستقر في تونس و لمحلي لي هو ايحب ياخذلو طفلة بنت حلال و يتهنى عليه و حديث جبد حديث قلي الي هو ايحب ع مرام انا لحق الطفل منعرفوش اما العايلة باهية و الشادلي نعرفو كان جا ولدو ميصلحش عمرو ميخمم يطلبني في بنتي الوحيدة رانا كنا اكثر مالخوات.. انا متاكد انها بش تتهنى معاه و نتهنى انا زادة
-اي و ماشي في بالك بنتك بش توافق
-معاش ايهمني كي هيا مش عارفة مصلحتها مش بش نقعد نتفرج فيها و ساكت راني مرضت شوف ندوملكم شوف لا ..لازم نتهنى اعليها يا سهام
بعد كيف تجي ناديهالي هاني طالع نرتاح تو والي فيه الخير ربي سهل فيه
الحلقة ٩
روحت مرام العشية مخر نهار كامل عدتو من بلاصة لبلاصة هي و البنات صحابها دخلت تلقى امها تستنى فيها
-نهار كامل البرة قعت بت و اكهو عاد شخليت
-شبي سو مكشبر هو .. خليني يامي مدامها زاهيتلي هاني كل يوم شادة الدار و اللة تخنقت متنكدهاش عاد
-باهي باهي ايجا كول حاجة و برا لبوك حاشتو بيك
-باهي ازين ! نغسل ايدي وانجيك عبيلي الصحن ااا راني ميتة بالجوع
عملت قصف للطاولة عبت كرشها و طلعت تجري لبوها دقت الباب و دخلت
-بباتي لباس ! قتلي ما حاشتك بيا نشاء الله خير ؛؟
-مفما كان الخير بنتي مدامنا راضين اعليك! اقعد عيش بنتي و اسمعني راني نفركس على مصلحتك نحب نتهنى اعليك قبل ميهز ربي حاجتو..
-الل طف اعليك يا بابا ربي خليك لينا و ميحرمناش من وجودك و نحبك تتهنى عليا صاحبك راجل هههه
-راك معادش صغيرة لازمك تخمم في مستقبلك و دخل انسان يملالك حياتك و يحميك تتسند عليه ...
بابا عمرو مكان المستقبل راجل
-اسكت و خليني نكمل كلامي و يزيني بلا حديث فارغ و انسى الماضي مش بش توقف حياتك على تجربة فاشلة يزي عيش بنتي .. و تو منطولوهاش فما شكون جا تقدملك و انا وفقت سايي نعرف بنتي مش بش تكسرلي كلمتي ..
بابا راني بنتك ياخي بش تاخذولي بالغصب مزال شكون يعمل هكا في وقتنا هذا و ألف مرة قتلكم راني باب و مسكرتو تمشي انت تعمل فيا هكا .. راني مرام بنتك لوحيدة ترميني يا بابا لدرجة مفكرتش فيا راني عبد الزح افهموني و حسوا بيا .. و مستحيل ايصير لي تخممو فيه سامحني بابا ..
تمشى و تخلي بوها مصدوم في كلامها تدخل لبيتها و تسكر الباب و تتفلق بالبكى ااه يا ربي لدرجة فدو مني ويحبو ايبيعوني لليجي اصلا الرجال الكل سقاط منحبش نتعذب من جديد يا ربي قويني و صبرني هي هكاكة غاطسة في دموعها و تسمع في امها تصيح .. يا مرااااام اجري !!!!
الحلقة 10
تنطرت مرام مالفرش مفجوعة مشات تجري تلقى بوها ملوح عالفرش شاد قلبو بش ايموت كانت حالتو خطيرة برشا..
- باااابا 😲
.....و كانت اذيكا اول و اخر كلمة نطقتها وما لقات روحها كان في بيت حلت عينها مهيش فاهمة شي "انا وين ،شكون هنا " وكيف حاولت بش تقوم مانجمتش جاتها الطبيبة تجري وقتها عرفت روحها الي هي في السبيطار
مرام عندها فقر الدم و في اي فجعة ادوخ
و حاولت تتفكر اش صار معاها و وعلاه هي هنا
- مرام لازمك تتلهى بصحتك شويا ، و بوك ماتخافش عليه ان شاء الله تو يقوم لباس
- !!!! وينووووو تكلممممم
ومنغير متكمل تعرف شنوى بش تجوبها الطبيبة هزت روحها و خرجت تلوج من بيت ال بيت كالمهبولة تجري في الكلوار حفيانة و تتكلم وحدها
، مرام تحب بوها برشا و هو الراجل الوحيد الي تثق فيه كانت متعلقة بيه برشا
هي تجري اكاكا و شافت امها و عمومتها قدام بيت العمليات و وقتها زاد خوفها على بوها وولات ترعش و تصيح
يا نور عيني اخرج يا بابا راني هنا صغرونتك تستنى فيك راني نحبك برشا نحب نبوسك كيف كل يوم قوم يا بابا و نوعدك معاش نغشك والي تقول اعليه نعملو و الله يا بابا قوم متخلينيش وحدي منغيرك...
كانت تصيح برشا وعيلتها تسكت فيها ،امها كانت منهارة لا نجمت تسكتها و لا تسكت روحها..
قعدوا 3 سوايع و هوما عالحالة هذيكة يستناو حتى لين خرج الطبيب و طمنهم و وصاهم بش ايحاولو ميغشوهوش لازمو يرتاح و يقعد باريود في السبيطار حتى تتحسن حالتو بش يخرج....
قعد بوها ايامات في السبيطار كانت مرام كل يوم بحذاه متخليهوش حتى لين بدى يتحسن و عطاهم الطبيب اذن بش يخرج -مرحبا بيك في دارك يا غالي و الله الدار نورت -منورة بوجودك يا مرام -اي خنمشي نعملك شربة بنينة من ايدياتي -مرام ! اقعد معيني في ماكلة نحب نحكي معاك .. سامحني بنتي كان قسيت اعليك اكا النهار و تصرفت معاك بطريقة خايبة اما حبي ليك و خوفي عليك لزني بش نعمل اكاكة -انت لي سامحني وجعتك باكلامي و تعبتكم معايا انت و امي كنت انانية برشا و انا مستعدة نعمل لي تحبو اعليه رضايتكم خيرلي من كل شي ( تحكي و الدموع هابطة ع خدها كالمطر) تو متقلقش روحك و متخمم في الشيء نمشي نعاون امي و نعملك الشربة و نجي ربي خليك ليا..
الخلقة ١١
نهار كامل و الدار تملى و تفرغ الناس الكل جات طل على سي نجيب و مرام مسكينة من حاجة لحاجة تضيف في العباد و اكا حدها و في الليل كانت متكية في حضن بوها ايدق الباب
-اوه شكون هالي جاي توا الصبر مخلاونيش نشبع بيك
-برا حل الباي و يزي بلا تخرنين هههه
-حاضر عرفي --'
حلت الباب تلقى راجل في عمر بوها مذخم معاه مرتو مدام نهلة متعرفهمش تحسهم عايلة اكابر فرحت بيهم و دخلتهم للصالة وين قاعد بوها
-يا صاحبي وينكككك و الله مسمعت كان تو نشاء الله بالطف اعليك
-اهلا بسي الشادلي ...
قعدو يحكيو و مرام مشات عيطت لامها و مشات ضيفتهم و تعدات لبيتها
-كبرت مرام و ولات صبية مشاء الله ربي يحفضها
- نهلة : اي وقتاه نجو نخطبو مش بش نلقاو مخير منها هه و الله دخلت لقلبي كي قطرة لعسل
بوها و امها هبطو راسهم ملقاو ميقولو عدوها بضحكة و بدلو الموضوع
بعد مروحو مشات سهام بحذا بنتها
-مرام !!
-اا روح مرام !! شنو روحو ضيافكم
-اي روحو سايي
-قداشهم كلاس اااي اااي فيبليش نجوب عندو معارف هكا لوحيد ههه
-اذاكة صاحب بوك مالصغرة ناس راقين عايلة محترمة و لباس بيهم ويحبو اعليك..
- ...
-مرام اسمع كلام بوك و خوذ بخاطرو ماكش ترا في حالتو كل يوم و هو سارح مخو بش يتحرق مالتخمام اعليك شوف الطفل و تعرف اعليه و كان معجبكش مناش بش نلزمو اعليك
-معيني بش نشوف ولا نتعرف اعلى حد ماكم تحبوني نعرس باهي اطو نعرس و تو نحب نرقد تعبت برشا اليوم امي اخرج و طفي الضوء
-ربي يهديك بنيتي ..
امها خرجت و هي شدها لبكى تفكرت كل لحظة عاشتها قبل تفكرت حبها لحسام و خيانتو ليها ..نحب نكمل قرايتي و نبني مستقبلي وحدي اعلاه هكا بش ايدمروني و اقتلي انا وقفت ع ساقي.. بش ندفن بالحيا ويقولولي ع مصلحتك اه تمنيتهم يفهموني حتى شوية اما معندي حتى حل بابا صحتو متعجبش كان تصيرلو حاجة نموت لازمني نحققلو امنيتو و نفرحو شكون بش ايفرحو غيري .. كانت تصبر في روحها تنهدت تنهيدة قوية غمضت عينها و هزها النوم..
الحلقة12
قامت الصباح مشات طلت ع بوها و تعدات فطرت من غير متحكي مع امها حتى كلمة و مشات بحذا امل
-شنحوال عم نجيب
-لباس ! اسال على حوالي انا --'
- شبيك انت هاك كالفرس الدور
-ايحبو ايعرسولي يا امل بابا شاد صحيح اصلا مرضتو عالحكاية هذي و الله حرت شبش نعمل
-بوك عندو الحق ايحب يتهنى اعليك معندهم كان انت ايحبو يشوفوك عروسة كي اندادك يزي بلا كسوحية راس و اعطي لروحك فرصة موفاتش الدنيا راو كلنا نعيشو تجارب فاشلة هاو انا عشت الي عشتو انت و جا شكون نساني و دللني و عطاني قيمتي
-بربي اسكت ميجيكش غريب ايكون قاعد توا مع شخطورة اصلا كلهم صنعة وحدة
-الرجال الكل موش حسام راو
-..!
-باهي برك ملا جحرة عليك شبش تعمل توا تعرفو الراجل - لا ! منيش مستعدة يا امل و الله خايفة كيفاه بش نتصرف! كيفاه بش نعيش معاه .. باهي و قرايتي و مستقبلي مزلت معشت من حياتي شيء !
-متكونش سلبية لدرجة عرس مش حبس راو مالا الي عرسو لكل ادفنو و معاشوش حياتهم .. اسمعني عيش اختي متخمم في شيء توا خلاها ع ربي امشي بكلام بوك ماكش بش تقعد حياتك كاملة وحدك مالك الا بش ايجيك نهار و تعرس اعطي اروحك فرصة يا مرام متعقدهاش..'!
الحلقة13
سمع بوها لي هي رضات بش تمشي بكلامو طار مالفرحة و كلم الجماعة و عطاهم موعد بش ايجو يخطبو
تعدات ايامات و اليوم سي الشادلي جاي هو و عايلتو بش يطلبو يد مرام
سهام و سلمى مالصباح احضرو و يريڨلو في الدار و سي نجيب مشى يقضي في لي ناقص و للا مرام في بيتها تحكي مع امل .. بعد مشات عملت دوش و لبست روب في الباج تفتق و طالون عملولها لبنات ماكياج طلعت كي الوردة زيد هي بيضة و و مزيانة و ستيل و اش متلبس ايواتيها..
وصلو الجماعة حلت سهام الباب تلقاه سي الشادلي و مدام نهلة و بنتهم اقبال دخلتهم و فرحت بيهم و دخل مهدي اخر واحد كان لابس كوستيم نوار و شوميز بلون و ريحت البارفا متاعو دوخخخخخ
سلمت اعليه سهام و هي في قلبها تصلي عالنبي علاكا الوهرة و الذخامة و اللباقة الي فيه .. ا نسيت معرفتكمش على مهدي عمرو 28سنة و يخدم مهندس في سويسرا معندوش برشا ملي رجع لتونس و قرر يستقر هنا و ياقف في الخدمة مع بوه عاش حياتو كلها جو و سهريات و تعرف على بنات قد شعر الراس و ما كتبتلو كان مرام ...
كانت في بيتها متوترة وحايرة اليوم فما شكون بش يدخل لحياتها خافت تذوق الغدرة مرة اخرى
صاحبتها كانت تصبر فيها كانت شادة دمعتها بالسيف و تضحك فوق من قلبها
- محلاك يا مرام والله طلعت تفتق
-..
هوما يحكو كاكا و امها جات قصت عليهم
- هيا يا مرام خطيبك جا
كيف سمعت كلمة خطيبك تفكرت حسام كيف كان يوعد فيها بش يجي يخطب و حددو الدات.. عينها رغرغت
حست روحها موش قد بعضها شربت كاس ماء و خذات نفس طويل و هبطت في الدروج
كانت ديما تهبط تجري
المرة هاذي ساق تقدم و ساق توخر
حاجة بش تقبلها بالسيف عليها
حاجة متحبهاش و لا عمرها خممت فيها بعد فراقها للي حباتو
اليوم بش تبدى حياة جديدة ..في مخها برشا افكار راسها بش يترشق لكنها سلمت امرها لربي و هبطت...
الحلقة 14
- ماشاء الله على خطيبة ولدي ماشاء الله
الناس الكل هزو روسهم كان سي مهدي كان لاهي شاد التاليفون و معلبالو بشي
تقول زاد هو موش نهار فرحو
هي تربثت و معرفتش حتى كيفاه تقدم ساقها ...
- و حشامة زاد يا مهدي خذيت و ربحت
و هو متحركتلو حتى شعرة كان مكشبر و ساكت تحسو مش موجود
مشات مرام سلمت علىيهم و قعدت بحذى امها و بوها تعدى كل شي و كان كل واحد لاهي في همو هي تخمم و هو اعضم منها لبسها الخاتم و مخزرلهاش حتى في عينها تنجمو تقولوا مراهاش و ماثبتش في ملامحها
روحو الجماعة مشات طول ال بيتها خلطوا عليها لبنات سلمى و امل يتجراو سلمى :-ياي ريتو اكا الزين و اكا الوهرة والله دبرتها يا وحيدة شكون كيفك
امل؛ - محسيتوش حاجة البنات ، هو صحيح حليلتو و ولد عايلة ماناقصو شي اما حسيت انو معلبالو بشي الطفل جاي فوق من قلبو مغصوب
-ههه باهي برشا ان شاء الله ميتمش هالعرس يا ربي و نرتاح .. اوف حمد الله كيف تعدات هالليلة الكلبة نمشي نعمل دوش لبنات و نجي ..
دخلت دوش و مخها كان سارح تخمم كيفاه بش تكمل حياتهامع انسان تعرفوش انسان بارد حتى خزرة مخزرلهاش اما بينها و بين روحها تقول احسن خير ملي يقربلها هوكا كل حد ع روحو ..
-مهدي تي قوم عيش ولدي نصف النهار راو توا
-شمزلتو تحبو مني اخر الي حبيتو عليه هاو صار قيلووني توا
- قوم برا كلم خطيبتك و قابلها تعرف عليها و تقربلها
- ههه تحلم
و معادش تعاودها هاذي خطيبتك احمدوا ربي الي انا مشيت معاكم البارح و توا سكر الباب وراك ..
بقات امو تمرج فيه لين قام فوق من قلبو بش يترشق مالغش.. مشى عمل دوش و خرج يلقاها واقفة تستنى فيه موش مسلمة..
-اووف.. هوكا التلفون اكتب نومروها نعرفك كي تكبش
كتبتلو امو النومرو و مدتهولو
-شنوا اسمها الساعة؟
-مرااام يا مهدي مراااامممم تي كل يوم و انا نعاود فيه كيفاه مشديتوش
هز تلفونو و خرج للبالكون
-ألو !
-وي مهدي معاك
-شكون مهدي ؟!!
(طلعت هي زادة ضايعة فيها و متعرش اسمو ههه..
مهدي تنرفز مالفازة و معجبتوش ..
- حضر روحك لعشية بش نجي نهزك لازم نحكيو '! و برا اسئل امك ولا بوك تو تقلك شكون مهدي
وعلق !
وقتها مرام عرفتووو شكون
شنيا يسخايل في روحو هذا يعلق طول مطيشة ليه انا ميخذش رايي اوف ربي تصبرني هاالبلوة الي طحت فيها
كلمت امل و حكاتلها اش صار جاتها تجري
-ايا قوم قوم يا سخطة برا امشي اعمل دوش و خليني نشوفلك شبش تلبس
-باللهي اخطاني نقصني كان نلبسلو ونحطلو الحطة
-يا بنتي تحرك متهبلنيش ماك تعرف كيف يدور بيا الدجاج الاكحل ...
حضرت روحها طلعت كالوردة محلاها و محلا زينها لابسة روب رووج و pochette .نوار و خمار نوار و سندال ..
بقات تستنى في مهدي و لا قول تستنى وقتاه يكمل النهار ،و هو لا جاء و لا طلب
و تعدات العشية و مهدي مفماش ريحتو لا تاليفون لا شي ستغربت مرام من الحكاية
اما اكيد موش بش تكلمو و تسأل شبيه هي لقاتها م الجنة و الناس
لا هذا باز يتمنيك عليا طلبني يقلي بش نجيك لازم نحكو و بعد يجبد بيا اصلا انا علاه لابسة و نحضر في روحي الغلطة مني عاملتلو قيمة و قدر و نستنى
مشات نحات دبشها حطت تاكل مالغزول سيبت غشها في الماكلة عملت قهوة و قعدت في الجنينة ترسم توسع في بالها و تضيع في الوقت و تنسي في روحها ..
مهدي روح للدار تاعب عرضتو امو اه احكيلي شحكيتو شصار اكيد عجبتك مروم
-اووه نسيت جملة و الله جاتني خدمة مستعجلة مشيت نجري ضاع من بالي
-وووه !!! فاش تحكي!! توا هذي عملة تعملها شبش تقول اعليك!! بلا كلمة
-تي ربي معاها امي لي فيا مكفيني قلهم ايحطولي نتعشى ..
-ايجا لهناااا توا تكلمها و تطلب السماح
-برااا عاااد .. باهي باهي
نعرفك انت كيف تشد صحيح شكون ينجمك ،
هز التالفون و كلمها ايصوني ايصوني مهزتش
"مزال عندو عين و يطلب هذا و الله لا هزيتها .. والله لا يحشم اقعد صوني اكاكة يا خسارة الحطة لي حطيتها و الوقت الي ضيعتو يا واطي "
كانت تحكي وحدها كالمهبولة
-كيف مهزتش خلالها مساج
"جاتني خدمة مستعجلة نجمتش نجيك "
شو شخسر اعليا هه حسسني انا شاهية بش نرا منظرو تي ملا راحة ..
الحلقة 15
زادت خذات فكرة خايبة على الرجال اكثر ماهي ماخذتهااااا...
تكت على الفرش و غمضت عينها حاولت المرة هاذي متفكر في شي لين هزها النوم
قامت الصباح بكري فطرت و عاونت امها ..
هي اكاكا تلم في بيتها و تاليفونها صونى
شافت تلقاه مهدي يكلم فيها محبتش تهز عليه وبعد هداها ربي و هزت
-الو
-شبيني نكلم فيك متهزش !
-سكتت مرام مجاوبتوش
-مالمستحسن الفازات هذم متعاودهمش و كيف ما قتلك جاتني خدمة اكيدة و تلهيت فيها برشا منجمتش نقابلك تو لعشية نجيك هاني متفاضي
-لا منجمش
عندي ما نعمل منحبش نعطي كلمة و نجبد بالعبد موش من عوايدي ..
- جاوبها بصوت مغلغل :شوف مجبدتش بيك انا هاو قتلك...
وقصت اعليه كلامو :
-اي اي واضح اي نخليك توا امي تعيطلي !
وعلقت
استغرب مهدي منها كيفاه تحكي معاه معجبتوش الفازة و حسها هانتو اما في نفس الوقت حسها قوية و مهيش ساهلة و مهيش مالية بيه راسها مستانس لبنات تجري وراه و تتمنى خزرة منو وهذي رفضت تشوفو ..
مدام هي حبت هكا ربي معاها كيف جات منها خير انا بيدي معينيش الي عليا عملتو هه تسخيلني بش نجري وراها..
و بقى كاكا حاطها في مخو الحكاية و امو كل ماتجبدلو على مرام هو نارو تزيد تشعل معادش يحب يسمع اسمها ..
الايامات تجري و سي نجيب و سي الشادلي حددو دات العرس ع قريب و هوما لا تقابلو و لا حكاو ..
الحلقة 16
تعداو جمعتين و اليوم جا اهم نهار في حياتها قصدي اتعس نهار بالنسبة ليها ليوم بش تتبدل حياتها و تمشى لعايلة جديدة و بلاصة جديدة و تعيش مع انسان اقل منجمو نقولو عليع انو غريب عليها!
- التوا راقدة قوم يزي من النوم
-اوف عا الصباح جايتني شتحب فيا
-ههه ايا قوم يا عروسة يزي من التبهنيس
- ايا فكني من الكلام الماسط على الصباح خيرلك
-ههه و راس صاحبتي كلامي عسل يقطر اليوم بش نشطح ماك تعرف اوخيتك تموت على العروسات و الشطيح
-اشطح شيخ روحك انا قلبي مايعلم بيه كان ربي
- اييه يا مرام راك اختي و نحس بيك اما متنكدهاش على الصباح توا الي صار صار لازمك تسلم امرك ال ربي مفماش هروب و لعلى فيها خير مدام والديك راضين عليك
- وين ترى فيه الخير معاكة الانسان الي تبليت بيه مفهمتش شي شوف في روحو حتى تلفون مهزوش كأني تفشة تسخيلها ساهلة ليوم عرسك مع انسان تعرفوش الشي هذا كان ايصير في عهد جدي و جدك
-قوم مرام مش باهي تنكدها في نهار فرحك قوم و يزي بلا تخمام تو تشوف كيف كل شيء يتصلح
-هه شو كي مزالت تقلي نهار فرحك هههههه
قامت م الفرش و نادتلهم سهام بش بفطرو كانت تاكل بالسيف
-ههه يا حلوفة كول ولا صاي سقام العرايس
- اوف تي ابعدني وانا من وقتاه حسيت روحي عروسة
-مالا هذا شيسموه
- يا ربي يصبرني عرفتك و ندمت
-اممم توا كيف لقيت غيري فيسع بدلتني ،تي موش قتلك كيف تعرس بش تتبدل عليا
- ههه ملا هم هاذي عمري مننسى اختي في القلب راك ،اما اس عليا توا..
امل حبت تضحكها و تبدللها الجو اما هي شي موش بالساهل في نهار كيما اليوم بش تضحك من قلبها ..
جاو بنات خالتها و عمومتها الدار تعبت
و بعد هزوها للحجامة
عملتلها مكياج خفيف طالع عليها
و لبست روب تفتق ياسر كلاس
خرجت كال princesses
-انت مرام !
-لا خيالها باللهي مازلت تسيب في بلادتك انتي متعبتش
-هههه و الله تهبل تقتل بالزين كل شي طلع عليك يا سخطة تي معرفتكش
- ههه عيش روحي نشاء الله كيما نراك و الله منشيحلك ريقك غير ستنى ..
-خمسة و خميس عليك عيني ماتضرك والله حليلتك بنيتي
و قامت تزغرط و خرجتها من عند الحجامة يلقاو الجماعة يستناو لبرا و لكراهب تزمر مهدي كان واقف مكستم طلع ايفتق
كانت جاية كالفراشة تتڨرمش اصل وتتها الروبة كانت الحشمة ظاهرة على وجها .. طلعت في الكرهبة و هو حسب روحو مش لهنا كيما العادة معمل حتى رايكسيون ثنبة كاملة و هوما ساكتين لين وصلوا للاوتيل
كان كل شي منظم و مضخم الجو كان ياسر رومنسي عمرها م كانت تتخيل روحها بش تششوف هذا الكل
قدام عينها و ليها هي .. اما ديما فما حاجة ناقصة و وجيعة تحسها في قلبها لي مصبرها فرحت بوها و امها و الضحكة الي ع وجوهم
بدات السهرية ناس الكل فرحانين و عاملين جو كان لعروسة و العريس هه لكنهم حاولو يضحكو و ميبينوش الي في قلوبهم ..
الوقت الي تصدرت فيه حساتو دهر تعدى
و اخيرا وفى كل شي الحس بات الناس الكل روحوا
- ايا صحبوش مبروك مرة اخرى
-هه العاقبة ليك
-هههه كان بش دبرلي كيف مرام والله منعرس توا
سليم هذا صاحب مهدي الروح بالروح من الصغرة مع بعضهم فدلاك و صاحب جو و الي يشوفهم يقول توامة
وبعد جبد صاحبو ع جنب و قلو
-مهدي مرام بنت عايلة و ناس ملاح رد بالك اعليها كان معينكش بيها متعبهاش معاك و دمرلها حياتها و تخلص فاها لي عملوه امك و بوك هي معندها حتى دخل خمم فرار و اعرف كيفاه بش تتصرف يا هكة يا هكة ..
- ...
مرام كانت تعنق في امها و تبكي الليلة بش تخلي امها و بوها و تمشي ال انسان غريب متعرف عليه شي
ترشقت بالبكاء كيف شافت صحبتها تفكرت كيفاه كل يوم تصبح عليها اول وحدة و كيفاه كل يوم مارجتها
توا معادش كل شي بش يتبدل
بش تفيق تلقى ناس جدد دنيا و عيشة جديدة مسحولها دمومعها و طمنوها الي كل شي بش يفوت و تتعود على حياتها الجديدة كيف اي طفلة
اما نسوا الي هي خذات واحد لا تحبو و لا يحبها ...
مشى مهدي خذى مفتاح ال chambre ,و دخلو
قلبها كان يدق برشا وقتاه و كيفاه بش تتعدى ها الليلة ..
الحلقة 17
دخل مهدي يعمل في دوش و هي مشات خرجت بيجاما بش تلبسها جات بش تنحي الروبة و ملقات كيفاه تحل السلسة ااووه ملا وحلا تو !! شبش نعمل يا ربي!! قعدت تفارع تفارع و شيء --' خرج مهدي لقاها كيما خلاها هز تليفونو و قلها أيا ريڨل امورك ع راحتك تو نجي ..
خرج يعمل في تلفون و هي في قلبها كان ميجيش خير ..
-الو '! -أمللللللل اجريلي شبش نعمل الروبة حبتش تتحلي
-هههههه ياه شومك وانا شدخلني عيط لمهدي يحلها توا هذي هدرة مكلمتني اعليها زح
-نرمال انت قتلو نعيط لمهدي ! امان امل راني وحلت و الله كان نلقى نقطعها - اقعد اكاكة ستناها لين تفد و تتنحى وحدها مالا ! ملا حكاية جايتني بيها اللطف حتى عرست و موش بش نرتاح منك
علقت امل و قعدت مرام حابسة ملقات كيفاه تتصرف حاولت تنحيها بكل الطرق و شيء لين رجع سي مهدي و لقاها كيما خلاها ههه اوه ملا حشمة المرة هذي !!
ماكش ناوية تبدل انت لدرجة عاجبتك الروبة يعجبكشي توا ( كان يحكي و يڨحر و يستهزء )
-...
- شيبكي فيك ياخي!
اوف ملا حالة فيك انا بش نطفي الضوءو نرقد انت تصرف ربي معاك
-مهدي !
تلفتلها
-ال ر و..بة ..ح ب ت ش تت..حل!!!--'
-شنياا ! احكي بالباهي
-تي الروبة محبتش تتحل
سكت شوية بعد مشالها
-باهي دور خليني نحلهالك
مرام بقات حابسة
-تي امشي عاد
حللها السلسلة و هي طول مشات تجري دخلت للسال دو بان و شادة الروبة بش مطيحش و مهدي قعد يخزرلها ويتبع فيها بعينو و ترسمت ضحكة ع وجهو من غير ميشعر ..
عملت دوش و بدلت وهي تحكي مع روحها اوف شبيني كنت معقدتها ياسر و هي ساهلة
خرجت تلقى مهدي هازو النوم كان محلاه^^ تهنات كانت خايفة ليحاول يتقرب منها .. مشات تكات ع حافة السرير و أكيد مش باش ايجيها النوم و هي جيعانة تقلبت منا و منا و شيء النافع ربي كرشها اهم من كل شيء
-مهدييي !!
-اممم .. كان دايخ بالنوم و التعب
-جعت
-قبل منطلعو قتلك نوصيلك ع حاجة كانك جيعانة قتلي لا ارقد تواا
-بش نهبط نجيب حاجة نكلها منجمش نتحمل
- باهي ايجا هوني.. ايجا!! تو نهبط انا كان قدر عليا ربي هالليلة الكلبة
الحلقة 18
قام الصباح يلقاها راقدة مركزش معاها مشى حضر روحو و خرج
كيف فاقت و ملقاتوش فرحت ريڨلت اومورها و هبطت فطرت و قعدت تتمشى في الاوتيل سارحة كيما العادة مع 12 جا يلقاها متكية تخنتب في التاليفون
-حضر روحك بش نهبطو نفطرو و نحكيو
- حصة تعارف بعد الزواج
-احسبها كيما تحب
ڨحرتلو و مشات لبست روب كلاس و طالون مذخم خرجت تلقاه يستنا فيها
كانت غاطسة تاكل تقو لش اعليه مهوش موجود
- ماخذتنا كانت غلطة لازمك تعرف من توا كل حد ع روحو لتقلقني لنقلق هانا معرسين قدام العايلات و عالورق كهو حتى لين ايفرجها ربي و متنتظر مني شي
كانت غاطسة تاكل كيف سمعتوو هزت راسها بقات حالة فمها تخزرلو موش مصدقة
-ههههههه اييه هاو لكلام و لا لوح تتصورش قداه فرحتني و هنيتني كنت نخمم كيفاه بش نعيش مع انسان كيفك توا سهلتها اعليا ..
و انت زادة متنتظر مني شي سي مهدي...
مشات تجري كلمت أمل و هو قعد مسمر في بلاصتو باهت مكانش يتصور الرياكسيون متاعها بش تكون هكا و هو مالصباح ايخمم كيفاه بش يحكي معاها في الموضوع شوية لقاها تستنا فيها ..
امووولتي
-اهلا بالعروسة
-تي يزي بلا مصاطة .. كان تشوف مهدي شقلي طلع هو زادة معينوش بالعرس كيما حسينا و قلي كل حد ع روحو و الله رتحت هكا نجم نكمل حياتي مستقلة و نعمل الي نحب و نكمل قرايتي يا امل و تو بعد كل واحد يمشي ع روحو قال شنوا تفاهمناش
-باهي هاو صار الي تحب اعليه كأنك مش معرسة تبدلت اعليك لبلاصة بركة معاش نحب نراك تبكي توا
- اييه اييه
-ااه متقليش مزلت بالروبة لتوا مالا ههههههههههه
-اه لا لا --'
-و كيفاش نحيتها هات ماللخر ايا
-تي هو عاوني ملقيت حتى حل ايا باي باي اخطاني نعرفك بش تبدى تسيب في المساطة..
لحلقة19
كملت حكات مع امل و رجعت بش تكمل فطورها مهدي كان يحكي في التلفون و كشاكشو طالعة و بعد علق و قلها
- فيسع حضر روحك بش نمشوا لسويسرا
-علاه زادة
-بش نعدو شهر لبصل متع وذني
- فاش قام مانيش مرتك و كيف ماقلت عالورقة بركا اعلاش منها هالمشية
- هيه صحيتك برا احكي مع حماتك الكلام هذا و أرجع قلي شصار ،جاب ربي فاهمة اللعبة الكل و في بالك الي احنا قاعدين نمثلوا لين كل واحد يشوف طريقو و توا اكبس روحك لاتفوتنا الطيارة مانيش ناقص مشاكل مع امي بش نتعداو للدار نريڨل اموربو نمشيو.
-و قداه بش نبقاو غادي..
-تخافش مش شهر هه جمعة لطارت..
-باهي
حضروا دبشهم و لبسوا و خرجوا
ركبوا في الكرهبة شاف الوقت يلقاه معادش بكري الطيارة قريب طير زيد قوى في الفيتاس و ماشي و يقوي و مرام كانت ميتة بالخوف لين نطقت
-ياا مهدي بالشويااا
و شدتلوا يدو و كبست عليها
نطرلها يدها
-لبااس ماو
-والله مقصدتها من الخوف من غير ما نشعر وانت لباس تجري هكا !
- ههه كرهبة و خفت منها ملا كيفاه بش تركب في طيارة
حشمت مرام برشا و زيد غزلت من كلامو الي فيه حڨرة و تمسخير و هو كان ولى على بالو مذابيه متفوتوش الطيارة و يسمع تخرنين امو
وصلوا للمطار عرفوا الي الطيارة سايي بش طير بعد دقيقتين
مهدي بدى يجري و مرام كانت تجري بجهيدها و زيد بالسيف بحكم لابسة روب لين حبست خذات نفس و بدات تصيح يا مهدي ستني تلفت يلقاها مزالت وراه رجعلهامدلها يدو و جبدها و قعد ايجري فيها معاه و enfin طلعوا في الطيارة..
الحلقة 20
شدوا بلايصهم
-اووه يا ميمتي قلبي تجبد اكاكة تجريني النفس تقطعلي
- حبيت نزربك اصلا احنا وصلنا مخر في جرايرك شسلحفاة وحلت فيها هذي!!
الطيارة بدات بش طير و مرام حست بقلبها بش يخرج من بلاصتو غمضت عينها و حاولت تحكي مع روحها تحاول تهدى عصابها و تنحي خوفها "لا يا مرام لازم تبين روحك قوية قدامو ،عملت غلطة كيف شديتلو يدو و تمسخر عليك و مزال لتوا ايهين فيك"
وبقات تخرف اكاكا و تدعي و تقرى في القرأن
-هه شبيك قاعدة تشهد متخافش مهيش بش طيح
- .....
-حتى انا حسستني نحب نحكي معاك
هو حس روحو فد و يحب يهر عليها اما هي كانت كلمة لا شادة قلبها و مغمضة عينها ...
تعدات سوايع و التوا ما وصلو لين مرام هزها النوم
و مهدي كان مرة يشد التاليفون مرة يقرى كتاب و مرة يخزر لشباك وسعات يتلفتلها ويقعد باهت في ليلة و نهار نلقى روحي معرس مع وحدة لنعرفها لتعرفني ربي يسامحك يا بابا.. قعد يخزرلها و المرة هذي يثبت في ملامحها كانت راقدة كالنسمة والخيمار كان زايدها الشطر عمرو مكان يتصور روحو بش يعرس بطفلة متحجبة ستانس بالبنات في سويسرا المعري اكثر مالغطي ..
- قوم قوم
-شفما امل اخطاني نكمل نرقد
-اما امل متاعك ،قوم يا بنتي بش نهبطو
قامت مفجوعة الصوت موش صوت طفلة
بقات حابسة في بلاصتها لين صحصحت
-تي هيا بركا اهبط ، اخر عمرنا ردتنا امل
-شتحكي !
-شي شي
نسات الكلام الي قتهولوا مسكينة موالفة بامل ديما تفسدلها نومتها و متفيق كان على وجها..
الحلقة 21
هبطو من الطيارة وتوا ديركسيون ال دارو الي ايعيش فيها كيف كان يخدم غادي
كانت تتفرج من شباك الكرهبة و شاردة موش مصدقة الي هي في سويسرا "لا باز نحلم انا "
وصلوا لدار مهدي كان تاعب برشا من السفر و مخذا حتى غمضة في الطيارة ورالها الدار و قلها شوف البيت الي تعجبك و بات فيها و مشى طول دوش و دخل البيتو سكر الباب و ترمى على الفرش و غطس في النوم
هي مشات خرجت الدبش من الvalise و مشات تدور في الدار تكتشف اش فما اش مفماش ....عجبتها الدار برشا كانت ياسر مزيانة و مذخمة..
و بعد مشات للكوجينة حاسة روحها بش تموت بالجوع ، فركست فركست ملقات شيء يتكل هزت ساكها و قررت بش تخرج تقضي لي ناقصها و طيب حاجة بش كي قوم مهدي يفطرو
مشات قضات و قعدت دور خذاتلها اكا المناظر عقلها محستش بالوقت كيفاه تعدا
قام مهدي مالنوم يسخايلها راقدة مشى عمل ڨارو بعد قال خنمشي نقومها نهزها تاكل حاجة انا بيدي جعت .. مشى كل بيت يدخللها ميلقاهاش هبل في مخو و هو ايفركس من بلاصة لبلاصة
-وين مشات هذي تطلعش هربت زادة !!!
-هو اكاكة حاير و داخل بعضو مالها الا امانة عندو كان تصيرلها حاجة توحل في راسو .. و مرام تدخل شايخة مش لهنا ..
-وين كنت تكلم !!!
-مشيت نقضي شبيك تصييح نرمااال !!
-بلكشي تسخايل روحك في تونس !! شيخرج فيك وحدك لا تشاور لا تناور كرذونة انا قدامك
-عندكش الحق تحكي معايا هكا زيد منيش مرتك ميهمكش فيا شنعمل كل حد ع روحو ...
-اسمع مش قتلك كل حد ع روحو يعني تعيش حياتك بالطول و بالعرض متنساش روحك يا شسمك! تطلع تهبط تقعد مرتي قدام لعباد ! ماخذة راجل موش رجل كرسي هاني نبهتك و المرة الجاية متلوم كان روحك
دموعها هبطو من غير متشعر خزرتلو خزرة كلها وجيعة و قامت تجري دخلت للبيت و سكرت الباب ..
الحلقة 22
و هو خرج للبالكون و كشاكشو طالعة جبد سيقارو سيب غشو في الدخان بعد حس بالذمب جا ايخمم يلقاها معملت حتى شي يستحق الغش أذاكة الكل حس روحو قسى عليها باكلامو مشكلتو كي يتنرفز معاش يتحكم في عصابو ..
مشالها للبيت دق الباب و دخل يلقاها قاعدة عالفرش سارحة شافتو لبست خمارها و قلبت وجها
-مراام !
-..
-نحكي معاك
-شمازلت تحب اخر نسيت حاجة مقلتهاش!
-اي..
- كمل هاني نسمع فيك!!
-جعت! مالصباح مكلينا شي قوم نمشو ناكلو حاجة و لا طيبلنا انت حاجة
(قعدت باهتة تسخايلو بش ايكمل الي بداه ويزيد يوجعها بكلامو ويهينها )
- معينيش !
-ع كل حال نعتذر قبيلة كثرتلها اما انت معاش تعمل حاجة الا متشاور .. هاني ماشي نبدل حضر روحك و اخلط عليا للكرهبة! فيدك درجين مكانش نمشي ناكل و نخليك هه..
مشاو تعشاو و بعد قعدو يتمشاو طقس كان بارد برشا ..
-بردت؟
-شوية
-تحب نروحو ؟
لا !
-هه باهي هانا قاعدين
-اعلاه رجعت لتونس و معاش تحب تكمل تعيش لهنا ؟
-خزرلها و هز راسو تنهد تنهيده فاها برشا كلام و برشا و جيعة و سكت !
- وبعد وقف و قلها : تقول انت كان مرجعتش راك مخذيتنيش و راك متعرفنيش هه
-اي و الله --'
-اعلاه وافقت اعليا بربي كي معينكش
-نفس السبب الي خلاك انت توافق
...
قعدو يمشو و يحكيو بعد روحوا و كل حد شد بيتو و رقدو .. قام مهدي في الساعتين متع الليل بش يشرب تعدا بحذا بيتها يسمع فاها تكحكح بش تموت دق الباب و قعد يستنى لين جات حلتلو
-شبيك لباس
-تبدل عليا الطقس خذيت جريب تو غدوة نقوم لباس نشاء الله
مشا و خلاها بعد نصف ساعة رجعلها و في ايدو ساشي دواء
-هاو الدواء هذا اشرب منو و ارقد و كان متحسنتش تو غدوة نهزك للطبيب
-ياخي خرجت شريتلي الدواء توا !
- لا حس بيك مريضة جاك وحدو .. ايا ليلتك زينة و نشاء الله لاباس تستحق اي حاجة عيطلي
هو مشى و هي خذات الدواء و قعدت تحكي بينها و بين روحها مش عادي الراجل هذا كل مرة نوع اما محلاه طلع مش لاكا الدرجة كيما تخيلتو اما ميعرش يحكي الزح .. اوووه تي شبيك يا مرام و انا اش ايهمني فيه شبيني نخمم و مكسرة راسي ..
مهدي كان انساان صعيب برشا و صعيب انك تنجم تتعامل معاه انسان نرفوزي و ميعجبوش لعجب لكن لي يقربلو اكثر يعرف قداشو حنين و محلاه .. و كيف يعرف روحو غلط ميرتاح الا ما يعتذر ويرتح ضميرو
الحلقة 23
عداو جمعة في سويسرا كان مهدي كل يوم يخرج ايرا صحابو ايعدي معاهم الوقت ويبدل الجو و مرام ديما في الدار خرجها كان مرتين عمل بيها دورة و تعرفت ع البلاد و توا مهدي لازموا يروح عندو خدمة في تونس
حضروا رواحهم و مشوا للمطار ههه المرة هاذي موش روتار ....
و سفرة كاملة و هوما يحكيو
كيف وصلوا لقاو عايلتهم تستنى فيهم
شافت امها من البعيد مشات تجريلها تعنق و تبوس و تضحك و تبكي من الفرحة وامل ك العادة ديما موجودة
-تي هاك سمنت أ سخطة ضاهر فيك فرغت الفريجيدار و جيت
-ههه لا اكاكا تهنى خليتو نظيف ، و الله توحشتكم خليتو عليا بلاصة كبيرة
-اي بنيتي كان ترى انا الله لا يبعدني عليك
امل : -انا متوحشتكش حتى طرف
مرام : - هههه لا باين شخلك جايتني تعرضلي بالحملة
و كملت سلمت على حماتها و سئلت على بوها شنوى احوالو كان تاعب شويا المرض ماشي و يأثر فيه
تحيرت عليه برشا و شدت صحيح بش تروح طول ال دارهم تطمن عليه و صلها مهدي و قلها اقعد بات بحذا بوك و امك اشبع بيهم تو غدوة نجي نهزك
تلقاه ممدود في فرشو كيف شافها فرح برشا بساتو من جبينو و كانت شادة الدمعة بالسيف متحبش تحسسو بشي
في ظرف جمعة ضعف و حالتو ماشية و تدهور ....
-يا غالي ليك وحشة
- ايه حتى انتي صغرونتي ،موالفة انت مالية علينا الدار بحسك
-ههه قلي قلي شعاملة فيك سو
-هاني متعبها ها الايامات وهي اكا حدها واقفة معايا
-حب كبيير راو يا عمري
امها :- تي احشم
-ههه سملة فجعتني وقتاه دخلت انتي !
عدات النهار اذاكا بحذى عايلتها وكانت فرحانة برشا تفكرت روحها كيفاه كانت صغيرة و ماتمشي ال حد ديما وين هي وين بوها اما اليوم العرس خلاها تبعد على الحاجات ال كانت مفرحتها .
جاء الليل سهروا مع بعضهم ضحكوا و تفرجو في التلفزة و بعد بوها جاه النوم عاوناتو و حطتو فوق الفرش بساتو و طفت الضو و خرجت بش تكمل السهرية مع امها
امها - مرام !
- نعم ا روح مرام
- كيفاه تعدى شهر العسل ، كان باهي معاك مهدي؟!
مرام كانت عارفة الي السؤال هذا بش تسمعو و عارفة زاده شبش تجاوب ،اكيد بش تمثل توا انها فرحانة و متهنية معاه
-اي ولد عايلة ماريتش منو حاجة خايبة و تعدات ايامات باهية مننسهمش
- والله فرحتني بنيتي الحمدلله ربي عطاك على قد قلبك
-توا جاني النوم ماشية نرقد ماماتي بون نوي هات بوسة
-ليلتك زينة عزيزتي
كانت تتهرب من اسئلة امها مشات ال بيتها و تمدت على فرشها
-"اه والله بيتي وحدها لهنا وين نحس روحي مرتاحة "
مهدي كان ساهر مع سليم صاحبو و عشيرو
-قلي شصار و كيفاه تعدى شهر العسل ههه
- هه تعدى كل حد في بيت و على روحو اصلا تفاهمنا ع كل شي ملول هي في حالها و انا في حالي و كيما و عدتك معملتلها شي بخستها برك
-بخستها برك هه يهلكك اما تتسمى سلكتها .. وكي تحكي لعايلتها لي انتم كل حد ع روحو
-تي وين تحكي تي هي اذاكة شحابة هه
-متفاهمين ؟
-عادي ديجا كل حد ع روحو و هي طفلة محترمة و باينة متربية و دوبها دوب روحها مصارش بيناتنا مشاكل .. الحق كنت ناوي نستفزها و لا نعمل اي حاجة نخليها طلق اليوم قبل غدوة ولا نتسبب بأي حاجة و نتخلص منها اما منجمتش ملقيت حتى سبب و فرضت عليا اني نحترمها هوكا حكيت معاها ملخر.. تفاهمنا ع كل شي
ههه اما كان تشوف مكسح راسها و قداشها بكاية و خوافة سعات نحس روحي عايش مع صغير حالة فيها
-
-و محسيت شي اخر هههه
-حاس روحي نحب نصرفڨك --'
الحلقة 24
روحت مرام لدارها هي و مهدي كان كل يوم ايخليها تمشي طل ع دارهم و تخرج مع صحابها كان كل حد لاهي في روحو تعداو ليامات و هوما على نفس الحالة هي كانت صانعة جوها وحدها تقوم تلم دارها و طيب لفطور كان فما خدامة معاها اما هي كانت تحب تعمل كل شيء وحدها ديما حاطة ترسم ولا تقرى في كتاب من كتبت مهدي كانت كل يوم تدخل لبيتو بسرقة تهز كتاب وهو كان شالق بيها و عامل مولا المول مش هوني كل يوم لازم تصير بيناتهم عركة و لا نبزة و من غدوة ايقومو كأنو مصار شيء من كثر مستانسو كان ديما ايقرصلها و يفرشها و هي متسكتلوش تقعد تخرنن و تعارك لين مرة سكرلها فمها و ربطلها ايدها و خلاها تتبكى و تتشحت بش ايسيبها كان ديما شايخ اعليها و عامل فيها و في نفس الوقت كان موفرلها كل شي وياخو بخاطرها و يحترمها و حتى كيف يغلط معاها في حاجة من غير ميتردد يمشي يطلب السماح و يعطيها نبزة اخرى و يمشي هه ..
بداو يستانسو ببعضهم و هوما مش حاسين ولاو يفهمو بعضهم و يعرفو طبيعة بعضهم اما كان كل حد فيهم يدعي وقتاش يرتاح من لاخر ..
نهار صارت بيناتهم عركة كيما العادة اما المرة هذي لحمت بيناتهم مكان حد ايعدي لحد خرج مهدي و طربق الباب وراه النار فيه شاعلة و الدجاج لكحل داير بيه و قعدت هي تحرق في عصابها و تسب و حدها جا الليل و هو مجاش مشات حطت تعشت و قالت و الله لستنيتو حطت تتفرج تتفرج و هو مزال مجاش لين جاء نص الليل بدات تتحير خاطر مش عوايدو كان ميفوتش العشرة متع الليل قعدت حايرة شبش تعمل كل مرة تخطر عبالها حكاية سعات تقول صارتلو حاجة و سعات تقول باز بايت مع طفلة كل مرة شيخطر في بالها هزت التاليفون و قررت بش طيح من روحها و تكلمو لكن لمصيبة لقاتو مسكر زادت تحيرت اكثر و المشكلة معندهاش نومرو سليم ..
قعدت ليلة كاملة ماشية جاية في الدار من كثر ماهي متوترة حتى النوم مجاهاش زيد تفكرت كيفاه خرج مغشش زادت ترعبت اكثر .. ال 3 متع الصباح و هو مجاش و هي مزالت فايقة تستنى منجمت تكلم حد بش متحيرهمش هي اكاكة و تسمع في الباب تحل تتنطر تجري تلقاه داخل كأنو مفما شي
-شمفيقك لتوة انت
- تقوم تصيييح و تعيط نرماااال انت مروح تو و مسكر تاليفونك مالفوق مشى في بالي صرتلك حاجة متخممش فيا الزح كلبة انا مطيشة لهنا معمتليش حتى قيمة بعد شدها لبكا كانت تحكي و تصيح و تضرب فيه ع صدرو و شعرها هابط ع وجها هو كان طويل اعليها برشا .. اصلا الغلطة مش منك الغلطة مني عمتلك قيمة و تحيرت و قعت نستنى فيك ..
هو قعد باهت مكانش يتصورها بش تهتم و لا تفيق انو جاء مخر كان يسخايل بش يلقاها تفشخ في النوم مهيش لهنا قعد مبهم فيها كيفاه تبكي و تصيح ملقا كيفاش ايهديها غير انو جبدها ليه و حطلها راسها ع صدرو و كبس عليها بش سكتت قعدت معنقتو من غير متشعر بعد فاقت ع روحها بعدت و قتلو سامحني متحكمتش في عصابي خاطر انا ليلة كاملة متحيرة و انت جيت معلبالك كانو مفما شي اصلا عنديش الحق نتصرف هكا و مشات تجري طلعت لبيتها تحكي مع روحها اوووف تي شبيني عملت هكا انا تو ايقول مالية بيا راسها ويزيد يتضرب في روحو! مفهمتش شبيني الزح انفعلت هكاكة ..
هو طلع لبيتو دوش و تكى عالفرش قعد ايخمم في الي صار كان فرحاااااان احساس اول مرة ايحسو عمرو متحير اعليه حد كيما اليوم كان يتفكر فيها كيفاه تبكي و تصيح و يتفكر في شعرها لي اول مرة يشوفو كان طويل و ارطب زادها الشطر محبش ايجيه النوم هز روحو و مشالها دق الباب و دخل هي زادة مجاهاش النوم كانت تخمم
-مغشة ؟
لااا !!
-سامحني مفيبليش بش تتحير و تاليفوني طاح شارج مسكرتوش
-باهي
- تعشيت و لا مكليت شى لتو
- اي تعشيت و مستنيتكش هااه كانت تحكي كي الصغار
- تتعشى و متستنااااش راجلككككككك جبدها من ايدها و قعد ايكركر فيها للكوجينة هو كان شايخ ضحك و هي تصيح و تفارع فيه سيبنيييي و الله نحب نرقد برا هوكا عشاك تو تلقاه محطوط
-هه انت صبرت صبرت بش تقعد بحذايا لين نكمل ناكل متجينيش الشاهية وحدي و بعد تو نسيبك
-يا ربي اعطيني الصبر راو بش يهبلني
الحلقة 25
كانو كل متزيد ليامات كل ميزيدو يقربو لبعضهم و بطبيعة المشاكل ديما تبع ..
مزالو 4 ايام على عرس سلمى كانت مرام كل يوم في دار خالتها تعاون و تحرك معاهم غاطسة للعنكوش مروحتش جملة لدارها و مشفتش مهدي هي كانت عادي بحكم لاهية و ملمومة مع عايلتها و شايخة اما هو افتقدها برشا و فيسع توحش حركتها و ريحتها في الدار كانت كل بقعة تفكرو فيها تفكر بكاها و تخرنينها ضحكتها و بلادتها و خاصة ماكلتها .. كان كل يوم يدخل للبيتها يقعد يخزر لكل تفاصيلها يشم ريحتها و يخرج
جاه سليم ايطل عليه للدار
-وينك اهم معاش تظهر
-هاني غاطس في الخدمة هالايامات
-ويني مروم خنسلم اعليها
-اذيكة نساتني جملة عندها 4 ايام تو بحذا دارهم عرس بنت خلتها حتى بتليفون متفكرتنيش
-ههه اي و شبيك كلي بش تبكي
-صلي عنيبي اذا شناقصني !
-بش تحضر للعرس
-لاا اش مهزني هايكا معوضتني المدام ههه
-شبيك كالخرى وليت .. عكل حال خير اكيد بش تطلع تفتق اكا مروم و دبر كعبة من غادي ايحبها و يعرف قيمتها و اول مترتاح منك و من همك تعرس بيه نشاء الله ربي وفقها اكا طفلة تستاهل كل خير. ههه كان يحكي و شايخ اعليه و تجيه مخدة في خليقتو تسكتو لين روح
ليلتها مهدي قعد يخمم كيفاه بش يطلقو و بش تمشي و تخليه كيفاه بش يبعدو و يعيش من غيرها تخيلها مع غيرو معرسة و عايشة حياتها من بعدو محملش الفكرة وفيسع غم ع راسو و رقد .. "شبيك يا مهدي وليت تخمم هكا هذاكا اللي بش يصير و اللي لازمو يصير فيييق راك بديت تغرق.."
وفي نفس الوقت كانت مرام ساهرة مع بنات خلاتها و مخها سارح ايخمم في مهدي زعمة شعامل
-احمم نحن هنا !! مخك وين
- سلمى مهدي مكلمنيش و متفكرنيش الزح مصقتو اكيد رتاح مني اصلا هو يستنى وقتاه نطلقو تي اصلا انا زادة نستنى راو نحب نرجع لحضن سو و نجوب اوووف تي ربي معاه اصلا فماش علاش بش يطلب
-ههههههههه يا مهبولة فاش تحككككي !!
-شي بربي اخطاني هاني ماشية نمرقد غدوة نهار طويل خنعرسولك و نرتاحو
- هههه شنية تستنى وقتاش تروح يا وحيدة ..
طفاتها مرام و مشات رقدت..
الحلقة 26
بدى العرس و بدات السهرية و بداو الناس ايجو مرام كانت دور من بلاصة لبلاصة تسلم ع العباد و تفرح بيهم و عينها عالباب تستنى في مهدي كانت لابسة روب سواري روج تجبد لنضار هي اكاكة و يدخل مهدي مكستم و حاط الحطة العنين الكل عليه مسكين نجمش ايشد روحو و ميحضرش .. سيبت الي في ايدها و مشاتلو تجري
-مهدييي
-سامحني شكونك !!!
-قعدت امبهمة مالفازة الي عملها ملقات متقول بقات تخزرلو
شدها من ايدها و هزها ايا ايجا معايا خنسلم عالعروسة و العريس و نباركلهم و بعد نتعرفوووووو
-اوف منك ومن بلادتك
-امشي واسكت تو نتفاهمو مسيبة راجلك وحدو هذي بنات الاوصول شتعمل
-وانت متسالش ع مرتك هذاا ولاد الاصول شيعملو ناري لسم العالي و المربط الخالي
-زيد طول لسانك زيد هام يجملو
قعدو سهرية كاملة مع بعضهم يتفارعو و بعد نادولها بش تشطح هي وقفت و هو شدها
-ترس هوني وين ماشية
-نشطح ووه شوف لبنات كيفاه عاملين جو
- ترس قتلك !!! و شنية هالروبة الي لابستها
-شبيهااا ؟؟!!
-ماكش ترى كيفاه بدنك مفصل ياسر محزوقة مخزرتش لروحك قبل متخرج ياخي .. المرة هذي هاني بش نعديهالك
قربتلو لوذنو و قتلو بشوية متنساش منيش مرتكك و اموري نعمل الي نحب و نلبس الي نحب و نشطح كيما نحب و وقت ما نحب سي مهدي باهييي ..
هي جات ماشية و هوما بدلو الريتم و دوروها سلو ! هه رجعت طول شدت بلاصتها
-قتلي تحب تشطح مالا هذا لي بيك ايا قوم قوم نشطحو
-بطلت نحبش يزي بلا مصاطة نشطحش معاك زيد الروبة مكبوسة ماك قلت ههه
-قوممممم !
و جبدها من ايدها و بداو يشطحو و العينين الكل اعليهم و سهام و سي نجبب بش ايطيرو مالفرحة مش مصدقين .. كانو يخزرو في عينين بعضهم هي بش تموت بالحشمة و هو شايخ اعليها
-مالا قتلي منيش مرتك و انا حرة نعمل الي نحب ..
-اي مش عاجبكككك
-لا توا عاجبني عندك الحق !
اماا الليلة كيف بش تولي مرتي ع قاعدة معاش بش يعجبني اكيد هههه
-ووه فاش تحكي ياخي سيبني نحب نمشي سيب
-اقعد عاقلة مالة و متحاولش تتقوى عليا و الي نقلك اعلييه تعملو مكاااانش نبدل رايي هههه و تو اخزرلي في عيني و كمل اشطح لعباد تخزر تحشمنيش عاد
تعدات سهرية كاملة و هوما كي الفار و القطوس اوفا العرس و ىوحو لعباد قعدو كان العايلة ايسلمو ع سلمى مرام شافت امها تحكي مع مهدي مشاتلو قتلو هاني بش نروح لدارنا اليوم تو غدوة الصباح نروح كانت تحب تحشمو قدام امها ويقلها حاضر و نسات الي هي طايحة مع مهدي
-لا اروحي الليلة متبات كان في داركك رويجلك راو متوحشك
تربثت و دخلت بعضها و حشمت قدام امها و عداتها بضحكة و اضطرت انها تسكت خير ملي ايزيد ايحشمها و يبدى ايجيب و يجلب وحدو ويسيب في المصاطة..
طلعت معاه في الكرهبة خزرلها و بعد قرر انو ايهر شوية حس روحو فادد
-زح كنت مرتاح منك مفهمتش اعلاش مروح بيك اما الله غالب الكبدة مشومة ..
- رجعني تعمل مزية
-اسس انا لي نقرر لهنا !
-منيش مر...
-ماكش شنية هههه كمل كمل انا بيدي نستنى فيها تي قريب نحطها سونوري اصل
-...
...
كان يحكي و هي مطفيتو لين وصلو للدار دخلت لبيتها طول تجري و سكرت الباب كانت شامتها قارصة ها الليلة هه
-ااا هربت هه باهي باهي نعرفك تصبرش ع كرشك تو نشدك بعد تخنتب في الكوجينة هههههه
الحلقة 27
نهار هي راقدة حلمت حلمة موش باهية قامت تصييييح مفجوعة و مهدي كان في بيتو يخدم ع البيسي حارق روحو بالخدمة يسمعها يمشيلها يجري
-شفماااااا شبيكككك
يلقاها ترعش خايفة
-حلمت حلمة خايبة قمت مرعوبة سامحني كان قومتك
-لا بطبيعتي مزلت مرقتش
مشا جابلها كاس ما و قلها اشرب و هدي عصابك
-خير ؟
-اي
باهي نخلييك مالا ليلتك زينة
-بش تخليني وحدي !! و الله خايفة
-تحب نبات بحذااك
-اي اما اقعد عاقل منيش ناقصتك باهي
-إي تهنى ههه
مشى سكر البيسي و رجعلها طفا الضوء و نحى مريولو و خزرلها
ايا امشي لغادي خنرقد
-تكى مشيرة لخرى شبيك
-امشي ابعد و لا خنرجع لبيتي
-باهي اس بركة ولا ايهدد السيد
-ايييياه مسخنها بلاصتك حتى هي الدنية باردة
-والله زايد مخبثككك
جبدها ليه و حطلها راسها ع صدرو قعد يلعبلها بشعرها لين هزها النوم كانت مرتاحة و فرحانة و حاسة بالامان و هو كان متفرهد احساس اول مرة يحسو مع طفلة حسها مختلفة عالبنات لي عرفهم الكل اصلا ملي دخلت لحياتو و لا زاهي و شايخ نستو في برشة وجيعة و برشا حجات ..
قام الصباح يلقاهاش بحذاه هبطت للكوجينة يلقاها تحضر في فطور الصباح تغني و عاملة جو جاها منتالي و سرق بوسة من خدها
-ضحكت و بعد فاقت ع روحها و قتلو مش خاطر خليتك تبات بحذايا بش تولي تبوس عاااد اياااا ..
-هاو بش نوريك البوس ع قاعدة مالا
هي تجري و هو يجري الدار قلبوها لمخادد تتناطر كسرو الفاز و هي تصيح و تضحككك حسهم مالي الدار لين طاح مهدي و ولا ايصيح اما هي سايي ولت قاريتو قراية عرفتو ايفلم ايحبها ترجع تشوف شبيه ويشدها شاخت ضحك و قتلو اقعد غادي و الله كي تموت و اوووووب تدخل لبيتها و تسكر الباب كيما العادة ههه ملجأها الوحيد
-ههه يا بنت لحراااام لي يغلبك ايجي حاسبني
باهي اخرج نفطرو
-لاااا
-باهي ايجا لم الدار هاي تقلبت
-لاااا
-باهي هاني خارج نخدم تو و لنا عودة الا منحيه لبلوكيس متع اكا البيت ونرتحك و نرتاح
الحلقة 28
مرام حست روحها بدات تتعلق بيه حتى كيف تمشي لدارهم و لا بحذا امل تستنى وقتاه تروح بش تراه كانت علاقتهم كي الصحاب تنحى الكره الي بيناتهم ولاو ديما شايخين و هارين وامبدعين ستانست ببلادتو و بخسو و مصاطتو ولت تعشقهم كانت ديما لاهية بيه وهو مش مقصر معاها في شي لكنو كان غامض عندو برشا كلام في عينو ملقاتلو حتى تفسير .. خافت لتطلع حبتو ويتعاود الي صار ترجع تتعذب من جديد
متحبش تحبو خاطر هي عارفة انو كل حد بش يمشي ع روحو.. لازمك تفيق يا مرام و متخليش راجل يعميك من جديد فيق راو ميحبكش متبنيش احلامك ع الفارغ بش متتعبش ..ااااه يا ربي..
كانت فادة و مخنوقة و مخها بش يتحرق متخمام روح مهدي 7 حطو تعشاو
-مهدي فادة نحب نخرج نشم شوية هوا
-توااا!! الدنيا باردة اتو نحطو فيلم تحفون تو طير الفدة
-إي فكرة باهية نخرجو و كيف نجيو نحطو فيلم و كان ماكش بش تخرجني تو نخرج نتمشى وحدي
- البس بالباهي بش متمرضش هاني نستنى فيك خليفتي ع ربي دلالك كثر هالايامات --'
-ايخليييكككك يا ربى
كانت طايرة مالفرحة مشت عطاتو بوسة ع خدو و طلعت تجري
كان يحكي وحدو "محلااااك يا مرام و محلا البراءة لي فيك اي حاجة تفرحك و اي حاجة تبكيك اييه والله بش نتوحشها هالسخطة ستانست بيها و بهبالها الله يهديك يا بابا "
كانو يتمشاو ع البحر و الطقس بارد هي خطارت لبلاصة .. هوما اكاكة و بدى الرعد يضرب ماتت بالرعبة و كبشت فيه
-ههههه متخافش هاني معاك ايا نرجعو للكرهبة
هوما راجعين و المطر بدات تصب كانت ماشية و تقوى
-اجري شوية يا مرام لنتبلو
-منحبش
-متحبش شنية زادة
-نحبش نروح امان مهدي خليني شوية نحب نهبل و الله محلاها لمطر
اطلع انت و انا تو نخلط اعليككك
كانت لبلاصة فارغة و الدنية ليل تسمع كان صوت الموجة..
الحلقة 29
قعدت تحت لمطر حالة ايدها و هازة راسها و مهدي كان واقف يخزرلها عيطتلو ع طول صوتها مهديييييييي ايجا نهبلوووووووووووووووو
مشالها قعدو يلعبو ايصيحووو و يتجاراو و يتفارعو لين تعبو و المطر قصت كانو واقفين و يخزرو لبعضهم حست بحاجة غريبة اول مرة تحسها كيف تبدى معاه كانت تخزرلو و تخمم في كل شي لين عينها دمعت
-مهدي عنقني !
بهت فيها ملول و بعد قرب منها و عنقها و كبس اعليها قعدو هكاكة لين جبدت روحها و جات ماشية يجبدها ليه بقوة ويبوسهااا كان شادها بقوة خايف لتهرب و تخليه كان يتمني الوقت يحبس في اللحظة هذيكة كانت النار شاعلة فيه ولا عبد اخر قاصي ومش عارف روحو فاش قاعد يعمل هي كانت كانت تجبد في روحها و تحاول تبعدو اما هو كان اقوى منها ..
طلعو في الكرهبة محكاوش حتى كلمة كانت مصدومة تحب تضربو كانت ترعش ولات تحس في روحها خايفة منو هو كان باهت في لي عملو مش مصدق لي صار ملقا ميقول حس روحو غلط ولا نجمو نقولو تسرع
-سامحني مرام كانت حاجة اقوى مني نوعدك معاش تتكرر
-وين تحب توصل ياخي !!!! احنا ملول تفاهمنا انو ايكون عرسنا عالورق و متخممش انك توصل لحاجة اخرى شنكرهكمممممم كلكم كي بعضكم تخممو كان في رواحكم اعطيكم تشبعو رغباتكممم ...
هي كانت تحكي و تصيح يعمل فرااان و يخرج من عقلو
-فاااااش تحكييييي ! حدك غادي متحولش تقارني ولا تشبهني بحد و كي نحب نوصل للي نحب ماكش بش تشدني انت ولا غيرككككك مالك الا مرتي شرعا و قانونا و نجم نعمل معاك لي نحب و وقت منحب .. كان يحكي بصوت يرعب بعد قربلها علخر و شدها من وجها انا قتلككك عنقني تكلمم هاك انت بديتها و انا كملت كل يوم و انت في وجهي دور قدامي و عمري مخممت بش نعمل حاجة انت ماكش حابتها كنت معاك بكلمتي والي تفاهمنا اعليه مشيت بيه و مش ع غلطة بش تذلني و تو فمك تسكرووو لعت دور بيا و لعدت ندور بييك كل حد ع روحو اصلا كان لازم ملول نعملو هكا و تو في اقرب وقت نبدى نحرك في اوراق الطلاق افرحححح هاو بش نرتحك و نرتاااااح..
خدم الكرهبة و طار طيران حطها قدام الدار و مشى.. كان مش حامل روحو و مش حامل ايشوفها طلعلو الدم و العصب من كلامها حب يبعد ويهدى بش ميزيدش يخليها و يعمل حاجة يندم عليهاا..
الحلقة 30
دخلت لدار هايمة تكركر في ساقها تمشي بسيف كان دبشها الكل مبلول تعدات للدوش دخلت بدبشها تحت الماء شدتها غصة متع بكا في لحظة تبدل كل شيء حست بقهرة تعاودلها سيناريو حياتها من اول و جديد تفكرت كل لحظة توجعت فيها حتى الانسان الي بدللها حياتها و فرحها خسرتو و وجعها بكلامو حست روحها وحدها انسانة ضايعة قعدت ذابلة و الماء هابط عليها و هابط من عينيها كملت دوشت و لبست شورط و خلعة بحكم الدار كانت دافية و ترمات فوق الفرش ..
مهدي حبس في بلاصة ظلام كانت الدنيا باردة و هو مبلول تكا عالكرهبة وقعد ايخمم مكان حاس بشيء كانت النار شاعلة فيه كان مخنوق مشى بحذا سليم حكالو كل شي و بطبيعة سليم معجبوش الشي لي عملو تعاركو ولحمت بيناتهم كان سليم ايحب ينصحو اما لاخر موخو كان مسكر و ميسمع كان الي قلو عليه راسو زاد تنرفز و طلعلو الدم مشى شرب لين داخ ..
"ملي مشيت و انا ضايع و انا وحدي مكانت تعنيلي حتى طفلة مكنتش نجم نخزر لغيرك قعت سنين و انا عايش و مش عايش حتى سويسرا نجمتش نقعد فيها كل بلاصة كانت تفكرني فيك مشيت و خليتني .. الله يرحمكك يا كارلا..
حتى النهار لي زهاتلي فيه الدنيا ملي عرفت مرام و انا نحس في روحي عبد اخر و ليت نحب نعيش .. ملات اعليا الدنيا بحسها و دلالها اما توا و فى كل شي لي برجو بالهم يقعد طول عمرو تاعب هي حبت هكا ربي معاها ستانست بالخسارة معادش ياثر "
كان يحكي و حدو ضايع تفكر كارلا الانسانة لي حبها تعرف عليها في سويسرا كانت تعيش معاه ملي ماتت خذا صدمة و كره الدنيا و كره روحو محب حد و مدخلت حتى طفلة لحياتو بعدها شخلا امو و بوه خذاولو بسيف بش يملول حياتو ويخرجوه مالحزن و الروتين لي كان عايش فيه ..
روح للدار 4 متع الصباح كان طالع في الدروج يترامى حيط يهز و حيط يجيب و ساق توخر و ساق تقدم و صل قدام بيتها نجمش ايشد روحو حل الباب و دخل و يشوف كان فيهاا كيفااه راقدة بدنهاا يهبل صافي و أبيض كالحليب .. شعرهاا طايح على وجههاا و صدرهاا بااين و بداا يقرب بالشوي بالشوي حتى وصل غمض عينو و عاود حلهاا و بااقي يشوف في نفس المنظر قدامو للحظة مشى في بالو يتخيل .. هذي مرام !! قرب منها اكثر كانت حاجة اقوى منو تجبد فيه بعد تفكر ضحكتها و براءتها وروحها لخفيفة نعل الشيطان و هز روحو و خرج .. هي كانت غاطسة في النوم محست بشيء..
الحلقة 31
طلع نهار جديد كان كل حد ع روحو هو نهار كامل في الخدمة ايروح كان لعشية و هي يا شادة التلفزة يا تقرى في كتاب .. معاش تستناه ولا وين ايروح يلقاها راقدة و لا مش في الدار معاش يسئلها حتى وين كنت ولا منين جيت جبد روحو و هي زادة جبدت روحها كان كل نهار يتعدى اعليهم اصعب مالنهار لي قبلو كل حد فيهم متوحش لاخر كانو ايدورو قدام بعضهم لكن وحشهم ماشي ويزيد توحشو لعبهم و هبالهم خرجاتهم و عركهم و تفدليكهم و خوفهم ع بعضهم كانو متأكدين انهم تعلقو ببعضهم و معاش اينجمو ايعيشو كان لبعضهم و مع بعضهم اما الله غالب كبريائهم كان اقوى ..
في الفترة هذيكة صارت حاجة غريبة حاجة زادت ع مرام و شعلتلها نارها .. فما نومرو ولا ديما ايقلق فيها هي تهز و هو ايعلق..
مرة هي قاعدة في الصالة حاطة ترسم و مهدي مقابلها من غادي يتفرج .. و رجع النومرو يطلب و هي كانت تعلق قريب 4 مرات مهدي حلب عالفازة و قعد مركز معاها .. فدت هي و قررت تهز هزت التاليفون و دخلت لبيتها
-تكلمم شكونك شتحب
-مرام!!
-وي شكون معايا
-حساام
وجها لخلخ و دخلت بعضها حست قلبها وقف
- متعلقش مرام نحب نشوفك لاخر مرة في حياتي نحب نحكي معاك و نوعدك معاش ترى وجهي ..
علقت التالفون ايدها ترعش حاجة مكنتش تتوقعها حسام يطلب بعد سنين هذي الكل ويحب ايشوفها .. مشات غسلت وجها و ربصت روحها بدلت دبشها و خرجت كان التوتر ظاهر ع وجها معملتش اعتبار لمهدي جملة مخها كان ضايع هو حس بحاحة مش عادية هبل حب يعرف شنو لي صاير اما منجمش يسئلها ملقى حتى حل مشى تبعها شافها دخلت لدار امل بش تهنى و رتاح و مشى
حكات لامل شصار مخها حبس قعدو يحكيو و قعدت تهدي فاها و قلتلها بش نقعد نبات بحذاك
-قلت لمهدي ! زعمة يخليك
هبطت راسها و سكتت قعدت سارحة و بعد حكاتلها لي صار لكل بالباء و التاء
لحلقة 32
جاء الليل و مرام مروحتش و مهدي كان بش يهبل ميتهنى الا متروح و تبات في دارها مكانش متحمل تقعد في بلاصة اخرى و سعات ايقول بلكشي صارتلها حاجة لكن جاتو صعيبة بش ايكلمها بعد لي صار ..
مرام كانت متكية هي و امل ع الفرش ايخرفو كالعادة
-اااه و الله يا امل كان تشوف قداه تبدل معايا زح مصعبو و قداش ايشد في قلبو .. انا لحظتها محملتش جاتني صعيبة نسلملو و انفعلت و هو تنرفز و من وقتها محكاش معايا وين نتفكرو كيفاه ولا قلبي يوجعني قعدت كان الذكريات ليامات لحلوة تعدت في رمشة عين ..
- باين فييك طحت ع راسك انت سايي
-امل نكذب اعليييك كان نقلك لا ..
- ههههههه حمد الله يا ربي كيف رجع دق قلبك من جديد و انا متاكدة زادة لي هو ايحبك تو تشوف الا كل شي ميتصلح من جديد و ترحعو كيما كنتو
-و حسام توا شعملنا فيه و الله خايفة يا امل
تي فوت معندو ميعمل ركز مع مهدوش توا خنلقو طريقة نطيحوه بيها و نخلوه يستعرف ههه اس اس خنخمم
هوما اكاكة و تلفون مرام ايصوني و تتنطر و تجي واقفة فوق الفرش و تقوم تصيح و تنقز ااااااا امل هاو يطلب و الله هههه مهدي ايكلم فيا ههه باز تحير اذاكة ههه خليه بش يعرف قيمتي هههه
بعد الخوماضة الي عملتلها هذي الكل هزت و مخسرت اعليه كان
-ويي !!
ههه اصلا كلنا لبنات فينا هالصنعة كيما تعرفو
-وينك!!
-بحذا امل
-اخرج بش تروح هاني قدام الدار
-قدام الدار !!!! مخلهاش تكمل حديثها و علق
امل هاو قدام الباب منين عرف لي انا لهنا ! ااوف تي المفيد كلمني و يحبني نروح و الله توحشت حديثو و توحشت كل حاجة فيه اياا خنمشي راجلي يستنى هههههه ايجا اهبط معايا سلم اعليه بش كيراك ميبخسنيش طول خاطر حاستو مغلغل ...
طلعت مرام للكرهبة مشى شوية وبدى!!
- اسمع الف مرة نقلك معاش تتصرف من راسك مالك الا مرتي قدام لعباد و ميسعدنيش تبات قي دار اخرى بخلاف دار امك و بوك كيف نطلقو اعمل لي تحب .. قعدت مرام تخزرلو وهي شايخة ضحك توحشتو و توحشت كلامو و توحشت غشو و تحميرة عينو
قعد باهت كان يستنى فيها بش تشعل فيه و يسمع حسها و تخرنينها " شباها تضحك هذي لدرجة ولت تستهزء بيا و معاش يعنيلها كلامي !!! حتى انا كثرتلها ظهرلي..
! لا تستاهل --' "
الحلقة 33
ليامات هذيكة مرض مهدي مرضة كبيرة خلتو ايشد الفرش محبش حتى يمشي لطبيب ..
سمعتو مرام ايكح و يعطس نجمتش تشد روحها مشاتلو للبيت
-عود دق الباب قبل متدخل كنت نجم نكون مش لابس معاش تعاودها
"يا ربي حتى مريض هذا و بش يموت لازم يبخسني "
-شبيك لباس مهدي !!
-ماكش ترى فيا كيفاه حالتي!!! منين لباس --!
جات حطت ايدها ع جبينو شافتلو السخانة و بعد مشات جبتلو دواء و حاجة سخونة بش ياكلها ..
-أعلاش تقلق في روحك ماكش مسؤولة مني
طفتو و عطاتو الطبق
-اشرب الشربة باهيتلك و بعد خوذ الدواء هذا بش ايطيحلك السخانة
-اخرججججج
-نعم!
-قتلك اخرج متسمعش
غاضتها منو مرام ملا فازة عملهالها هي اكا حدها عليه و هو ايطرد فيها
جات خارجة و هي بش تترشق بالغش وصلت للباب و هو نادالها
-مراام ! خرجتك خاطر خايف لنعديك مش ع حاجة هه متبداش تنوح ماني نعرفك
-ههه رجعت فيها الروح و تلفتتلو تصيح
-بش تخرجني من عقلي راك و الله لعدت نتبعك و نركز مع مهبول كيفككك ! اعمل لي قتلك اعليه نمشي نعملك تيزانة و نجيكككك
قعدت ليلة كاملة بحذاه لاهية بيه و هو ايسيب في دلالو و يتشرط تقولش اعليه بيبي .. حس بروحو فرحااان تمنى كان يقعد مريض عمرو الكل و هي بحذاه.. كل يوم ايحس بقيمتها اكثر و اتزيد تكبر في عينو حسها الوحيدة الي نجم ايعيش معاها و يتفاهم معاها كانت تعديلو و متخذش اعليه ستانست بيه و بهبالو وهو زادة ستانس بيها و ولا يفهمها من غير متتكلم .. المرضة خلتهم ينسو الي صار و يرجعو من اول و جديد رجعو يحكيو و لاهين ببعضهم و بدات الامور تتحسن
لكن حسام مخلاش مرام تتهنى و ترتاح كان كل يوم يطلب و هي متهزش و يبعث في المساجات فددها كانت خايفة منو ومن رجوعو الغامض ..
الحلقة 34
بدات مرام تتوتر اكثر و كل يوم خوفها كان ايزيد مهدي كان حاس انو بيها حاجة زيد كثرت تاليفوناتها و مشياتها بحذا امل كانت كل متتوتر تمشيلها و لا تكلمها بش تعاونها و تهديلها عصابها خاطر حسام ولى يهدد فيها انو يجيها للدار ..
نهار كمل مهدي الخدمة بكري مشا بحذا سليم كان مخنوق و لازم ايفرغلو قلبو
-سلييييم !
-نسمع فيك احكي
-نحي ام التالفون من ايدك و ركز معايا
- شبيككك انت ملي جيت وانت ع عصابك شفما
-نحبببهااااااا
-هههههههه تو فقت انت
-والله طحت ع راسي اكلي بضبط معاش نحمل نشوفها قدامي و هي بعيدة اعليا كل حد في بيت وليت نحس فيها متاعي حاجة مني تابعتني نجمش نخمم مجرد تفكير انها تبعد اعليا و تاخو حد غيري والله نقتلها و نقتل روحي .. تي ملخر عشقتها و عشقت كل حاحة فيها وقتلي خذيتها كنت مغصوب و مش حاملها كنت ناقم ع امي و بابا و تو كان نلقى نبوسلهم ساقهم و شوي والله فرحااان اني عرفتها ..
-و هي ا صاحبي ؟
- متتصورش قداشها تخاف اعليا و لاهية بيا و قداش تفرح كي نروح و تستناني و تشاورني ع كل شي لكن ليامات لخرة نحس بيها حاجة مهيش كيما العادة خايف تمشي و تخليني خايف لتكون عندها حاحة مخبيتها اعليا شخلاها متحبش تتقرب مني و معطتنيش الفرصة اني نقربها.. يلزمني نتصرف و نقلها الي انا نحبهااا و نحب نكمل معاها حياتي و كان هي محبتش تو تولي تحب بسيف منيش مسيبهااا مرام متكون كان ليااا
-حب كبيييير ا عمري ههه و الله عيني بش ترغرغ عزاك شوليت رومنسي انت
كهو اصدم مالا و انا هاني معاااك تستحق حاجة ديما موجود ..
الحلقة 35
مشات مرام بحذا امل
-يا ربي هاو مزال يطلب حسااام كيفاه بش نتخلص منو هذا راني بش نهبل
-مرام الحل الوحيد انك تمشي تقابلو شوف شيحب و ارتاح
-لاااا مستحيييييل تصور ايراني مهدي معاه حتى الامل لي كنت عايشة عليه ايضيع خلي هكا خير
-تخيل مالا ايجيكك للدار امشي شوفو شيحب و ارتاح
- تمشي معايا انت منمشيش وحدي
-إي اكييييد منخليكش تمشيلو وحدك ..
الوقت هذاكة روح مهدي ملقاش مرام في الدار استغل الفرصة و قرر انو يعمللها حاجة رومنسية بش يستعرفلها بحبو مشى وصى على عشا قمقوم عبا الدار بشموع و الورد حضر الطاولة وحط موسيقى كان منضر رومنسي بامتياز كان يعمل في هذاكة الكل و بش ايطير مالفرحة يتخيل في ردت فعل مرام كي بش تشوف المهبول متاعها شعمل على خاطرها ..
كانت الخمسة متع لعشية و الدنيا حال شتا مشات مرام بش تقابل حسام في البلاصة الي تفاهمو اعليها و كانت امل معاها بطى عليهم شوية لكنو في لخر جا ..
شافتو جاي تخزرلو بعين كلها حقد و كره لكنها كانت عادي محست تجاهو بشي النار الي داخلها طفات معاد يعنيلها شي حبها لمهدي نساها في كل شي و كل لحظة عاشتها قبل ..
مشاتلو مدتلو ايدها سلمت اعليه
-وينككك مراام شعاملة
-لباس قلي شتحب هاني جيتك
-اسمعني للخر عيشك
الحلقة 36
- حبيت نرااك بش نطلب منك السماح علي عملتو فيك قبل خنتك و خليتك تمشي كأنو مصار شي مكنتش حاس بقيمتك وقتها لكن الدنيا خلصتلك حقك يا مرام .. كنت ديما نسال اعلييك كنت ديما في بالي نتفكر اول مرة ريتك فيها كيفاه دخلت معايا تحت السحابة وانت بكلك ترعش نتفكر كل لحظة عشتها معاك ملي مشيت و انا ضميري يأنب فيا لكن منجمتش نعمل شي خاطر فات الفوت .. من بعدك محبيت حتى طفلة اي طفلة نتعرف عليها كنت نفركس فيها على حاجة منك و شي منلقاش .. ريتككك نهار عرسك كيفاه خارجة مالحجامة تمنيت انك تكون ليا وقتها و الله مت الف موتة.. راجلك سالت اعليه و تهنيت عليك راجل باهي و متاكد بش ايهنيك مش كيفي ..
نحبك تسامحني بش نمشي و انا مرتاح بش نسافر نعمل عملية ع راسي فقت بروحي عندي الكونسار ممكن نعيش و ممكن نموت هذاكة علاش حبيت نشوفك لاخر مرة و نطلب منك السماح و نرتاح والله تاعب يا مرام قلي سامحتككك اخر حاجة نطلبها منك ..
كانت مرام تسمع فيه و الدموع هابطة من عينها كالمطر مكانتش تضن انو ايصير فيه هكا قعدو يحكيو و قتلو الي هي سامحتو ... فيسع مطاح اعليها الليل معاش بكري اعليها يلزمها تروح و المطر بدات تصب قلها خنوصلك انت و امل لكنها محبتش قعدت تستنى في تاكسي جات تشوف في تليفونها تلقاه طاح شارج حبت تكلم مهدي بش تهنيه اعليها مش مستانسة تقعد للوقت هذا متروحش لين رجعلها حسام و شد فيهم بش يركبو ايوصلهم
-امشي مرام نركبو شوف كيفاه ليل مهدي تو يقلب اعليك الدنيا ترصيلك في مشاكل معاه زيد شوف كيفاه تبليناا ..
الحلقة 37
الوقت هذاكة كان مهدي في الدار كشاكشو طالعة مرام مفماش ريحتها و تاليفونها مسكر حتى نومرو امل معندوش الافكار الكل دارت في راسو كان بش يهبل خرج للبالكون يتكلم في التلفون ويشوف في كرهبة نوار وقفت قدام الدار هبطت منها مرام لكنو مشافش امل الي كانت راكبة منتالي مفهم شي علق و هبطلها يجري عرضتو داخلة للدار.. داخلة بعضها و مربوثة زادت شلقت ع روحها . .
-وين كنت تكلم
-بحذا امل !! وين عندي نمشي
-جيت وحدككك
-اي خذيت تاكسي شبيكك مهدي
كانت تحكي معاه و باهتة في الدار الي كلها شموع و ورد هي اكاكة ويلفها بزوز كفوف كل واحد فيهم اقوى من لاخر جات طايحة في القاعة
-تككككككذب !!! جايتني 8 متع الليل كلك مرنخة بالماء موصلك راجل قدام الدار و تقلي كنت بحذا امل .. تفوه اعليكككك كنت نسخايلك عبد و بنت اصل اما خسارتك
يجبدلها خيمارها ينحيه ويشدها من شعرها؛! قووممم قوووم شوف مروح نحضر في الدار مخليت معملت بش نقلك رااني نحبك و نحب نكمل معااااك حياتي و موش بش نسلم فيكككك.. و انت شعملت هه مشيت تقابل في غيري مروحتلي مبلولة.. شنوة شختو تحت لمطر شعملتو باسككك اااه وانت اكيد راك فرحت مدزيتوش خاطرو مهوش مهدي اااه تكلللللمممم
ويزيد ايلفها بكف اخر .. هي كانت مصدومة مقالت حتى كلمة دموعها هابطة وبس رماها ع طول ايدو و مشى قلب الطاولة و طاح ايكسر ويصيحح كان عبد اخر عبد يرعب كان في حالة موش عادية هي كيف شافتو اكاكة زادت خافت و تفجعت اكثر و كيما تعرفو عندها فقر الدم اي حاحة تأثر فيها داخت ملقات روحها كان فوق الفرش وامل بجنبها ...
في الوقت لي داخت فيه كان مهدي ايكسر ويصيح تلفت يلقاها ع طولها بالرغم انو كان ناقم اعليها ويحب يقتلها لكنو تفجع اعليها في لحظة نسى كل شي و مشالها يجري هز حطها فوق الفرش و كلملها الطبيب ..
الحلقة 38
كان خايف اعليها برشا و خاصة كيف قلو الطبيب انو صارلها انهيار عصبي مشى جاب امل من دارها بش تقعد بحذاها كيف دخلت و شافت الدار كيفاه مقلوبة و شافت صحبتها كيفاه ملوحة عالفرش في دنيا اخرى فهمت كل شي و عرفت انو مهدي شلق بلي صار لكن بالغالط..
ناداتلو و حكاتلو الي صار لكل حكاتلو على حسام و على حب مرام ليه و خيانتو ليها حكاتلو قداه تعذبت و توجعت قتلو الي هي من وقتها كرهت الرجال و معاش تنجم تعطي فرصة لروحها و لحد بش يتقرب منها حتى لين جيت انتي و دخلت لحياتها و تبدل كل شي قتلو الي قلبها دق من جديد و حبتو حبتو برشاا .. قتلو الي هوها مشاو قابلو حسام مع بعضهم بش تتخلص منو كانت خايفة تخسرككك .. حكاتلو امل على كل شي و فهمتو لحكاية الكل
عرف غلطو الدنيا دارت بيها خرج يجري ركب في الكرهبة كان ماشي و مش عارف وين تفكر كيفاه عنفها و وجعها تفكر كلامو ليها و كيفاه اتهمها .. حس روحو ثاني انسان يظلمها و يوجعها من جديد كان ايخمم و يبكي اي يبكى مهدي وصل يبكي مالقهرة حس روحو خسر حاجة معاش تتعوض خسرها مالتسرع متاعو و غشو الزايد..
الحلقة39
فاقت مرام تلقى امل بجمبها كانت دايخة مش فاهمة شي في لحظة تفكرت كل شي تشدها هستيريا متع بكا و امل كانت تسكت فيها
-يزي عيش اختي متعملش في روحك هكا امان
-كان تشوف شعملي يا امل راو ضربني تخيل انا بابا عمرو مهز ايدو عليا و كان تشوف شقلي ردني خاينة و منصلحش والله توجع راني معاش نتحمل
-نعرف الي عملو ميجيش و غلط في حقك اما هو فهم بالغالط و اي واحد اخر بش يعمل الي عملو و حبو ليك و قهرتو مالي صار خلتو يتصرف هكا و ميتحكمش في اعصابو .. مرام انا حكيتلو كل شي متتصورش قداه ندم و كان تشوف قداه كان مفجوع اعليك و الله ايحبكك الراجل سامحو عيش اختي و حاول تنسى لي صار ..
سكتت مرام قعدت تخمم في كلام صحبتها سرحت مع مخها تتفكر شعمل ع خاطرها تفكرت كيفاه قلها كنت ناوي نقلك راني نحبكك و نكمل حياتي معاك ..
مهدي مشى بحذا سليم مكانش قادر ايروح و يخزرلها لوجها الي زرقهولها كان حاشم منها و ملي عملو معاها جاتو صعيبة كان يختار يبعد ويخبي وجهو لين تبرد لحكاية مهدي ولى انسان ضعيف حاير ضايع مش عارف اش يعمل كان مقهور و يتوجع كل يوم ..
خمسة ايام و مهدي فماش ريحتو مروحش اما كان كل يوم يكلم امل يسال على مرام ويوصيها بش متخليهاش وحدها ..
-سال عليا مهدي اليوم
-اكيد عزيزة و الله المغبون سخفني
-مفهمتش شبيه عمل هكا علاه هارب و مخبي وجهو شبيه مجاش طلب السماح حتى ..
-شتحبو ايقلك بربي .. و اكيد خايف من ردت فعلك و خايف اعليك لتتعب كيف تراه ايحب ايخليك تهدى متعرش مهدي ياخي
- رغم الي عملو لكل اما توحشتو و الله يا امل توحشتو اووف .. زعما وين يبات و اش صاير فيه ..
من غدوة كان مهدي راقد و سليم يخدم عالبيسي و التالفون متاعو ايصوني يلقاها مرام تنطر جا واقف
-سليييم مرام تطلب
-هز شبيك
-و الله خايف لتقلي طلقني
-تي هزززز..
النهاية ...
الحلقة 40
الووو ! وي مرام
-وي مهدي وينك توا
-مرام شوف خنحكو قبل كل شي متعملش حاجة تندم اعليها نعرف روحي غلط معاك غلطة متتغفرش اما و الله نادم ...
هو يحكي ويفسر و داخل بعضو و ماكل روحو سلاطة وهي قصت عليه
-ههه شبيك مهدي فاش تحكي على شنوة بش نندم
- كلمتني بش تطلب الطلاق عارفك --!
- مهدي ! ارجع لدارك
- وانت وين ماشية !! بش ترجع لدار بوك
-ههه متصورتكش بهيم لدرجة الزح !
منيش ماشية لحتى بلاصة قاعدتلك على قلبك بش نخلص فيك لقديم و الجديد بش نبدع بيك ونوريك النجوم في القايلة اما موش بش نخليك .. نحبك مهدي
- ستنى ستنى اني جايك لحظات و نكون عندك متتحركش نحب نسمع منك لكلام هذا وانت قدامي عههه اااه
-اسمعععع جيب فيدك برشا شمع هههه ..
مشالها يجري ساقو اعلى من راسو دخل للدار ايصيح ويييينك اهممم !!!
مرااااام .. يا مرام ... ''!!؟
فركس الدار لكل ملقاهاش ارض و كانتلها بلاعة تحير و دخل بعضو مشى في بالو عملتلو هكاكة بش توجعو و تلعبلو بمشاعرو هو هز التالفون بش ايكلمها ويجيه سطل ماااا بااارد هههه ويرا كان في الطفلة هاربة والله منبدع بيك يا مهدي منوريك الوجه الثاني هههه هذي البداية .. شاخ ضحك و قلها اعمل فيا لي تحب يا مرام من حقك حتى انا نستاهل ههه و انا زادة بش ناخو حقييييي و خلط اعليها يجري شدها -تحب تلعب بالماء مالا ههه اذا لي بيكككك ا روحي ستنى بركة ..حملهااا و هزها لبيت البانو و هي كانت تصيح و تعيط هبطني و الله معاش نعاودها
رماها في البانو و حل الماء و بدع بحالهااا شاخ اعليها كيما حب واشتهى لين ولت تطلب في السماح سكرلها فمها وقلها
-انت لي سامحني مرام سامحني علي عملتو نوعدككك الا منسيك في كللل شى و كل لحظة توجعت فيها مني و لا من غيري .. مفهمتش كيفاه سحرتني اما لي نعرفو اني نحبك..
و منجمش نعيش من غيرككك
-سيبني خنخرج راني مت بالبرد جيت بش نعبرلك ع مشاعري لقيتهاا تجمدت اوووه ..
خرجها مالماء الي كانت غارقة فيه و غرقو في حبهم و صار الي صار ..
كانت ليلة من الف ليلة نسات فيها مرام لي عاشتو الكلللل و بدات حياة جديدة حياة كلها حب و هبلة و بلادة و جو و اكيد مع شوية عرك كيما العادة هه .. دار بيها العالم كل مرة يهزها لبلاد ايشيخها ويفرهدها كل مرة يطلعلها بطلعة و كل مرة يعمل فيها عملة و هي زادة مكنتش مقصرة خلاها تكمل قرايتها و حققلها كل حاجة تمنتها ..
.. كانت هذي حكاية مهدي و مرام نشاء الله تكون عجبتكم ....
اه حقا نسيت مقلتلكمش الي مرام توا حبلة و تستنى في بيبي ههه مسكينة كانت تربي في واحد مشيبلها راسها بش يولولها ثنين.. :D ♡♡
التعبيراتالتعبيرات