القدر والحياة

الحلقة الاولى 

 ساعات الدنيا تعطي للانسان الحاجة اللي كان حيااتو الكل يتمنى فيها و محروم منها ويقول الي هي حلم مستحيل وقتها في لحظة تتبدل حياتو الكل وتاخذ مساار اخر موش كيما الي كان متوقعو ويمشي في طريق كان بالنسبة ليه طريق مسدود  وماننساوش زادة اللي الصدفة و القدر والظروف والاشخاص  عندهم دور كبيير في تحديد مصير اي انساان.

 حكايتنا المرة هذي حكاية بنية اسمهاا ريم بنية كيما البنات الكل صغيرة ومزيانة و تحب تعيش و تحقق اهدافها ا كانت تامن اللي رغم الظروف المشاكل و الصعوباات الحياة لازمهاا  تستمر وبالي كلات على راسها مالدنيا ديما تاقف على ساقيها من جديد وتكمل ماتفقدش الامل وترجع اقوى من قبل 

 ريم بنيه عمرها 24 سنة طولها متوسط مواتي سمنها بيضة عينيها حكل على لون شعرهاا مزيانة برشا شهلولة وضحاكة والاهم عندها القبول والناس الكل يحبوها  تعيش هي وامهاا (سميرة ) واختها مالام (سحر  اصغر منها بخمسة سنين ). وقت وصل عمرها 10 سنين قالولها اللي بوها سافر بطريقة غير شرعية و غرق في البحر ومات هدكا علاش امها عرست من جديد. راجل امهاا كان صعيب معاها برشااا كانت تحسو يكرها وحاملها بالصيف موش كيما يعامل بنتو كيما يعاملها هي  لكن حنية وحب امها واختها  ليها كانوا كافيين باش ماتحسش بغياب البو وبااش تحمل معاملة راجل امها ليها .رغم هذا الكل ريم كانت متميزة في قرايتها وناجحة السنة العام الاخر متاعها في الفاك تستنا فيه وقتاش يوفى بالدقيقة والدرج باش تتخرج مهندسة  وتعاون امها واختها وتخرجهم مالفقر اللي عايشين فيه .ملي توفى راجل امها وهوماا تاعبين برشاا هو اللي كان يخدم عليهم ومعيشهم.وباش يمشيو اومورهم امها حلت حانوت متاع خياطة تعاون بيه في روحها

 نهاار 

 <><>روحت مالفاك تلقى خالتها وبنتها قاعدين في الصالة مع امها جاو يطلو عليهم  "اهلا اهلا  خالتي وينك لبااس والله توحشتكم  "

 -هههه ظاهر عليك كان جيت توحشتني راك جيت طليت عليا "

 ههه والله لاهية في القراية مااك تعرف "

 اي بنتي ربي ينجحك اش مزاال هاو العام عدك بيه توه تنجحلنا ونحفلوها عاد هههه 

 تكلمت امها "اي انشاءالله من فمك لربي حتى هي بنيتي  تعبت .رمرومتي امشي افطرهوكا طيبتلك مقرونة محرحرة كيما تحبها "

 لا لا ماعينيش كليت كسكروة توة بعد .خليني حذا خالتي ورهام  (بنت خالتها ) راني متوحشتهم هههه قعدو يهرو ويحكيو خالتها وحدة مقربعة تموت عالضحك و التفذليك تعدات العشية قامو البنات حطو العشاء و اختها  روحت مالليسي كملو تعشااو وقعدو ساهرين تكلمت سحر  سحر 

 "يا امي نحب فلوس الايتيد راني بقيت نلون في وجهي مع البروف "

 -يابنتي منين نجيبلك ?ما عنديش انا توة تي حتى الخدمة نهار نخدم وعشرة لاا 

 -بفففف اي والحل  بااك راني يا امي  كان ما فيبالكش لازمني نقرى ايتيد تي انا هكة و موش خالطة 

      خزرتلها ريم وقالت "باهي باهي ياسحر عندك حق توة في اقرب فرصة ندبر خدمة و ماعاد نخلي اختي ناقصة شيء "

 اي والقرااية اش باش تعمل فيهاا (سالتها خالتها)  

 تي تو نقسم وقتي هوكا نمشي في الصباح  للفاك والعشية نمشي نخدم 

 تنطرت بنة خالتهاا "يااا مله جو الشركة اللي نخدم فيها تحب على سوكريتاار والوقت العشية زادة ههه مله زهر عندك غدوة نستناك امشي معايا خلي يشوفوك وانشاءالله تخطفلك 

 تكلمت امها" وزعمة يا بنيتي باش تنجم روحك بين الخدمة والقراية ووين جات الشركة هدي و متاع شنوة 

 -اي اي يا خالتي ما تخافش عليها تنجم روحها وزيد شركة متاع  تصميم ازياء قريبة موش 

 <><>بعيدة  علي داركم ما زالت كي غير حلت متااع خواص مولاها كان يعيش البرة و روح يحب يستثمر في تونس   وزيد هاي معايا ريم  ما تخافش عليها

لحلقة الثانية 

 الحاسيلو اقتنعت امها خاطر ما فما حتى حل اخر كملو سهرو روحو الجماعة و كل حد شد بيتو 

 قامت ريم الصباح حظرت روحها مشطت شعرهاا  طويل وغزير عملتو ضفرة على جنب عملت شوية ماكيااج لبست سروال دجين و مريول رووز و روك حطت اوراقها في الساك وخرجت تعدات لدار خالتها "يسكنو فرد حومة " تلقى رهام تستنى فيها خذاو الكار و مشااو وصلو للشركة في اللاك فرحت خاطرها  قريب للفاك الي تقرى فيها دخلو بقات مسهوبة باهتة في الشركة كانت كبيييرة و مضخمة برشااا بكلها بلاارحست روحها ضايعة في وسطها ههه كيف الطفلة الصغيرة 

 -هااي فيق من توة بديت دوخ ههه استناني في الرسيبسيون خليني نمشي نشوف المدير و نرجعلك 

 اوك رهومتي  هاني هنا .حكاية ربع ساعة و رجعت بنة خالتها هزتها لبيرو المدير 

 "هيا ادخل احكي معاه و اعرف كيفاش تتكلم خليني انا نمشي نشد خدمتي ماعادش بكري عليا وكي تكمل اطلبني قلي اش صار "

 اوك رهومتي عيش اختي "دخلت  حكات معاها و عطتو ملف فيه اوراقها . و شهايدها عجبتو وقبلها في الخدمة تفاهمو على الشهرية و الوقت "اوك مدام وزال تنجم تبدى الخدمة ماليوم كيما قتلك اهم حاجة الانظباط و الجيان في الوقت " هوما يحكيو و دخل واحد  للبيرو  اه قلبي الصغير لا يتحمل ههه طويل اسمر بوقوس  شعرتو زعرة لابش كوستيم نوار و شوميز بيضة حالها صدرو ظاهر ولينات متاع شمس 

 -صبااح الخير سي فهد 

 صباح الخير 

 نقدملك مدام وزال ريم السكريتاارة الجديدة متاعك 

 اوك هيا باهي حتى انا عندي برشاا خدمة اليوم جات في وقتها 

 كان يحكي تقول موش موجود

 <><>ة تي حتى الخزران ما خزرلهااش ظااهر نفخة و مظروب في روحو برشاا 

 خرجو من بيرو المدير و طلعو في الاسنسار كان واقف قدامها حاطط يديه في مكاتبو و هي واقفة رواها شادة الاوراق في يدها ريحتوو دوخ كلاتو بعينها ههههه بيناتنا هو ما يتقاومش فيه المواصافات اللي تتمناها كل طفلة طول و بدن و زين و ضخامة 

 طلعو للدوزيام ايطاج وراها البيرو متاعها و قللها "حظرلي قهوة ناقسة سكر و دخلهالي لبيرويا  باش نوريك الدوسيات "

 اوك سي ف ..ف.فهد كانت تتلعثم و هي تقول في اسمو

 كانت تحظرلو في القهوة و تقول في قلبها "ما شبوو السخطة اوففف كيفاش باش نكمل نخدم معاه انا هذاا "كملت طيبتلو القهوة ومشاتلو دقت الباب و وقفت تستنى يجاوبها ...

 اتفظل ..دخلت  للبيرو متاعو بيروه يفحفح بريحة البارفنات متاعو كبيير و الشبابك يحلو على البحيرة  كان واقف مقابل الشباك يحكي في التاليفون ويضحك  بقات تستنى فيه لين علق "تفظل سي فهد القهوة "و حطتها فوق البيرو 

 عيشك .قتلي اسمك ريم 

 عملتلو براسها اي 

 نتشرفو هذي اول مرة تخدم والا عندك تجربة 

 لا لحقيقة هذي اول مرة اما عندي فكرة عامة على الخدمة و انشاءالله نكون عند حسن ظنك 

 اوك هيا نبداو الخدمة .

 اوك اما سي فهد اليوم بركة باش نخدم الصبااح ديجا قلت للمدير 

 اا بون علاش ماتنجمش تخدم في الصباحات 

 اي خاطر الصبااح نقرى عندي وقت كان في العشاوي 

 اوك موش مشكل 

 حل القجر جبد نووود دوسيات و بدى يوري فيهاا ويحكي بقات تثبت في عينيه لونهم خظر كيما الحشيش يهبلو هه . فهمت المطلوب منها شدت بيروها  وبدات  الخدمة  غطست في الاورااق وبدات تكتب و تخنتب تعدى الوقت ما حستش بيه لين تعبت هزت راسها و سرحت سرحت لبعيد بقااات تخمم في المستقبل و 

 <><>في راسهاا الف سؤال و سؤال (زعمة شنوة مخبيتلها الدنيا ... و زعمة يجي نهاار ترتاح و تنسى التعب... )

الحلقة الثالثة 

 هيا هكاكة وخرج فهد من بيروه "مادموزال ريم ... مادام وزال ريم 

 فاقت على وضعها ههه نعم سي فهد سامحني سرحت شوية 

 خزرلها و تبسم "انا مروح توة و انت زادة كان كملت الخدمة تنجم تمشي 

 اوك بالسلامة.  ستناتو خرج لمت ساكها نظمت الاوراق فوق البيرو و خرجت عرظتها  رهام في الكلواار "تي وينك يا سخطة بقيت نستنى فيك جاب ربي قتلك اطلبني كي تخرج من عند المدير 

 هههه سامحني يا حبي والله ما لقيتش فظوة بالكل تي انا مازلت في بيرو المدير و دخل عرفي هههه 

 ههه عرفك و شكونو 

 ههه اسمو فهد 

 ااااه تحكي بجدك هههه هاذم العروفات والا لوح تعرفو هذاكا ولد خو المعلم تي محسوب ولدو يحبو برشااا و مسلملو في اومور الشركة الكل 

 ههه اسمع يا سيدي علاش المعلم وينو و معاندوش ولاد باش يسلم الشركة لولد خوه 

 هكاكة علمي علمك اما سمعت اللي هو يعيش ما بين تونس و فرانسا هوكة ساعة ساعة يجي للشركة يعمل طلة و يتفقد الاوضاع و يرجع لفرانسا  وانت علاش تسال عليه هههه 

 لا شيء هكاكة 

 ما قتليش عجبك فهد 

 اممم موش خايب صحيح نفخة شوي اما اش يهمني فيه المهم ظاهر خدام و عندو طموح 

 اووه على بابا قصدي عجبك مزيااان ههه موش هكة تي البنات و حتى النساء اللي يخدمو في الشركة الكل يذوبو كي يشوفوه

 فااش قاام عادي موش طيارة و زيد اش يهمني فيه انا مزيان ولالا بيني و بينو خدمة نكملها و نمشي على روحي ( كانت تقول هكة و هي ملي شافتو دايخة فيه ههه )

 باهي باهي هيا نخرجو ناكلو حاجة بااش ندوخ بالشر 

 ههه اوك يا بطبوطة مشات معااك 

 مشينا فطرنا و خرجنا نعملو في دورة مشينا

 <><> لبرشا بوتيكاات شريت شوية دبش عطاطني رهام  الفلوس و قتلي كي نخلص نرجعلها بدلنا الجو وتفرهدناا وروحت كل وحدة لدارهم نلقى امي تستنى فيا "  اهلا امي وينك لبااس 

 -اي الحمد لله كالعادة وانت بنتي اش عملت فالخدمة تعدى باهي النهاار

 اي اي لبااس كان ترى يا امي  شركة مضخمة برشاااا و زيد الوقت كيما نحب  و الشهرية باهية 

 هيا باهي ربي معااك بنتي اييه ايه سامحني يا بنتي حملتك مسؤولية انت مازلت صغيرة عليهاا اما الله غالب موش بيدي 

 تي لا عااد ما تقولش هكة امي انا نحب نخدم و نعمل تجربة و نعااونك انت وخواتي ما نحبكمش تستحقو لحتى حد 

 عيش بنتي ربي يعطيك على قد قلبك هيا امشي ارتاح ما بين حظرت انا واختك الطاولة 

 طبست باست امهاا و دخلت لبيتها تمدت فوق الفرش تحس في بدنها الكل مدقدق ههه هي و اكا المهبولة رهاام داروها الدنيا الكل اليوم حاسة بالفرحة ما تعرفش علاش بالضبط اما فرحااانة ...

الحلقة الرابعة 

 مشات في الصباح تقرى فالفاك عرضهاا احمد يقرى معاها و عشيرهاا تعرفو ماللي كانو فالليسي طفل بحبوح و حنين و صاحب جوو خليني نوصفهولكم ( موش طيارة في الزين متوسط  لونو قمحي و عينيه عسليين و طويل   وبطبوط شوية ) شافها جاء يجيري "تي وينك يا طفلة شبيك ما جيتش البااارح نطلب فيك ما تهزش و حتى بالفايسبوك ما حكينااش والله تحيرت عليك 

 -هههه ماو الباارح اول نهاار خدمة لياا ما عنديش وقت للتاليفونات و الكونكسيون هههههه

 ااااااا هيا مبرووك وشنوة هالخدمة ما تقليش و ليت تبيع في الزطله ههههههه 

 ههههههههههه يزي مالمسااطة متااعك يا هم وليت نخدم في شركة تي هذيكا اللي بحذا القهوة اللي نقعدو فيها ديما 

 صاار بالرسمي تحكي هياا خلصلنا المبروك 

 اممم باهي باهي تو

 <><>ة بعد اما توه خلينا نمشيو نقرااو و زيد لازمك تعطيني الكور نطبعو 

 اوك مشات معااك 

 دخلو يقراو جات نصف نهاار مشاو كلاو حاجة و وصلها بحذا الشركة "هيا برى اخدم و رد بالك على روحك "

 -هههه حاظر سي احمد هيا باااي 

 دخلت للشركة طلعت طول لبيروها و بدات الخدمة خرج فهد كان لابس sport سروال دجين و مريول نص يفتق ههه  

 اهلا سي فهد 

 اهلا اسمعني كمل اللي في يدك و حظرلي زوز قهااوي فما شكون جايني و خرج  

 اوك الله يبارك 

 خرج يجري كملت الخدمة و قامت تحظر في القهوة هيا هكاكة و دخل فهد هو و صاحبو ما يبعدش عليه برشاا في الزين كان فرحان بيه عالاخر محملو ويضحكو دخلو للبيرو  خلطت عليهم بالقهوة و رجعت قعدة في بيروها 

 تسمع فيهم يحكيو 

 - والله ليك و حشة يا فادي اما ظاهرلي المانياا نستك في بلادك 

 -ههه لا والله يا صاحبي تونس وحدهاا بلي تبعد تزيد تعرف قيمتهاا 

 -اما بيناتنا المانياا فيها قطاطس يدوخو في الراااس ههههههه

 -حتى تونس ما عند فيها ما تقول على ذكر القطاطس شكوني القطوس اللي جابتلنا القهوة 

 -هههه سكريتاارا جديدة بدات البارح تخدم 

 -ضحة ليك معلم ههه زهرك كان بالقطاطس 

 هههه باهي بركة هيا نخرجو نعملو دورة في سيدي بو سعيد 

 حست وجهها حمار بالحشمة و تربثت اما عملت روحها ما فيبالها بشيء 

 كملت خدمتها وروحت وبقاات على الحال هذيكاا مدة موش قصيرة كانت قاسمة وقتها بين القراية و الخدمة و ساعات تخرج هي و رهام و احمد يعملو دورة و يبدلو الجو ستانست بالوضع و زيد ولات صحاب هي و سي فهد ههه 

 نهااار كانت قاعدة في البيرو ما عندهااش برشا خدمة و فهد موش في بيروه عندو اجتمااع حست بالسخانة نحات الجيلية و قعدت في بودي خلعة زنودها عريانين و  سدره

 <><>ا ظاهر شوية جبدت المراية مشطت شعرها و قعدت تعمل في الروج في فمهاا ههه صنعة فيها و ين تقلق تقوم تمكيج هيا هكاكة و دخل فهد شافها تصدم وبقى يثبت فيها مشى عينيه على بدنها الكل عينيه قريب يخرجو تربثت و حشمة وجهاا حمااار عالاخر طيشط المراية من يدها و لبست الجيلية 

 سي ..سي ..ف ..فهد كانت تتكلم بالسيف و راسها مطبس باش تموت مالحشمة 

 نسيت دوسي رجعت بااش نهزوو سامحني ما دقيتش الباب 

 الس... السمااح 

 دخل لبيروه و هز الدوسي و خرج خزرلها لقاها ترعش بكلهاا تبسم و خرج 

 "يااربي ماله حشمة ياربي اوففففف اش لزني نحي في الجيلية اناا كانت تحكي وحدهاا قامت وقفت قدام الشبااك تفكرت الصدمة اللي في وجهو و عينيه كيفاش وساعت كيف شافها ولات تضحك و فرحت اي فرحت خاطر من ردة الفعل متاعو ظااهر اللي هي عجبتووو عالاخر و تضرب فيهاا

الحلقة الخامسة 

 كملت الخدمة وروحت ثنية كاملة تخمم فيه و تتفكر في خزرتو ليها وتتبسم لكن في نفس الوقت تحس بتانيب الظمير كانت تمشي و مخها موش فوقها لين وصلت لدارهم ماحستش بالثنية دخلت تلقى امها و اختها في الصالة كيما العادة قعدت حذاهم تعشااو .امها تسال فيها "هاا احكيلي كيفاش تعدى النهاار "

 الووووو جاوب امك 

 هههه يزيتش مالبلادة انت 

 شبيني نسال فيك و انت سارحة 

 لا شيء معااك سافا يا امي كيما العادة ايا خليني نمشي نرقد تاعبة برشااا 

 برى بنتي تصبح على خير و خزرت لسحر انت زادة امشي ارقد تقرى الثمنية غدوة 

 دخلت لبيت  خلطت عليها اختهااا " رمرومتي احكيلي شبيك سارحة ليوم و موش على بعضك فمة حاجة هههه 

 يزيتش مالتروميز متاعك انت برى ارقد فوتني هالليلة هههههه

 لا ما نيش راقدة الا ما تحكيلي شبيك تي سهرية كاملة تلعب بشعرك و تتب

 <><>سم ما تقليش طحت على راااسك ههه 

 ظاهرلي هههه

 ياااا بالرسمي شكونو شكونو 

 تي اسكت يا بنتي لا تفيق امك قداكش عرعرو 

 باهي باهي احكيلي احكيلي 

 ما عندي ما نحكيلك تي اصلا حكاية موش متاكدة منها تو كان فما حاجة في الجد  نحكيلك 

 اوفففف قداكش غامضة لا يجعلك باش حكيت 

 ظربطها بالمخدة و طفات الظو و رقدت 

 قامت في الصبااح حاسة بطاقة و نشااط حظرت روحها لبست سرواال نوار و شوميز روج بالدنتال و صندااال و خرجت مشات تقرى جهامة بلاش عقل ما تعرفش شنوة صارلها  مخها معادش فوقها كانت تستنى في الوقت يوفى باش تمشي للشركة   تتفكر في فهد وتتبسم الطفلة تقلبت فرد مرة من اصلها رزينة و مخها كبير العقل هو المسيطر على حياتهااا اهدافها و طموحها قبل كل شيء اما توة ظاهرلي وقيت بااش تعطي الفرصة لقلبهاا وقيت بااش تعيش حياتهاا كيما اي طفلة في عمرهاا 

 كملت قرااات ومشاات تجري للشركة هههه دخلت تجري لين صدمت في رهاام 

 وووووه شبيك يا ريم لباااس 

 لبااس لباااس فاتني الوقت خليني نشد بيرويا 

 هههه تي نصف نهار و نص توه انت تبدى الخدمة ماضي ساعة 

 اي اي نعرف عندي برشة خدمة اليوم ايا خليني 

 استنى حاشتي بيك 

 لا لا توة مبعد 

 طلعت لبيروه قعدت فوق الكرسي اللي جات تجري على خاطرو مازال ما جاش جبدت المراية صلحت ماكياجها و عملت البارفاان و قعدت تستنى فيه

لحلقة السادسة 

 بقاات تستنى فيه و كل شوية تخزر للمنقالة "اووف شبيه لتوه ما جاء زعمة شبيه "

 بدات تقلق و تفد خزرت للوقت تلقاه 14.30 قامت من كرسيها بقات تمشي و تجي و مبعد وقفت قدام الشبااك شافت كرهبة حكلة bmw وقفت قدام الباب متاع الشركة تلمو بيها الخدامة  هبط الشوفور و deux boudigardes حلو الباب متاع الكرهبة 

 <><> هبط منها راجل متوسط في العمر خشين و بصحتو مكشبر بالعمل يخوف  و  الناس الكل تسلم عليه و دايرين بيه و ورى الكرهبة هذيكا كرهبة فهد فرحت كي شافتو ولات تنقز ههه جاتها ريهام "يابنتي هيا اهبط المعلم وصل اليوم هيا نمشيو للرسيبسيون فما اجتمااع "

 اووه علاش ما قتليش من قبيلة 

 بربي و انت خليت شكون يحكي معااك جاية تجري كالمهبولة هيا فيسع خلينا نهبطو 

 هبطو للرسيبسيون تلقى الخدامة الكل متجمعين مشاو لقاعة الاجتماعات فهد كان قاعد بجنب عمو و ظاهر متوتر دوب شافها تبسملهاا قعدت مقابلتو و رهام بجنبها جاو les travailleurs الكل و بدى الاجتمااع كانو يحكيو في اومور الخدمة و الشركة و هي موش معاهم جملة سارحة في سي فهد تخزرلو و تعااود لين فاقت بيها رهاام " شبيك يا ريم الراجل  كليتو بعينيك ارزن شوية و ركز معاهم كانت تتكلم بالشوية وتمتم 

 وفى الاجتماع خرجو الناس الكل كل حد رجع لخدمتو بقات واقفة تلوج عليه  بعينيها على  هيا هكاكة و جاء فهد و معاه عمو وقفو قدامها 

 "عمي هذي مادام وزاال ريم السكريتار الجديدة متاعي "

 تبسمت و مدت يديها باش تسلم عليه لكن هو كان يخزرلها بخزرة موش مفهومة كاينو تصدم كي شافهاا بقى عاقد حواجبو يثبت فيها و يعااود تقول اول مرة يشوف طفلة و هي تخزرلو ما هي فاهمة شيء و مادة يديها تستنى فيه باش يسلم عليها لين حشمت و هبطت يدها 

 "فهد عيش ولدي هاني ماشي لبيرويا نحب نتفقد الحسابات و نرتااح شوية 

 اوك عمي تحب يجيبولك حاجة تشربهاا 

 لا لا امشي اخدم على روحك 

 خزرت ريم لفهد " سي فهد شبيه عمك حسيتو ما هظمنيش فما مشكل 

 لا لا ما فما حتى مشكل عمي طبيعتو هكاكة موش مفهوم اش عليك فيه امشي اخدم على روحك 

 وانت ماكش طالع للبيرو 

 نعم 

 <><> لا حتى شيء هيا نخليك توه 

 مشات شدت بيروها و بقات تتذكر في خزرت الراجل ليها و تحااول تفهم شبيه مبعد تلفت الموضوع و نساتو 

 دخل فهد سالها على اومور الخدمة "اي شنوة مازاال توة  les commande متااع الشركات الاخرين حاظرين 

 اي سي فهد سايي 

 اوك ماله خليني نمشي انا توة وانت زادة تنجم تروح 

 قدم للباب و تلفتلها "ريم كان ما عندك ما تعمل العشية تنجم تجي معايا نعملو دورة نحس في روحي فادد

 من غير ما تخمم قتلو اي هزت ساكها و خرجت معااه ركبو في كرهبتو 

 "وين تحب نمشيو "

 نعرش وين تحب انت 

 اوك خليها مفاجاة ماله

لحلقة السابعة 

 وصلو للمرسى الطقس كان دافي محلااه هبطو دخلو للرستورن مضخم اختارو ظاولة مقابلة البحر جبدلها الكرسي قعدت حطت ساكها و قعد مقابلها جاء السرفور

 اهلة سي فهد هالغيبة نورتنا 

 اهلاا بيك 

 شنوة نسربيكم 

 انا كيما العادة وشوف المدام وزاال اش تحب 

 هزت الmenu خزرتلو ههه تلقى اسامي ماكلة عمرهاا ما سمعت بيهم بقات تخمم وبعد طلبت مقرونة fruits de mer هذيكا الحاجة الوحيدة اللي عرفتها 

 كملو كلاو و قعدو يحكيو 

 - اي احكيلي على روحك شوية 

 تبسمتلو - شنوة تحب نحكيلك 

 -احكي كل شيء قدااش عمرك شنوة تقرى شنوة احلاامك انا بخلاف اسمك ما نعرف عليك شيء 

 -هههه عمري 24 سنة نقرى هندسة هذا اخر عام ليا في الفااك السنة نتخرج وكان على احلاامي عندي برشااا احلام ههه

 -هياا باهي هااك صغرونة و وين تقرى 

 -في المناار 

 -هي هاهي موش بعيدة برشا على  للشركة الفاك اللي تقرى فيها 

 -اي جاب ربي 

 -و كيفااش مقسمة وقتك بين القراية والخدمة ما تتعبش? 

 -بالطبيعة نتعب شوية اما موش مشكل التعب يجيه نهاار و يوفى المهم نكمل نقرى و نوصل لله

 <><>دف متاعي 

 -انشاءالله .وشنوة الاحلام اللي تحب تحققهم 

 -اول حاجة نتخرج و نولي نخدم بعديكا نحب نعوض امي تعبهاا الكل و نفرهدهاا هي و اختي و نتمنى نساافر لبرشاا بلايص و نمشي لبرشاا بلداان ماليزيا تركيا المانيا وبرشا بلدان اخرين هههه

 كانت تحكي و تتبسم بقى سارح فيها يخزرلها حسها روحها متاع بنية صغيرة في بدن طفلة كبيرة و ناضجة الحاجات الي هي تتمنى فيهم وتحلم باش تحققهم بالنسبة ليه هو حاجات عاديين قاعد يعيش فيهم كل يوم 

 خزرتلو تلقااه سارح في عينيها و جها حمار تبسمت و طبست راسها 

 - وانت سي فهد شنوة احلاامك?? 

 طرشق بالضحك "ههههههههه  انا حتى شيء ماعنديش احلاام ملي خلقت نلقى حياتي مرسومة قدامي ماكانتش عندي فرصة بااش نخطارها و نخططلها 

 سكت و عاود تكلم " الدنيا هذي ما تعطيش للانسان كل شيء يتمناه 

 خزرتلو باهتة ( كان هو الدنيا ما عطاطوش الي يتمناه ماله هي اش تتسمى )

 اي اي ما تبهتش صحيح انا عندي الفلوس و الخدمة والاملااك الي الناس يشوفوهم  احسن شيء  في الدنيا اما ما عنديش اهم حاجة 

 وشنوة الحاجة هذي?? 

 العايلة حبهم لمتهم الضحكة لي تخرج مالقلب معاهم انا الاحساس هذا عمري ما حسيتو و عمري ما عشتو امي وبابا طلقو ملي انا صغير تشتتنا امي رجعت لبلادها (المانياا ) و هزت معاها خواتي لي اصغر مني و انا بقيت نعيش مع بابا لكن عمرو ما حسسني بحبو ليا كان ديما غاطس في الخدمة نتقاابلو كان في الاعياد و المناسبات   

   كان يحكي و يخزر للبحر حست بالوجيعة و القهرة في قلبو ذكرها بروحهاا هي زادة تعذبت في حياتها عاشت محرومة مالبوو من حنيتو من وقفتو معااها كانت تحس روحها ضعيفة و معندهاش سند في الدنياا ديما حاسة بالنقص

 تلفتلها يلقى عينيها مدمعين 

 <><>

 -شبيك ريم لبااس? 

 -لا حتى شيء تفكرت بابا الله يرحمو انا زادة تحرمت منو ما نعرفوش ما عشتش معاه توفى وانا صغيرة 

 -الله يرحمو 

 سالتوو "وعمك سي فهد كيفاش علاقتك معاه ?ظاهر يحبك برشاا 

 -امم يمكن مستحقلي اكثر من انو يحبني عمي ما عندوش صغاار و ما عندوش على شكون يعمل و بما انو خدمتو مربوطة بين تونس و فرانسا هوكا يخليني انا في الشركة مطمن بياا .. .هيا يزينا مالكبي قلبناها دراما شوو الطقس محلاها هيا نمشيو نعملو دورة 

 خرجووو مشاو للصفصاف شربو قهوة و بعد شرالها قلاص قعدو على الشط تاكل فيه مسخت فمها و ما فاقتش بيه هز يدو عدى صوابعو على شفليفها يمسحلها فيهم تربثت و حست بالرعشة في بدنها الكل 

 هزت عينيها تلقاه يخزرلها و يتبسم "ريم ما قتليش عندك شكون في حيااتك? 

 اااه سايي الطفلة باش دوخ هههه هام بداو يدخلو فالرسمي ههه 

 لاا ...لاا ما عنديش 

 ههه اول مرة نشوف طفلة في الزين هذا و ماعنها حد في حياتهاا  تحكي بجدك !!  

 اهه قلبها ولى يدق يدق بالقوي بااش يخرج  من بين ضلوعها و خدودهاا حمارو زادورها زين على زين "ههه اي سي فهد اصلا وقتي الكل محسور في القراية و الخدمة 

 بقى يخزرلها ويضحك شدها من يديها و قامو يتمشااو على حافة البحر كان يمشي قدامها و هي تبع فيه الدنيا بدات تظلام ونسمة البحر بردت .تعثر ( هههه عملها بلعااني ) طاح فوق الرمل وطاحت  جات فوقو بدنها على بدنو صدرها فوق صدرو وجها مقابل وجهو العين في العين النفس متاعو في وجهها حست بالسخانة في بدنهاا الكل  وبقات مرمية عليه  ما تحركتش تقول عجبتها الحكاية 

 -ههههههه هيا قوم باش تقعد برشا باركة فوقي 

 حشمت و وجها حماار مبلدو السخطة لا يزي عملها بلعاني و زيد يحل في فمو قامو ينفضو 

 <><>في دبشهم هزت عينيها تلقاه يخزرلها شايخ بالضحك هز يدية عدها على شعرها قصتها كانت طايحة على عينيها و شعرها دخل بعضو قعد يستويلها فيه و هي في اللحظة هذيكا مخهاا طار لبعيييييييييد  مشر لدنيا اخرى

الحلقة الثامنة 

 هوما كاكة و نوقز تاليفونهاا 

 -الو امي 

 -وينك يا ريم شبيك لتوة تحيرت راني 

 -لا ما تتحيرش يا امي تشديت شوية في الخدمة حكاية نص ساعة و نكون حذاك 

 -سي فهد لازمني نروح ماعادش بكري 

 -اوك هيا نوصلك 

 - ميسالش تو ناخذ تاكسي . ما تقلقش روحك

 -لا ما فما حتى قلق بااش تروح وحدك في الليل خليني نوصلك هكاكة نطماان عليك

 ركبو في الكرهبة وصلو وقف  في راس النهج بقى باهت في الحومة بالطبيعة هو ولد اكاابر ما يعرفش الحوم الشعبية وموش مستاانس بالجو متاعهم شافتو كيفااش يخزر متعجب حشمت 

 -مرسي سي فهد نخليك توه بون نوي 

 -بون نوي ريم و تبسملهاا 

 هبطت تمشي بالزربة ماعادش بكري عليهاا بالكل امها راهي توه تستنى فيها بااش تمرجها بالسؤلاات وصلت للدار دخلت و لقات لي كانت متوقعتو امها قاعدت في الفيراندة تستنى فيهاا 

 -علااش وخرت برشااا 

 - مااني قتلك يا ماما فما اجتمااع في الخدمة تشديت 

 -بديناا عاد توة بالاجتماعات والمروااح مخر 

 -امي شبيك تحكي هكة .الله غالب خدمة موش مني هيا عااد يزي مالغش و وريني هاك الضحكة لي نحبهاا 

 -هههه كولني بالهف يا وحيدة هههه 

 باست امهااا و دخلت لبيتهاا سكرت الباب و وقفت قداام المرااية عينيهاا كانو يلمعو بالفرحة  ووجها منور اول مرة تعيش نهار كيما هكة تي هي عمرهاا ما عرفت ولااد و عمرهاا ماخرجت مع طفل بخلاف احمد اما احمد علاقتها معااه مختلفة برشاا  ماعندهااش صحاب بخلافو تعرفو  من وقت لي يقراو في الكولااج

 <><> تحكيلو كل شيء و يحكيلها كل شيء بالنسبة ليها  هو البو والخو والصديق 

 ترمات فوق الفرش حملت دبدوبهاا و بقاات تتفكر في فهد ههههه هبلهااا طريقة كلامو كيفااش يتصرف معاها و خاصة خزرتو ليهاا لكلهم اكدولهاا اعجاابو بيها و الاهم انو ارتاحلها وحكاالها على روحو وحاجات خاصة بيه و بعايلتو  بقاات تخزر للسقف وتتبسم 

 دخلت اختهااا "رمرومتي شكونو المززز لي وصلك هههه

 تفجعت قامت من بلاصتهاا "وانت كيفااش ريتنا و وقتااش اب اب اب ما يخفى عليك شيء 

 -ههههه تي خرجت نقضي ريتكم بالصدفة اما ماله كعبة ههه يدوخ اصل تي قلي شكونو عااد

 -ما يمشيش مخك لبعييد عرفي غي الخدمة كملنا الاجتمااع مخر ياخي وصلني 

 -اممممم مقوى سعدك كان العروفاات الكل شباان كيفو ويوصلو خدامتهم جوووو 

 -هههه يا مهبولة 

 قامت في الصبااح حظرت روحها ومشات للفاك كيما العادة كملت قراات خرجت هي و احمد فطرو وبقااو يتمشاو 

 -ريم حاشتي بيك في موضوع اكييد هيا نمشيو نقعدو في القهوة و نحكيو 

 -انشاءالله خير اش فماا احمد

 -لا خير خير موضوع عندي برشاا نحب نحكي فيه معااك و..هو مازال يحكي وتعدى فهد بالكرهبة حل الشباك وخرج راسو "رييييم رييييم 

 تلفتتلو "اهلا سي فهد

 هياا ماشية للشركة اطلع 

 احمد كان واقف بجنبهاا "هيا احمد نخليك توه لازمني نمشي تو نحكيو مرة اخرى "كانت تحكي و الفرحة ظاهرة علىها مشاات تجري ركبت في الكرهبة وصلو للشركة شدو بيرواتهم وبدااو الخدمة

الحلقة التاسعة 

 تطورت علااقتهم برشاا ولاو ديما مع بعضهم لاسقتو كيف خياالو يخرجو ويدخلو في كل وقت تي ختى مالفااك ولات تمشيلهاا مرة في القدااش و في كل مرة تكذب على امهاا كذبة وهذا الكل على خااطرو على خاطرتحب تبقى معااه وتعدي معااه اك

 <><>ثر وقت .كي تبدى معااه تحس بالفرحة والراحة والاماان اللي كانت محرومة منهم لكنها ماكانتش متاكدة من حقيقة مشااعرو معاها ساعاات تحسو قريبلهاا برشاا و سعاات تحسو بعيييد وين تسالوو يقلهاا " ريم احناا ماعنااش برشاا مع بعضنا خلينا نزيدو نعرفو بعضناا اكثر وتو تفهم طبيعتي " لكن الحكاية موش مقلقتهاا المهم هي متاكدة  الي سايي ولاات  تحبوو  

 نهاار كانت قاعدة في البيرو غاسطة في الخدمة طلبهاا "رييم ادخلي حاشتي بييك "

 قامت تجري دخلت "وييي فهد"

 -اسمع اليوم بااش  نسهر اناا وصحااابي نحبك تجي معااايا

 -ياااه والله ماذابيا اما اش باش نقول لامي نخااف ما تخلينيش 

 -تي تصرف يااخي في العمر هذا وامك تحكم فيك ??

 -اوكى اوكى تو نتصرف وقتااش نمشيوو 

 -بااش نتعدااو طول مالخدمة 

 -لاا عااد لازمني نروح نحظر روحي ونبدل دبشيي 

 -ههههه موش لازم تبدل خليك هكة محلاااك .عض على شفاايفو و غمزهاا 

 -اوك فهدوشتي مادام عاجبك دبشي موش لازم نبدل

 -انت بكلك تعجبني كل شيء فيك يعجبني ياا روحي .كاان قااعد فوق الكرسي وهي قاعدة مقابلتو على حافة البيرو جبدهاا من يدها حطها فوق حجرو وبقى يلعب بشعرهاا ويبوس فيها من خدودهاا 

 دق البااب تنطرت قامت من فوقوا  وهو تربث وبقى يستوي في كول الشوميز تعكرش ههه

 -شكوون? 

 -اناا (صوت عمو)

 قاام من بلاصتوو وهي تفجعت ما تعرفش علااش وين تشوف عمو تتفجع منو ههه 

  "تفظل تفظل "

 دخل كيما العادة نفس التكشبيرة في وجهوو بقى يخزرلهاا "عس ..عسلاامة سي عليي (اسموو علي)

 تبسملهاا هه كالسبة "تفظل عمي تفظل اقعد وانت ريم تنجم تمشي حظرلناا زروز قهااوي وسال عمو قهوتك كالعادة بلااش سكر ?

 -اي 

 خرجت وسكرت البااب وبقاات تتفكر فيه كيفااش ترب

 <><>ث كي جاء عموولات  تضحك مشات طيبت القهاوي ودخلتهم تلقااهم يحكيو في اومور الخدمة عطاتهم القهاوي وعاودت خرجت بقااو يترشفو في القهوة 

 -ااه سي فهد شنوة حكايتهاا الطفلة هاذي ?

 هبط رااسو عامل روحو يشوف في الاورااق "شي عمي عاادي تخدم على روحهاا

 -اييي وخرجاتكم ودخلااتكم داخلين في اومور الخدمة زادة ?

 -هههه شنوة عمي تي ...طفلة خدامة وعاقلة وو ..مزياانة تعجبني وبرى 

 -كاان الحكاية حدها حد الاعجااب موش مشكل اما كان بااش تطور وتولي حب قصهاا من توه خيير 

 -علااش تحكي هكة عمي??

 -نحكي هكة خااطر انا اكبر منك وعندي تجاارب اكثر. فهد يا ولدي في الدنياا هذي كل شيء يزيد عن حدوو يعدم كيما الحب مثلاا في البداية هو احسااس مافمااش ماخير منو يحلي الدنياا ويزهيها والراجل كي يحب يطيح بكلو ما يعملش حدود وما يحكمش في قلبو  هذاك علااش كي يصير الفرااق يتعذب برشااا و يتعب . فهمت توه علااش نحكي هكة 

 فهد بقى يخزر لعمو باهت اول مرة يحكي معاه في موضوع كيما هذا اغلب حكاياتهم على الخدمة والافارياات ولي بهتو اكثر الطريقة لي كان يحكي بيهاا اول مرة يحس بالضعف في صوت عمو تي هوا ملي حل عينيه يشوف فيه راجل قوي و مشاعرو ناشفة حتى علاقات مع نسااء ماعندوش عدى عمرو وصغرو في الخدمة و تكوين الثروة 

 - هه تهنى عمي تهنى ما نطيحش بسهولة اناا 

 هيا باهي طمنتني نخليك توه 

 خرج يلقى ريم قاعدة تكتب .هزت راسها خزرتلوو 

 -يعطيك الصحة بنينة برشاا قهوتك 

 -من غير مزية سي علي وعاودت رجعت تكتب 

 بعد شوية خرج فهد "هياا مازال عندك برشاا خدمة 

 -اي شوية بركة 

 -نحي نحي من ايدك كملهم غدوة هياا توه نخرجو الاولاد طلبوني 

 هزت ساكها وخرجت معااه كان يمشي ساابقهاا مشاات للسرفيس

 <><> لي تخدم فيه رهاام "رهومتي اسمعني قول لامي ريم عندهاا برشاا خدمة خاطر بااش نروح مخر ليومم 

 -قولهاا وحدك يزيني ما كذبت في جرتك وزيد كثرتلهاا راك شنوة اخرتهاا معاه هذا سي فهد متااعك 

 -ههه انا بيدي موش عاارفة .عيش حبي اقف معايا المدة هاذي شكون عندي بخلاافك انا ههه ?

 -باهي باهي اما رد باالك على روحك

 اوك حبي

الحلقة العاشرة 

 خلطت على فهد تلقااه في الكرهبة يستنى فيهاا ركبت معااه "ماقتليش لوين ماشين بالضبط حبي ?

 -للفيلا متاعي هي  هنا في المناار 

 تصدمت ووجها تقلب " ياخي موش قتلي ماشين بااش نسهرو علااش جايين للفيلا ??

 -هه اي بااش نسهرو في الفيلا صحاابي قاعدين يستنااو فينا شبيك تفجعت كان متحبش توو...

 -لا لا نحب هيا نمشيو 

 وصلو للفيلا دخلو بقاات تخزر وتلعب في عينيهاا فيلا  كبيرة ومضخمة تقول وتيييل شافت كمشة بناات وولاد يعومو في البيسيين عاملين جو يضحكو وشاايخين شدها من يدها ومشااو حذاهم 

 خزرلو صااحبو فادي "اهلاا فهد ههه سايي جبتها للثنية " 

 -ههه يزيتش مالبلاادة سي فاادي ااش تعرف صاحبك 

 ريم طبست راسها عرفتهم يحكيو عليهاا 

 -هيا هيا اعمل غطسة 

 -اي اي لحظة بركاا نلبس مايو ونجيي 

 دخل طلع لبيتوو وهي بقاات تستنى فيه قعدت واقفة على حافة البيسين تشوف فالبنات يخزرولها ويوتوتو تلفتهم عملت روحها معلابلهااش بيهم هي هكاكة وجاء فهد لابس شورط وحاط منشفة فوق كتفوو بقاات تخزرلوو مسهوبة بدنوو يهبل يهبل musclé عالاخر و عامل تتوااج على كبر ظهروو(طيح على مهند السخطة ههه)مدلها المنشفة وعمل بلونجون في المااء  بقى يتفاارع هو وصحابو ويطشو في بعظهم وهي تخزرلهم وتضحك بردت العشية خرجو  مالبيسين لبسو دبشهم و دخلو لداخل يتعشااو حست روحه

 <><>ا موش مرتااحة جوهم موش مستانسة بيه شرااب و دخاان و les sujets لي يتناقشو فيهم طريقة كلامهم حستهم تافهين وسطحيين يحكيو كان على الخرجاات وles voyages وانوااع الكراهب والحاجة لي قلقتها اكثر فما طفلة قاعدة مقابلتها ملي جات وهي تتشوحر عليهاا كان تلقى تقوم تضربهاا 

 -فهد ماقلتلنااش شنوة اسمهاا صاحبتك ? 

 -اسمها ريم ياا اينااس 

 -اممم نتشرفو وين تسكن يااريم ?

 تربثت و بعد جاوبتهااوقالتلها على اسم حومتهاا

 -ههههه وين جات البلاصة هذي في تونس اول مرة نسمع بيهاا ?!!

 تلفت واحد اخر ظااهر فرخ في مخو "تي بااز حومة مالحوم الراقييين برشااا هذي 

 وطرشقو بالضحك حشمت حشمت ووجها حماار حست روحهاا مسخرة وحست بالنقص شدت دمعتها بالسيف ماحبتش تبينلهم ضعفهاا  وندمت على الجياان  تلفتت لفهد تلقااه هو زادة متغشش اما ساكت ماقال حتى كلمة 

 -فهد عيشك نحب نروح ماعادش بكري علياا هيا وصلني 

 هزت ساكهاا وقامت مشاات وقفت في الجنينة و هو خلط عليهاا "ريم ياريم شبيكك , يا خي تغششت ماتخوش عليهم يفذلكو راهم 

 -لا ماتغششتش وشكونهم هوما بااش نتغشش منهم اما انا مانيش على راحتي  معااهم اصلا انا غالطة لي جيت 

 -باهي امسحها فياا رمرومتي مانحبكش تتغشش 

 -اوك حبي ما نيش متغشة 

 -باهي اضحك 

 خزرتلوو وضحكت 

 -مابن ضحكتك يا روحي  

 بااسها من خدهاا وبعد قرب شفايفو لشفايفها لسقلهاا ليه وحسرها بيديه الزوز في الحيط وبدى يبوس فيهاا بقوة قوة كبيرة حبت تتحلحز مانجمتش بقى يبوس فيها من فمها ومن رقبتهاا حست بالناار شعلت في بدنهاا و لات ترعش .كان ريحتو بالشرااب وعينيه حمر دزتو بالقوي 

 "يافهد ابعد اماان سيبني كان يخرج حد يشوفناا 

 -شبييك يا ريم شبييك (كان يحكي ويلهث) 

 -

 <><>فهد نحب نروح اماان ماعادش بكري عليا 

 ركبو في الكرهبة ثنيه كاملة وهوما ساكتين هو يسوق و عينيه في الطريق وهي تخزر مالشبااك حاسة بحاجة موش مفهومة حااجة غريبة برشاا من شيرة فرحاانة على خاطر باسهاا و حست اللي هو ملهوف عليها وبدى يحبها و من شيرة متغشة و نادمة ظميرها يانب فيها خاطر خانت ثقة امها وعارفة اللي لي تعمل فيه غالط وصلو للحومة وقف الكرهبة 

 -"ريم شبيك مانيش فاهمك راني علااش تقلبت ياخي على جرد بوسة عملت هكة تي حاجة عادية تصير بين الكوبلواات الكل 

 -لاا يافهد ما هيش عادية كان انت تشوفها حاجة نرماال بالنسبة ليا انا لاا 

 -باهي ديزولى ما فيباليش باش تتقلق منها الحكاية 

 اوكى تصبح على خيرر 

 -كهااو ?? 

 -ههه تصبح على خير حبي

 -تصبح على خير يا احلى طفلة في العالم 

 روحت للدار تلقى امهاا راقدة دخلت لبيتها طول .اكا المهبولة سحر فايقة كالعادة 

 -لتو لا رقدت انت ?? !

 -ههه نستنى فيك حبي ما يجينيش النوم وانت لبرى 

 -يزي لا نصدق هههه 

 حلت الخزانة جبدت بيجامة وبداات تبدل في حوايجهاا 

 -ريمم شنوة البلاصة الحمرة  اللي في رقبتك ??

 -مشات تجري للمراية شافت رقبتهاا تلقى بلاصة حمرة (ههه بلاصة البوس متااعوTellement  باسها بقوة خلى بلاصة ) حكاات لاختها لي صاار 

 -اااوه عليك كان تفيق بيك سميرة ما تقتلك 

 -ههه ماعندها منين بااش تعرف امي  كان ما تقلهااش انت بالطبيعة 

 -ههه اما بشرط تعود تحكيلي كل شيء و تيزي مالتبهنيس موش وين نسالك تقلي لاا مافما شيء عرفي هذاكا هههه يا وحيدة ههه

 -ههه باهي برى ارقد و خليني نرتااح 

 مشاات الصبااح للفااك تقابلت هي واحمد 

 -وينك يا طفلة ياخي نعملو مطلب بااش نشوفوك ولا شنوه?? ! 

 -هههه علااش توحش

 <><>تني ?

 -الحقيقة اي توحشتك .علااش معادش تجي للفااك مستانسة هكة انت ?

 -لا موش مستانسة اما برشاا حاجات تبدلوو 

 -شنوة احكيلي ?!

 -هههه الحب .اااه يا احمد كان تشوف محلااه الحب

 احمد وجهو تقلب و دخل بعضو "هياا باهي وشكونو سعيد الحظ 

 -فهد تي لي تعدى اكا المرة منين انا ويااك نمشيو 

 -ااه عرفك في الخدمة .وفرحاانة معااه باهي هو معااك? 

 -اي وفرحاانة اكثر ملي تتصور زادة يمكن اكثر مرة في حياتي نفرح هكة 

 -انشاءالله ديما فرحانة ريموو  انت تستااهل كل خييير 

 -عيشك حميدوو وانت زادة .وقيت رااو بااش نشوفولك بنية كبرت رااو ههه 

 ضحكلهاا ودخلو يقرااو .

الحلقة 11

 تعداات الايامات وهي كل نهار  تزيد تتعلق بيه  وتحبو اكثر من النهاار لي قبلو . اليوم عيد ميلاادو  حبت تعملو surprise ما مشاتش تقرى الصبااح وصلت بكري للشركة قبل ما يجي هوه دخلت زينتلو بيروه و حطتلو كارت بوستاال وحظرتلو خبزة gâteau فوق البيرو وخرجت باش تمشي للفااك في شطر الثنية تفكرت لي نساات تليفونها رجعت بااش تهزو 

 جااء هو وفادي صاحبوو دخلو يلقااو البيرو مزين مشى هز الكارت بوستاال قراها (joyeux  anniversaire mon amouur  je t'aime ) ضحك وقص  gâteau بقى ياكل فيه 

 خزرلو فادي وقلو "-هههه صحة ليك يا معلم عندك شكون يتفكرك في عيد ميلادك ويخمم فيك "

 - هههه علااش انت ماعندكش شكون يتفكرك  برى صوحب شكون شدك 

 وصلت ريم تسمع في صوت كلام في البيرو قعدت ورى الباب تسمع فيهم 

 -اي اما ماقتليش ياا فهد ياخي تحبهاا الطفلة ?? 

 -ههههههههه اي حتى انت نحبك 

 -تي نحكي بالرسمي يااهم .طفلة ظااهرة تموت عليك من خزرتهاا تفهم كل شيء وانت تحبهاا ?? 

 سكت ومبعد قلو "-تعرف نكذب كان نقلك نحبهااا

 <><> صحيح هيا تعجبني ,  تعحبني برشااا زادة  طفلة قطعة متااع زين وبدنهاا ومترياالها يدوخو اما معقدة برشاا و كابسة روحها معايا موش نرماال هاني قااعد نساير فيها لين نوصل للي حاشتي بيه معاها وبعد نبعثهاا 

 -صاحبي ننصحك فك عليك طفلة زوااليه وعاقلة كان ما حاشتكش بيها خليها تمشي على روحهاا 

 -علاش قلك عليا شادها بالسيف اناا ?هاي هية لاسقة فياا  و زيد ما كانتش تحلم باش تعرف واحد كيفي وحدة منتفة و بوهالية 

 -باهي بدل علينا  الموضوع هيا نخرجوو الجماعة يستنااو فينا 

    كانت تسمع في كلامو وموش مصدقة تمناات تكون في حلمة وتفيق منهاا حست بغصة في قلبهاا شدتها الشهقة ودموعها ولاو يجريو هزت روحها وخرجت تجري بااش ما يشوفهااش دموعها ما حبوش يكفوو وين تتفكر كلامو تزيد تشعل فيها الناار كانت تجري موش شايفة حتى شيء قدامها صدمت في  سي علي كان داخل في  الباب متاع الشركة هازز كادوو في يدو 

 --شبيك مادام وزالل ريم لبااس فما مشكل ?? 

 -سامحني سي علي ماريتكش 

 -موش مشكل اما قلي شبيك ?!

  حملتوو وطرشقت بالبكاء ماتعرفش شنوة لي خلاها تعمل هكة يمكن خاطر في اللحظة هذيكا كانت في امس الحاجة لحظن حنين مستحقة لشكون يواسيهاا حست بالراحة وقت حملتو قدااش حظنو حنييييين بالرغم كي شافتو ظهرلهاا صعيب و الرحمة لاا بقى يسكت فيها لين هداات شوية 

 -ااه احسن توة احكيلي شنوة المشكل 

 -لا حتى شيء سي علي فما مشكلة في الداار هذيكا هي الحكااية 

 -اوك موش لازم تجي تخدم اليوم روح ارتااح توه نقول لفهد

 -لا لا ماتقلوش ماتقلوش لي انت ريتني جمله

 -باهي باهي مانقلوش وسع بالك تحب نوقفلك تاكسي 

 -لا عيشك سي علي نجم نمشي 

 حرجت بقاات تمشي وتتفكر في كلامو و عينيها ما حبتش تكف مالد

 <><>مووع هي مشاات معاه بالنية حبتو و في جرتو ضيعت قرايتها وكذبت على امهاا بناات معاه برشاا احلاام و تمنااتو يحبهاا عمرها ما خممت في فلوسو والا في املاكو و هو طلع يخدم في مخو معاها استغل سذاجتهاا عقوليتها وقلة الخبرة متاعها و يزيد يتمنيك عليهاا قدام صاحبو حمدت ربي اللي هي ما ضعفتش قدامو ومسلمتلوش بدنهاا بسهولة مسحت دموعهاا وقواات روحها كيما كل مرة صحيح الحكاية موش ساهلة عليهاا و جرحها يحبلو شوية وقت بااش يبرى اما موش مشكل هي قوية اصلا الصدماات لي عاشتهم في حياتها موش شوية وين تقول سايي الدنيا زاهتلهاا و بااش تفرحها تصيرلهاا حاجة تكدر عليها فرحتهاا 

 روحت للدار لقاتها فارغة امها في الحانوت واختها تقرى قعدت تبكي في بيتهاا تبكي على زهرهاا بكات بكات فرغت لي في قلبهاا الكل و مبعد قامت غسلت وجها مكيجت و مشطت شعرها وخرجت رجعت للشركة عملت روحها ما فيبالها بشيء ماو هو يقول عليها بوهالية هاتو توريه شنوة البوهالية تنجم تعمل شدت خدمتها وبقاات تشوف في الاورااق 

 سي الشباب ملي خرج هو وصاحبو الصباح ماعودش رجع احسن ملا راحة من خليقتو هي اصلا ماتحبش تشوف منضرو كرهتو وعافتوو كملت الخدمة خرجت سكرت البيرو و هبطت عرضتها رهاام كي شافتها وجها مبدل و عينيها منفوخين ظاهرة كانت تبكي جاتها تجري 

 -شبيك ريم فما حاجة خالتي و سحر لبااس ??

 -اي اي لبااس عليهم انا هي اللي موش لبااس 

 -علاش شبيك اختي احكيلي ?

 حكاتلهاا الحكااية 

 -ريت يا ريم ااش قتلك انا انت ماحبيتش تسمع كلامي وتسرعت في علاقتك معااه احمد ربي الي تكشف على حقيقتو 

 -انا الي غايضني يا ريهام  الاحسااس الي حسيتو معااه  عمري ما تصورت اللي هو بااش يطلع ساقط بالدرجة هذي اما والله ما اسميش ريم كان 

 <><>ما نعيفوش في حيااتو 

 -خليه كفااه على مولااه نااس هاذم قويين راو ماكش قدهم اجبد روحك منو كاهو

 بعد مدة رجعت ريم لحيااتها الطبيعية (قبل ما تصوحب فهد) رجعت مركزة في قرايتها تمشي تحظر فالفااك كل يوم و في العشية تمشي للخدمة يوصلهاا احمد جاب ربي جااء هو واقف معاها في الفترة هذي يبدللها الجو و ديما معاها كانت تاخذ الطاقة الايجابية منو .و سي فهد ¨جبدت روحها منو  وين يسالها علاش تبدلت تبدل الموضوع و تخليه

الحلقة 12

 نهار كيما العادة كانت غاطسة في الخدمة دخل فهد 

 -اهلا ريم 

 -عسلامة سيي فهد

 -هههه سي فهد ??! (كان يتكلم متعجب) 

 -ماله شنوة تحبني ناديلك ?

 -ياخي ماتقليش انت شنية حكايتك تتجبد ومتبدلة وين نجي نحكي معااك تبدل الموضوع وتتهرب مني مااو لبااس,

 -ما بيا شيء اصلا حكايتنا كانت غاالطة ماكانش لازمها تصير مالاول من هنا القداام مايربطنا حتى شي بخلاف الخدمة انت عرف وانا سكريتارا سي فهد. (وتبسمت) 

   كانت تحكي معاه ببرودة دم تقول موش هو نفس الانساان لي كانت تموت بالفرحة وتمشيلو تجري كي تشوفو; تقول موش هو اللي حبتو وتمنات تكمل معاه .بردت عليه وكرهتوو وين تتفكر كيفااش لعب بمشاعرهاا و كذب عليها تزيد تكرهو وتنقم عليه .

   قحرلها هزها وحطهاا "باهي يااريم على راحتك اعمل اللي تحب عليه.ودخل لبيروه طربق الباب بالقوي لين فجعهاا 

 كملت اللي في يديها و خرجت تلقى رهام تستنى فيها اللوطة بااش يروحو مع بعضهم خرجو مالشركة مشااو لمحطة الكاار بقاو يستناو نوقز تاليفونهاا 

 "الو احمد"

 -وي ريم وين انت توه ??

 -هاني انا ورهام في المحطة مروحين 

 -بااهي ابقاو غادي استناوني ربع ساعة ونكون حذاكم 

 -اوكى ..

 خزرت لرهاام "هاو احمد جااي مانعرفش 

 <><>شبيه "

 -ماله خليني نروح انا معاادش بكري علياا وزيد خطيبي جاي هو وامو بااش يطلو علينا

 -اوك رهومتي ميساالش امشي ربي معاك 

  طلعت رهام في الكار وبقات ريم تستنى جاء احمد  هزها عمل بيها دورة  تفرهدو وبدلو الجوو ومبعد دخلو بااش يشربو قهوة وقعدو يحكيو 

 -والله يا احمد بالدنياا راك كان ماجيتش انت معايا مانعرفش شنوة كان ينجم يصير فياا 

 -يزي ماتقولش هكة بيناتنااش عشيرتي رااك 

 -ههه ربي يخليييك 

 -المهم انت تكون لبااس وديما زاهية ماعادش نحب نشوفك متقلقة بالكل ماتعرفش معزتك عنديي راو 

 تنهدت وتبسمت "انت زادة معزتك كبيرة عندي 

 -ريم نحب نحكيلك حاجة 

 -احكي هاني نسمع فيك

 -فماا طفلة مهبلتني ليهاا برشااا نحبهاا وحبها معشش فيا اما هي موش حاسة بهذا الكل 

 -وشكوني الطفلة نعرفها اناا ?? 

 -ههه اي تعرفهاا عز المعرفة زادة 

 -هي وفااش تستنى باش تقوللها ?

 -ماو هذيكا المشكلة وين نجي بااش نصارحها تصير حكاية تقص عليناا وزيد انا خايف من ردة فعلهاا 

 -ههه علااش باش تخااف شكوني المهبولة اللي تقول عليك لاا ?باش تلقى خير منك هي  ?

 -باهي انشاءالله غدوة نقوللها .وضحك 

 خرجوا مالقهوة وقفو تاكسي وروحواا

هيا تصبح على خير حميدوو 

 -تصبح على خير رمرومة اسمعني غدوة نتقابلو الصباح في السطاسيون متاع الميترو نمشيو مع بعضنا 

 -اوكى مشات معااك 

 روحت سهرت شوية مع امها واختها و بقات تتفكر في كلاام احمد وتخمم زعمة شكوني الطفلة اللي يحبها 

 تحس في روحها نعست وجاها النوم دخلت رقدت 

 في الصباح حظرت روحها وخرجت تقابلت هي واحمد كيما تفاهمو كان لابس شوميز كارواات وفوقها VESTE CUIR وسرواال دجين وشادد وردة حمرة في يديه  

 -صبااح الخير عشيري ههه حطيت 

 <><>الحطة اليوم عااد يوم تاريخي في حياتك هههه يابو كرش وظربطو على كرشو 

 -هههه اي النهاار هذا نستنا فيه ليا برشاا انشاءالله ربي يعديه على خير اسمعني ريم موش لازم نمشيو للفااك نحس في روحي متوتر عالاخر 

 -اوك كيما تحب وين نمشيو ??

 -هيا نمشيو لبلاصتناا متااع العادة (جنينة ورى الكولاج لي كانو يقراو فيه وهوما صغاار )

 -هي و والطفلة ويني وين باش تقابلهاا 

 -تي امشي واسكت هيكا تستنى فيناا 

 وصلو  للبلاصة ماتبدلتش برشاا عندهم سنين ما جاولهااش بقااو يخزرو للكولاج ههه تفكرو ايامات الصغر و كيفاش اول نهار شافو بعضهم عامت الساتياام احمد وقتهاا كان قصير وبطبووط ويلبس لينات متاع نظر و هي كانت عااقلة برشاا شعرها ديما مظفور كانو زوز محارث متاع قراية ديما مع بعضهم ما يتفارقوش جملة 

 -هههه اييه يا احمد رجعتني 10 سنين لتالي 

 -تبسملها شدها من يديه هزلها  راسها و بقى يخزرلها في عينيها 

 -ريم بااش نحكي كل شيء من غير مقدماات ونحبك تفهمني ...ريم تتفكر  اول نهاار عرفتك فيه وقتهاا كنا صغاار.... انت اول طفلة حليت معاها عيني و عرفت معاها معنى الدنيا كبرنا مع بعضنا وانت كبرت قدام عيني كنت كل يوم تزيد تحلى وتحلى وتزيد تسحرني و نتعلق بيك اكثر مالاول ما كنتش عاارف شنوة لي نحس فيه تجاهك اما  مبعد بالوقت تاكدت لي انا نحبك تي نعشقك نموت عليك ما نجمتش نقلك مانجمتش نصارحك كنت خايف لا نخسرك ونخسر روحي معااك حبك كبر معايا خليتو في قلبي وسكرت عليه و وقت لي عملت عزيمة وجيت بااش نحكيلك انت وقتهاا كنت مع فهد كي ريتك فرحاانة معااه سكتت كتمة الكلام في قلبي خاطر فرحتك انت و راحتك اهم من كل شيء وقت تفارقتو نكذب عليك كان نقلك ما فرحتش كنت نتعذب كي نشوفك حزينة  ما صدقت

 <><> لربي انت رحعت كيما العادة و نفسيتك تحسنت اما  ماليوم معادش باش نسكت ماعادش باش نخبي ريييم نحبك راني نحببك 

   سرسطلها الكلام لي عندو الكل كان يحكي بزربة ما يعرفش على الكلام كيفاش خرج من فمو شدها من يديها يديها كانت باردة و ترعش هزها وباسهالها 

 هي وقتها كانت موش مستوعبة الحكاية موش فاهمة شنوة قاعد يصير بقاات تخزرلو في عينيه و سارحة فيهم  

 جاات باش تتكلم حط يدو على فمهاا "اسسس ريم امان ما تقول شيء توه خوذ وقتك وخمم في راحتك اما لي نحبك تكون متاكدة منو الي مهما كان جواابك ماهو باش يتبدل شيء بيناتنا باش تبقى عشيرتي و رفيقتي و اغلى انسانة عندي

الحلقة 13

 حملتو وبقات غارسة راسها في سدرو موش فاهمة روحهاا احمد هو عشيرهاا تحبو برشاا  

 لكن في اللحظة هذيكا  كانت خايفة .اصلا هي مازالت كي غير خرجت من علاقة فاشلة مازال مخها موش راكح وزادة توه دخلت بعضها اكثر ماحبت تقول شيء ماحبتش تجاوبو  كلامو بقى يدور في مخها احسااسها في الوقت هذاكا ما فما حتى كلام ينجم يعبر عليه السكوت كان هو الحل الوحيد في اللحظة هذيكا قعدو الزوز  منعقين بعضهم وساكتين 

  نهارتها ماكانش عندها مخ لا للقراية لا للخدمة  .سرحت هي و احمد  عملو دورة في المدينة العربي و وسط البلاد حوسو دارو البلايص الكل فطرو ومبعد   مشاو للدحدح   لعبو وتفرهدو وشاخو نسااو الدنيا ونسااو رواحهم سيبو رواحهم للاحساس القوي لي كانو يحسو فيه خرجوا الطاقة المخبية فيهم الكل فاللعب كانو يضحكو كيما الاولاد الصغاار تعدى الوقت فيسع ظلامت الدنياا خرجو  يتمشااو في الكيااس النسمة بااردة عدات يديها فوق زنودها حست بالبرد نحى ال VESTE  متاعو وحطهالها فوق ظهرها قعدو على الكراسي مقابلين البحيرة تكاات راسها

 <><> على صدور وهو عنقها ودور يديه عليها بقى يشم في ريحتهاا ريحتهاا دوخو و تخدرو ريحتهاا بنينة بصفة غريبة  

 هزت راسها خزرتلو في عينيه وقتلو 

 -احمد الدنياا هاذي قدااش غريبة غريبة بصفة كبيرة

 -الدنيا خاطيها يا ريم اما احنا ساعات ما نعرفوش نتصرفو ونضيعو الفرص من ايديناا كي يتحكم فينا الخوف وقتهاا ماعادش نجمو نقدمو حتى خطوة لقداام 

 - وانا هذا توة لي قاعد صايرلي خايفة يا احمد خايفة برشاا 

 -ماعندك منااش تخاف ريم مادام انا معااك في الدنيا هاذي ما فما شيء ينجم يخوفك وكون متاكدة اللي انا ديما معااك وعمري ما نخليك

 كلامو فرحها وطمنهاا قعدت محملتوو حسو بالشتاء بدات تنكت قاموا يجريو وقفو تاكسي وصلها لحومتها وروح هو

 ليلتها ما نجمش يجيها النوم بقات تتفكر في كلام احمد رجعت بذاكرتهاا سنين لتالي تفكرت كل لحظة عداتها معااه علاش ما فهماتوش بالرغم اللي هو حاول برشاا مرات يحسسها بحبو ليها كان حنين معاها يخاف عليها ويحميها وين تستحقلو تلقاه واقف معاها وساندها بقاات تلوم في روحها خاطر ما حستش بيه هي تبعت انسان اخر انسان مايستحقش اهتمامها و خلات احمد اللي حبها و مستنااش منها مقابل رضى روحو يبقى معذب على خاطرهاا 

 وقفت مقابلة الشبااك تخزر  للمطر قاعدت تصب و تخمم شنوة بااش تعمل و كيفاش لازمها تتصرف

 دخلت اختها 

 "ريم شبيك فااش سارحة 

 -حاايرة يا سحر حايرة ومانيش عارفة شنوة باش نعمل

 -علااش احكيلي بالك نجم نعونك 

 -احمد ياسحر اليوم دخلني في حيط صارحني ببرشاا كلام صدمني 

 -تي تكلم اش قلك احمد

 -طلع يحبني عندو برشاا و بقى مخبي علياا 

 -ههه تحكي بجدك وانت  وانت اش قتلو 

 -ماقتلو شيء اصلا مانجمت نقلو شيء مازلت مانيش مستوعبة نحس في مخي باش ي

 <><>طرشق 

 -اوك ريم ما  حكاية كيما هاذي لازمك تخمم فيها مليح و بالوقت تو تزيد تعرف  شنوة لازمك تعمل و كيفاش لازمك تتصرف

قامت في الصباح تحس في بدنها مدقدق ليلة كاملة ماجهااش النوم خزرت للوقت تلقاه قريب نصف نهاار  قامت تجري باش تحظر روحهاا .تلقى امها في الكوجينة 

 -صباح الخير امي 

 -صباح النور 

 -شبيك ما قومتنيش ??

 -ريتك تاعبة ما حبيتش نقيمك خليتك تصبح راقدة 

 -اوففف ماعادش عليا بكري يا امي عالخدمة لا يزي البارح ما مشيتش ونزيد اليوم نوصل روطار

 - وانت علااش البارح ما مشيتش ??

 -خرجت انا واحمد 

 -اممم هيا باهي برى اغسل وجهك و حظر روحك و ايجى نسخنلك قهوتك 

 لا موش لازم قهوة تو ناكل حاجة في الخدمة خليني نمشي 

 -بااهي على كيفك

 حظرت روحها فيسع فيسع وخرجت تجري خذات الكار ومشات للخدمة شدت بيروهاا خرجلها سي فهد وجهو مقلوب "شبيك ما جيتش الباارح?? " 

 -الله غالب سي فهد مانجمتش نجي

 -شنوة ما نجمتش نجي على كيفك ياخي هو ماو عالاقل تعلم ,شركة هذي راو موش وكااله 

    هو بطبيعتو يتسبب ويستنالها في غلطة ماصدق لربي ماجاتش نهاار حب يعمل منها مشكلة الحكاية 

 كانت تخزرلو وشادة روحها بالسيف تمنات في اللحظة هذيكا تقوم و تفرغ فيه الغل اللي في قلبها الكل اش  يستخاايل في روحو السخطة 

 هوما هكاكة ودخل عمو "شبيكم شنوة اللي صاار?? "

 -شي عمي شيء 

 -كيفااش شيء و صوتك واصل لاخر الكلواار!! 

 تكلمت ريم "سي علي انا الباارح ما جيتش للخدمة وما علمتش الادارة هذكا علاش سي فهد تغشش" 

 خزرلها فهد و قلهاا بصحة رقعة " موش لازم تعود تجي من اصلو امشي للادارة خوذ شهريتك و بالسلامة 

 خزرتلو مصدومة حسسها بالذل و الاهانة مانجمتش تشد دموعهاا حست روحها بلاش

 <><> قيمة وبلاش كرامة 

 قحرلوو عمو وصااح عليه "فهد انا رااو لي نحكم هناا موش انت رد بالك تنسى هذا و انا لي نقرر شكون نطرد وشكون نخلي "

 -مادام وزال ريم امشي شد بيروك و المرة الجاية كي تحب تغيب اعلم قبل 

 -لا سي علي انت يعطيك الصحة اما انا معاادش نحب نخدم هناا خليني نمشي ...

 خرجت تحس في الدم طلعلها لراسها بااش تموت بالقهرة خلط عليها سي علي "ريم استنى عيشك "

 وقفت بقات تسمع فيه حابسة دموعها 

 -ريم عيش بنتي اش عليك فيه فهد .اش قولك نحطك تخدم في سرفيس اخر متااع الحسابات فما بوست فاارغة "

   سي علي موش من عوايدو يتصرف هكة مع الخدامة .mais معاها هي بالذات يتصرف بحنية و يوسع بالو بالرغم اللي هي كانت غالطة الا انو ما حبش يبطلها مالخدمة وهي فالمدة هذيكا كانت مستحقة للفلوس ولازمها تخدم وافقت باش تبقى تخدم في الشركة المهم بعدت على منظر هاكا السخطة اما باقي قلبها مازاال مابردش عليه هي مازالت ما نساتش اللي عملو وكمل صدمهاا مرة اخرى

الحلقة 14

   قعدت ريم تخدم في نفس الشركة متاع سي علي اما في قسم واحد اخر متااع الحسابات نفس لي تخدم فيه ريهام  بنت خالتها ومعاهم بنيه اخرى ماحلاها صاحبة جو(اسمها امينة) .على الاقل ولات عندها مع شكون تحكي وتفذلك  وبعدت على منظر هاك الي ما يتسمااش فهد كانت مجبورة تشوفو كل يوم فوق من قلبهاا 

 بقات عايشة على نفس الريتم متاع القراية والخدمة احمد كل يوم بعد ما يكملو مالفاك يوصلها للشركة ويرجع يروح بيها العشية ماعاودش حكى معاه على هاك الموضوع ما حبش يضغط عليها خلاها على راحتها اما حبو ليها واهتمامو بيها كل يوم قاعد يزيد حبها وعشقها و مستنااش منها مقابل همو الوحيد انو يشوف الفرحة في عينيها  

 وهي عرفت وتاكدت الل

 <><>ي الاحساس لي كانت عايشتو مع فهد ماهوش حب حقيقي موش حب صحيح كان احتيااج للحب واعجااب كبير بحكم انو هو اول طفل تصوحبو . اما بعد لي عملو معاها نحاتو من مخهاا فسختو من حياتها ونسااتو وبداات تحس الي مشاعرها تجاه احمد قاعدين يتبدلو  ولات تخمم فيه ديماا و كل ما تحل عينيها في الصبااح يجي وجهو بيناتهم لكن ماقتلو شيء حبت تزيد تتاءكد من روحها وخلات الاومور تمشي بطبيعتها المهم هو معااها و موش مسلم فيها 

   مع الوقت تحسنت حالتها وتحسنت ظروفها زادة الشهرية متاع الخدمة عاونتها برشاا كل ما تخلص تخرج امها واختها تحوس بيهم وتفرهدهم وتشريلهم دبش جديد و الحاجات اللي يستحقوها الكل ولات راضية على روحهاا خاطر حست اللي هي تفرح فيهم ولو بحاجة بسيطة وزادت تعلقت بخدمتها اكثر وتبذل في اقصى جهد باش تكون جديرة بالثيقة متاع سي علي خاطر وقف معاها و حطها في خدمة مهمة متعلقة بامواال ومرابيح الشركة  حست بالمسؤوليه وحست بمعزة تجااه الراجل هذاكا (سي علي)

 نهااركانت في الخدمة  ريهام وامينة روحو وهي بقات مزاال عندها شوية حساباات موش فاهمتهم الارباح متاع الشركة قاعدين ينقصوو توترت شوية حبت تقول لسي علي اما هو مش موجود مساافر.         

 .نظمت البيرو وخرجت جات وجه في الوجه هي وفهد ومعااه السكريتاار الجديدة متاعوو شادين يدين بعضهم ههه ضحية جديدة ماسقطوو خزرلها هز حواحبو وتبسم كاينو يغزل فيها ههه مسكين والله ماشي في بالو مازالت تحبو مايعرفش اللي هي كرهتوو و نقمت عليه  دورت وجها وكملت مشات هبطت تلقى احمد يستنى فيها قدام الشركة فرحت كي شافتو مشاتلو تجري 

 - احمد علاش ملقتليش بااش تجي

 -توحشتك حبيت بااش  نشوفك 

 -ههه فيسع توجشتني الصباح بركا كنا مع بعضنا

 -ههههه اي 

 <><>توحشتك حتى كي تبدى قداام عيني نتوحشك ياريم 

 هزت راسها خزرتلو بلادل وتبسمتلو 

 حط يدو على كتفها ومشااو 

 قعدو يمشيو موش عارفين لوين بالضبط طريق طويل قداامهم ساكتين ماقالو حتى كلمة لين تعبو مالمشي دخلو لقهوة صغيرة خذاو طاولة وقعدو 

 -احمد ملي خرجنا وانت ساكة ماقلت حتى كلمة شبيك

 تنهد - ريم ...ريم يظهرلي تعدات مدة ملي حكيناا ووو...و انت لتوه ما جاوبتني لتوه ماقتلي شنوة بااش تعمل  

 خزرتلو وبقات ساكتة تحس في قلبها يدق بالقوي 

 عاود تكلم - يعني اناا ما نحبش نظغط عليك اما زادة نحب نعرف جوابك ماعادش نجم نزيد نصبر اكثر من هكة لازم نحطو النقاط على الحروف ..لازم نسميو كل حاجة باسمهاا ...لازمني نعرف شنوة انت تحس معايا 

 شدتو من يديه ونزلت عليهم بالقوي احمد انا خممت برشاا وخذيت وقتي وتاءكدت ...

 -ايييي ...تكلم ريم امان راني ماعادش نجم نصبر نحب نعرف جوابك 

 - احمممد .......نحبك 

 احمد وجهو حماار عالاخر وجبينو عرق هه وضحك ضحكة من قلبوو -اه عااود شنوة قلت عااود يااريم

 -ههه نحبك يا احمد نحبك 

 -اهه حمدولله ياربي حمدولله الكلمة هذي كنت نستنى بااش نسمعها لياا برشاا 

 -انا لي لازمني نحمد ربي على خاطر عرفتك وظهرت في حياتي ...احمد بلي باش نعمل و بااش نقول مانجمش نعبرلك على حبي ليك بالصورة الصحيحة وبالطريقة لي انت تستحقها  انت لي علمتني نعيش انت لي عطيطني القوة بااش نحمل تعب الدنياا انت احلى هدية جاتني في حياتي  نحبك نحبك برشاااا ربي يخليك لياا

    في اللحظة هذيكا الفرحة لي كانوا عايشينها الزوز نساتهم في الدنيا وفي العبااد حملهاا وبقى مكبش فيهاا غارس راسو فوق كتفها يعدي في يديه على شعرهاا كان خايف لا يظهر قاعد يحلم .اليوم اسعد نهاا

 <><>ر في حياتو ريم الطفلة لي يعشقها ولي يموت عليها الطفلة لي خاف عليها حتى من روحو ومكانش متوقع باش يسمع منها الكلمة هذي بالكل ريم اليوم استعرفتلو بحبها ولاات متااعو وهو متاعها ماليوم قلبها يدق على خاطرو وقلبو يدق على خاطرهاا 

    الووو يا معلم هههه(صوت السارفور)

 هزو روسهم يلقااو النااس الكل يخزرولهم ويضحكو حشمو ههه و ريم وجها حماار كانو الزوز عينيهم بالدموع دموع الفرحة

 خزرلو السارفور وقلو  -ههه صاحبي ساعة نسال فيك اش تشرب وانت موش هناا هههه 

 -ههه سايي مشيت فيها يا خويا معادش عندي عقل

 -هه اي هاني نشوف ربي يديم العشرة و يخليكم لبعضحكم .ايا شنوة نجيبلكم تشربو 

 -جيبلنا زوز جي و تلفت للعبااد "الناس الكل شربهم خالص من عندي "

      ههههه سايي هبل الطفل حتى هي ريم هبلتوو وسرقتلو قلبو وعقلو ...

الحلقة 15

 روحت ريم بااش طير بالفرحة دخلت لدارهم تنقز كيف الطفلة الصغيرة والضحكة مرسومة على وجهاا شافتها امهاا بهتت 

 - ريم ههههه شبيك يا بنيتي 

 - فرحانة يا امي فرحاااااانة

 -ههه فرحني معااك تراه

 - امي انا و احمد ساايي 

 -ههه شنوة الي سايي تكلم من غير الغااز

 مشاات قعدت بجنب امهاا  - "سايي يا امي حكيت وفرغت فلبي قتلو اللي انا زادة نحبوو ويمكن اكثر من حبو" هو لياا 

 تبسمت امهاا وباستها من راسها "ربي يجمعكم في الخير يابنتي احمد وليد باهي و متربي اصلا انا ملي انتوماا صغاار  حسيت اللي بااش تكونو لبعضكم وباش يجمعكم الحب و المكتوب  في يوم مالايامات "

   تعداات الفترة هذيكا كيما الحلمة كانت احسن فترة في حياتها هي واحمد ما يتفاارقو كان كي تمشي هي تخدم بقية الوقت مع بعضهم 

      كاانوا واقفين قدام الشركة "هياا حبي امشي توة خليني ندخ

 <><>ل نخدم "

 -زيد ابقى معايا شوية رمرومتي 

 -هههه يزيتش مالدلال توه 

 -اووف باهي هاني ماشي اما عطيني بوسة قبل 

 باستو من خدو "باهي امشي توه "

 -اوك يا روحي رد بالك على روحك و كي تكمل اطلبني 

 -انشاءالله بطبوطي هههه  انت زادة رد بالك على روحك "

 هوما هكاكة وجات الكرهبة متاع سي علي اليوم روح من فرانسا هبط الشوفور يجري حلو الباب و البوديقارد يتبع فيه نفس الوهرة ونفس الضخامة اما حستو متغشش وداخل بعضو ما تعرفش علاش فرحت كي شافتو 

  - شكونو هذا (ساءلها احمد)

 -مولى الشركة هذاكا سي علي "هيا نسلمو عليه جبدتو من يدو وقربولو 

 -الحمد لله على السلامة سي علي نورت تونس

 -يسلمك ريم عيش بنتي .وخزر لاحمد 

 مدلو احمد يديه سلم عليه غمز ريم ومشى دخلت ريم وسي علي للشركة دوب ما دخلو مشى ساءل على فهد قالولو مازال ماجاش 

 مشات ريم لبيروهاا لوجت على الاورااق متااع الحسابات ومداخيل الشركة وقعدت تراجع فيهم باش تهزهم توريهم لسي علي وصلت بحذا البيرو متاعو دقت الباب 

 -تفظل ...

 دخلت 

 - سي علي نعرف الي انت تاعب مالسفر وموش وقتو اما فما حاجة موش عادية قاعدة تصير في الشركة ولازمك تعرفهاا 

 -اي وهذاكا علاش انا روحت اليوم وصلني كلام وجيت باش نتاكد منو ....

    -سي علي فما حساباات ناقسين  برشاا مداخيل موش كيما العادة والمرابيح قاعدين يترااجعو 

    وجهو تبدل رخف الكرافات وشرب كااس مااء .هز التاليفون كلم الاداارة "فهد في بيروه .??..قولولو يجني لبيرويا توه توه ..

   درج و دخل سي فهد ظاهر متوتر وموش على  بعضو يرعش بكلو ...

 -اهلا عمي الحمدالله على سلامتك

 - سي فهد تنجم تفهمني شنوة قاااعد يصير في الشركة !?

 -ششش.. ششنوة عمي شنوة لي قاعد يصير ,,

 <><>?

 - تحب نقلك انا شنوة ....  الباارح طلبني عدناان (البنكاجي لي تتعامل معاه الشركة) قلي الي انت قااعد تسجل في الاربااح باسمك وزاااد على في صوتوو تحب تعديهاا علياا يا هامل اااه ?تستبهلل فياا  تحب تخرجني بيدي على راسي وتستولى على الي فما والملمة يا سااقط ?...قصرت معاك في حاجة اناا  اه  حسبتك ولدي و امنتك على املاكي.... 

    - لا ياا عمي مو...مو.. موش هكة الحك..كااية (كان يتلعثم ويبلع في ريقو يرعش بكلو كيف الفروج حالتو ما تتوصفش)

 - "وهاذم شنوة ااه  هاذم شنوة و شد الاوراق اللي جابتهم ريم  في يديه "هاذم اكبر دليل على كذبك" .وظربهم بيه على وجهو معااد تزيد حتى كلمة ماليوم ماعادش تورني وجهك واحمد ربي الي مانيش باش نشكي بيك خااطر عملت حساب الدم الي يجمعناا "

     ريم قعدت واقفة مصدومة موقف موش نورماال تعدى قدامهاا باهتة في سي علي مقواااه و مصعبوو كان يصيح ويزهر كيف الصيد وخزرت لفهد حست بالخوف في عينيه   حاسس بالذل نفس الاحسااس الي عيش هولها عاشو هو اليوم ماكذبش اللي قال "مثلما تدين تداان" خزرتلو هزت حاجب وحطت حاجب كايني تحب تقلوو "الي ربي سبحانو خذالها حقها منو " 

    تلمو الخدامة يسمعو في عيااط سي علي جااو يشوفو اش فماا 

 (فهد وقت حب يطرد ريم مالخدمة وعمو ماخلاهوش وصااح عليه قدامهاا عرف اللي هو مجرد خداام في الشركة كيفو كيف البقية و عرف الي في اي نهاار ينجم عمو يخرجو على بره ,,حب يخدم مخو و يظمن مستقبلو لكن نسى اللي عمو رااجل ذكي و خبيث وماتتعدااش عليه) 

   عدى يدو على جبينو يدو كانت ترعش مانجمش يتحكم فيهاا وجهو احمر احمر باش يموت بالحشمة الخدامة الكل كانو يخزرولو ويوتوتو تلفت لريم كانت واقفة قدام بيرو سي علي خزرلها خزرة متااع 

 <><>موت قربلها شدها من زندها وكبس عليها لين وجعهاا قريب يغرس ضوابعو في لحمها  وقلهاا 

 - والله ما تتكلفلك غاالية والله ما تخلص ثاني ومثلث فرخة كيفك شلاكة ماجات شيء تحب تغلبني انا .... ماندمك على نهاار لي ولدت فيه ..

 جاوبتو بدم باارد ما حبتش تبين الرعب اللي حاسة بيه "ماتنجم تعملي شيء انت توة كارطة محروقة ....مااو انت حبيت تلعب بيا وخمجت مخك... معايا هاك اليوم خلصت حق غلطتك هه تي حتى عمك مالقااش فيك الخير باش نلقاه فيك اناا" 

 ظرب يديه عالحيط وزاد كبس عليهاا "باهي .. باهي ياريم تو تندم عليه الكلام هذا" 

 هبط يجري حست بالخوووف كلامو خوفهاا برشااا ومخها بقى يخدم زعمة شنوة بااش يعمللها 

   خرج سي علي من بيروه كان يسمع فيهم 

 - ريم ما تخاافش ماعندو ما يعملك هاني اناا معااك ...ما تخاافش

الحلقة 16

     مشاات ريم تجري لريهاام ماخلطتش على الفيلم لي صاار  حكاتلها الحكااية  

      - اووه والله طلع موش راجل بالكل علااش عمل هكة مع عمو تي موش مقصر معااه جملة الراجل 

 - وين نعرف عليه اناا .... يارهام راني خاايفة خايفة منوو 

 - ماتخافش وراس اختي ماتخااف هذاكا كان يحكي في فورة غش ماعندو ما يعملك 

 -لا لا ياريهاام والله نااوي على حاجة انت ماشفتش كيفااش  وجهو وقت لي يحكي معايا تي عينيه فريب يخرج منها الناار ... 

 -بااهي وسع بالك اقعد اشرب شربة مااء ....هدي روحك شوية 

   قعدت ترعش وريهام تهدي فيهاا لين ارتاحت شوية و هداات جات امينة "ريم امشي لبيرو سي علي حاشتو بيك" 

 -انشاءالله خير ياربي 

 مشااتلو تلقااه قاعد في بيروه رايض و كالم تقول موش هو اللي قبل بسااعة  ساعة كان يصيح و يعيط وكشاكشو خارجين 

 -نعم سي علي ناديتلي فما مشكل 

 - لا ل

 <><>ا مافما شيء اقعد قبل 

 -حبيت نشكرك يا ريم على لي عملتو يعطيك الصحة ماكنتش غالط وقت عطيتك ثيقتي ...

 - انا ما عملت كان واجبي سي علي خدمتي هذي

 - اي اي اما انت زادة كنت سبب بااش نفيق انا بالشيء لي قاعد يصير بفظلك انت و بفظل ذكاك و اخلاصك للخدمة .....في الدنيا هاذي تلقى الخير في البراني وقت الي من لحمك ودمك يغدروك 

 - الله غالب سي علي سعاات نغلطو وقت نعطيو الثقة لعباد ما يستاهلوش 

 تنهد تنهيدة طويلة وبقى يخزرلهاا حستو مقهور 

 - في الدنيا هذي اكبر غلطة ينجم يعملها الانساان انو يفظل مصلحة الجميع على مصلحتو ...انا مثلاا ضحيت بحياتي و بصغري عديت عمري نخدم وتاعب تعبت باااارشا باش وصلت للي انا فيه ...العبااد في بالهم اللي انا تولدت في فمي مغرفة ذهب مايعرفوش الحقيقة ما يعرفوش  اللي انا  تغربت و تعذبت وبعدت على النااس لي نحبهم و خزر لتصويرة كانت مقابلتو فوق البيرو 

 هزت يديها حطتو فوق يديه "الحمد لله سي علي ربي ما حبش تعبك يمشي خساارة المهم انت لبااس وصحتك لبااس وكل شيء بالوقت يتصلح "

 - انشاءالله يا ريم ولو انو ماعادش برشاا وقت في الحياة 

 حست بالضعف في كلامو على قد ما يظهر قوي و صاامد الا انو ضعييف برشاا من داخل فما حاجة صارتلو في حيااتو خلفتلو جرح كبير وعميييق برشاا  

  تبسملهاا "تنجم ترجع لخدمتك توه .. وكيما قتلك ما تخااف من شيء انا ماليوم ماعادش خارج مالشركة باش نستقر في تونس نحب نكمل عمري في بلادي يزيني مالغربة وكاان تستحق لاي حاجة قلي احسبني كيما بوك....

    هو كمل كلامو وهي حسة بحاااجة غريبة غريبة برشااا احساس عمرها ما حستوو حست حاجة تجبد فيهاا ليه كلامو اثر فيها تمناات تمشي تعنقو وتبكي ... 

    تعداات الايااماات فيسع

 <><> فيسع و وفى العاام  ريم و احمد تخرجو مهندسيين الحمد لله حلمهم تحقق الصعيب الكل تعدى انشاءالله ربي يسهللهم ويلقااو خدم في مستوى قرايتهم بااش ينجمو يعرسوو و يعيشو في داار صغيرة مبنية بحبهم و غرامهم 

       كانو قاعدين مقاابلين البحر  فوق الرمل راسو فوق حجرهاا تلعبلو بشعروو وهو ساارح في وجهها و في عينيهاا 

 - حبي مانيش مصدق غدوة خطبتنااا 

 - ههه اي يا روحي كاهو انا ماعادش نجم نصبر عليك ماعادش نشد روحي  وعض على شفاايفو 

 -هههه يزي احمد حشمتني 

 قام من فوق حجرهاا بقى مقابلها عينو في عينيها ويديه في يديها 

 -  ماعادش تحشم مني روحي ساايي انت توه بااش تولي مرتي و ام صغااري بااش نكملو حياتنا مع بعضنا نفرحو مع بعضنا ونبكيو مع بعضناا انت السند متاعي وانا كيف كيف انت الروح لي نعيش بيها و الهوى لي نتنفسو انت شمسي و نجمتي وقمرتي انت نور عينيا انت وردتي الي نعشق ريحتهاا انت حيااتي يا ريم  

 -حست عينيها تملاات بالدموع وقلبها يدق يدق بالقوي كلامو يذوبها و يطيرها للسماء 

   حط شفايفو على الدمعة لي هبطت على خدهاا وبااسهاا 

 ضحظك وقلهاا على ذكر الصغااار قداش باش تجيبلي من صغيير ?

 ضحكت وقتلو زوز فيه البركة بنية و وليد ههه 

 -اااه  لا شوية زوز عالاقل اربعة والا خمسة 

 -ههههه بربي مااو موش انت اللي باش تحبل بيهم وتولدهم 

 -ههه لا لله كان تحب تو نولد معااك صغير ولا زوز ههههه 

 -هههههه يزي مالبلادة 

 عدى صبعو على خشمهاا " موش مشكل قدااش من صغير يا روحي المهم انت معايا ما نحبكش تبعد علياا نهاار لين نكبروا ونوليو عزاايز و نكملو عمرناا مع بعضناا ورجع تحكى فوق حجرهاا ودور يدو على ظهرهاا

حلقة 17

  هياا يا ريم قوم بااش نحظرو الداار ونفرشوه

 <><>اا خطبتك رااو اليوم 

 جاوبت وصوتها بالنوم بالسيف تحل في عينيهاا "ااه خليني راقدة يا سحر تااعبة عالاخر 

 تكلمت امهاا "سحر خلي اختك ترتااح هااي ريهاام جاية هي وخالتك و هاني انا معااكم تو نحظرو كل شيء 

 -اييه نااس تعرس ونااس تتهرس هههه

 -يزي مالظماار يا  سحر وهياا ركب معابيا الريدو انشاءالله العقبة ليك انت زادة بنتي 

   جات خالتها ومعاها ريهام ههه خالتها ملي دخلت وهي تزغرط ههه  حااسو الجماعة في القضية و تحظير الحلوو و صوت الضحك و التفذليك واصل قداام الداار 

  تعدى الوقت تلمو الجماعة الكل فطروو وقامت للا ريم 

 خزرتلها خالتها -هيا هاي قامت العروسة   

 هههههه يعطك دودة ياخاالتي الغاليه .....امي هاني مااشية للحجاامة كيما وصيتك كان وصل مولى الشركة افرحو بيه وقوموا معاه بالواجب انشاءالله نكمل فيسع ونجي قبل ما يوصلو الجمااعة "

 -باهي بنتي باهي برى ربي معاااك 

  مشات ريم للحجامة ومعاها ريهام 

 طلبها احمد "- الو رمرومتي" 

 - وي يا روحو رمرومتك 

 -توحشتك حبي 

 - كان تشوف انا يا روحي هااو سايي قريب نكمل و انتوما وينكم 

 -هههه الخمسة متاع العشية نكونوا في داركم .. اما اسمع كيما وصيتك الروبة نحبها طويلة و مستورة و العرى لااا مفهوم  

 حست برعشة في بدنها الكل و فرحت "مفهوم حبي مفهوم 

 كملت زينتلها الحجامة عملتلها ماكيااج سامبل و حلو ولبستهاا روبة في الروز فااتحة  و عملتلها مشطة حلوة طلعت تهبل تهبل 

 -تباركالله عليك محلااك و مسمح زينك احمد عندو الزهر ههه (قالتلها الحجامة) 

 تبسمت وخدودهاا حماارو تحس في ساقيها يرعشو وباش تلعب عليها الدوخة 

 طلبت سي علي زادت اكدت عليه بااش يجي و نعتتلو الداار والحومة ملييح ... وخرجت من عند الحج

 <><>امة هي وريهام وقفو تاكسي و ركبواا 

  وصل سي علي للحومة   بقى يسال في العبااد و كل مرة ينعتو حد لين وصل لداار ريم هبط من كرهبتو والنااس الكل تخزرلوو ويتسااءلو (شكونو الراجل الاكاابر اللي جاي لدار سميرة)

 دق البااب حلتلو ام ريم البااب وكااانت الصدمة ......................

     قعدو الزوز يخزرو لبعضهم مصدمومين ماهم فااهمين شيء هرب الكلاام.... سميرة وجهها صفاار  كيما كعبة القاارس  تبلع في ريقها بالسيف وقلبها يضرب في الالف 

 - ع.ع .عل..علي..(تنطق في اسمو بالسيف) 

 - سميييرة مصدوم وماهو مستوعب شيء في مخو الف سؤاال و سؤاال 

 - علي اش..اش  مجيبك منين طلعط ?? 

 هوما هكااكة و وصلت ريم هبطت مالتاكسي شافتو فرحت هبطت تجري مشات سلمت عليه "اهلا سي علي مرحباا تفظل ادخل شبيك قدام الباب "

 خزرت لامهاا كانت شادة الباب بيديها وجهاا يمشي الواان ويجي الواان مانجمتش تشد دموعهاا 

 - امي شبيييك لباااس 

 سكتت ما جاوبتهااش مالصدمة بلعت لساانهاا  

    برشاا حاجاات موش مفهومة برشاا سؤالاات ما لقاتلهمش اجوبة تخزر للصدمة اللي في وجه امهاا تلفتت لسي علي لقااتو يخزرلهاا باهت وهو زادة مصدووم و موش مستوعب 

  هوما هكاكة و يسمعو في صوت الكراهب و التزمير احمد وعايلتو وصلوو ....

 خرجت خالتهاا باش تستقبلهم شاافت المشهد هي زاد دخلت في حيط مشاات تجري لاختهاا "سميرة سميرة اش مجيبو هذاا تكلم ??

 - مانعرفش .... ما نعرفش اماان بااش ندوخ يا وخيتي 

 - باهي شد روحك  سميرة اكبس روحك خلي النهاار يتعدى على خير 

 دخلو الجماعة وتعبات الدار بالعبااد امها ملي قعدت ما عاودتش قامت تخزر لعلي مصدومة وهو عينيه ما بعدتش على ريم يشوف فيها فرحاانة باش تموت بالفرحة تضحك من ع

 <><>ينيها و احمد كيف كيف يخزرلها من تحت لتحت وساعة ساعة يغمزهاههه 

   تعداات العشوية ما يعرفوش عليها كيفاش تعدات جاب ربي خالتها لهلوبة و ما تحيرش انقذت الموقف خطبو البنية و روحواا فرغت الداار بقى كان سي علي ماحبش يتحلحز دخلت ريم لبيتها بدلت دبشهاا 

 ريهام نادتلها امهاا " شوف كيقااش تخرج ريم و سحر مالداار هزهم اعملوا دورة تصرف "

  -علااش اش فما 

 -اعمل كيما قتلك توه بعد نحكيلك 

 دخلت ريهام ندات لريم "ريم ...سحر هياا معايا حاشتي بيكم 

 -شنووة ريهاام شبيك لوين هازتناا 

 -هيا هيا اخرجوا نعملو دورة هياا 

 الحاسيلو خرجو مالداار و بقااو كان سميرة و اختها وعلي ....

الحلقة 18 

 دارت سميرة لاختهااا "خلينا وحدنا عيشك عنا ما نحكيو "

 مشاات اختهاا للكوجينة تلم فيها 

  بقاو الزوز واقفين مقابلين بعظهم 

 سميرة تحكي بالشهقة  ودموع هابطين شلاال من عينيهاا 

 - يا علي اش مرجعك بعد السنين هاذم الكل علااش جااي توة علاااش...تحير فالجرح من جديد 

 -سميرة اسس... ما تبكيش اماان دموعك هابطين كالسكاكن على قلبي اسكت عيشك ...

      بااش نرجع بيكم 25 سنة لتاالي علي عمرو 28 سنة اشب عازب في الحومة هو الكبير في خوااتو من عايلة مستوريين كمل قرى اقتصااد و مازال ملقااش خدمة واحد فريفطة مايتشدش بمقص الناار امنيتو الوحيدة انو يخرج من تونس و يمشي لبرة بااش يحقق احلامو الكل و سميرة بنية عمرهاا 23 سنة كانت نسخة على ريم بنتها نفس الزين و الشبوبية دارهم ناس زواولة عالاخر تلزت هي واختهاا باش يبطلو القراية و يدخلو يخدموو في المعمل هي وعلي كانو يسكنو فرد حومة  الباب مقاابل البااب حبو بعضهم بدرجة كبيرة مايتصورهااش العقل حبهم كانو يشهدو بيه النااس الكل كانو ما يتف

 <><>ارقوش كان في نوم الليل هو يموت عليها وهي تعشقوو صاار بيناتهم كل شيء سلمتلو في بدنهاا وفي شرفها و هو زادة ماكانش ناوي يلعب بيهاا كان ناوي يعرس بيها ويكمل حياتو معاها و لكن المشكلة بو  سميرة وبو  عليي يكرهو بعضهم كره كبييير لا واحد يطيق الاخر قلولهم  كان تشعلو صوابعكم شمع كان تطلعو للسماء  ماكمش باش تاخذو وماكموش بااش تكون بعضكم  .... العذاب لي حسوه وقتهاا يفوت كل الحدود هو ما ينجمش يرفض كلام بوه و هي زادة اما هوما لي خلصو الفاتورة 

   نهاار تقابلو بالسرقة علي نهارتها كان مساافر باع صيغة امو وحط فرانسا بين عينيه 

 - سميرة انا اليوم قاصد ربي مساافر تخنقت لهناا لازمني نخرج من تونس حتى انت اللي كانت صابر على خاطرك وحامل الهم ماكش باش تكون لياا 

 -اي واللي صاار بيناتنا .... و حبنا باش يموت باش يمشي خسارة (كانت تحكي وتبكي)

 حط يدية مسحلها دموعها -الله غالب موش مني ...الدنيا حبت هكاا ..انت ربي يواجهك خيرر على خاطرك تستحق كل خير وتو بالوقت تنساني و انا نحاول ننساك .. حبيت نشوفك لاخر مرة قبل مانساافر " باسها من جبينها ومشى 

   تعذبت برشاا و بكات برشا بعد 4 شهور فاقت بروحها حبلة بريم سمعو دارهم بالحكاية كلات على راسها الضرب لين بدنها حلف و صار فيهاا نقلو مالحومة و عطاوها لرااجل اكبر منها ب 20سنة (بو سحر) وعلي من نهارتها ماعودتش سمعت عليه حتى خبر 

  قعدو يتفكرو في اللي صار الكل شدها علي من كتافها "سميرة جاوبني ريم بنتي تكلم ريم بنتي اناا اصلا مالنهاار لي ريتها ذكرتني فيك فيه حسيت بحنية تيجاهها حبيتها و ما كنتش نعرف علااش جاوبني يا سميرة الي في مخي صحيح ريم بنتي و بقى يخض فيهاا 

 - اي يا علي ريم بنتك بنتك فقت بروحي حبلة بيها بعد ما 

 <><>سافرت انت.....وانت مشيت و  انقطعت اخباارك نستخاايلك متت و هي زادة في بالها اللي بوهاا ماات 

 بقى يخزرلها باهت و عينيه معبية بالدموع 

 عاودت تكلمت "علي عيشك انا تعذبت برشاا باش وصلتها للي هي فيه توه ماتجيش انت في نهار وليلة  تهدملها حياتها ما في بالها بحتى شيء هياا ما تصدمهااش 

 - وانا يا سميرة ما عنديش حق نعيش مع بنتي ماعنديش حق نكمل عمري معاها ...

 -عيشك ما تزيدش تصعبها علياا امشي اخرج ارجع منين جيييت 

     خرج مالدار يكركر في ساقيه عرضتو ريم في الباب حملهااا وبقى نازل عليها "مبرووك بنتي انشاءالله بالهناء "

 جاوبتو باهتة  عيشك سي علي "

 تبسملها و ركب في كرهبتو ومشى

الحلقة 19 

 دخلو البنات للدار ريم موش فاهمة شنوة قاعد يصير الدنيا داخلة بعضها سالت امها ما حبتش تجاوبها دخلت لبيتهاا خلطت  عليها خالتهاا "هي وينك عروستناا "

 -هاني خالتي شبيها امي شنوة لي قاعد يصير 

 -لاشيء وراس بنتي امك تعبت شوية مالقضية اليوم هذيكا هي الحكاية وزيد متاثرة ياخي كل يوم بنتها تتخطب هياا ههه ايا ارقد وارتااح 

 ليلتها ما جهاش النوم قعدت تخمم في اللي صار اليوم نهاار موش عادي فرحت فيه برششاا اما مافهماتوش طلبها احمد قعدو ليل كامل يحيكيو ويتمعشقو لين هزهم النوم قامت في الصباح تلقاه يستنى فيها في الصالة هزها وطار خرجوا  حوسو وعداو نهاار مع بعضهم طايرين بالفرحة العشية وصلها لدارهم وقفو  قدام الباب "هيا حبي تصبح على خير روح طول ما تبقااش تسهر عااد "

 -هههه اسمع يا سيدي بديت تحكم مت تة صار انت 

 -ههه مالا اش في بالك انت من توه كل شيء بالوقت هههه 

 - هيا ادخل ادخل و خليني نمشي 

 دخلت تسمع في امها وخالتها يحكيو 

 -ااه سميرة شنوة بااش تعمل توه ب

 <><>ااش تقلهاا 

 -لا الموضوع هذا مالازمهااش تسمع بيه جملة 

 - والله حرام عليك احكيلها طفلة كبرت ولازمها تعرف يعجبك تشوف في بوها كل يوم و هي ماتعرفوش قلهاا ريم مخها كبير و تفهم 

 تصدمت صدمة كبيرة حلت الباب و دخلت تجري "امي شنوة الحكااية .....شنوة الي كنت نسمع فيه 

 امها تفجعت وجها لخلخ "ريييم وقتااش جيت 

 -امي قتلك احكيلي الحكااية امااان مخي بااش يطرشق راوو ..بابا مازاال حي و شكونو وعلاش كذبت عليا وقتلي الي بابا متوفي.....

 تكلمت خالتهاا "ريم علي هو هو بوك  لازمك تعرف وحكاتلها الحكاية الكل "

 هبطت على ركايبها طرشقت بالبكى يعني سي علي هو بوهاا و فهد ولد عمهاا كانت تشوف في بوها كل يوم قدامهاا و هو زادة ...حبتو و ارتاحتلو ... وكانت موش فااهمة علاش حست هكاكة عاشت عمرها محرومة منو ومستخقة لحنيتو وفي مخها الي بوها ميت وهو حي يرزق كانت وين تقول لامها اعطيني تصوير متاع بابا نحب نشوفو كانت تقلهاا اللي تصااور ضاعو و مابقاتلهم حتى ذكرى عليه ...توه فهمت كل شيء ... بقاات تبكي شووك قوية جاتهاا 

  امها بقات تسكت فيهاا "ريم عيش بنتي ساامحني سامحني انا زادة تعذبت و تمرمدت ظحيت بعمري على خاطرك وحملت الايهانة و رظيت نبقى نعيش مع راجل لانحبو لايحبني باش انت ما تسمع حتى كلمة خايبة 

  هزت روحها وخرجت تجري حبت تبقى وحدها وتشم شويه هوى بالك تنجم تهدى شوية 

    كانت تمشي في الكيااس  دنيا ضلام و شارع فارغ وتشوف في ضو كرهبة ماشي ويقربلها لين لسقتلها شعرة لا غفسطها مع الحيط حلت عينيها حبت تثبت ما نجمت تشوف شيء ضوو ساطع قوي تحل الباب و هبط راجل قربلهاا شافتو ركبها الرعب فهد كان واقف قدامهاا حبت تهرب مانجمتش كانت محسورة بين الكرهبة والحيط 

 -ههه ماشي

 <><> في بالك مانيش باش نطلعك  ااه ماشي في بالك سايي نفدت مني " 

 سمعت اختها تعيط  "ياريم ...ريم 

 فرحت ولات تصيح سحر يا سحر اجريلي اماان  

  شدها من شعرها وطلعها في الكرهبة وطاار كالعجاجة بقات اختها تجري ورى الكرهبة وهي تضرب في البلار و تخزرلهاا 

 حفظت اختها السيري متاع الكرهبة و رجعت تجري للداار حكاتلهم دخلت فيهم غولة خرجو يجريو للمركز و طلبت امها علي جااهم يجري

    وصفتلهم سحر فهد و الكرهبة وعطاتهم السيري ياخي  عموو عرفو جبد تاليفونو يطلب فيه مايجاوبش هز مفاتح الكرهبة وخرج يجري يلوج على بنتو خاف لا تضيع منو بعد ما لقاها

النهااية      -فهد خليني نهبط امان لوين هاززني 

 -سكر فمك سكر فمك ماك تصحح في راسك وتتحدى فيا هاك باش تشوف وجهي الاخر 

 وقف الكرهبة في بلاصة خلى وقيفاار هبطها شد يضرب فيها زرقلها بدنها الكل بالظرب فرغ الغل اللي في قلبو الكل و خلاها مطيشة قي الكيااس و خدم كرهبتو مشى من غير ماتتحركلو حتى شعرة  

     قعدت مرمية عالكيااس وتبكي بدنها الكل مدمدم مانجمتش تقوم على ساقيها ومبعد حست بدوخة عيناها بداو يتغمضو 

   حلتهم في السبيطار جاب ربي فما شكون تعدى بالصدفة شافها وهزهاا و خبر الشرطة جاو عايلتهاا حلت عينيها بالشوية تفكرت اللي صار فيها ولات تبكي طبست عليها امها تحمل فيها وتبوس"اللطف على بنتي ما تخاافش الشرطة شدتو اكا الساقط تو ناخذلك حقك منو ...ماهيش باش تتعدى بلاش عملتو  " 

  خزرت شيرة الباب تلقى بوهاا واقف يخزرلهاا و الدموع على خدودو ناداتلو "بابا "اول مرة تنطقها الكلمة هاذي  مدتلو يديها فرح و جاها يجري يمسحلها في وجهها و يبوس في جبينهاا هذي بنتو قطعة منو دمو يجري في عروقهاا حمدربي اللي هي رجعتلو لبااس هي توه ر

 <><>وحو وحياتو  

  طمنهم الطبيب و قالهم اللي حالتها موش مخطرة  جاب ربي جاتها جلدية  

    عدات الليلة هذيكا في السبيطاار في الصبااح جاها احمد يجري مفجووع عالاخر بقى يسال فيها شنو ة الي صاار كذبت عليه قتلو عملت اكسيدون ما حبتش تقلو الحقيقة باش ما تزيدش تكبر الحكاية 

 و عرف اللي سي علي  طلع  بوها مالاول ما تقبلش الحكاية لكن بعد اقتنع  

   فهد عدى 6 شهور في الحبس وبعد ماعرف اللي ريم بنت عمو ندم برشااا و حشم علاخر تمنى لو كاان مات قبل ما يعمل هكاكة بقى يطلب في السمااح ويعااود اما شيء توه فات الفوت  خسر كل شيء و خسر محبة عمو بعد اللي صار ماعادش تنجم ترجع علاقتهم كيما قبل   حااول بااش يعاود يكون حياتو من جديد و يعمل على روحو وخذى درس من اغلاطو 

    احمد ولا يخدم مهندس و تحسنت اوضااعو و ريم بوها كتبلها الشركة باءسمها قعدت هي لي لاهية بيها و واقفة عالخدمة 

    اليوم عرسها هي واحمد بااش يعملوه في وتيل كل شيء خطااروه من احسن الانوااع حتى الروبة صمموها خصيصا ليها هي النااس الكل فرحانين و زاهيين اما فرحتها هي ما تتوصفش في نهار وليلة تبدلت حياتها الكل اللي عاشت محرومة منو لقااتو بين يديها اليوم 

   كانت قاعدت في الشومبر متااع الوتيل هي و الحجامة سايي حاظرة وتستنى في العروس ههه 

  دق الباب قانت حلتو  تلقى بوها وامها واقفين شاديين يدين بعضهم (هوما زادة اومورهم عاال العاال ) شفوها عينيهم دمعت حملتهم الزوز مع بعضهم وبقاات تبوس فيهم  علي يخزرلها  متبسم .قللها  "انت احلى عروسة شفتهاا في حيااتي" ولبسها شركة ديامون الهدية متاع العرس شدها من يدها وهبطهاا في الدروج الناس الكل يخزرولهم مبهورين بزينهاا احمد كان واقف لوطة يستنى فيها محلاه هو زادة يه

 <><>بل لابس كوستيم نواار و كرافات بيظة حاطط يدو في مكاتبو وصحابو دايرين بيه شافهاا عينيه وسااعت وضحك هي حاسة روحها باش تدوخ وجها احمر و قلبها يدق بالقوي ترهوجت وشعرة لا طاحت وصلو قدام احمد كان يخزرلها باش ياكلها بعينيه وهي حاشمة وخدودها حمر هزلها بوها يدها وحطها في يد احمد  باسها من جبينهاا وقلو "احمد نحبك تحطها في عينيك "

 -  تهنى عمي هذيكاا عينياا ....

     هذي هيا حكايتناا حكااية القدر و الحيااة