فتون

انا #فتون عمري 16 لا لا 17 الشهر الجاي نولي 17 <3 عيينيا أزين حاجة فياا لونهم أخضر فمي صغير حواجي مستويين مزيااااااانة فوق ماتتصورو اللي يشوفني يهبل علياا سوى كانت مرأأة ولا راجل أنا بنت ريف ريت للسابعة وقصيت القراية خاطر تعبت والثنية بعيدة :/ وماعندنا لا كاار و وسيلة نقل ") عندي زوز خوااتي وحدة أكبر مني متوفية و و أختي أصغر مني 14 تقرأأ نعيش مع أمي وبابا .. نهار كامل إنظف ونكنس ونسيق و نلهى بالغرساات والدجاجات و المعزاات ندوش ونمشي نقري أختي شوي ونعاون أمي في حاجة وكي يروح بابا إنحيلو صباطو ونغسسلو ساقيه ولاهية بكل شيء ") على صغر سني عشت العذاب هه و تواا تلقى بنت المدينة متوفرلها كل شيء تلفون و قراية ولباس وخرجات و ماكلة من برى وكل شيء وحد مايبعد عليها الفرخ لي تحبوو تبدى تقول ياا ربي نحب نموت نحب نرتاح وتبدى تبكي وتتأزم عمرهاا ماكت قوية كيفناا بنات الريف ") .. ماكانش عندي تلفون عندي بنت جيراننا تخدم ي السوق عندها تلفون و طابلات ديما في الليل تجي بحذايا نحلو الأنترنيت تحفظني حاجة وبعد تروح لدرجة عملت فيسبوك هه مانعرفش نستعملو :/ أما كل مرة #إلهام تفهمني حاجة ") <3 نفيق ديما الصباح بكري .. عندي أولاد حومتي فميكا مزياانين وفيهم اللي خليقة ربي --" ! فما ولد عمي إسمو #أنور ولد محلااااه خدام على روحو حنين وطبيعتو تهبل عمي متوفي وعندو كان أمو وأختو ديما كي نبدى البرى إنظف ولا نمسح ولا نغسل يتعدى يناديلي نتخبوو ونحكو شوي <3 نهاار بعد نهاار حسيت روحي نحبوو و كي ناقف معاه ولا نشوفو في دارنا نتربث وندخل بعضي حتى لي في يدي نطيحوو وفي نهاار جابلي سورية من السوق جا بالسرقة على أهلي ناداني ولقيتها مفوحة وفيها وردة فرحت وقلت بااز فما حكااية :D يطلعش يحبني :/ ؟ أأه ياا ربي سهللي <3 ... روحت بيهم للدار قستهم أول مرة نلبس حاجة يخرج فيها بدني ") محلاااني غير الوقت مش عاطيني ديما نعمل محرمة على شعري الطويل الرطب كيما الحرير الله غال أصولنا تقول أكاكا دقت أمي الباب تفجعت لبست روبتي عالسورية خفت تشوفها وخرجتلها قاتلي إيجي هزي معايا بدون المااء مشيت بدلت وخرجت وفي الليل جات إلهام بحذاايا حكيتلها أش صاار وفرحتلي وقاتلي كان عندو فيسبوك تنجمو تولو تحكو من غدوة مشيت بحذا دار عمي بحجة بنتو ولقيت غاديكا أنور وقف عليه قتلوو على حكاية الفيسبوك تغشش مني عيط علياا وخرج نعرفش شبيه أما ممكن

 : خرج أنور وخلى فتون تجرحت منوو ") وخاافت يكون تغشش ومعاش يكلمهاا مشات روحت وكي جات بحذاها إلهاام قالتلهاا نحيهولي الفيسبوك فسخيه راهو أنور تغشش وفكر فيا بالخاايب :( :'( قلتلها إلها أقعد بجتبي وهدي روحك حبيبتي راهو الفيسبوك يتسكر كهو مايتنحاش جملةة وفهمتو علاش ماحبش يعملك أأمي وتحكوو وخلاك ومشى قالتلها فتون علاه ؟ ") قعدتها بجنبها حلتلها الفيسبوك و ورتلها فيسبوكو والتصاور تاعو ياخي تصدمت فتون وحست الأرض دارت بيها !! شافت تصاورو في البحر معاه بنات المدينة صابغين شعوراتهم و لابسين القصير والمعري ومزيانات و شافت القاورياات زادة هيا مسكينة كانت تخسايلو دابو داب روحوو ومايعرش الدنيا هاذي لكن هو طلع مستغني عليها خاطر يحب بنات أخرين وهي مش حتى حاسبهاا بلعت فتون السكينة بدمهاا و بعد في الليل بقات تتفكر فياللي شافاتو قلبها ضغط عليهاا وبقات تبكي فكرت فكرت وقالت أنا مستحيل يشوفلي مدام يعرف هذوكم :') هوما أزين ومثقفين ومتفتحين أكثر مش أنا لي من الريف نرتع مع الغنم و نغسل وإنظف ونحرق في يديا بالطابونة نهار كامل لابسة روبة و محرمة على شعري دافن فيهم بدني ") ! قامت و وقفت قدام المراية نحاات المحرمة على شعرها وبقاات تغزر لزينها و لشعرها الطويل كيف الأميرة نحاات الروبة وبقاات في السروال و البودي لي من داخل بقات تغزر وتتفرج في بدناا كبست روحها و وقفت الفوق ريقلت شعرهاا وقالت محلاني كان جاا عاطيني ربي ") كيف غيري :( مشاات تسطحت عالفرش و رقدت بغصتهاا ومن غدو في الصباح فاقت مشات تدوش حضرت البانو والنحاسة تاع الماء و بدات تصب على روحها في المااء و تعوم وتحك في بدناا بدلت روبة جديدة وخرجت هياا أكاكا تنشر في المنشفة وشعرها هابط على أكتافها مبلول والروبة لااسقتها خاطر الماء يشد فيها تعدى #أدم ولد عمتهاا هاز دبوزة قااز هبطتها مسح العرق تااعو و هو من الأول معجب بيهاا بقى يغزرلهاا من بعيد ويشوف فيها كيفاش تتحرك وتضحك وتغني و شعرهاا الطويل وبدناا المزياان لين تلفتت هياا شافاتو صبح عليها ياخي دارت وحقرااتو سكرت على روحها الباب مشات لمت شعرها ولبست محرمة و خرجت تفطر في الدجاجات لين تك جاها أدم وجابلها هدية وقفت وكي قاللها عليها فرحت وحبت تعرفها شنياا حلت عيونها تلقااها مقاس متاع يد فضة مزياان شداتو في يديها عجبها أما إحتقراتو خاطر ماهوش كي هدية أنور رجعتهالو ونبزااتو مشات وطفااتو 

 مشاات وطفاتو حس أدم بحقرة وحاجة ترشقت بين ضلوعو الطفلة لي يحبها وتعجبوو كل مرة تطيشلو كلمة تقتلو بيهاا زعماا شنواا سرهاا .. مشى وسكت مسكين وعمرو لا كرهها باللي تعمل فيه ") .. مشات فتون حضرت صحن فيه عضم مطبوخين و دبوزة حليب حبت تود بيهم أم أنور لي ماهوش حتى معبرهاا جملة قالت لأمها شتمشي وخلاتهاا مشاات دقت الباب خرجت فاطمة أختو حلتلها ودخلتهاا دخلت قعدت بجنب مرت عمهاا وبدات تتسومح وتستنى في أنور وينو ماجاش المهم بقااو عاملين ميعاد لين روح أنور في يدو الخضارة والكلوو إملغص بالدهونات تاع الكراهب سلم عليها بالكلمة و دخل شيغسل أطرافوو حست بنفس النبزة لي إنتبزها أدم نادى هو يحب على منشفة كانت فاطمة لاهية في الفطور قاامت فتون تجري مشات للشريطة هزت المنشفة ومشاتلو شتمدهالو حل الباب لقااها هزها منهاا ودار للمراية وقفت ورااه وقتلوو أنور علاش عندك نهارين متبدل معايا ومعاش كي قبل ماللي هديتلي السورية :/ محلااها هياا عجبتني ") ماكنتش نتصور إنك شتودني بحاجة كيف هذيكا هه <3 :D دارلها و هو ينفخ قاللها مانيش ناقصك فتوون :) السورية خذيتها ل #رباب أما ماقبلتهااش وليت مديتهالك إنتي و تهنى راك أختي اليوم و غدوة غير عندي شوي مشااكل المدة هاذي عطاها بوسة من خدهاا و ضربها على كتافها وقاللها أخرج أفطر معانا وتعدى زغلوو عيونهاا بالدمووع ") وحست ناار وشعلت في قلبهاا وجهها حمار ونفسها ضااق بيهاا يا ربي شكو رباب وعلاش يقولي أختي وكي باسني حسيت روحي صغيرة قداامو وقلبي دق بالقوي نحبوو علاش مانجمش نوصللو :( !! مسحت دموعها وخرجت قاللها مرت عمها باش تبقى تفطر معاهم طبست رأسهاا و خرجت تجري وصلت الدار خرجت الشوميز وبقات تخزرلهاا ") حطتها في سااك و والوردة لي ذبلت كي قلبهاا و هزتهم مالقات وين تحط حطتهم في الفيسبا تاعوو كي خرج هو شيرجع يخدم لقااها بقى مستغرب هزها معااه ومشي أخيب حاجة عملتها فتون في حياتها هو الحب ") تدمرت و تعبت روحها على صغر سنهاا مازالو تو جمعة ويجي عيد ميلادها شتولي 17 سنةة كانت تضيع في وقتهاا ساعات تقرأأ كتب أختها وساعات تطرز مخدة ") ملا عيشة تعيش فيها لا خروج لا حواسات لا سوق لا قراية لا أصحاب لا حب لا تلفون لا تفرهيد لا دبش باهي لا عيشت أندادها لكن كانت طفلة قوية وصبورة و وين تشوف أمها المرية تزيد قوة وصبر ") تعدو الأيامات هكاكا حتى جا عيدميلادها عطاها بوها 

عطاها بوها 60 وقاللها كان تحب الجمعة هاذي تهبط مع البنات للسوق مشات بحذا إلهاام في روبة وحجاب وصباط كل حاجة من لون أماا منظمة :/ هاكا ماعندهاا دخلتها إلهام وبحكم هيا تخدم في المدينة وعندها دبش و عايشة خير منهاا نظمتها لبستها سروال دجين و بودي وحجاب أخر و صندال وعملتلهاا حمير خفييف ومسكرااه فتون مش مش متعودة كانت متعقدة شوي وخايفة أما قبلت مشاو خذاو تاكسي وهبطو للسوق .. فتون السوق تمشيلو بعد شهر كانت تتفرج ب بهتة و داايخة في الناس لي تتحرك والعباد لي تجري على رزقها من الصباح والقهااوي المعبية أولاد وبنات و في الأولاد المزيانين و البنات لي لابسين العرية والموضة ") كل وين تشوف حاجة تحس بالحرماان والحصرة وتتمنى الموت بالحق خاطرها تتمنى تعيش كاكا لكن الظروف قااسية ومستحيل تولي كاكا حتى لي تحبو من الريف وشكون باش ياخذها لتو مجهوول إلهام طفلة حنييييينة <3 توري فيها في الدنيا وتضحك فيها وتاخذلها في الماكلة وعملتها جو نسااتها هومها وأهم حاجة هزتها لبوتيك تلفوناات و قالتلها باش تاخذ تلفون أول مرة ترددت ومانجمتش تتصرف خاطر فلوس بوها وكان شتعمل تلفون مستحيل يخليها وكان شتخبيه شيقوللها الفلوس وينهم بقاات حايرة :/ ياخي مشاات إلهاام خذاتلها تلفون مزياان ومضخم يحل فيسبوك وكل شيء و مدتهولهاا ماحبتش فتون في الأول مبعد قبلاتو وقاتلها تو نرجعلك فلوسو مرة أخرى خذاتلها بيس وركبتهولهاا و بعد شراات روب و حجابات و صباط وكانت إلهام تختارلها وتحكي مع الحوانت فتون تعقدت لدرجة راجل غريب ماتنجمش تحكي معاه كلميتن وراء بعضهم هوماا مشايين شرااو زوز قهاوي وكعبات قاطو لين شافوو أنور هو وطفلة في قهوة إلهاا م خافت على فتون وحست بيها ") فتوون بقات تغزر وعيونها تملوو بالدموع علاش هياا حباتو و هو كل مرة يبكيها ويصدمهاا فيهاا بقات تغزرلو من بيعد وتشوف فيه كيفاش معا الطفلة يضحك وعامل جو ويخلص عليها في الفطور قالتلها إلهاام هيا نتعدااو وخرجيه من مخك أكيد راهي صاحبتو عادية يعرفهاا ماتفكرش فيه بالغالط فتون مانجمتش حتى تحكي من الغصة لكن تبعت إلهام وكملت معاها هيا كاكا لين جاا واحد طويل و مزيااان أزين من أنور لابس سورية بيضاء و سروال مكبوس و صباط وعامل شعرو الفوق ولينات وبصحتوو ميسكيلي دخل في قتون وقهوتها والقاطو جاو مطبوعين عليه وهو يكلم في التلفون وهبطو قاللها العمى !! ماتشوفش ! تربثت فتون و

تربثت فتون نحاات من شاالها وحبت تمسحلوو شوميز تاعو خاافت :/ من ضعف شخصيتها لي كبرت عليهاا والتعقد لي فيها ") كان جات طفلة أخرى راي ردت عليه ومساكتتلوش بعدها وقاللها سيب سيب تا إنظف وحدي إلهاام بنت مدينة قتلو إنت حل عيونك يا معمي الطفلة ماشفاتكش وهيا إبعد من هنا خير من نلم عليك خلق ربي الكل بقى يغزرلهاا شدتها فتون من يدها وقالتلهاا عيش أختي أنا الغالط مسكين هو لاهي بالتلفون هياا نمشو أخاطا من المشاكل :/ طلعت عيونها للولد وقتلوو سامحني خوياا أنا غالطة تنجم تتعدى :) هو كي شااف عيونها نسى هندامها لي حقروو بيضااء عيونها خضر كباار و فمها روز صغير و خشمة صغير تهبل عجبااتو مدلها يدو قاللها باهي مفما حتى مشكل مدتلوو يدو و هي ترجف قتلو ماصار شيء وجات شتمشي قعد يغزرلهاا هوما كاكا لين لقااو قدامهم أنور متغشش شد بنت عمو من يدهاا وبدى يخض فيها يقوللها منين تعرفوو !؟ وشمهبطك للسوق ؟؟ و شنوا لي في يدك هذا ويصيح عليها في الشارع إلهاام تنحيلو في يدوو وفتوون توجعت و وجهها حماار قدام العباد قتلوو سيبني وشمدخلك لين أكا الولد لي إطنبجت فيه رجعلوو ودزو قالوش شبيك عالطفلة !! سيبهاا أنور ماتحملش ضربو ب بونياا ياخي الأخر رجعلوو عيطت فتون وحزتهم وكانت تهدي في أنور ومستغربة علاش يتصرف أكاكا وماهي حتى هيا شافاتو مع طفلة وسكتت هو شمدخلوو سيبو بعضهم مشات فتون للولد لي ماتعرفوش قتلو عيش خويا برى ماتتدخل بيناتناا هذاكا ولد عمي رااهو المهم في الأخر الطفل مشى على روحو و أنور روح ب إلهام وفتوون ثنية كاملة فتون تغزرلو وتحس ب حب و غيرة وفرحة خاطرو حزر عليهاا ") <3 كيف هبطت سألاتو علاش تصرف كاكا كانت تستنى في إجابة باهية قاللها خاطر كي أختي الصغيرة مانحملش فيك ثاني حاجة إنتي ماكش متاع مدينة تسلكهاا دابك داب دجاجة و علوش حبيت نتصرف خاطرك كيما تشوف خفت منو ومسحتلوو لي لكزتهولو ") عصت فتون وحست بحقرة و نبزة وسكينة في قلبهاا سألاتو شكون الطفلة لي شفتهاا معاك أنا قاللها أذيكا هياا ربااب <3 مزيانة مش هكا ؟ قتلوو أي وعيونها تملو بالدموع خلاتو ومشاات روحت للدار قعدت على فرشها طيشت السيكان ودموعها هبطوو أفف تكره روحهاا فاادة تتمنى كل يوم تخرج للسوق تتمنى تتعرف ع ناس كيما لي ضرب فيه تتمنى تسوق و تشري وتتحدث مع عباد جدد وتلبس و تتفرهد مش متاع دجاجة وعلوش كيما قال أنور لكن مستحيل يصير كاكا الله غالب

 الله ربي مقدرلها تعيش كاكا وهياا لازمهاا تكون راضية هزها النوم وفي الليل فيقتها أمها باش تتعشى مشات غسلت يديها وخرجت مشات للصالة تلقى أدم و أمو و بووه روحها طلعت --" ! قعدت كلات شوي وبعد خرجت مشاات قعدت قدام الدار عالمادة بدات تغزر للسماء ومرة على مرة لدار أنور هيا كاكا لين قعد بجنبها أدم وفي يدو سااك قاللي شبيك مهمومة قتلو شيء قاللها أحكيلي قتلو نحبش ") قاللها ملا علاش تبكي وفادة قتلو شنوا لي في يدك قاللها نوريهملك وتوعدني إنك تحكيلي وعداتو عمل هكا حل ساشي خرج منهاا كتب وقصص متاع تعليم اللغة والحساب و الفرنسية والأنجليزية كي شاافتهم عيونها دمعو من الفرحة أكثر حاجة تحبها الطالعة والقراية لكن غير الوقت خلى بيهاا ") ! من الفرحة عنقااتو وبدات تضحك هو سااعتهاا كانتلو أحلى لحظة يعيشهاا معاها غمض عيونو وقال الطفلة لي نحبهاا في حضني بعد بعدت عليه وقاتلوو عيش خويا والله فرحتني تو ندخل نجيبلك حقهم من الشقاقة شدها من يدها قاللها فرحتك و ضحكتك هوما حقهم ") :) ماك قلت باش تحكيلي شنواا ؟ قتلو ممم نحب ولد و هو يحسبني كيف أختو وكل مرة يجرحني ويوجعني وأنا صابرة ") هو كي سمع منها أنا نحب ولد قلبو وجعو وغزرلها قاللها شكون هذا ماحبتش تقولو خاطر الولد هذاكا ولد عموو زادة (أنور) المهم بقااو يحكو ويفرغو في قلوبهم ويتحفظو من الكتب و يفدلكو هوما كاكا لين تعدى أنور سمعت صوتو جاات الفوق مشاات قدمت شتسلم عليه هز حواجبو وتعدى لاهي يكشخ في التلفون حست بغصة و كي دارت لقاات حتى أدم شيمشي بقاات وحدها ودخلت لبيتهاا كي العادة لازم دموعها يهبطو عالمخدة باش ترقد ") ") .. من غدو قامت كي العادة تفطر في العلالش والدجاج وتنظف لين دخلت إلهام كيف مروحة من الخدمة شتطير بالفرحة عنقتها بالقوي وهي تضحك فتون مستغربة قالتلهاا شنواا شفماا قالتلها أدخل أدخل وينو تلفونك ؟ عطاتهولهاا كانت مخبياتو في صرة تاع دبش حطت فيه إلهاام رقم وكلمااتو وعلقت فتون مافهمة شيء ياخي قالتلهاا يا خراا جاب ربي جيتي مخونة هناا في الدار كان جيتي تخرجي كل يوم معاش نلقوو معاك بايناا :3 بقات فتون تضحك لين قالتلهاا تتفكرو الولد تاع أمس ؟ - أي - تعرف اليوم ليقتو في نفس البلاصة وقفني حكى معايا نخساايلو عجبتو ويحكي كاكا يحب عليا وعالنيمرو يااخي طلبني في رقمك إنتي ههه وقالي وينها شبيها أول مرة نشوفها قتلوو تسكن في ولاية أخرى 

: قتلو من ولاية أخرى - :o علاش يحب نيمرويا ؟؟ هاكا يحب نيمرويا أنا !! هه وشبيك كذبتي عليه قتيلو من ولاية أخرى :/ - يحب نيمروك باش يسألك المقرونة كيفاش تطيب -_- تي ماو يحب يتعرف وكذا ;) :3 قتلو من ولاية أخرى خاطر نعرفك ماتخرجيش برشا ") وهكاكا حتى كان صارت بيناتكم حاجة كي يقولك إيجي نتقابلو ومايخليكش بوك هوكا يبدى في بالو إنتي مش معاه في نفس البلاد وأي هاكا أش زايد عليك إنتي زادة قمرة على حالك غير الوقت الكلب :/ .. شد شد فيسع هااو يطلب !!! - لا لا مانجمش علقي علقي عليه لا تسمعني أمي تو :o .. حلت إلهام التلفون ومداتو ل فتون وحطتها قدام الأمر الواقع تربث فتون و وجهها حمار أول مرة تكلم ولد في تلفون غير بوها و عمامها - أا .. ألو - ألو فتون معايا ؟ - أي .. أي خويا تفضل شكون - أأ ممكن كان حكاتلك إلهاام أنا #بدر - أأ أي أي تو كانت تحكيلي تي نقصد مبكري ( أفف شنتفضح --" ) - واللهي شديت في مخي وحبيت نحكي معاك هه كان مافماش قلق بالطبيعة - لا لا مافماش قلق اكيد - شبيك تحكي بالشويا مانسمعش فيك .. تحكي وخايفة يسمعها حد حاطة يدها على فمهاا.. - لا لا ممكن ريزو هكا تسمع فيا ؟ - أي هكا سافا محلاه صوتك <3 .. كيما زين عيونك و ضحتك بالضبط - هه عيشك والله حشمتني - ههه لا عاد أنا كنت شنزيد نوصفك :3 - هه لا لا يزي تواا بطبيعتي أمي تناديلي تا نحكو مرة أخرى السلام السلام - لحظة شبيك ياخي قلقتك - لا لا أما تواا لاهية أكا علاه - باهي نكلمك الليلة ؟ تا نعدو برومو ونسهروو نتعرفو أكثر ونحكو - بااهي باهي نشالله هيا توا لازم نعلق السلام .. علقت عليه وقامت بدات تمشي وتجي شادة التلفون تسحرت بصوتو وضحكتو وكلامو أول مرة تشوف عبد تعجبو ويحكي معاها كاكا <3 إلهاام تضحك عليهاا كيفاش صار فيها من أول علاقة بعد قعدتها بحذاها علمتها كيفاش تحكي وكيفاش تكلم وتعدي البرومو وتعمل كودات وتسجل الرقم و فهمتها كل شيء وصبتلها كارطة وحلتلها الفيسبوك وبدات كل مرة تعلمهاا حاجة في الليل بدر كلمهاا هيا قاعدة على جريتهاا وشادة كتاب تقرأأ فيه شافت إسمو قلبها دق قامت رجعت الباب رجعت عملت فرش تغطت وردت #

ردت عليه تحكي بالشوي تخاف لا تتفضح المهم بدى يحكي معاها بصوت حنين وكلام حلوو لين نسات روحهاا وفرحت وبدات تاخو عالجو وتفدلك وتحلت لكن ساعات كان يحرج فيها كي يسألها على حاجة هيا ماعندهاش ولا ماتنجمش تعملها المهم بقااو ليلة كاملة يحكو وتفاهمو من هكا يعدو برومو ميساجات بدر ماحبش يحرجها و واافق هياا كانت مرتاحة معاه وتحس ب إنجذاب ليه أماا كان تفكيرها الكلو في أنور ") <3 من غدوة قاامت كي العادة تغسل تنظف تسرح و تمشي بحذا الجيران تدوش تطرز ولا تشد التلفون تبدى تفلفس فيه وتبعث في ميساجات لبدر خذاات عليه و ولاو أصحااب و عشرة يتسمى بعد شهر <3 وفي ليلة قاللها بدر لي هو مضروب فيها ويحبهاا ويتمنى تعطيه فرصة خاافت فتو أول مرة حبت تجرب الصحبة والحب و الحناان لي تحرمت منو ممكن تلقااه مع اللي تحبو ويحبهاا وكان أنور ديما في بالها تربثت أول مرة وقالت لبدر يخليها تخمم مشات بحذا دار عمهاا حمد بو أنور تلقى أنور في بيتو أمو وأختو لاهيين دقت عليه الباب ودخلت تحب تشوفو وتتسبل بأي حاجة وتحكي معاه دخلت تلقااة راقد عالفرش و حاط قداامو البيسي ويحكي بالكام مع رباب ضحك ونداها باش تشوف مسكينة فتون على نيتها ماتعرفش حتى كيفاش هالسكايب وتخسايلش الأخرى شتشوفهاا قربها أنور ودور الكام ليها حشمت بدى يتددك و يتمسخر على فتون باش يضحك رباب يعمللها معكم السارحة فتون البناني ههههه نفدلكو نفدلكو شو محلاها بنت عمي بنت الريف و النعجة والدجاجة بنت الأصل لي من الدار ماتخرجش عاملين جو عليها حست بحقرة وماعرفتش كيفاش تتصرف عيونها زغلوو وتمناات تضربو تكسر للبيسي تعمل حاجة تعيط عليه وتفهمو قدرو وتقولو معادش تتمسخر علياا أما سكتت خاطر متربية عليه ومش حاسباتو ولا حاسبة كلامو :/ خرجت من الدار ومشات روحت وين تتفكر الفازة تحب تنسى وتحسبها ماصرتش لكن الغصة ودموعها غلبووها :'( بقاات تبكي لين خرجت التلفون تلقى ميساج طويل من بدر ( السلام كلمتك برشا مرات مارديتش علياا نشالله تكون لاباس فتونتي رد بالك على روحك أنا خرجت مع صحابي لرحلة كي تقرأأ ميساج أعملي أبال تا نكلمك أا صغرونتي بااي <3 ) فرحت لكن فرحة نااقصة حطت في مخهاا أخرتها كيما قال عليها ولد عمهاا وماحسبتش بدر يحبها وقالت حبني خاطر يشوف فيا بالغالط مايعرفش واقعي لي نعيش فيه ") ماعرفت شتعمل أما مبدئيا حبت تجرب و من غل أنور قررت تجاوب على بدر وتقولو أنا 

 تجاوبو وتقولو أنا مواافقة نوليو أون كوبل كلماتو ودموعها في عينها تحب تنسى أنور تحب تكرهوو تحب تخليه لربااب وتعرف قيمتهاا لكن الحب أقوى منهاا وهيا في فترة المرااهقة تعبت وتأزمت وكرهت روحهاا ") لكن في الأخر وافقت على بدر لي كان يعجبها وترتاحلو أما مش متأكدة إنها تحبوو .. عاشت معاه في كذبة ") نهار بعد نهار حبهم يكبر و يتطور فرحت فتون وتبدلت حياتها بعد التلفون والصحبة والجو والفيسبوك والأصحاب الجدد والقراية تاع الكتب زيد بوها بدى كل مرة يعطيها مصروف وتتشحدو إلهاام باش يخليهم يهبطو وفي نهار تزينت فتون عالأخر لين ولات أميرة على حالهاا وهبطت للسوق شتقاابل بدر هو كي شافهاا مش كي المرة الأولى حتى دبش سينييي ونظيف زااد هبل عليهاا وعشقهاا <3 خلاتها إلها في المطعم معاه و وصاتها ساعة ماتفوتهاش المهم البنات الكل ناشطين ومتفتحين ويتزعبنو ويخدمو في مخاخهم و فاهمين الدنيا كانش فتون بريئة و حاشمة و مازالت بنت أصل ومن أقل حاجة تستحي و تكابر و حتى عيونها في بدر ماتنجمش تهزهم برشا حتى كي شدها من يدها وباسها على خدهاا وعنقهاا حست بخوف ورجفة وقلبهاا دق وفرحة كي شمت ريحتوو و وقفت معاه وقعدوو تمناات الوقت ياقف في اللحظة هاذيكا ^^ <3 هوما ياكلو عاديين و فتون تاكل وتنظم في روحها وتغزر للعباد وساعات تتعقد كي واحد يكثر الشبح للها أما تفرهدت مش نورمال وتمناات تتعاود خرجااتها وتمناات تكون كيما البنات الموجودين ") شعر محلول ومكياجات و لباس محزوق و عرية و عيشة وضحك و حلة حتى إنها بقاات حاير كيفاش بدر الزين هذا الكلوو الفيانة زيد لاباس عليه يخلي البنات هاذو الكل و يتلفتلهاا هيا ويحبها ويصبر معاها

ويصبر معاها شافت الوقت معادش برشاا قالتلو لازمها تمشي باش تخلط على اللواج قاللها نوصلك بكرهبتي (عندو كييا بيضاء تهبل ) قتلو لا لا نحب لواج وقف مشاا خلص المطعم و خرجو وقفوو مدلهاا كادوو بقات تضحك وحشمت إنها تقبلو أما شد الصحيح لين قبلاتو وكي حلاتو تلقى فيه سلسلة رقييقة ذهب و فيها زوز حروف ف و ب قاللها بدر نلبسهاالك حشمت و ماحبتش مبعد قالت لا عاد كثرتلهاا مش لهدرجة وعطاتو با يلبسهالهاا هو طويل و هيا أقصر منو بشوي حل السكارة دور يديه على وجهها كأنو شعنقهاا أمو هو يسكر في السلسلة ساعتها حست بيه بالحق <3 حست لي هياا مع راجل يحبهاا و واقف معاها شمت ريحتوو تفكرت كلامو وشافت تصرفااتو فرحت و حبااتو في أكي اللحظة و هو كي كمل قاللها محلاك عنقهاا حطت رأأسها على صدرو البناات الكل في أكي اللحظة يفكرو في الحب إلا هيا تفكر في بوها و أولاد عمها ولا حد يعرفها وحاشمة من الناس ماحست بشيء كان كي باسهاا من خدهاا بوستين بعد بقاات شادة في يديه تغزرو لعيني وقتلوو نحبك طبعتلوو بوسة كبيرة على خدو هو لين قعد بااهت أول مرة تعملها وتتجرأ بعد مشات وكانت إلهام تستنى فيها في التاكسي مشاات ركبت لكن بعدهاا حست بحاجة خنقتهاا ") !!! حاجة قوية قلبها وجعهاا والنفس شيتقطع عليهاا بدات متقلقة وتبلع في ريقتهاا بالسيف خافت عليها إلهام أما صبرت وسكتت وتجاهلاتو الإحساس وصلو بحذا الدار هبطو مسحتلهاا إلهام الحمير و السكرااه نحتلهاا الصباط و عطاتها الروبة يبدلو بالسرقة باش أهلهم مايشوفوهمش رجعت فتون تاع الريف تقولش مش أكي المزة لي كانت مع بدر لكن نساات حاجة هياا داخلة تلقى بوها وأمهاا و في الصالة أمها شافت السلسة والحروف خافت وغمزت بنتها وحلت فيها عيونها باش تفيق لكن شيء فتون نساات جملة بوهاا زادة شافهاا قاللها أقرب !! أقرب جاي قربت فتون على نيتهاا خاايفة وخافت بوها يضربها كي كل مرة كي قربااتو شدهلا السلسلة من الحروف بعدت هيا ودخلتها تحت المريول وجات شتمشي وقفلها بوها قاللها نحيهاااا !! منين جاتك وشنياا هذيكا أب أب أب هذا الكل جيت تخرج مرة بركة مالا كان نخليك تخدمي في السوق تروحيلي براجل !! تحرجت فتون وخافت عيونها زغلوو وكانت شتحزها أمهاا لكن لوها ضربهاا جات قدامو أمها مشاات تجري ماحبتش تدخل للدار مشات تجري البرى تلقاش حد يحزها من بوها لين تخبي السلسلة هيا كاكا وإطنبجت في أنور حكاتلو تخسالو شيمنعها ياخي غار عليه

 تجاوبو وتقولو أنا مواافقة نوليو أون كوبل كلماتو ودموعها في عينها تحب تنسى أنور تحب تكرهوو تحب تخليه لربااب وتعرف قيمتهاا لكن الحب أقوى منهاا وهيا في فترة المرااهقة تعبت وتأزمت وكرهت روحهاا ") لكن في الأخر وافقت على بدر لي كان يعجبها وترتاحلو أما مش متأكدة إنها تحبوو .. عاشت معاه في كذبة ") نهار بعد نهار حبهم يكبر و يتطور فرحت فتون وتبدلت حياتها بعد التلفون والصحبة والجو والفيسبوك والأصحاب الجدد والقراية تاع الكتب زيد بوها بدى كل مرة يعطيها مصروف وتتشحدو إلهاام باش يخليهم يهبطو وفي نهار تزينت فتون عالأخر لين ولات أميرة على حالهاا وهبطت للسوق شتقاابل بدر هو كي شافهاا مش كي المرة الأولى حتى دبش سينييي ونظيف زااد هبل عليهاا وعشقهاا <3 خلاتها إلها في المطعم معاه و وصاتها ساعة ماتفوتهاش المهم البنات الكل ناشطين ومتفتحين ويتزعبنو ويخدمو في مخاخهم و فاهمين الدنيا كانش فتون بريئة و حاشمة و مازالت بنت أصل ومن أقل حاجة تستحي و تكابر و حتى عيونها في بدر ماتنجمش تهزهم برشا حتى كي شدها من يدها وباسها على خدهاا وعنقهاا حست بخوف ورجفة وقلبهاا دق وفرحة كي شمت ريحتوو و وقفت معاه وقعدوو تمناات الوقت ياقف في اللحظة هاذيكا ^^ <3 هوما ياكلو عاديين و فتون تاكل وتنظم في روحها وتغزر للعباد وساعات تتعقد كي واحد يكثر الشبح للها أما تفرهدت مش نورمال وتمناات تتعاود خرجااتها وتمناات تكون كيما البنات الموجودين ") شعر محلول ومكياجات و لباس محزوق و عرية و عيشة وضحك و حلة حتى إنها بقاات حاير كيفاش بدر الزين هذا الكلوو الفيانة زيد لاباس عليه يخلي البنات هاذو الكل و يتلفتلهاا هيا ويحبها ويصبر معاها

ويصبر معاها شافت الوقت معادش برشاا قالتلو لازمها تمشي باش تخلط على اللواج قاللها نوصلك بكرهبتي (عندو كييا بيضاء تهبل ) قتلو لا لا نحب لواج وقف مشاا خلص المطعم و خرجو وقفوو مدلهاا كادوو بقات تضحك وحشمت إنها تقبلو أما شد الصحيح لين قبلاتو وكي حلاتو تلقى فيه سلسلة رقييقة ذهب و فيها زوز حروف ف و ب قاللها بدر نلبسهاالك حشمت و ماحبتش مبعد قالت لا عاد كثرتلهاا مش لهدرجة وعطاتو با يلبسهالهاا هو طويل و هيا أقصر منو بشوي حل السكارة دور يديه على وجهها كأنو شعنقهاا أمو هو يسكر في السلسلة ساعتها حست بيه بالحق <3 حست لي هياا مع راجل يحبهاا و واقف معاها شمت ريحتوو تفكرت كلامو وشافت تصرفااتو فرحت و حبااتو في أكي اللحظة و هو كي كمل قاللها محلاك عنقهاا حطت رأأسها على صدرو البناات الكل في أكي اللحظة يفكرو في الحب إلا هيا تفكر في بوها و أولاد عمها ولا حد يعرفها وحاشمة من الناس ماحست بشيء كان كي باسهاا من خدهاا بوستين بعد بقاات شادة في يديه تغزرو لعيني وقتلوو نحبك طبعتلوو بوسة كبيرة على خدو هو لين قعد بااهت أول مرة تعملها وتتجرأ بعد مشات وكانت إلهام تستنى فيها في التاكسي مشاات ركبت لكن بعدهاا حست بحاجة خنقتهاا ") !!! حاجة قوية قلبها وجعهاا والنفس شيتقطع عليهاا بدات متقلقة وتبلع في ريقتهاا بالسيف خافت عليها إلهام أما صبرت وسكتت وتجاهلاتو الإحساس وصلو بحذا الدار هبطو مسحتلهاا إلهام الحمير و السكرااه نحتلهاا الصباط و عطاتها الروبة يبدلو بالسرقة باش أهلهم مايشوفوهمش رجعت فتون تاع الريف تقولش مش أكي المزة لي كانت مع بدر لكن نساات حاجة هياا داخلة تلقى بوها وأمهاا و في الصالة أمها شافت السلسة والحروف خافت وغمزت بنتها وحلت فيها عيونها باش تفيق لكن شيء فتون نساات جملة بوهاا زادة شافهاا قاللها أقرب !! أقرب جاي قربت فتون على نيتهاا خاايفة وخافت بوها يضربها كي كل مرة كي قربااتو شدهلا السلسلة من الحروف بعدت هيا ودخلتها تحت المريول وجات شتمشي وقفلها بوها قاللها نحيهاااا !! منين جاتك وشنياا هذيكا أب أب أب هذا الكل جيت تخرج مرة بركة مالا كان نخليك تخدمي في السوق تروحيلي براجل !! تحرجت فتون وخافت عيونها زغلوو وكانت شتحزها أمهاا لكن لوها ضربهاا جات قدامو أمها مشاات تجري ماحبتش تدخل للدار مشات تجري البرى تلقاش حد يحزها من بوها لين تخبي السلسلة هيا كاكا وإطنبجت في أنور حكاتلو تخسالو شيمنعها ياخي غار عليه

#الحلقة10 : ياخي غار عليها أكثر شدهاا وهيا تفك في روحها منوو وتسمع في بوها يعيط على أمها وممكن يضرب فيها شدلها أنور السلسلة وجبدها بقوة لين تقطعت و طاحو الحروف سيبهاا خاف هبطت مفجوعت تلم فيهاا كادو و متاع الراجل علاش يعملوو هكاا !! شنيا ذكبها هياا !! ياخي أش هالعقلياات والأمخاخ الصدية عندهم !! حطت السلسلة في يدهاا و قامت الفوق وقفت قداام أنور والغل اللي فيها عليه من أول ماشافتو جمعااتو في يدها وتجرأت عطاتو كف !! لين دورتلو وجهوو وتهز بيه ساعتها خرج بوهاا ضربهاا ودخلهاا حطها في بيتها وسكر عليهاا أنور روح ياكل في بعضو ونقم عليها زيد خااف تطلع تحب ولد كأنوو غار عليها لكن غاضو لي عملاتو وقال غير يهدأأ الجو تاا نعلمها درس ماتنسااهش فتون في البيت تبكي واللي خذاتو من السوق الكل كسرااتو ترمي فيه تخنقت فدت من عيشتها الكلبة عيشتهاا المرة ومن بوها الساقط لي خلاها كاكا تتقتل في عز شبابها هبطت عالحيط تبكي وتشد في عيطتها المراية قدامها وين تغزرلها تشوف حالتها كيفاش تتفكر همها تزيد تبكي وكي تشوف بدنهاا تشوف الشربة واللي كواها عليها بوها كي كانت صغيرة شاافت السلسة بقات تبكي وتفكرت لي عملاتو مع بدر لي ولات تحبوو وتتمنى فيه <3 "( تفكرت التلفوون بدات تلوج عليه كي لقااتو لقات 13 أبال من بدر و زاد طلب ياخي بيتت الحس وردت عليه تحكي معاه ماحبش تبينلو وقتلو أنا في اللواج تو مبعد نكلمك علقت تفكرت الغصة لي شدتهاا في التاكسي كأنهاا كانت حاسة شيصيرلها حاجة ") شدت التلفون تكتب في ميساج ل إلهاام هيا كاكا لين دخل بوها على غفلة و زااد صدف عندها التلفون !! وووه غبرت تربثت فتون وتفجعت دست التلفون في صدرهاا لكن بوها كي شاافو جن جنونو و مشاالهاا ضربها بكف و شدها من شعرها وفكر فيها بالخايب يقول منين جاها شركة ذهب وتلفون هكاا ودبش و ريحت برفاان تاع راجل نادى أمهاا باش تخرج التلفون من صدر بنتهاا وتعطيهولو حبت فتون تكسروو و ماتعطيهولوش بدات تبكي وتعيط تسمع في النااس لين فزعو الجيران دخل عمهاا وبنتوو شدوه باش يسيبها و هو عوض يسكت حكى في بنتوو كلاام خاايب وغاالط الكلوو لين شطر الموجودين خذااو فكرة خايبة على فتون وصدقوه وهياا شتموت بالغصة والبكاء تحب تفهمه لي هياا ماعندها حتى ذنب ولا غلطة لي هيا بريئة وعلاش كل ذنبها إنها ك أي طفلة تتعدى بفترة مرااهقة تحب فيها إنساان وتصوحبو وتكبر وتلبس وتتثقف عقليتهم حرشة

عقليتهم حرشة ومتخلفة وجااهلين يحبو الطفلة كيفهاا كي الهايشة تاكل و تخدم و ترقد كهوو أفف أش عالعيشة والله كان جاا عندها بطاقة تعريف بركة راهي هربت ولا كتبت صدااقها مع واحد تحبوو أما بربي الراجل وينو هو :/ محسووب بدر باش يقبل وضعهاا ولا يحترمو ويهرب بيها ويحشمو روحو قدام عايلتوو إلهاام وأختها وبنات الحي يغسلولها في وجهها و يمسحولها في عيونها ويسكتو فيها ويلمولها في شعرهاا بدنا الكل أزرق حبت تحكي حبت تتفجر البركان لي فيها بدات تبكي وتشهق وتحكي للبنات لين بكاتهم ") تحرمت من القراية و الخروج و ممارسة الأنشظة كي أندادها والخروج والسوق والتلفونات والرحلات والتفرهيد و العيشة تحرمت من كل شيء ") على صغر سنها مالا كان تكبر وتفوت العشرين !! دخلت عليها أمهاا باعثها بوها قالتلها قالك بوك هات التلفون منعوها الكل وهيا قالت نموت ومانعطيهولوش بعد أمها بدات تبكيلها وتقوللها علاش تزيد عليه يا بنيتي يجي يضربنا ويقتلك ولا يعمللك حاجة ماتعاصيش بوك يهديك وإسمعي كلمتوو عيش بنيتي كي شافت دموع أمها خرجت التلفون نحات البس فسخت منو كل شيء ومدتهولها ترمات في حضن وبدات تعيط وتبكي وتفكرت بدر !! بدر لي تحبو وماتنجمش تبعد عليه وتو التلفون تنحى منها كيفاش شتكلمو ولا تحكي معاه ولا يكملوو درى باش يعطوها تكلم ؟؟ ولا شيصبر هو عليهاا تعبت من العياط والبكاء عيونها تنفخو ورأأسها تحل فيه حرب حبت ترقد وتنسى تمدت و إلهاام كان محضنتهاا وتمسحلها في دموعها ولاهية بيها لين رقدت و نسااات كل شيء فاقت المغرب تلقى روحها راقدة وقفت قدام المراية لقات وجهها أحمر وأزلاق عيونها منفخات لحمها يوجع فيهاا تفكرت تلفونهاا لكن تفكرت زادة لي هو عند بوهاا ") ماتت ألف موتة تفكرت بدر وتفكرت زادة لي هيا ماتنجمش حتى تكلمو كلمة حتى تفهمو وتقولو برى على روحك علاش تشد فيه معاها بين أربعة حيوط عايشة كأنها حبس مش في داار خرجت تلقى بوهاا قاعد في الصالة تعدات لقاات أمها وإلهام يحضرو في العشااء حضرت معاهم و بوهاا ال... مانعرفش الله غالب شيسموه البو الخايب القاسي ") ماغزرلهاش حتى بعين رحمة وقاللها سامحني على تقصيري في حقكم الكل .. مشات للإلهام تسأل فيها على حل لازم تتصل ب بدر !! قالتلها إلهام تا نعطيك الليلة تلفوني كلمو وتصرف وحدك فرحت فتون وهزاتو وفي الليل كلمت بدر و .

#الحلقة12 : كلمت بدر هو كان فرحان وشااره أما متقلق عليهاا برشاا خاطر علقت وتلفونها تسكر كيف سمع صوتهاا حس قلبو رجع يدق و الروح رجعتلوو - ألوو ") - ألوو فتوون ! - أي ") بدر أناا ... - توحشتك ياا روحي وينك وصلت ولا ؟ باز توحشت أهلك و بوك وأمك خطفوك مني هه أما تو نشبع منك توواا - هه أي ") - نححححبك يا سخطة معاش نجم نبعد عليك حتى درج والله - بدر أفف نحبش نبقى سااكتة :'( خليني نصاارحك - شبيك فتون !؟؟ علاه صوتك هكاا ياخي شبي حبي شكون غششك - أناا .. أنا لازمني نبعد نهارات شنسكر التلفوون و بالك نرجع مبعد - هه شنواا :) - عندي ظرووف .. نتمنااك تفهمني .. ولا برى برى شوف حيااتك :'( .. آآآآه - فتوون عيش روحي شبيك تحكي هكا علاش شنيا الظروف لي تخليك تبعد - أفهمني أمااان ماتزيدش علياا نبعدوو لازم نبعدو كهو مكتوب أما نحبك تحط حاجة في بالك رااني والله حبيتك وعشقتك وتمنيتك تكون لياا حلمت معااك ب عمر كاامل أما الله غالب مش كاتب رد بالك على روحك على خاطر "( "( !! - حبيبتي أماان علاه هكا زح شنواا بدلك أبقى معايا قولي شنواا ظروفك تاا نجيك تاا نتصرف ونحلهالك - بااي :'( بدر عيشك أفهمني لازم نعلق .. بوها يناديلها باش تتعشى خافت علقت وخرجت عطات لإلهام تلفونهاا وقعدت معاه هوما ياكلو مرتاحين وهياا عيونها منفخاات بخلاف الغصة لي مخليتها حتى الماء مش متعدي إلهاام زادة تشوف فيها كاكا مصاطلهاا كل شيء كملو تعشوو وتفرجو عالتلفزة قاامت فتون شتوصل إلهاا للبرى من الحوش ياخي بالصدفة يلقااو أنور تعداات إلهاام وخلاتهم بقااو يحكيوو طلبت منو السمااح عالكف و هو زادة طلب منها السمااح قاللها شكون لي هدالك السلسلة قتلو لقيتهاا طايحة هزيتها لبستهاا ياخي هاكم حكمتو علياا بالغالط و بعد لا قتلتووني ساعتهاا أنور حس روحو قصر في حق فتون زيد كان وجهها أحمر من الضرب قربلهاا وعنقهاا قالهاا صغروونة خووك إنتي معادش تبكي أنسى هياا كي ترماات في حضنو تفكرت همومها الكل تفجرت بالبكااء زيد هياا تحبو وهو يقوللها أختي زيد هو مع طفلة غيرها و هياا تحب راجل غيرو ولات هوماا كاكا لين جاا أدم ولد عمتهاا كي شاافهم كاكا هبل ومشي لأنور خاطر يعرفوو في السوق من طفلة لطفلة وبزناس وكل مشاالو دزوو وبدااو من كلمة لكلمةة ونيت أدم الخايب عصبنت أنور ضربوو وبدااو يتعاركوو أولاد العم و فتون تحز فيهم بعد كي بعدو مشاات بجنب أنور وقالت لأدم برى روح شمدخل أنا نحبوو وأنا حاجتي بيه وكي الخواات مش شتجي إنت تعرفناا الدين والحشمةة تغشش أدم وحب يردلهاا ويضرب لكن كلاهاا وسكت مشي بغلوو .. أنور نفظ شوميز تااعو شد فتون من يدها طلب منها السمااح ومشى روحت فتوون تلقى أهلهاا داخلين يرقدوو مشات شدت جرايتهاا وبقاات تقرأأ الكتب تااعهاا و خرجت السلسلة تااع بدر بداات تغزرلهاا ودموعهاا هاابطين ") تشوف لأختهاا و تتنفس بالقوي ب وجيعة ") ماتحبش تعمل حس ماتحبش تبين ضعفهاا وبكااها رقدت تفكر كل لحظة عاشتها مع أنور خايبة وباهية وتفكرت كيفاش خسرو حبهم ") !! و تفكر بدر و أدم و بوها وأفعاالو و قرايتها وحظها وعيشتها المرة ماتت بالغصةوغمضت عيينيها وسلمت أمرها لله ورقدت ") !! <3

#الحلقة13 :من غدوة مشات إلهاام تخدم وكاان بدر يستنى فيها في البوتيك لي تخدم فيه لقااتو حشمت وخافت يسألها على فتون جاها وشدها من يدهاا قاللها أماان وصلني لفتون بأي طريقة قولي شبيها خطبها شكوون ؟ تحب ولد أخر وجاها سااهل تسيبني "))) ؟ - أأ لا ... نخااف نقولك الحقيقة أماا فتون تتغشش مني :/ - قولي نوعدك مانقوللهاش إني قتلي - إنت تحبها - أي أكيييد نعششقهاا - و في كل حالاتهاا ") <3 - تي بااز نحبهاا قولي أماان - فتوون بحذا خالهاا تو في الريف ماروحتش لبلادها خاطر عندهاا مشاكل في دارهاا :/ و .. و تلفونها فسد وخالها مانجمش ياخذلهاا معاناها لازمك تصبر عليهاا شوي من غير ماتخسرو بعضكم - شنواا ؟ وعلاه ماقتليش من الأول - كهوو خافت منك - بااهي وين البلاصة ؟ - لا لا بلاصة بريفي كان تمشي يشلقو بيك وتصير مشااكل :/ فك عليك - تي بالله قول والله كان تبدى في أخر الدنياا نمشيلها وماخايف من حد .. هوماا كاكا لين دخلت صااحبت إلهاام تضحك وتحكي قالتلهاا هه وقتااش جيت من السااقية ؟ سمعهاا بدر حس لي هياا نفس البلاصة لي فيهاا فتون إلهاام حشمت وخافت حلت عيونها في صاحبتها وكان تلقى تقتلهاا على فمها لي حلاتو شد بدر إلهاام وقاللها هياا البلاصة ؟؟ تكلم هياا !؟ - أي هياا أما رااك تمشي !! بدر ! بدر ... إستنى عيشك .. بدر خلاها ومشى ركب في كرهبتوو مشي لبوتيك شرى تلفون أخر نوعية وهزوو قال شنفرح بيه فتون ومشي نمدهولهااا بأي طريقةة المهم مانتحرمش منها ومن صوتهاا ") <3 مشى للبلاصة لي سمعهاا شااف بني عادي و مخرب و علالش ودجاج و وصغار يلعبوو و دار بعيدة على داار و بقر و بهم بقى مستغرب :/ أماا كملل كرهبتو بيضاء لي هاكا يشوفهاا مشى وقف لين تعداات فاطمة أخت أنور نادالهاا مشاتلوو قاللها عيشك تعرش دار خال فتون ؟ - إستغربت فاطمة خاطر فما كان أعمامهاا أما فهمت الحكاية خاطر حكاتلهم فتون كل شيء ") قتلوو علاش شتحب منهاا ؟ بوها صعيب تي قصدي خاالها - شد التلفوون هذاا وصلهولهاا قوللها أنا بدر جااك ومانجمش يوصللك رغم لي كنت نحب نشوفها أماا ميسالش فهمت الوضع :/ لله غالب سلم عليها مليح .. هزت فاطمة التلفون وفرحت لفتون <3 هو مشى وهز روحو و فاطمة مشاات تجري لدار فتون فتون كانت إملغصة الكلهاا تطيب في الخبز مع أمهاا شدتهاا فاطمة من يدهاا وهزتها لبيتهاا تضحك فتون مافهمة شيء دخلت قالتلها شبيك أأ هم شفماا خرجت فاطمة التلفون لي كانت دساتو في صدرهاا باش مايشوفو حد و خرجتهولهاا تبهتت فتون و قالتلهاا شنوا هذاا قالتلها هه تلفون خذيتهولك حست فتون بنقص و حست روحها صغيرة بحذاهم اللي هاكا ياخذلها حاجة قالتلهاا لا لا هزو ومعاش تعملو هكاا مامستحقة حد في الدنياا حتى بابا مأسية منوو عندي ربي يزيني ") !! هه قعدتها فاطمة وحكاتلها كل شيء بقاات باهتة ماصدقتش بعد فرحت وحست بحب بدر وحست حاجة رجعتلها أول مرة رفضت أما مبعد نصحتهاا فاطمة قالتلها لازمك تقبلو إنتي في حاجة ليه وماو راجلك مابيناتكمش والمهم قنعتهاا حتى قبلت فتون التلفون حطت بيسها وكي حلاتو مافهمت منو شيء لين فهمتها إلها كيف روحت كلمت بدر شكرااتو وبقاو يحكيوو فهماتو برشا حاجات #يتبع

#الحلقة14 : فهماتو برشاا حاجات و ربي يستر فيهاا هو حكالها كل شيء صار في بوتيك وهياا كملت معااه كاكا فرحت برشاا عمرهاا ماتصورت تلقى راجل يحبهاا ويضحي على خاطرهاا ويدللها ويهديلهاا كادواات زيد لاباس بيه تنجم تعرس بيه وتبدل حياتها 360 درجة <3 <3 .. فاطمة وصلت دارهم لقاات أنور يتكيف نحى السيجارو وطفااه بسااقو نادالهاا خاافت منوو ويطلع شاافها ووه مشات فيها وقفت قداامو قاللها قلناا فتون بيها وعليها طلعت إنتي أخمج منهاا ؟ - شنواا فاش تحكي ؟ - هه أقرب أقرب شكون الشبيب اللي جايك في كرهبة و بصحت رقعدة واقفة عليه في وضوح النهار لا خفت على عرضك لا عرض الداار ولا كان بوك ميت كهوو !! - أنورر رااو ... - عطاها كف وقاللها شكون !! حاجتك بيه يجي يخطبك ونشالله يرقد معاه في الشارع ماعندناش بناات هياا كاكا من قوة الضربة ماتحملتش دزاتتو وعيطت عليه قتلوو تضرب فياا ؟؟ ماشي في بالكم رجاال ؟ تشدو في خواتكم عالعيشة والسوق والفرهيد وإنتوما تتمنااو السوق يكون الكلوو بناات خمااج في مخاخم تلعبو ب بنات الناس وماتطيقوش فيناا ماشي في بالكم رجااال ؟ حتى أحنا من حقناا نحبو ونعيشو كيفك أما قدااتك فتون والله ") مشات عرفت غيرك حبااتو وطلع سيدك حبهاا و فرحهاا وهدالها كل شيء ومخلاش بيها مش كيفك كل يومين مع طفلة .. سمعهاا أنور تغشش وكي سمع بفتون نقم عليهاا وحس روحو بدى يغير عليها أكثر حتى من رباب سكت خاطر أموو قتلوو برى بدل الجوو مشى للسوق ولقى أصحاابو يسكرو ياخي سكر معاهم .. فتوون فرحاااانة وأخيرا رجعت تكلم في حبيبها زيد تعلمت الفيسبوك والفيبر و الجوجل و عملت أصحااب جدد وبدات تبدل في الجو أنور روح في الليل سكراان لقااه أدم يتطاايح هزو ياخي بدى يحكيلوو قاللو راني نحبهااا .. ومانحبش نقوللها ومانحبش نعطيها قيمة لا نخسرها كي غيرهاا و هياا مشات صوحبت و حبت وقالك شيعرس بيها وجابلهاا كادواات عندو كرهبو وداار أدم بقى بااهت يخسايلو يحكي على ربااب لي تعدااو قداام دار فتون بدى يعيط يقوول نحبهاااا فتووون نحبهاا جاب ربي بوها وأمها ماسمعوش وراقدين أما هيا حلت الشبااك شافاتو هكااكا تصدمت زيد سمعت لي هو يحبهاا خافت بوها يسمع بوهاا وقلبها بدى يدق مش عاارفة روحها فرحت ولا تغششت ولا كيفااه أما لي تعرفوو إنوو كلمتوو جات موخرر هياا متاع بدر وكهوو وتحب بدر وكهوو ") <3 روح أدم ب أنور وتمنى يقتلوو خاطر حب الطفلة لي هو يحبهاا أما هدى روحو وقاال عيب ولد عمي لي زاد غاضو فتون متاع راجل أخر وتحبوو وشيعرس بيهاا ") غصة بينااتهم الثلاثة يعشقووها ويموتو عليهاا <3 مزياانة و بريئة و محترمة وحشاامة وسبحان اللي خلقهاا ... تعداات فترة بعد مروور سنة ... أنور حب فتون عالأخر كل مرة حب يوضحلها لكن #يتبع

#الحلقة15 : بعد مرور سنة : حب فتون و بدر كبر مشااكل وغيرة وهبال وحنان و عشق حتى كبرت علاقتهم و ولاو معادش ينجموو يبعدو وفكر بد إنو يخطبهاا وين صعبت الحكاية خاطر شط حكاتهم كذب مايعرفش كل شيء على فتون قد ماحبت تصارحو وشي ") ماحبتش تخسروو نسات الله كان تزيد معاه شتتعقد الأمور أكثر .. حب أنور يوضحلهاا لي هو يحبهاا لكن هياا رفضاتو وقتلو تفكر كي كنت نعق ونسنتى فيك سيبتني ومشيت ") خليتني وعفست على قلبي !! تمسخرت علياا وعملتني ضحكة وينها ربااب دامتلك ؟؟ بالعكس أنا لقيت الراجل وإنت خسرتي ب وحدة ماتسوااش ") تقهر أنور و ولا يشرب وحلف ماتدخل لقلبو طفلة غير فتون <3 .. أدم قرب من فتون عالأخر بحجة يعلم فيها في اللغات والقراية زيد يحكيو لبعضهم ديما ومخ أدم متفتح حتى كي تستحق فتون حاجة هو يخليها ويفرهدهاا ويجيبهاالها حطااتو خوها بحكم ماعندهاش الخوت ") إلهاام تخطب من الراجل لي تخدم عندو في البوتيك و حبااتو و عرسهم بعد 6 شهوور فتون زادة حبت يصير معاها كي إلهاام تتخطب و تتهنى وفي سبر عايلة فتون الطفلة تعرس صغيرة في نهارر تحكي هيا و بدر من كلمة لكلمة قاللها معادش صابر أنا 25 و إنتي 18 وداخلة في ال19 نحب نخطبك وشد الصحيح حكاات لأمهاا قاتلهاا مستحيل بوك يخليك تعرسي بواحد غريب ! زيد عندو شركة متاع دبابز خمر فهمت أمها اللي بدر جيست يخدم في شركة دباابز مش متاع البيرة ذاات وشيء قالتلهاا جيبو لبوك أما تتحمل مسؤوليتك أنا هاني نصحتك خاافت فتون وقررت في نهار إنها تحكي كل شيء لبدر تصاارحو وتهز روحها وتمشي وتشوف شنياا ردت فعلوو مشات كتبتلوو ميساج وصلوو لقااه فيه ( بدر روحي حياتي عمري دنيتي الكلهاا نحبك والله ومستحيل نفكر في غيرك ولا نحب غيرك أماا ساامحنب ") سامحني خاطر ممكن عيشتك في وهم ممكن شنقولك الحقيقة شتتغير وتكرهني ونطيح من عينك ") عاادي عندك الحق ومسامحااتك ومن حقك تشوف مصلحتك أناا نسكن في الساقية وبنت ريف بابا صعيب و عامل يومي عرشنا صعيب و مانقرااش ومانخرجش و عايشة عيشة ريف ك أي طفلة محرومة أما إنت جيت لحيااتي صدفة وأحلى صدفة حبيتك وعشت معاك أحلى عمر راو لي قلتهولك على روحي الكلوو غالط الدار لي شفتها دارنا مش دار خالي والعيشة هذيكا البعلية عيشتناا مش عيشت بنات خالي سامحني و أنا شنهز روحي ونمشي خاطر نعر مستحيل مازالت تقبلني بعد هذا السلام نحبك يا أغلى ماعندي ") <3 الله غالب .. بدر #يبتع

#الحلقة16 : بدر يقرأأ في الميساج ومش مصدق الأرض داارت بيه وكي مافهم شيء لقى دمعتو هبطت على خدوو حس روحو يحبها وأول مرة تهبطلو دمعة على خاطر طفلةة هز التلفون بدى يكلم يكلم يكلم و شيء !! بعثلها ميساج ( عيش حبي فااش تحكي هز التلفون فهمني شبيك شصاارلك ) !؟ فتون سكرت التلفون نحات البيس وقررت تبعثلو مع إلهاام الكادوات وتفصل كل شيء تتحرك بغضة و وين تتعب و تاقف ترتاح تتفكر لي قالاتو ل بدر ومش عارفة ردت فعلوو كيفاش شتكون تعض على شفايفها و تهبط دمعتهاا تمسحها و تبدل الموضوع كانت تستحق صينية تاع قاطو مشات لدار عمهاا حمد الله يرحموو لقات فاطمة منبوزة قعدت بحذاها ياخي قالتلها أنا تبدلت معااك خاطرك بهذلتي بحالة خويا عاجبك لي عملتيه !! أش ربحتي ؟ هوكا بدى يهمل ويسكر و وقف حياتو على خاطرك وإنتي تغرمي في زماناتك مع بدر ولا شكونو - أماان فاطمة شبيك تحكي هكاا !؟ مش إنتي كنت تقولي فك عليك منو خويا متخلف و يضرب وصعيب شوفي واحد يبدلك حياتك ويعيشك ") ؟؟؟ تو نسيتي و أنا وليت عدوتك ! - كهوو شد الصينية و روح لا يلقااك خوياا هناا .. هوما كاكا ودخل أنور شافهم يحكيوو هزت فتون روحهاا ومشات ") لحقها أنور يمشي و يناديلهاا لحقهاا دورهاا من يدهاا لين لصقااتو بعدت قتلو - شتحب مني ") ؟؟ - نحبك إنتي ! شبيك فتون علاش تعاركت مع فاطمة ؟ - شيء :'( !! تحاسب فياا عليك أنا شنواا ذنبي ؟ مش حبيتك وعشقتك ؟ عطيتك كل شيء و قبلت الذل على خاطر قلت مش باش نلقى خير من ولد عمي أماا إنت ... إنت كنت مش شايفني ولا حاسس بيا ولا حاس بالدموع والغصاات والقهر لي تقهرتوو عليك بعد عام بعد مالقيت راجل وتعلقت بيه حبيتو ونسيتك وكيف حلات حياتي إنت رجعت وقتلي نحبك هه ") ! جاتني صدمة وتربطت إيدياا لكن كهو ساعتها أنا معادش فتون الهبلة اللي تسمع وتسكت أنا تبدلت ومازلت شنتبدل قول لأختك ماتفهنيش بالغالط أما أنا ماظلمت حد خاطر فما ربي وكل واحد شيجيه نهار ويتحااسب - إنتي بكلامك هذا قاعدة تقتلي فياا فتون ") ساامحني نحبك نحبك تواا أطلب أش تحب نعملوو إبعد على الأخر وأنسااه أرجعلي أنا إنتي متاعي .. قربهاا شدلها وجهها عينيهم يغزرو لبعضهم بحسرة وحب قرب شفاايفو لشفايفهاا ياخي بعداتوو ومشات تجري لدار تجري سكرت الباب ترعش وخايفة يطلع حد شافهم شدت شفايفها وحطت يدها على قلبهاا مشات لبيتها قعدت عالفرش قلبها ضغط عليها المخ يفكر في بدر والقلب مش عاارفاتو لشكون زعماا مازلت تحب أنور ولا تحب بدر تواا أفف شدت رأأسهاا ومانجمتش تصبر هزت التلفون ركبت البيس شافت جاها ميساجات و أبالات من بدر فرحت وحطت التلفون على قلبهاا <3 فرحت رغم الدموع لي مايفارقوهاش ") هيا كاكا لين طلبها ماعرفتش ترد ولا تخلي هزت - ألوو ..- فتون !! هبلت يااخي - سامحني بدر أماا :"( !! - نحبك !! فهمت ؟؟؟ نحبك الحاجة هاذي حطها في مخك و فهمني شمعناها لي في الميساج - كهو لي قريتو أنا بنت ريف وبادية ومانيش تاعك شوف ماخير مني أحسن صحيح حبيتك وعديت معاك أحلى وقت أما كهوو مكتوب - ههه مكتوب ؟ أي مكتوب شنكتبوه أحناا الزوز <3 و برى كانك بنت ريف و نعجة وعلوش !! شفيها ؟ ماخير إنتي ولا البنات تاع المدينة لي كل ليلة سهريات وخمج ؟ أنا رااضي بيك كيف ما إنتي و والله نحبك أ طفلة حتى كانك في كوخ نجي نهزك ونخطبك أنا وماتكون كان ليا #يتبع

#الحلقة17 : فرحت فتون بكلامو و قتلو بااهي شوي وقت ونحكي مع الدار وإيجاا أخطب رجعو وعدو وقيت جو ونساات معاه همهاا ومشاكلهاا كملت خرجت فرحانة ياخي جات بحذاهم جارتهم سليمة دخلتها فتون ومشات لمعزتهاا (إسمها قرة ) تلعب معاها ديماا <3 بوها روح خلى الباشية ودخل هو في الباب يسمع في سليمة تحكي مع أم فتون قالتلهاا شبيها بنتك هبلت !؟ اليوم من الشباك شفتهاا لاصقة ولد حمد ويعملوو في العيب .. شهقت أم فتون وغاظتها الكلمة قالتلها وين شفتهم !؟؟ وأناهو عيب من فضلك بنتي ماتوصلهاش .. سليمة كيف عيطت عليها أم فتون مش سكتت تغششت ياخي دخل بو فتون بغلوو قاللها شفماا شنوا هذا قتلوو ووه شبيكم تعيطو إنتوما كل مافي الأمر قلتلكم ربيو بنتكم لي تبوس في ولد عمها في وضوح النهار مااو عرسوهم وإرتااحو إبعد خليني نخرج سمعتهاا فتون مانجمت تعمل شيء حتى باش تهرب وين بااش تهرب !!؟ أأأه يا ربي :'( سليمة روحت و فتون تمسع في بوها يعيط على أمها و يقوللها الفاسدة بنتك وينها !؟؟ الخامجة كثرتلهاا فتون عيونها دمعو وقلبها بدى يدق بالقوي خرج باب يلوج فيهاا ومانجمتش تتخبى سلمتلوو أمرها وكهوو جانها من غادي وهي ماعرفتش شتعمل شدنها من شعرها طاحت قاللها لي سمعتوو صحييح !؟؟ شبينك وبينوو أأه ؟ شبينك وبينوو تكلم !! هيا تعيط و تقولو بااابا والله تكذب باااباا راو مش صحيح علااه هكاا عاملين فياا دخلها لبيتها و ضربها بسااقو سكر عليها بالمفتااح و خلاها ") "( !! بقات تبكي وخايفة حتى على أنور يعمللوش حاجة وهي قبل حكااو فيها كان مايسمعوو نااس مشى بوها لدار خوه حمد طبطب الباب بالقوي حاجتو بأنور خرجت أمو مفجوعة كيف سمعت الحكاية قتلوو أناا مانتشرفش بمانسبتك و ولدي خطبتلو ليلى بنت سليمة ذاات :) روح بوها كي المجلووط خايف على صمعتو وشرفو وشرف بنتوو غضب عليها ومازال معاقبهاا روح أنور مضروب لقاتو أمو وكي سمعت الحكاية وراها فتون زادت نقمت فيهاا وكرهتها هيا من الأول ماتحبش أمهاا قالتلوو تبعد عليها الطفلة بوها بكري جاا يتهدد وتو شكون ضربك إسمع كلمتين أنا خطبتلك بنت أختي سليمة و إنت بااش تقبل ولا راني نغضب عليك حياتي كاملة والرضا ماتشوفوش مني رقد أنور و هو يفكر في كلامو أمو في الليل كلمت فتون بدر تسأل عليه تلقى صوتو تااعب و كلامو بارد ومتبدل كي شدت فيه الصحيح باش يحكيلها أول مرة يعملهاا عيط عليها وكفر بقاات مصدومة منوو ") !! قاللها جاني اليوم الولد تاع المرة لي فاتت ( أنور ) وتفاسدت أنا ويااه لين جاو الشرطة و فضوهاا بعد بدى يصيح ويقوللها مش مسلم فيك نحب غدوة !! بعد غدوة نجي نخطبك !! حاارت فتون من شيرة ماتحبش تخسرو من شيرة مستحيل تقبل يخطبها تو في ظروف هاكي #يتبع

#الحلقة19 : بقاات حايرة حلت عليها أمها الدار خرجت باش تكمل تخدم في الدار ياخي وهيا في الكوجينة تشرب قالتلها أمها - أأه أأه يا بنيتي ساامحني دنيا وأخرة ميمتك أنا المسؤولة على عذابك هذا الكل باقي راك كراك كيف أندادك .. غزرتلها فتون وقالتلها لا يا أمي مش منك بابا طبيعتو كاسحة وهو خاايب لين كرهني فيه ") !! - بنيتي هبل ولا درا شبيه قالي باش يخطبلك .. تفجعت فتون والكلمة غمت على قلبي طيحت الكأأس يدها تجرحت أمهاا خافت عليه تكففلها في الجرح وهياا مش هامها "( - أمي شكون !؟ لشكون باش يخطبني ؟ لواحد من هناا !! لأنور ! والله معاد نحبو أنا هاكا نحب ولد أخر وهاو يحب يجي يحكي معاكم نجيبو ؟ - مانعرفش يا ماما "( أما خايفة عليك هذا باش يحشمك مع ناس كهوو راهو - شمعنااها ؟ "( نهرب !؟ - لاا ماتهربيش ماتهربيش وأبقي على خاطر ميمتك كاان يقتلني أني وأختك .. كي تفكرت فتون مصلحة أمهاا وأختها محات فكرت الهروب من مخها جملة "( مشات تجري لبيتها يديها يرعشو كلمت بدر حكااو شوي بعد قتلوو غدوة تنجم تجي قاللها أش هالسرعة قتلو راو بابا شيخطبلي واحد أخر إيجاا أماان نحبك إنت بالك توفى الحكاية ونكتبلك إنت وحدك ! المهم الحيرة والخوف زاادو عند فتون ولات تاكل تشرب تغسل تنظف ديما شاردة ومخها يفكر في غدوة بدر هو معاه أختو وصاحبو وحضرو رواحهم باش يمشيو يخطبو فتون فاقت الأربعة تاع الصباح نظفت بيتها و خرجت للكوجينة و سيقت الصالة والوسطية خرجت البرى ريقلت محابس الورد وفرحت التراب الكلو أكا الدار ردتها جنة بوهاا فااق الصباح لين إستغرب فيها بطبيعتها نظيفة وفاالحة أما اليوم أكثر أكثر تي الدار نظفتها بالحفرة مشاات دوشت لبست روبة طويلة زرقااء و حجاب أبيض وبقاات تستنى وتحكي ميساجات مع بدر هو فرحاان و يستنى في أكي اللحظة و هياا خايفة و تقولش عليها شتعمل عملية عل القلب يا حيااة يا مووت "( ") .. تعدات 3 سوايع كلم بدر فتون قاللها هانا بحذا الدار ومرتهالو أهلها كانو قاعدين لين خلطو دقو الباب مشات أخت فتون تحل وفتون شادة تلفوونهاا وتشد في دمعتهاا بالسيف خايفة شاافتهم من الباب بدر دااخل لابس كوستيم و وهرة وشعرو الفوق ومنظم أختو وصاحبوو زادة منظمين أما درى كيفاه يغزرو للدار و كيلي متقززين خاطر أول مرة يدخلو ريف كاكا بوو فتون مافاهم شيء أما أمهاا فهمت رحبو بيهم وقعدو طيبت فتون قهوة حضرت سينية وبعثت أختها جات إلهام بحذاها بدى بدر

#الحلقة20 : بدى بدر يحكي مع بوها في كلام رزين وعااقل و صاحبو زادة حكى معاه تعرفوو وبعد دخلولو طول في الموضوع بدر قلبوو يدق يدق خاايف بوها مايوافقش ويشوف في دارهم ويقول علاش من الأول ماقالتليش الحقيقة أما أنا مش مسلم فيها تو .. فتون وإلهاام في الكوجينة فتون خاايفة تقولش عليها شتعمل عميلة عالقلب أماا حياة أو موت ") إلهاام تصبر فيهاا .. بو فتون كان مكشبر زااد كشبر وجهوو كي سمع اللي بدر يخدم في شركة دبابز و يعملو في دبابز بيرة زادة وسمع اللي بوه متوفي وأمو معرسة في ألمانيا و أختو تعيش في فرنساا قال في قلبوو ملا عايلة مستحيل نعطيهم بنتي وأنا حاطط في مخي (.... تو مبعد تعرفوه) كهو شناخذلها هذاكاا بنتي أنا الأولاد ماعنديش و هو يخدم عندي و ولد نظيف ومتربي نستحقو في كبري مش واحد برااني يخسرني في بنتي خلاهم لين كملوو كلامهم مبعد وقف قاللو ولدي إنت جيت وحكينا نتشرفو بيك أما بنتي فما شكون خاطبها وأنا لعطيت كلمتي كهو وفاا المكتوب تشرفنا بمعرفتكم أما سامحوني بنتي مانعطيهااش بدر قلبو ضغط عليه وغاار حس الدنيا ضياقت بيه كسر خشمو وحاول مع بوهاا قالو لا معناها لا قامتلو سيرين أخت بدر قتلووو باهي عاد من غير صيااح ملا مستوياات ووه ماتحبش تعطي بنتك أوكي حطها في دبابز وصبرهاا عندك ! السلام هزت سالم وخرجت لحقهم بدر و هو يغزر تخرجش فتون كاان شافها والله ممكن يخطفها ويهزها معااه فتون في الكوجينة كانت تسمع في كل شيء ماتت بالحشمة والوجيعة وماعرفتش شصارلها وجهها حماار هبطت على ساقيها وشدت رأأسها مابين يديها دموعهاا طايحين على خذيها وهياا سااكتة وحالة فمهااا تشهق كهوو مصدومة مافاهمة شيء تغزر للقاعة وتتمنى بأكثر لحظة تنسى فيها لي صاار " .. بوو فتون دخل لبيتو شيرقد أمهاا جاتهاا الكلهم يحكو معاها وهياا كي الجثة بلا روح دموعهاا هابطين فرشتلهاا إلهام ورقدتهاا فاقت بعد ساعة مشات تشوف في التلفون تلقى بدر طالبها برشاا مرات وباعث 3 ميساجات و الميساج الأخراني فيه ( هه ماتردش ؟؟ علاه حاشمة مني ؟ ماعندك حتى ذنب إنتي رد علياا حاجتي بيك ولا حقرتني كهو عجبك رأأي بوك ) قلبهاا وجعها من كلامو مسحت عيونهاا وكلماتو يحكي معاها منرفز و خلوقو طاالعة وهياا تموت كل لحظة بالعرق البارد وماتنجمش تقولو شبيك علاه هكا تبدلت خاطر حقوو يتبدل ") !! من غدوة فاقت فتون تنظف وتكنس كي العادة بوها مشى يخدم حل القاراج جااء الصانع متاعو و هو #أدم ولد عمتهاا جا شيخدم ياخي قالو إيجا أقعد إيجاا قعد أدم ياخي بدى بوها يحكي في الموضوع المهم قالو نحبك تاخو بنتي و تهنيني عليها وتكون كيف ولدي مانحبش نسيب برااني وأنا مش باش نلقى كيفك كانك موافق و أهلك يوافقو بعد نهارين نقرو الفاتحة وتلبسو الخوااتم نشالله أدم هه بالطبيعة شيفرح ويغتنم الفرصة حتى كان فتون ماتحبووش قبل و روح فرحاان يحكي لأمو وهياا فرحتلو زادة وكلموو عمر بو فتون قالولو موافقين ومش باش نلقاو خير منكم زيد قراب و أولاد عم المهم فتون مع بدر وماتعلم بشيء بدر قاللها نحبك ومستحيل نسلم فيك وتو ربي يحلهاا في الليل روح عمر شايختلو يحكي لمرتو قاللها بنتك العريس لي خترتهولها هو أدم ولد خليفة و شيجو بعد غدوة يخطبوو قولي لبنتك أمها دمعو عيونها خاطر تعرف بنت شتحب من غدوة #يبتع

#الحلقة21 : من غدوى قامت فتون على عادتهاا واليوم ناشطة وتضحك خاطر كل يوم يزيد يحبها أكثر و وعدها مايسلمش فيها مهما يصير سيقت الدار مشات وكلت معزتهاا ولعبت معاها تعدى أنوور بقااو يغزرو لبعضهم وبعد لي صاار لا واحد فيهم نجم ") يسلم على الأخر تعدى هو بغصتوو و هياا عيونهاا زغلوو وحست قلبهاا وجعهاا دخلت للكوجينة تلقى أمها تطيب حضنتها وباستهاا وحكاتلها على أمس و تسأل فيها بدر مزياان ولا وكل أمهاا شدت دمعتها دارت لبنتهاا شدتها من أكتافها هدتها وقالتلها - فتوون "( لازمك تنسيه بنيتي !! - هه ماما !؟ علاه - كهوو خيرلك والله خيرلك بنيتي بأنقص مشااكل ليك و بالأخص ليه هو تعرفي بوك صعيييب وعندو حتى يقتل بنادم عادي تصور يعمللو حاجة وتخسر إنتي كل شيء يا إبعد عليه ياا أهربي معااه و إحرقيلي قلبي :'( - ماااما ") هه شبيكم علااه بالله علاه .. كانت في يدهاا ساك بطاطا رماتها عالأرض بالقوة وعيونهاا زغلو وحتى صوتها تخنق .. علاه هكاا أمي شعملتلكم :'( بابا خاايب باابا خاامج بابا مايحبنيش بابا :'( مااااهوش بابا نكرهووو نكرهووو ياا ربي نشالله يموت "( طاحت عاللأرض تبكي لين دخل بوها سمع كل شيء وقف قدامها تفجعت وخافت قاللها أنا خامج ؟ أنا خايب ؟ وتكرهني !! - أي نكرهك :'( شعمتلي في حيااتي !؟ أأه كان الدموع والبكاء ! إنت حرمتني من كل شيء من عطفك من القراية من التعليم من الخروج من التفرهيد من الحلة كيف البنات عمري لا خرجت ولا جبدت ولا عملت شعر ولا تلفون ولا خدمت ولا حكيت مع إنسان برااني ماللي حطتني أمي في الوظى نعرف ناكل نرقد ولا نخدمكم في الدار حشمتني مع العبااد الكل و حكيت فياا كلام تقولي ماني بوك ؟؟ واللهي كان جينا فقرااء مانحل فمي بحتى كلمة أماا أحنا لاباس بينا إنت هو لي تحب الفقرو خليتناا هناا للجهاال هاذم شد !! هااك السكينة :'( هااك السكينة وأذبحني وإرتااح زيد لحق علياا أمي أي أمي لي شتعرس بمراا غيرهاا المرأة لي عامللها دار في السوق ومعيشهاا ") .. بوها بقى جاامد وهيا حبت تكمل لكن صوتها غص أمها تبكي مشات لبيتها سكرت على روحها وبقاات تبكي تبكي تبكي لين رقدت في الليل قامت تتعشى ناداها بوها وقاللها إسمع كلمة وحدة وكان تعصيني ولا تعملي حاجة كل شيء يطيح في المااء و سي بدر لي جايني المرة لي فااتت تنسااه أصلا شيودع الدنياا - بابا ") !؟؟ - أسكت قتلك !! أنا ماعدنيش أولا ومش نكبر نكبر وفي الأخر يجي واحد درا منين عايلتو كل واحد هامل في بلاصة يهزك نحب ياخذك ولد عمتك !! هنا تعيشي بحذايا و تبقي معززة مكرمة ونعمللك أسمح عرس ! أدم - :o :'( باباااا !! - أسكت ماكملتش رااني أدم ولد عمتك هو لي باش تاخذيه ! كلمة وحدة أحنا ماعندناش بنات يعرسو بالبرانية !! تقبل وتسكت غدوة شيجو يخطبوك حضر روحك .. هبطت تبكي بحذا سااقيه - بابا "( بالله لاااا بالله :'( بابا نحب بدر !! عالأقل ولد عمي أنور !! أدم راهو كي خوياا وكبير علياا بابا بالله لا تعملها - إمشي لبيتك فيسع - بابا :'( باباااااااا ... قاام وخلاهاا قلبوو أأأكحل و يفكر كان في روحو وقاسي برشاا بقات تبكي فتون وتفكرت برشاا حاجات قلبها غط عليهاا دااخت هزتها أمها وداوتها حتى فاقت #يتبع

#الحلقة_23 : حتى فااقت كي الملائكة متبسمة تتكسل نساات أش صاار أمس لكن كيف حلت عيونها ورجعت لوعيها تفكرت كل شيء ") عيونهاا زغلو قلبهاا بدى يدق بالقوي وقلق مسيطر عليه هزت التلفون من تحت المخدة تلقى بدر يطلب مسحت عيونها بقات تفكر و هزت عليه - ألوو - مرتي أناا - حبيبي *-* - صبااح نوور :* - صباآحك جنة يا روحي ") - شبي صوتك هكاا فتون !؟ - أأأ .. شيء لا .. أفف :'( - فتون !! أحكي شبيك - باابا :'( - شبيه ؟ ماو قتلك أصبر بالك ربي يسهللنا ماهو إلا بوك ماتعملش حاجة تخالفو - بابا خطبني لولد أختوو :'( ومقرر وحاسم الأمر والله حايرة :( ومش عارفة شنعمل وكيفاش وافقت مانجم نعمل شيء إيديا تربطو وكان نحاول نهرب ولا نعصيه يقتلني أنا وأمي ولا يعمل حاجة زيد هددني بيك :'( روحي إنت مانطقلكش المضرة !! - شنواا !؟؟ هه هبلت إنتي بااز قتلي وافقت ") ؟ - هو غصبني ياا بدر والله هو أماان تفهمنيش بالغاالط أنا مؤة حلمت بيك في كابوس خفت ومتت من رعبتي خلي تصيرلك حاجة ونكون أنا السبب والله نقتل روحي - صدقني تحكي وأنا مصدوم !! ل هدرجة بوك حيواان ؟؟ مايفهمش !؟ مايعرفش اللي حرام يمنع بنتو من العرس باللي تحبو وشترتااح معاه ") !؟ وإنتي واافقت !! أوكي يا بنت الناس واضح :) - بدر !! بدر عيش حبي أنسى وماتحط شيء في بالك - تي أش ننساا هااو بوك نا... الدنيا الكلهاا وتحب ز.... نوسع بالي و ننسى تي بااي تا نحكو مبعد .. عيط عليها من الغل وعلق رمات التلفون وكي الطفلة الصغير حطت يديها على وجهها وبداات تبكي تبكي تبكي بعد قاامت غسلت وجهها و مشات لبست وخرجت مشات لدار عمتهاا وفميكا لقاات أدم هزاتو وحدوو وحبت تحكي معااه قتلوو بابا شيغصبك تاخوني وتخطبني أما إنت مانحبكش تواافق راك كي خوياا بالله ماك تعرف نحب بدر !؟ خليني هكاا عالأقل المهم مانعرسوش ! عيشك عيش وخي نعمل لي تحب علييه المهم ماتوافقش وماتدفنليش حيااتي :'( - نحبك أناا فتون وتمنيتو النهاار أذايا - لا أدم لاااا لا عيشك مانحبكش :'( مانحبكش إنت مجرد خو لا أكثر مانحبش نعرسو تو تلقى ماخير مني أناا شنعيشك عيشة مرة فك علينا هوكا إنت خوذ لي تحبها وأنا خليني للنحبوو - هههه تي قتلك نحبك إنتي !! وشبيك تبكي وتتغصور هكااا !؟ لهالدرجة تحبوو قولي شفيه زايد علياا ") !؟ .. شدهاا من كتافها ولسقهاا للحيط وقربلهاا برشاا يغزر لعينيها بلهفة وحب و شهوة هياا حاطت يديهاا على صدرو تبعد فيه #يت

#الحلقة24 : حطت يديهاا على صدرو تبعد فيه وهو يقرب هياا قلبهاا يدق وخاايفة كرهااتو في أكي اللحظة وخاافت زيد الدار ماكان فيها حتى حد تبعد فيه وهو يقرب لشفاايفها يحب يبووسهاا قتلوو - أدم !! ريض ماتفهمش يااخي نكرهك أفف إبعد إبعد ولا راني نعيط ونفزع عليك الجيراان - أأه نحبك نحبك يااا فتوون إنتي متاعي أنااا إنتي شتكوني مرتي وحلالي نحبببكككك - أدم أفهم قدرك أفف شبيك خاامج :'( أأي رااك حصرتني ! هزت يدهاا وعطاتو كفو دورتلو بيه وجهوو تغشش هو شدها من شعرهاا وقاللها - تضربني يا فتون !؟؟ مالا كنت شنسخف عليك وتو والله مانحطمك :) يا متاعي يا نقتلك فهمت !! وأبقى راايضة خيرلك هانا وحدناا إيجاا لحضني إيجاا .. عيطت فتون رغم لي تعرف مش باش يسمعهاا حد أدم باسهاا من شفايفها أما بوسة صغيرة وهياا تبعد فيه وهو شاادها من حزامها يقرب فيهاا ليه باللي عملت وشيء هو أقوى هوما كاكا جاا أنور متعدي هاااز باكو قاطو سمع حس فتون قلبو وجعو وتفجع طيش لي في يدو ومشى يتبع في الصوت لين هرفو في دار عمتوو ! دخل وبدى يلوج لين حل بابا بيت أدم لقاااه شااد فتون وهياا تبكي وتتغصور جااه من تاالي بغشو وبغلوو ضربو بمرفق على قلبو طيحوو عيطت فتون ومشاات لحضن أنور حضنها ي يد وكي فااق أدم بعدهاا وقاللها برى روح أخرج من الدار ضربوو أدم خلالو فمو دم خاافت فتون على أنور بدات تحز وتعيط للجيران و هوما عرك كفوف و بونياا و سب كلام زايد شد فتوون فااز بلار كسرااتو وقالتلهم كان ماتبعدوش وتسيبو بعضكم ما تشوفو يا نقتلكم زوز يا نقتل روحي كي شافوها الزوز خافو عليهاا بعد وبقاو يغزرو لبعضهم ب غل وكره وحقد بقاات فتون تبكي وحست بالذنب ماتعرفش ذنب شكون !؟ أما حست بيه زعماا ذنب إنهاا فرقت مابين زوز أولاد عم ولا خاطرها وافقت على خطبتها من واحد غير اللي تحبو ولا ذنبهاا إنها حبت بدؤ وتمناتو و بوها و والوقت ماخلوهمش ") !! ذنبها جات بنت ريف وعايلتها خايبة وعيشتها كلبة حشم أدم على روحو قبل للحيط وشد رأأسو أنور هز فولارت فتون لبسهالها وخرجهاا معاه مسحلهاا دموعها وفي عينو دمعة متاع إحسااس حاجة نعشقهاا ومش متاعي ") <3 !! وصلها للدار قعدت فتون على فرشهاا العيون منفخات وهياا شاردة من كثر المشاكل والهم تبنجت معادش يهمهاا قلبها مات والوجيعة كثرت دخلت عليها أختها قالتلهاا قوم ألبس ساعة أخرى شتجي عمتك بحذاناا وبوك كان ماتلبسش تو لاما يجيك هو ويعمل فيك #يت

#الحلقة25 : طلبت بدر علق عليهاا ") ماتت ألف موتة قامت مشات لل قلص جبدت روبة كحلة و خمار أكحل وصباط أكحل ") حطتهم بقاات تغزر وإحسااسها بااااارد كأنهاا ميتة أما عيونها يدمعو لبستهم وخرجت بقات في الكوجينة أمهاا تدمرت وكل ماتشوف بنت لي في زهرة شبابها كاكا تموت وهياا حية ") أما شعندهاا تعمل هيا زادة ماخذة بو فتون تقليدي مش على حب وأكيد العذاب لي تعدى على أمها شتعيشو هياا .. دق البااب زاد الخوف والحقد و العذااب في قلب فتون أما كانت ساكتة وخلاتها على ربي حبت تشوف أش يصير دخلت عمتها وبناتها الزوز و ولدها أدم قعدو فرحو بيهم وبوها روح مسكين هه ") يضحك من عيونو ع خااطر مصلحتو مش عاارف العذاب لي تسبب فيه ل بنتو دمو ولحموو المهم بدا يحكو لين وصلو الموضوع أم أدم قالت كان بموافقت العروس فرحت أم فتون ياخي قص عليها بوها وقاللها أي أي أكيد بنتي تستنى في هالنهار وشنتهنو عليها مش باش نلقااو خير من ولدي أدم هيا موافقة أكيد وهكا عاداتنا تقول أنا موافق ومازال العريس أدم قعد يفكر وخايف عارف كان خذها بالغصب ماتغير شيء بالعكس شتزيد تكرهو وتنقم عليه و يعيش عيشة مرة وضميرو يأنبو أما تفكر برشاا حاجات بطل وقال لازمني نوافق شماتتة في بدر متاعها وفي أنور و فيها هيا لي هانتني وضربتني ضحك ضحكة صفرة وقال أكيد موافق ناداو فتون شتجيب القهوى هزت السينية حست الأرض دارت بيه تبعثرت القهوة الكل تصبت وفسدتهاا مسحت أختها الصحن وحضرت قهوة أخر قواتها وصبرتهاا وقالتلهاا إعفس على قلبك وأرضى بالوااقع حتى أنا مصيري كيفك ") !! حطت فتون في مخها كان أمها وأختهاا ومشاات دخلت الكل باهتين شبيه كي الغراب حزينة ولابسة الأسود قعدت الكل يضحكو كان هيا مكشبرة بوهاا قاللها أضحك شوياا شبيك ماحبتش تشلق تبسمت :) قالو شيقرااو الفاتحة هزو إيديهم هزت فتون إيديهاا هوما يقراو في الفاتحة و فتون تدعي لربي تقولو يا ربي نحب نموت نحب نشمي بحذاا أختي نحب نرتااح مانحبش ناخوه يا ربي مانيش رافضة حكمك أماا شوفلي بعين الرحمة و فرحلي قلبي راني تعبت ") :( دموعها خانوهاا هبطوو تعرفو كيفاش الدنيا مصالح أدم يفكر في فتون ك مراا مزيانة و يعشقها ويحبها تكون مرتو وأم لصغارو مهما كانت الظروف بوها يفكر إنو شيستغل أدم بما إنو ماعندوش أولاد ذكورة وأدم مربيه زيد صانع عندو و فتون تفكر في شبابها لي ضاع و بدر وأنور لي باش تحرق قلوبهم كيف ماتحرق قلبهاا كيف #يتبع

#الحلقة26 : كيف كملوو قامت فتون وهزت روحهاا لبيتهاا قعدت على فرشهاا حبت تتفكر كل شيء وحبت زادة تشوف لوااقعهاا أماا لاا مخهاا يحب ينسى قلبهاا مااات ومعاش تحب تستعرف بوااقعهاا تواا ولات تتمنى في الموت باللحظة والدقيقة الدمووع هابطين شلال ") وإحسااسهاا باااارد أصلا مش عارفة روحهاا عقلها وقلبها وين مشااو .. أم أدمو وخواتو والحاضرين إستغربوو في تصرفهاا الشيء اللي خلى أم أدم تنقم ! جات شتبطل أما قالت بالعكس نحرقلها قلبها وهكاكا تولي تخدم تحتي وتشوف على شكون تكبرت .... بعد مرور 6 شهور ... <3 باش مانطولش عليكم صارو برشاا حاجات في المدة هاكي فتون وبدر زاادو عشقو بعضهم رغم الظروف وخلاوها على ربي وكان أملهم كبير ") .. أنور جاتو أخت أدم أمااني لي تعشقو وتموت فيه خبرااتو بخطبة خوها من فتون وين هبل وسكر وشلط روحو جرى على فتون لكن هيا رفضااتو وجرحااتو برشاا الشيء لي خلاه يقول لأمو ماك تحب تخطبلي أخطبلي أماني بنت عمتي فاطمة بالبونطو على فتون و أدم ") فتون ولات مخطوبة من أدم ولا يجيبلها دبش وكادوات ويبعثوهم للسوق ويتقابل و يحكو بالتلفوون أدم كان فرحاان وقت اللي فتون كانت تتوجع وتتقهر كي تشوف روحها معااه وقلبها مع بدر كي تعدااو 6 شهور دار فتون ودار أدم معادش صابرين يحبو يتهنااو عليها قررو اللي العرس بعد جمعتين وين حاولت فتون تهرب لكن حصلهاا بوها وكلات على رأأسها وصارت مشاكل ل بدر في جرتهاا أمها وأختها مقهورين عليها أما بوها كان فرحان بعرسها هكا ولا هكا شتجيبلو ولد وأصلا أدم كيف ولدوو فتون نهار كامل شادة بيتها مش كي أي عروسة تستنى في فرحة عمرها مع الراجل لي تحبوو و ليلة دخلتهاا وكي تولي حلال حبيبهاا <3 ") ") أماا صبرت وكانت تصلي كل ليلة وتطلب في ربي يهديها و ييسرلها لي فيه الخير و يكتبلهاا بدر خاطرها تنجمش تبعد عليه ولا تكون مع غيرو الوقت يجري جهااز العروس تشرى الكلوو حتى من الحلي حجبووها و بقات مخزونة في الدار بدر كثر من الشرب و الهملة وتدمر مسكين كل ليلة يبكي رغم لي هو راجل و قوي ") و فتون زادة وجيعتها ماتتصورش أما محكوم فيها ولازم يتنفذ الحكم نقمت عليهم الكل لي أذوها وبالأخص بوهاا نقمت عليه وكرهااتو لكن على خاطر ربي قاعدة تعامل فيه معاملة طيبة ") ! حضرت أمهاا ملازم العرس و غدوة عندهم سهرية صغيرة جااو الناس بحذااهم فرحو و زغرطو وعملو عرس العادة والعوايد الناس الكلها بقاات تحكي بيه خرجو فتون صدروهاا الكلهم يغزرولهاا وفاهمين من عيونهاا لي هياا مش فرحانة ليلتهاا رقصت و ضحكت و هبلت معاهم لكن مش من القلب كانت تتصرف جثة بلا روح بدر سافر ل ولاية أخرى بعد ماتعارك هو ويااه خاطر قبلت هياا بالوضع !! تدمر بكي و قطع روحو وسلم في خدمتوو وتأزم أول مرة راجل يحي طفلة هكاكا .. أنور كاان دااس غلو وكان محضر كارثة كملت هاكي الليلة فتون تكلم في بدر باش تطلب منو السماح وتزيد توضحلو لي راهو مش ذنبها صحيح ماتصرفتش وقبلت أماا بالله شعندهاا تعمل مانجمتش :'( رقدت تبكي وفاقت عيونها منفخين مش متحملة لي قاعد يصير كان مش من إلهاام لي واقفة بجنبهاا اليوم شيعملولها كسوة و حنة وسهرية كبير وطبالة في الليل 

#الحلقة27 : في الليل ساعة كاملة فتون تدور وتكلم في بدر و هوو مايردش وهيا معدة من الخوف وجعتهاا قلبها يدق حاسة النفس شيتقطع عليهاا !! تدور وتطلب وتبكي وتقول في مخها كرهني مطفيني شيحب وحدة غيري محسوب شكون أنا باش ياقف عندي رااو في حضن وحدة أخرى أفف شبيه حاقرني علاه مايردش من الغل بعثتلوو برشا ميسجات تسب في وتبكي مش من قلبهاا وتخسايلو خلاها وهي في أمس الحاجة ليه .... بدر في كرهبتوو اللي دخلت في شجرة خاطرو سكراان ميت على خاطرهاا غارق في دموو في طريق رئيسية حتى حد مافاق بيه عمل حادث ") ... فتون مغششة منو أما قلبها واجعها وحاسة حاجة شتصير ولا صارت متقلقة عيونهاا م غمضوش غمضة لين طلع الفجر دخلو عليها لقاوها كاكا خافو عليها غسلولها وجهها واسوها وصبروها وفي الأخر لبست روبة الحنة وخرجت قعدوهاا الناس تزغرط و فرحانة تدربك وفتون دموعهاا هابطين من تحت الفواال الأحمر و قلبها ضاغط عليها تعض في شفايفهاا باش مايسمعوهاش ") !! طاح الليل وجابو الكسوة بالطبالة تفرجو العباد وبوها عمللها عرس الناس قعدت تحكي بيه رغم لي عند بنتو كان نهار دفينتها و موتهاا ") في الليل جابولها الروبة البيضااء ولبسوهالهاا كي شافت روحها مزينة و عروس بقاات تبكي وأعاصبها إنهارت طاحت عالأرض مشات الطفلة لي معاها تجيبلها تشرب ياخي رجعت لقااتها شادة موس لام وحطاتو فوق شرايينهاا تع رقبتهاا وتغزر لروحها كيفاش عروس وتبكي عيطت الطفلة فزعو اللي سمعوها يهدو فيها وهياا معااندتهم لي جات أمها تجري وتبكي قريب شتموت من الخوف عبنتها قالتلهاا لاا لاااا ماني ميمتك ! ماتعملهاش شافت أمها كاكا طيشااتو وتات في حضنها وتفجرت بالبكااء والشهقة :"( "( !! أمها تضحن فينا وهيا تعيط وتبكي - علااه يا مامااا دفنتوني بالحياااة :'( علاش جاا خطبني ولد الحلال لي حبيتو رفضتوه وغصبتو علياا ولد عمتي لي شنموت معاااه علاااه يامي حنيتوني و فرحتولي ولبستوني الأبيض لراجل نعيفو نكرهوو نحب بدرر !! نحب بدر أنااااا :'( !!! تعدى ساعة يشممو فيها في البارفان قالولها صاحباتها أطلب بدر كان هز عليك وقبلك و مازال يحبك حتى أحناا نهربوو بيك وكان طفاك وماردش أبدى حياتك عرس ومع الوقت تاا يتغير الحاال ") صممت تعمل أكاكا وعملت !! كلمت كلمت ما ردش هوما خافو عليها وحسو بوجيعتها أما هيا صنعت من الوجيعة قوة قاامت زادو خافو تعملش حاجة في روحهاا وقفت قدام المراية #يتبع

#الحلقة28 : وقفت قدام المراية مسحت دموعها زادو هبطو مسحت مرة أخرى والكحل أسود في وجهها زادت مسحت خذااات نفس كبييير سلمت أمرهاا لربي و غمصت هيونهاا حذفت كل شيء هزت الروج ألافر و حمرت فمهاا عمت فوندوتان دارتلهم تبسمت :) وقالتلهم هيااا خرجوني لعريسي .. ")) لراجلي !! هوما مستغربين علاش تصرف كاكا !؟ خرجوها وهيا تضحك أدم لي بقااا باهت في فرحتها وزينهاا و محلااااها طلعت هياا تضحك في ضحكة بكلهاا نقمة و تكبر وإنتقاام من روحهاا ومن اللي تسببولها في الجروح ") !! قعدت عالطاولة شيكتبو الصدااق أنور واقف يتفرج من بعيد النفس ضاق عليه قلبوو وااااااجعو يا ريتو عرف قيمتها كي كانت بين إيديه وهابلة عليه اللحظات هاكي الأخيرة لي باش تفصل كل شيء أما توافق أماا تعاارض مزال نقطة أمل هيا شتتكلم أنور يبكي ويتنى في كلمتهاا قالت - أنا موافقة هه :D ") !! في اللحظة هاكي تخلخل أنور وتمنى الموت عيط بالقوي لين سمعوه الكل جاء شيمشيلهم شدوه أولاد عمو بدى يسب ويعيط وفسد السهرية شافاتو سخفهاا وفي نفس الوقت خافت و فرحت وماتعرفش شنوا إحسااسهاا ") !! أدم حضنهاا لي مشاو بعدو أنور وطردوه .. ليلة الدخلة !! هزوهم للدار الفيلا الجديدة تاع أدم فميكا في الحي دخلوو و خلو معاهم وزير لأدم باش يتهنى على فتون ويتأكدو من عذريتهاا ويروحوو دخل أدم قال لفتون قربلهاا وهيا شتموت من الخوف والحشمة أما تعرف لي هو مش شيمسهاا محلاه الجو قداش كان رومنسي أما فتون ميتة واقفة ") !! ماحاسة بشيء هز على وجهها المزيااان الفواال هبل عليهاا ومعادش منجم يحب ياكلهاا قربلهاا بدى يعدي في يدو على فمهاا و صدرها وأكتافها وهياا تتمنى تقتلوو وتهرب ترتاح أما لا هيا تو حلالو وكهو :'( وفاا الأمر قربلها باسهاا من شفايفها بوسة خفيفة وهبط لرقبتهاا فميكا رعشت وماتعرفش باش حست بعدااتو وقتلوو مش الليلة إستغرب وحب يتقوى عليها لكن قتلوو لي هيا مريضة بالعادة الشهري !! تنرفز و شك فيهااا قاللها تكذب قتلوو ندخل للدوش ونعطيك الدليل عطاها محرمة بيضاء دخلت مسحت بيها وخرجت كي شاف الدم كبس على يديه ولااازمو يصبر ") !! قاللها باهي أعمل روحك ساايي عملناها وتو نقوللهم أهواا الدم تاع ال..... سكتت وفرحااانة خاطر مش شيمسهاا وهيا تفكر ( ياا ربي وينو بدر يا ربي شعاامل يا ربي كيفاه متعذب تو يا ربي علاش كرهتو يا ربي علاش صار هكا يا ربي أنور مسكين يا ربي يا ربي) خرج أدم و وراهم الدم على أساس هو كسرها و ولات متاعو وحلالو رجع قعد عالكنبي و فتون بدل روبة طويلة عادية مش النويزات الدنتال لي محضرينهالها حمراء أدم بدى يتعذب من الليلة الأولى رقد بجنبهاا باسها وقتلو ليلة أخرى نشالله ضحكت فرح هو أما دارت ورقدت خلاتو !! كأنو جا حد ورشقلو سكينة مابين ضلوعو عنقها ورقد وهيا روحها شتطلع وتبعد وفادة منو من غدوة

#الحلقة29 : الصباح فاقت ماتلقااش أدم بحذاهاا شافت رقبتهاا و فمهاا تلقااهم حمر و زرق تفكر لي البارح بااسها أدم وشبع منها وماعملوش حاجة كبيرة فااقت تلوج فيه لقاات ورقة فيها " أحلى صباح لأحلى مراا في الدنياا مممموااه نحبك هاني هابط للسوق شنكري كرهبة باش نحوسو بيها و ناخو الفطور ونروح ضحكت ضحكت متاع هبال وهزوة و نقمة على روحها حدفت الورقة دوشت وبدلت خرجت حلت الشباك شربت قهوة وحبت تبيع الدنيا بلفتة وتكمل نهاراتها الأخيراات ") :/ هيا كاكا طب طب الباب بالقوي !! خافت و قالت نشالله يدخلو يقولولي بوك ولا أدم مااتو ياا ربي خرجت تلقى إلهاام تعيط ومفجوعة - شبيك شبيك شفما !! - بدر :'( بدر - إلهاااام شبيه بدر >< إحكي تكلمي !! - بدر في الأنعااش فيسع خف روحك هاني جبت تاكسي - لحظةة وووه روحي حبي شبيه شصاارلوو :'( دخلت دايخة قلبها يوجع تجري لبست صباطهاا هزت تلفونها لقات 3 ميات ألف هزتهم وخرجت شعرها مجبود ومحلول إمكيجة لابسة شمويز بيضاء وسروال دجين محزوق تبدلت مش فتون المهبولة بنت الريف أماا تفتق !! مشاات للصبيطار هبطو يجروو ماهوش في الإنعاش بدر عمل عملية ونجحت أماا راقد في الصبيطار و ينجم يخرج اليوم دخلت فتون الغرفة ملهووفة تحب تشوفو وتعرف شصاار دخلت شافاتو طيش كل شي من يدها مشااتلوو ترماات عليها تبووووس و تعنق وتبكي وخايفة لي خنقااتو و و جعتلوو قلبوو و بلاصة العملية بعد دااخت طاحت ياخي هو خاف عليها نحى السيروم المعلق من يدو ويفيق فيها جاو الفرميلياات رجعوه وداواها هياا بعد كي فاقو حب يخرج اليوم فتون فرحت و كانو شادين في بعضهم نسااو حتى العرس ") في عيونها دموع وفي قلبوها برشا محبة و وجيييعة ") !! خلص الصبيطار وقفو البرا قاللها محلاك بعد ماعرست ") أأأه شخص راك عروستي يا حب حيااتي إنتي يا أغلى من عيوني ") - بدر بالله لا عاد تحكي هكاا راك تقتل فياا شصارلك قولي علاه ماترجع ليلة لي إنتي تكلم عملت حادث و مافاق بيا حد كان من غدوة عملت عملية على كلوتي و شفت الموت بعيوني أماا عمرها ماكانت كي الموت لي نشوف فيها كل لحظة وإنتي يعرسوو فيك - نحبك أنااا :'( ياا روحي إنت ساااامحني بالله !! .. عنقهاا بدر القوي وحطهاا في حضنو باسلها رأأسهاا و سكتهاا باساتو من خدو وكانو يتصرفوو بحب كبير <3 مايهمهم في حد ") قتلوو هيااا نهربوو ضحك ومادقهااش قتلوو هاو عندي فلوس شنعمل محامي ونطلقوو للضرر ولحظات تحضر القضية !! هو فرح بكلامها لكن جاتو كي الغصة حضنهاا ويحكي معااها بشهوة وهيا بين إيده حبيبتو وصغرونتو قاللها تمنيت أنا لي مسيتك وأنا تكشفت عليك وليت مرتي قتلو والله لا مسني ومازلت عذرااء أكا علاه قتلك هكا إستغرب وسأل فهمااتو إلهاا لي صار ماصدقهااش ") فرححححح عالأخر كان في جهنم ودخل الجنة هزها الفوووق <3 المهم كمبسو باش يهربو مع بعضهم و وين ترصي خل ترصي

#الحلقة30 : روح أدم ماقااش فتون عرفها هربت لا الفلوس لا التلفون وهو مسكين جايب كادوات وكرهبة وأحلى فطور ههه مسكين ؟؟ يعطيه سكين ") !! خرج يعيط لبوها و كي سمعو الناس الكل بدات التلفوناات تخبط و عاملين خوضة و المراكز الكل علموهم واللي يحكو معاه يقوللهم عمرها 19 راشدة وبالغة هياا حرة و تهبط روشارشي كان بعد 48 ساعة هبلو عليهاا و دارو بلاد كاملة وشي ماات إلهام روحت وعملت روحهاا مافيبالها بشيء وتبكي على صاحبتها في نفس الوقت تكلم فيها هيا وبدر وتعطي فيهم في المعلوماات ههه مشات إلهام لأم فتون عطاتها مليون وخبرتها بكل شيء و وعدتها الأمور تتغير أم فتون هبلت وخافت لكن مبعد إرتاحت زيد عرفت فما قانون في البلاد و كلمهاا بدر وهنااها .. فتون مع بدر في داار هياا في بيت و هو في بيت يحكو كان بالتلفون ما مسهااش غير ساعات هكاا يحضنو بعضهم ويعطيها شفة و يبعدوو حب كبييييير بيناتهم وهاو التضحية ولا لوح ") تعداو أربعة أياا لين هبلوو الحي تاعها وهوما يلوجوو أدم هبل و قريب شيولي مهبول يدور ويعري في روحو النهار الخامس جا عدل منفذ و خبرو بقضية الطلاق بوها تجلط كي سمع ودااخ أدم هبل و رفض أما الطلاق للضرر سوى يقبل ولا لا شيطلقوو شيطلقوو كهوو بعد نهار أمو قتلو ماكش راجل ومافيكش قلب برى طلق الكلبة وإرتااح المهم أدم أيس كل شيء وحب يموت مشى للمحكمة تقابلو فميكا وين كان معاها بدر كهوو الحمدلله في جلسة وفاا كل شيء وطلقوو خرجت فتون نجري فرحاااااانة تفكر كان في بدروشها كهو !! <3 ترمات في حضنوو وبقااو يعنقو في بعضهم هوما كاكا لين دخل بوها وأمها وأخت خاافت فتون وتخبت حضنها بدر وماخلا حد يمسهاا وهيا تخبت عندو كيف الصغرونة ") أصلا ماتحس بالحب والدفء والراحة إلا في حضنوو تغزر لبوها شتموت من الرعبة أدم روح بغصتو و أنور هه حرق لإيطالياا وخلى أماني بغصتهاا زادة :3 .. فتون تغزر لبوها وهو يقربلهاا خافت وبدر زاد كبس عليها وحب يبعدو أماا بوهاا كان ناوي عالخير عنقهاا وبقى يبكي كي شافاتو كاكا بدات تبكي هيا زادة ومافهمين شيء بعد عليها بدر زغلو عيونو وقلبوو وجعوو غزر للسماء وقاال يااا ربي ") ياا ربي راني نحبهاا ماتحرمنيش منها وماتحرمهاش من أهلها ورضايتهم ") <3 بوو فتون يبكي نااادم عللي عملو وحطم بيه مستقبل وحياة بنتوو أما فتون كانت تستنى منو في كلمة " بنتي راضيين عليك دنياا وأخرة وإنت شتاخو بدر و شتبقى بنتنا العزيزة الغالية ") " وأخيراا بوهاا شدلهاا رأأسها بين وقاللها فاااتن يا روحي إنتي ياا بنتي الدم عمرو ما يولي مااء تحب بدر ؟ باهي إيجا ولدي بدر بنتي شتعرس بيها وإنت وتكون ليك إنت حطها في عينيك وهنيها وفرحها واللي ماقدرتش عليه أناا أعملهولهاا راهي لؤلؤة غالية علياا دمعو عيون بدر ومش مستوعب ولا ينجم يتحمل قالو بابا تهنى فتون في عينياا غاديكا وين فرح بو #فتوون عنقو بعضهم الكل وكانو يبكو بدموع فرحة ومش مصدقين القدر لي بدلو ربي سبحانه وتعالى ") !! #يتبع

#الحلقة31 : بوو فتون قرر يحول للفيلا اللي خذاها في السووق و يبع الغنم والدجاج للفلاح ويحل مشروع في السوق وياخذ كرهبة سمحة و يلبس مرتو وبناتو لين يخرجهم عراايس هه ") وأخييييرا تبدل حيااة فتون من الأسوء لل أفضل بدااو يسكنو في المدينة و تثقفوو وتغييرو وقهرو عدوانهمم زيد بدر وفتوون يحضرو لعرسهم و أم فتون ولات تلبس و متفتحة أكثر و أختها تقرأأ في أحسن ليسي وتلبس أحلى لبااس بدر وعد فتون يحفظهاا البرمي وياخولهاا كرهبةة بعد شهرين حضرو كل شيء وباش ينقصو من كلام الناس ويقولو ماهي مطلقة ودرا شنوا تفاهمو يعملو ليلة في الصالة وكهوو <3 تزينت فتون و ولاات عروس من جديد أما مش كي المرة ألأخرى لا المرة هاذي تضحك وفرحاانة تدور كي الأميرة بدر فرحتو بالدنياا ماتقارنهااش <3 يستناو في الليل يطيح يعملو ليلة مهبولة و يمشيوو للوتيل و تكون ساعتهاا مرتو وحلالو كملولها الحجامة والروبة و المكيااج و الحنة والحرقوس وبدر لبس كوملبي حجم و حضر روحو أفف الزوز ماعاش صابرين هه مشاو للصالة الكراهب تزمر الناااس الكل حضروولها وتقهروو المرة هاذي هياا مايهمهاش في شيء حتى كلامهم مايعنيهاش المهم بدر لي قداامها كهوو تلاقااو طفو عليهم الضوء حلو غنايات حب و جو رومنسي الزوز أول مرة يحسو بالفرحة ^_^ <3 تكاات على كتفوو هبطت من عينها دمعة غسلت بيها المر لي فاات الكل ") كيما حس بدر اللي الدنياا ملكهاا بين يديه غزرو لبعضهم و هوما معنقين يوشوشلهاا في وذنهاا والهواء سخون في رقبتهاا - حبي - روحي راجلي انا - ممم الليلة ليلتناا - أأه أي يا نور عيوني والله كأني في حلمة ومانحبش نفيق منهاا تراه أقرصني خل نحس بيه واقع - ههه لا لا مش لازم تو بعد مرتي كي نحط فوق الفرش ونخليك تهبل وتعيط تاا تحسوو :3 - ههه خاامج نعششششقك - نمووت فيك يا حشاامتي إنتي يا أحلى وأنظف وأغلى مرا في الدنياا محلاك الليلة ومبنها ريحتك ومحلاك لابسة الأبيض لياا أناا وحدي .. فتون تتبسم وهيا وراجلها في عالم أخر جابو القاطو و كتبان الصدااق وأخيراا ولات مرتوو وحبيبتو على سنة الله ورسولها وبان شرفهاا وعفتهاا قدام العبااد حقاا ماقلتلكمش فتون تحجبت ") <3 المهم ليلتهم بقاات لل ماضي ساعة تاع الليل *-* ") <3 محلآآآآها ليلة روحوو لدارهم طول هه مش وتيل وفي الحقيقة مش دار عادية قصر على حالهاا أب أب أب ولاات غنية وأكاابر زادة بعد الشقى والتعب من الميزيرة هيا تمشي عادية لين وقف بدر بقاو باهتين فيه هوما كاكا وهواا هزها بين يديه الفووق وطلعاا لين وصل الفرش وهيا حاطة يديها مدورتهم على رقبتو وتضحك وتعيط تقولو رااك تطيحني يااا هم ياا خرى يا حيواان ههه يقوللها مش قتلي نحب ليلة عرسنا تكون مهبولة *.* لحقو صحابهم بالفوشيك والدربوكة والعياط والتزفير والغناء سكرو باابهم وخلاوهم بدر متربي وحب يصلي معاها ركعتين وبالفواال الزوز متوضيين وقف قداامها صلى بيها ودعو لربي يباركلهم ويرزقهم الذرية الصالحة #يتبع

#الحلقةالأخيرة *-* ") <3 ^_^ : كملو الصلاة قاامو مشاات سبقااتو فتون نحاات الروبة بزربة ولبست النويزات الحمراء وبيضااء سكسي عالأخر ريقلت شعرهاا و لبست خواتمها والسلسلة لي خذاهالها تشبه للي قطعهاا بوها قبل فيها حروف أساميهم قعد عالفرش وهياا تضحك من عيونها وخايفة وفرحااانة دخل بدر لقااها كاكا ضحك وطبس من الحشمة هه الزوز فرحانين وحاشمين نحى الفااست والكرافاات قعدت فتون في الفرش تغطت وكانت ملهووفة وشااهيااتو وشاهية وحضنو و بوستو وكل شيء تحب تتهنى معااه وبالنسبة لبدر كاانت ناار تشعل فييه معادش منجم كهوو مرتوو حلالو هاذي قاللها شنحي السروال وحدي قامت تضحك وقتلو شنهرب جبدهاا ليها عنقها وخرب يبوووووس فيها لين هبلهاا ودوخهاا قبل تنحي السروال أما يطفيو الضوء وتخلي كان الشموع ^^ <3 خلاها على راحتهاا و هوما أكاكا نحات السروال قعد بجنبهاا في سليب غرق معاها لين تمدو الزوز تغطااو الفرش خوف ولهفة وفرحة محلاااها بعد أكا الحب الكلو رقدت تاااعبة وفااشلة في حضن حبيبهاا الصباح فااقو في نفس اللحظة لقااو رواحهم معنقين بعضهم وراقدين مش منظمين وساقيه على ساقيهاا وحالتهم حليلة --" صبحو على بعضهم و باسو بعضهم بعد بكااء من الحشمة لي حشمتهاا فتون حلت عيونهاا و نجمت تتقبل حكاية راجلهاا هه ملا مهبولة مشاو دوشو مع بعضهم ولبسوو خرجو بالكرهبة و هزو دبشهم مشاو فطرو في مطعم مع دار فتون ودار بدر للنص النهاار شيهزهاا يدور على 7 ولايات تشبع بالرحلات وبعد تريقل أورااقها يحققلهاا أمنيتها وهياا إنها توصل #باآريس *-* مدينة العشااق <3 !! محلاااهم كوبل ! عرك و وضحك وهبال و حب وجنوون وتربية وطاعة لله و أخلاق و زين يهبلوو *-* حبهم بعد العرس داام عام و ستة شهور بعدهاا جاات ثمرت حبهم سمعت اللي هياا حبلة في الشهر الثالث <3 ب طفلةة وحبت تسميهاا ( حكاية ) أي أي تعدااو 9 شهور تعذب فيهم بدر أكثر من فتون ههه من الدلال والأعصااب و الوحم :3 وأخيراا جات بنوتة سمحة صغرونة إسمهاا #حكاية للدنيااا و كان وجهها وجه خير قبلو أورااق أمهاا و تو ينجموو يساافرو تحسنت أموور فتون وأهلهاا وتغيرت حيااتهم بمشيئة ربي سبحانه وتعالى شفتوو ؟ عمركم ماتفقدو الأمل بربي عمر الإنسان طويل ولأخر لحظة في حياتو كون متأكد و مؤمن اللي ربي شيحلها عليك ويفرح يوما ما غير إنت أصبر خاطر ربي يمتحن فيك وبعد الإبتلاء أكيد فرح و هدية عند الله تفرح قلبك وتغييرك من الأسوء لل أفضل <3 #النهاااية