جسد للايجار

(دخل صالح يجري) راهي باش تولد ...لازمها طبيب ..مرا باش تموت 

لا طبيب لاوالو (طيشت سيقارو من فمها ) باين عليك شاهي تودرنا ..الله لاتربحك يا هادي ..عمل عملت و فصع ولد الهجالة ...ناقصة هم ...برا نادي جليلة و محرزية خلي نولدوها هسخطة 

ااااااااه باش نمووووت ....اااااااااااه ..ياربي ..ارحمني ...اااااااه (مرا في اول ثلاثينات مزيانة بلندة شقرا و عينيها شهل  عندها بوسة خالق فوق شفايفها المليانة و غمزات ظهرين برشا شعرها طويل و هابط على اكتافها )

جليلة ..زعما ليليان باش تولد 

امالى محرزية وخيتي ...عيشة منديتنا على سواد عينينا ...تذكري اول مرة جت ليليان للحومة ..فتقة متع زين قولش عليها قاورية  في لخر ولد الهجالة لوحها و هرب. ..زيد خلاها حبلا ..عند الي ميخافو ربي 

اسكتي علينا لا يسمعوك ...اش عنا فيهم نولدو لمرى و نروحو على رواحنا  

اكبسي روحك ها ليليان فتاته و تولدي ..دزي ..زيدي ..دزي

الله مصلي عنبي طفلة كالقمرة ها ليليان ...شدي ها جليلة نظفاها ...ليليان ...ليليان (خرجت تجري )عيشة اجري لمرا ماتت ...لمرا ماتت 

اي هاذي انا الي ولدت من سبعة و عشرين سنة انا بنت حرام حليت عينيا لا نلقى لا ام ولا بو كان عمة تخدم  في بواتا رقاصة ..هي الي ربتني و علمتني سر صنعة انا ليالي  

اسمي ليالي  ...علاش سميت روحي ليالي  خاطر حياتي في ليل احلامي طموحاتي  يترسم على برد  ليل  ...ضحكتي دمعتي فرحتي تذوب مع ظلام ليل  ..تربيت بين كلاب شارع..و سكرى و قمرجية ...كيما يقولو ولد الفار يطلع حفار هههههه انا توا اشهر رقاصة في بلاد الكل  هاذيكا خبزتي ...انا بنت ليل 

امي من عايلة ارستقراطية  لعب عليها واحد خامج وهمها بحبو و وقت وثقت فيه غدرها و خذا اعز ماعندها بسيف وهرب كانت نوارة ولت جثة باردة  دفنوها تحت جناح ليل

كانت تتمايل كلهيب نار  دفيك من بعيد اما تحرقك من قريب بدنها كلو انوثة طاغية  كسكين تجرح ترقص قلش عليها طايرة مابين النجوم ... الي في صالة كلهم مركزين معاها مسيبين لبنات الي في البار كل و مركزين معاها اصلا شكون ينجم يشوفها و ميدوخش فيها  و معاها هي  كانت قمحية شعرها طويل و ارطب يتمايل مع كل حركة تعملها  لونو احمر عينيها واسعين شهل شوافرها طوال و حواجبها كاملين فمها مليان يشهي و بوسة الخالق الي بحذاه كملت حلاتو عاملة  تاتو في كرومتها كل شي فيها كامل و سبحانو وحدو الكامل 

لابسة تيني الرقص زاد بين  صدرها و فخاذها كانت تخلي اي راجل يشتهيها  مهما كان قوتو و سيطرتو وجبروتو   

(كملت دخلت للفستيار توا باش يبدى وقت البيع و شرى الي باش يدفع اكثر باش تسهر معاه الليلة باش تبقى معاه في طاولتو تونسو  هي بدنها سلعة للعرض كل بحسابو وكل حاجة في دنيا عندها صوم  و هي مترضاش باي صوم صومها غالي برشا ..اما مهما كان صوم قدام شرفها يولي رخيص   )

ليالي اخرج هانو محسن العامري يستنى فيك (عيشة حلت الباب و دخلت)

مهوش باش يبعدني هاذا ...ضرب لصق ..اسمع عيشة تعرفني ..سرير لا  ..شبيك متفهمش  ..قلو عندها متعمل الليلة (دارت تبدل في دبشها)

شوف شنية بعثلك ساعة ..و وخيتي نخاف منو ..مرة الي فاتت زعما لا قتل صالح .. بر احكي معاه انت (مدتلها باكو حلاتو لقت فيه صياغة ديمونت تقهر )

اووووف ...برا هاني خالطة وراك ...

لبست روب نوار اجيستي  قصيرة لمت شعرها فوق و خرجت تتمايل و مع كل نظرة من عينيها تحيا قلوب رجال  و تموت قلوب ..

عسلامة يا وردتي.. يا ليالي الانس متاعي ...يا فرحتي ..و زهرة قلبي (جبدلها  الكرسي و كقعدت رجعو )

اهلا بيك ...عزيزي انا ماني متع حد ...انا متاع روحي هههههه(جبدت سيقارو).

وقتاش تحني عليا ..شنية تروح معايا ليلا ...كثرتلها راك 

عندك جمعة وانا لحلح بيك ...هبلتني..توا انا الي نشاور  بصبعي ناخو الي نحب عليه ...تعود الحجة قدامي و منجمش نمد ايدي نهزها..ايا اش قلت ..وافق ليلة بركة و نكتبلك فيرما باسمك 

تعرفني نحكي كلمة وحدة ...انا نسهر اي نعمل جو اي اما سرير لا  ..مش كان تجيبلي ديامونت كان تنحي عينيك و تحطهم في ها صندوق ..اوك (تشوفلو بتحدي تنفخ في دخان )...شد كادوك محشتيش بيه ...فيرما اكتبها مرتك خير (طفت سيجارو جات قايمة)

لا هاذا ليك .تعمل بسمك ..و مايطلع كان على رقبتك الي كيف البلارة  ...اقعد امان ..اسهر معايا ..شنية ليالي معنديش خاطر عندك (شدلها ايدها باسها)

(مدت صياغة عيشة و جبدت كاس وسكي قدامها ) عندك خاطر عندي اكيد ههههههه

فاقت مع نص نهار نادت البون 

سلوى ...سلوى ...وينك يا سخطة 

نعم للا هاني هنا (جت تجري)

جبلي قهوة ..ودوا لراسي ..فيسع(كانت كل يوم تقوم مفجوعة من نفس الحلمة تحلم بروحها تعوم في بحر دم تسبح و تصيح وين توصل لشط تلقى واحد مذبوح و دمو يجري مع لبحر )

خرجت لبلكون غمضت عينيها و دارت لشمس حست سخنتها ضوت روحها و دفات قلبها متجمد كانت تشوف في رجال كل رخاص خينين كلاب يحبو لحمة طرية و ساهلة كانت تكره كل شي فيهم تعافهم و على راسهم بوها كان لقاتلو الموت راهي شرتهالو 

(دخلت عيشة ) صباح خير ايجا لفطورحاضر و قهوتك زادة 

جبولي قهوتي هنا معينيش في ماكلة (طلع في شعرها فوق)

الحلمة متع كل يوم (قربتلها حطت ايدها في حزامها)

اي ...منجمتش نعرف شكونو ..شنية علاقتي بيه (دخلت هزت القهوة و قعدت على فرش)

قتلك هيا نهزك لشيخة رابحة (قصت عليها)

سكري على ها الهدرة ..خلي نمشي salle de sport..بعدها ماشية salon de beauté من غادي توا نجي ديراكت للخدمة (هزت منشفة دخلت لبيت بانو )

دخلت للبانو و حلت فيروز و غمضت عينيها تفكرت منظر الي راتو في الحلم ..شكون هاذا زعما ..اوووف ..وجهو ديما موش واضح ...بففففف

(دخلت  salle de sport جاها بديع يجري) 

تفضل ليالي وينك فقدناك جمعة كاملة ..ها لغيبة..زعما قلت بدلتني 

ههههه تعرفني منبدلش  احبابي  ..انا منلقى راحتي كان هنا (نحت لينات كانت لابسة كلسو روز و خلعة كحلة مفصلين بدنها) ايا نبداو 

بطبيعة تفضل (حللها الباب) 

هي خارجة و قابلها حسين  واحد  مضروب في روحو ضربت لقضى اما هي محتاجة تخلي علاقتها بيه  طيبة لوقت الحاجة بوه وزير دفاع  كل مايبدى عندها مشكلة ولا واحد مقلقها  بتلفون منها يبات في قلبو 

اهلا بروحي ...سافا (باسلها ايدها)..عنا برشا على هطلة الباهية ..توحشتك 

وينك حوسي سافا ..حتى انا توحشتك...انت عندك برشا مشرفتناش بحضورك... شنية نسيتنا ههههه(في قلبها برا ممسطك ..ملا راحة نن منظرك)..شنية بدلتنا (غمزاتو)

الي شوفك ..مازال يحلى في عينو غيرك هو هههه...شوي خدمة ..اكيد توا نطل

خلاتو تعدات تمتم ..طل عليك موت نشالله 

في ليل هي ترقص في صالة شافت وجه جديد دخل ..ملي في باب و ناس كل تسلم و تهلل كانت مركزة معاه ...باين فيه شخصية عندها نفوذ كبير خاصة و حسين قاملو باش يسلم عليه  

تفضل سي مراد ...تفضل ..مرحبة بيك(حسين يتمسكن)

اهلا حسين لاباس 

سافا لاباس 

كملت ترقص و كعادة ماخذة عينين ناس كل ...ساحرتهم ..معيشتهم في دنيا اخرى الا هاضيف جديد كان شاد كاسو و مهوش معدل جملة عليها 

(مراد يحكي :دخلت نلقى  غزالة تتمايل بقيت لحظات مبهور بيها و انا مش ساهل وحدة تلفت انتباهي ..القوة الي تسري من بدنها كل ...عينيها قوية و خطيرة 

قعدت مع حسين و باقي نحاول مركزش معاها لكن في لحقيقة كل حركة منها تاسرني و كل هزة منها ذوبني 

حسيت مشاعري كلها تتحرك معاها قلش عليها ترقص ليا انا وحدي ..كاني انا وياها برك في صالة  

معرفتكمش بروحي انا مراد صاحب امبراطورية صناعية كبيرة معروف نفوذي و سيطرتي في لبلاد انا في ثلاثينات من عمري عازب و مخممتش في العرس ومش باش نخمم ..اسمر طويل شعري اكحل و عينيا ورثهم عن جدايتي خضر انا ولد على زوز بنات بابا مات و خلالي لحمل كل نرجعو لحكيتنا تلفتت لحسين و حاولت نتجهلها )

(ليالي: كملت هبطت بدلت و بقيت نستنى في عيشة تجي تقولي انا طاولة ليلة بطت عليا انا خارجة وهي دخلت 

ليالي حسين يحب يحكي معاك (داخلة في حيط)

(خرجت حايرة ) شبيك حسين سافا ...

سافا اسمعني مراد جملي يستنى فيك في كرهبتو برالو (واقف يرعش عارفها مش باش توافق)

اما مراد .. اما جملي ...سافا في مخك ..انا منمشي لحد ..الي حاجتو بيا يجيني ...غريبة (دخلت ترحي في دخان  من غزول)

يا عيشة برا احكي معاها راجل بكلمة منو يمسحنا كل من دنيا ...برا زيد حاولها (واقف يتشحت في عيشة)

اخخخخرج عليا ..قلت لا ..يعني لا (خرجت عيشة تجري)

(دخللها حسين ) ليالي ننصحك متعادهوش و اربحيه ...كسري قاعدة مرة اش فيها 

دبر على روحك و توا سمحني برة(خرجاتو و سكرت باب)

(حسين واقف قدام كرهبة و يرعش)

سي مراد ...سسسي مراد محبتش 

(وجهو تكبس وفد ) اش معناها ..قلتلها نستنى فيها و قاتلك ..منمشيش 

قت..قتلك ..من.منمشي الحد ..الي حاجتو بيا يجيني للبار   طلع بلار و بقى ياكل في بعضو 

اش معناها نقلها تجيني متحبش ...هاذي يا بوهالية برشا.   يا قوية برشا ...خلي نشوف اخرتها وين (حل باب وهبط )

(عيشة داخلا) قوم عندك طاولة..حضر روحك

(ليالي دخلت لصالة لقتها فارغة  كان هو قاعد شاد كاس في ايدو يلعب بيه و يستنى )

عسلامة ...سافا ..شبيها صالة فارغة 

انا فرغتها ...حبيت نبقى على راحتي (مازال يلعب بكاس)شوف ليالي المرة الجاية الي نقولو يتنفذ ...المرة هاذي هاني خذيتلك بخاطرك ..رد بالك تعاودها ..اوك 

(جبدت سيقارو شعلاتو من غزول ..فكهولها و طفاه غزلت و حست مخها شاط  هزاتو و حطاتو )

شوف خاطرك ضيف هنا ...خاطرك متعرفنيش ...خاطر قدر في حسين ..هاني باش نعديلك الي عملتو هاذا كل.. اوك ( جات واقفة باش تمشي حست ايد قوية شدتها دارت تلقى عينيه يطاير شر منها)

(عينيهل كان فيها قوة و تحدي مش عادي ) اش تحب ..و ايدك معادش تحطها عليا ..فهمت ولا (تجبد في ايدها منجمتش كان اقوى منها)

اقعد ...خليك رايضة ..بديت نتغشش و غشي مش بهيلك (يحاول يضبط اعصابو)..ليالي اقعد...يزي بلا طول لسان ..اسمع اش عندي  

(نترتلو ايدو و قعدت ) نسمع فيك(ركزت بيدها على الطاولة قعد يتامل فيها... هي من النوع الي عينيها و تفاصيل وجهها كل يعبرو على نفسيتها  يعني متنجمش تخبي  الي في قلبها  )

اسمع ... حاجتي بيك ..ليا وحدي (ينفخ في دخان هي هزت حاجب و حطت حاجب و قعدت تشوفلو و ساكته) نعطيك الي تطلب ..انت عجبتني .. صدقني الي تطلب والي تتمنى تلقى ..عرضي هاذا معادش باش نعاودو 

(هزتلو الكاس من ايدو  و شربت منو ) لوقتاش (رجعت تغزرلو)

شنية لوقتاش(في عينيه حيرة كبيرو حاب يفهمها و يفهم تفكيرها)

لوقتاش حاجتك بيا ..جمعة ..شهر ..شهرين (تبسمت و تكات على الكرسي ) ..عام ..قلي قداش 

(ضحك بخبث ) هاذيكا حاجة ترجعلك عاد ... انت الي تحدد وقتاش ..طول ما انت مشيختني ...نشيخك 

هههههههه(ضحكت ضحكة طويلة زادتلو ثيقتو في روحو )

اش قلت ليالي ...العرض هاذا اي مرا تتمناه ..لكن انا اخترتك انت 

(كبست وجهها و رجعت شعرها لتالي ) شوف ...سييي ..سي مراد ...انا مش موافقة ...كيما قلت برشا يتمنو العرض هاذا ...انا للاسف مش منهم ...انا حرة صعيب حد يملكني ...مش صعيب مستحيل (هزاتو و حطاتو جت ماشية )

 وقف قدامها يشوفلها بطريقة معجبتهاش شدلها وجهها بايد وحدة و نزل عليها وجعها ..دزها للحيط الي وراها قرب منها لين ولى  يتنفس هو وياها فرد نفس... قلبو ولا يدق بلقوي لدرجة انها حست بيه  كيف قربلها  ..ريحتها دوخاتو سيطرت على عقلو و مشاعرو ..حاول يبوسها ..دزاتو على قوة جهدها  و عطاتو كف ..عينيها كانت كجمر  و وجهها احمر و مكبوس..قوتها هزماتو خلاتو يترمى فوق الكرسي كينو فاق من حلمة مزيانة ...حل عينيه و بقى يشوفلها  مش مستوعب الي صار ..هي خلاتو و خرجت 

(بقى قاعد وين خلاتو شرب لين معادش منجم ياقف على ساقيه  كلم الشفور متاعو صاحبو محمد جا باش يقنعو يروح ) 

مراد ...مراد ..قوم ...قوم نروحو (يقوم فيه)

منيش مروح ...انا وحدة *** تضربني بكف ..طيحلي قدري ...اذا مندمهاش  ..متسمنيش انا مراد (يدز في محمد يتطايح و حالتو حالة)

باهي ..غدوة اعمل الي تحب (تلفت لشفور )شنية صار ياخي (عملو بكتافو منعرفش وصلو للكرهبة و روحو)

فاق صباح راسو يوجع في مخو اسم اكاهو "ليالي "

اليوم لازمني ..نفضها  ..اليوم يا ليالي ربيك (شعل سيجارو)

ليالي روحت تغزل فادة مش مستوعبة الي صار تحكي مع روحها كمهبولة و عيشة تشوفلها )

انا واحد هامل طحان ..يعمل فيا هكة ...شنية في بالو مطيشة انا ...في بالو **** الكلب ..الواطي (تحرق في دخان لصباح)

(حضرتلها عيشة البانو ) ادخل اعمل دوش تو تهدا اعصابك انا هاني باش نمشي نرقد

جا وقت الخدمة كعادة دخلت بدلت جا وقت تطلع ترقص خرجت لقت الصالة فارغة مافيها حد وقفت تتلفت ايمين يسار ..هبطت بيرو المدير 

سي نذير (سكتت)..اش تعمل انت هنا.(عينيها محلولا و متغشة ) سي نذير اش يعمل هاذا هنا 

ليا...ليالي ..سي مراد المالك جديد ..شرى البار 

كيفاش ...شنية تحكي (شعلت سيجارو يتفرج عليها و تبسيمة على فمو )..شبيها صالة فارغة ..مناش خادمين

(وقف من الكرسي و جا قدمها) بش نخدمو يا ليالي باش نخدمو ...انت باش ترقصي و انا نتفرج ههههه

ههههههه(ضحكت بصوت عالي و عضت على شفتها لوطانية) الخدمة بطلتها ...اوك ...ماعادش راقصة ... دبر فيا 

(رفنت الباب و خرجت حاسة بدنها كلو شاعل ...دايخة ...كان تلقى ترجع تخنقو...بدنها كلو يرعش كعصفور الصغير المجروح )

دخلت بدلت دبشها و خرجت هو يشوفلها و يضحك شايخ بانتصارو

روحت قعدت في صالة تغزل جبتلها سلوى كاس سيتروناد 

انا قتلك جيبلي قهوة ...متفهمش( هزاتو و ضرباتو على الحيط ولت تصيح) 

للا عيشة قاتلي هزيلها سيتروناد (تتكلم و ترعش)

دبر عليا للاتك عيشة ...جيب ****قهوة قتلك (بدنها يتهز و يتنفض)

(دخلت عيشة حطتلها القهوة)هاي ..القهوة ..برا سلوى كمل اش عندك (قعدت قدامها)..شعملنا توا ...فاش تخمم ...باش تكمل تخدم عندو ها سي وذني مراد (حطت ساق على ساق)

نخدم عندو تفدلك انت ...كان نرضى نخدم في ديار هو لا (عينيها شاعلة تلم في شعرها) الليلة ندبر خدمة اخرى توا تشوف ...نقتلو بقلبو ..انا على شكون نرضى

اطلبلي معرفنا كل الليلة دبرلي بار اخر و بصوم اعلى من بار نذير فهمت (شعلت سيقارو اخر)

(شدت  عيشة  الاجندا و كل واحد تكلمو يجيبلها حكاية من الحيط حد مش حاب يخدمها كلهم خيفين من مراد ...هي ولات تتطلع و تهبط )

اش معناها ..وين يحب يوصل ...يعجزني و طيحلي خشمي مستحيييل ..فكري ليالي لازم تلقى حل ...فكري 

(صونى التلفون تبسمت ) شفيق ...عزيزي ...توا كنت في بالي سافا هههههه(تضحك) 

يا فرحتي  ...انا جيت في بال ليالي بكلها ...الحمدلله و انت

انا مش لاباس ...نلوج في خدمة (تدلل عليه)

هاذا الي بيك الليلة . ..توا تجي و بلاصتك موجودة ولي تطلبو نعطيهولك و نزيدك فوقو (باش يطير من الفرحة)

اوك ..لحظة و نكون عندك ...نعرف روحي ميخليهاش بيا ...نعمبو زينك (ولات تنقز من الفرحة حست روحها ربحت المعركة معاه)

هزت الكرهبة ومشت لخدمتها جديدة طايرة بالفرحة ...دخلت لقت شفيق في الباب يستنى فيها سلمت عليه دخلت للفستيار تلبس و تحضر في  روحها باش تخرج تسمع  في الباب تحل 

عيشة ...لحظة ..هاني خارجة 

منيش عيشة ...و اخرج توا 

(صوت مش غريب عليها) ممم...راد ...مراد(متعرفش علاش خافت ...اول مرة تخاف) 

اي مراد ...واخرج توا احسنلك ...سي نو تو نجي انا نخرجك (يتكلم بغش)

هبلت ياخي ...نبدل في دبشي ...اصبر لحظة هاني خارجة (دخلت بعضها و توترت)

والله كانك عليا معنديش مشكلة نجي نخرجك هكاكة (يضحك ببرودة )

عاودت لبست فيسع دبشها و خرجت شدها ديراكت من ايدها و جبدها ...كانت تمشي وراه وهو يكركر فيها بسيف

سيب ...سيب سخط ...منيش زايلة تجبد فيها وراك (تضرب فيه بغل و هو مش حاسها جملة ) 

وصلو للباب لقت قردكوراتو شدين شفيق و لي يخدمو معاه كل 

سيب الراجل ...يخي اش تسخايب في روحك انت ...الدنيا على قرنك ...تسيبني (مزالت تضرب فيه)

(وصلو للكرهبة تلفتلها)اشششششششششش(حطلها صبعو على فمها يسكت فيها عظاتو جبد صبعو يتوجع و دزها في الكرهبة )

كانت قاعدة ورجليها تتحرك بتوتر ...ايديها ترعش ... عينيها من كثرت الغزول دمعت ..شادة ورقة تقرى فيها ..هائا الكنترا متع الخدمة هي وقتها صححت منغير متقرا ..توا ندمت 

انت متنجمش تخدم حتى في بلاصة اخرى ...خاطر هاذا عقد لمدة خمسة سنين ...كان ثبت انتي وقتاش عملتو ...يعني مازال في عقد عام و نص ...سي نو تدخل للحبس (مراد قاعد قدمها يضحك شايخ ...عامل جو) 

والعقد ال صححتو مع شفيق ...اش باش نعملو ...كان مخدمتش عندو يدفعني شرط جزائي (تحاول تلقى حل)

متخافش شفيق خذا حقو وافي مينجمش يطالبك بحتى شي ....انت اليوم ظاهر فيك تاعبة ارتاح و غدوة نبدو الخدمة كل يوم تجي ترقصي ليا انا برك و تسهري معايا انا برك واضح ههههههه(يثبت فيها بعينيه باش يكلها مازال مكملش كلامو قامت و خلاتو )

(محمد داخل) شنية سبيسيال في ها لبلاصة حتى وليت تسهر كان فيها (جبد كرسي و قعد)

ليالي السبسيال في ها لبلاصة ليالي (كان يعاود في اسمها كينو مستمتع باسمها ...شايخ على حروفو الي خارجة من فمو كموسيقى)

يا معلم كعادة بات معاها ليلا طير نفحتك ..جديد يا رابح...كيفها كيف غيرها ...وقتاش صعبت عليك وحدة (يصب في كاس)

هاذي مش كيفهم ...هاذي مهرة جامحة متمردة وانا الي باش نروضها (يتكلم و سارح يتفكر في اول نهار شافها فيه )

ياعيني ملا ليالي ...هاك وليت شاعر جملا ههههه(يضحك )

ليالي وصلت لدار طلعت بيتها سكرتها بمفتاح و مشت ميني بار جبدت دبوزة و حطت فيروز و علت الصوت علخر و قعدت تسكر و تتكيف 

كان مربتكش يا مراد الكلب متسمينيش ليالي ...كان متجينيش تحبي على ركايبك ..تمرد و تبكي ...شعري هاذا نحيه لاخر شعرة فيه (كبست على الكاس من غزول لين تكسر في يدها )

صباح فيقت عيشة من نوم و قتلها تحضرلها كسوة رقص جديدة تخلي الجبل يتهد كتوقف لبستها قدامو و مشت salle de beauté صبغت شعرها اكحل و عملتلو كعبات بابليز في لخر مشت لمرا تعمل الحرقوس نقشتلها  هي كانت مغرية اما توا ولت كقنبلة حد مينجم يمنع منها 

جا وقت الخدمة لبست الكسوة جديدة و كانت كيما حبتها و اكثر  حضرت روحها و خرجت  

مراد كان قاعد يستنى تحل ضو شافها واقفة هكاكة قدامو حس بدنو كل رعش حس روحو شاعل دخلاني وقفت قدامو تتمايل و ترقص كيف ما عمرها مارقصت ساعة مهبطش عينو لحظة مرمشش كان دايخ فيها و في حركاتها كان كل قطعة في بدنو تحب عليها و شهيتها كانت كل هزة و كل حركة تخليه يذوب 

 ضاع مراد  في انوثتها كان كيف الغريق الي مستمتع بعذابو و مسلم روحو للموج يبلعو من غير مقاومة 

كملت رقصت هبطتت قعدت بجنبو و هو مزال مصدوم و مخدر 

(تضحك بخبث خاطر ردت الفعل الي حبت عليها شفتها) سي مراد شنية رايك ...عجبك استعراض اليوم ...سي مراد ههههه

(فاق ..جبد شعل سيقارو ) تبرك الله عليك ليالي ...ساحرة (ينفخ في دخان ...قلش عليه خارج من جواجيه و قلبو)

...قام قعد في الكرسي الي بجنبها ...صبلها كاس و حط فيه الثلج ..قربلها و هي كانت مش معدلة عليه او حاسبة روحها مش معدلة هز ايدو الي كانت ترعش و عداها على فخذها ...حسبت روحها تفجعت 

هبلت ...نحي ايدك عليا (تشوفلو بغل)...شنية ظاهر فيه خدك توحش ايدي ...رد بالك تعاودها (بعدت عليه)

شبيك ..ليالي ...علاش تعمل هكة ...مش قتلك انت ملكي ...قداش باش تبقى تقاوم ...توا او بعد باش تستسلم (كان صوتو يرعش كلو رغبة و ضعف)

ظاهر فيك مازلت متعرفش ليالي ...نوعدك وقت الي تعرفها تكره روحك و تندم ..انك قررت تتحداني ...انا مش ملك حد ...انا ملك روحي. ..قتلك عمري مخسرت (تشوفلو و هي مستمتعة بلعذاب الي تشوف فيه في عينيه)

استعد مالا باش تخسر و اليلة زادة ...انت باش تعدي ليلة معايا ...(نقز عليها لوالها يدها التالي و قربها ليه علخر)

هزت الكاس من فوق الطاولة و صباتو على وجهو و دزاتو و خرجت تجري من صالة )

بقى في بلاصتو مسمر كان كل مترفضو بدنو يرفض يعمل اي ردت فعل كان يبقى مشلول في نفس البزسيو كانو عقلو مش متقبل رفضها ليه 

صباح خرجت ليالي كعادة ماشية salle de sport لقت زوز قاردكورات قدام الباب 

شكونكم ...اش تعملو هنا ...شكون بعثكم (ضرب راسها اسم مراد)..اوك مغير متقولو ...مراد لعزا وطبل ...ياخي اش ماشي  فيبالو هاذا  ههههه اوك 

هزت كرهبتها و خرجت و هوما في جرتها كخيالها مفرقوهاش لحظة و كل راجل يقربلها يبعدوه 

كانت تخمم في حيلة باهية دخلت لدار لبست شورت دجين قصير و توب و سبادري و خرجت كلمت صحبتها شهد قتلها جاية عندك ...خرجت بجنب الباب و حسبت روحها تحكي في تلفون 

حبيبي القعدة حاضرة ههههه هاني جاية توا هههه وانا نجم ههه ايا لحظة و نكون حذاك حبيبي 

مراد عندو اجتماع كان يخدم و مركز جاه مساج "مدام ليالي ماشية تقابل في واحد في دارو و هاذي لدراس****"

ولا كمهبول اعتذر من الناس الي معاه و خلى محمد يكمل اجتماع و خرج رجليه اعلى من راسو متعدي ككرطوشة بلكرهبة و ما بين عينيه كان ليالي .

اوك ...ليالي ...عجبتني اللعبة ههههه..اما ..انا الي باش نفوز ..حظر روحك هههههه

وصلت ليالي  لدار صحبتها مازلت مقعدتش دق الباب و دخل مراد عينيه محلولة و كشاكشو طالعة كانت ايديه مكبوسة ظاهر داخل ديراكت معمل على ضرب هزت ليالي عينيها شفتلو بشماته و خبث كبير 

شبيك ...اش مجيبك ..تراقب فيا .ياخي 

سكر عليا ***وينو ...حل ****فمك وينو ...تكلم ***وين مشى 

شكون الي تحكي عليه لاباس....هبلت (من داخل عاملة جو)

الي تتفاهم معاه ...الي حكيت معاه باش تقابلو هنا..تتكلم...وين **** (دخل للبيوت يلوج فيهم يرفن في البيبان و عامل حالة يخي  ملقى حد ...فهم الي هيا لعبة منها ...وهو حصل شدها من ايدها يكركر فيها رجعها لدارها و نبه على رجالو ميخلوهاش تخرج)

جا وقت الخدمة جت خارجة لقاتو هو في باب دزها لداخل وجبد الباب وراه سكرو كانت على عينيه غزرة مطمنش ...عدى عينيه على دار كل تلفت شاف بيت محلولة و مفتاحها لاصق في الباب تبسم بخبث كالعادة شدها من ايدها يكركر فيها  و هي  تصيح و تقاوم من غير فايدة لوحها في الكرهبة منتالي  سكرعليها باب ركب من قدام  حلت الباب و خرجت تجري لحق عليها و شدها من شعرها اعطاها كف داخت عاود رجعها للكرهبة 

بعد ساعتين فاقت لقت روحها في دار متعرفهاش راقدة على سرير مش سريرها 

قامت شادة راسها تتفكر شنية صار ...بعد لحظات استوعبت الاحداث قامت مفجوعة حلت الباب لقت كلوار في اخرو دروج هبطت لقت مراد قاعد يشيش و يسمع في ام كلثوم و مركز معاها 

انت يا حيوان ...يا مسخ ..وين جبتني ...وين تكلم ...رجعني لداري.... رجعني توا لداري (شافها قام دزاتو و لت تضرب فيه)

شبيها مريتي التحفونة متغششة ههههه (يحاول يقربلها دزاتو)

مريتك ...تحلم ...قتلك قبل انا حرة (تهدد فيه بصبعها)

ههههههههه...ههههههههه...(يضحك بهستيريا) ..كنت حرة ..اما تو انت مرتي هههههههه 

مدلها ورقة لقتها عقد زواج و هي مصححة فيه من صدمة انهارت قعدت على الكرسي تبكي 

اكيد مزورو ...اكيد ...مستحيل (قطعاتو )

قطع روحي ...هذيكا نسخة ...الاصلية عندي ...موش مزور ...صحيح و قانوني الف بمية ...تعرف مشكلتك ...مغرورة برشا ...و تستخايل روحك ذكية ...مسالتش روحك علاش شفيق كلمك و علاش وافق يخدمك ...ههههه تعدات عليك هاذي ....غلطتك الثانية و اثقة في ناس الي ديرين بيك ...مسالتش روحك انا كيفاش عرفت نذير و جيت للبار الي تخدم فيه ههههه زعمة عيشة هذيكا اول ليلة تشوفني ولا معرفة ....ههههه غلطتك الثالثة انك تصحح في اوراق من غير متقراهم ههههههه

كلامو قاعد يتعاود في وذنيها حست روحها في دوامة كبيرة  ..وقفت الدنية دارت بيها و طاحت داخت 

بعد شوية فاقت تلقى روحها في نفس البيت متع بكري  دموعها سالت علمخدة بكت لين بردت قلبها اول مرة تبكي من سنين 

بدت تربط في لخيوط فهمت بلي عيشة تعرف مراد من قبل و بعتها ليه و قبضت حقها و شفيق زادة يخدم معاه و وقت الي قالت عيشة تقرى الكنترا بدلاتو و خلتها تصحح على عقد العرس في بلاصت عقد الخدمة 

ااااااه قداش كنتي بهيمة ...تعدات عليك و كلهم خانوك اما ميسالش كلهم باش يتعاقبو و اولهم عيشة الكلبة (طفت سيقارو و قامت هبطت لوجت ملقاتش مراد تسمع تقربيع في كوجينة دخلت لقتها مرا في الاربعين شافتها تبسمت 

فقتي  للا هاو لغدى حاضر تحبي تاكلي و لا تستني سي مراد 

شكونك انت (رجعت بتوالي)

انا صفية جابني سي مراد باش نتلهى بدار . .هاني طيبتلك ملوخية قالي سي مراد تحبيها برشا 

وينو هو (طلعت قصتها)

 مشى للبلاد قالك تو يرجع في ليل 

بلاد ...ياخي احنا وين (وقفت في شباك تشوف في ارض واسعة كلها قمح فهمت الي هي مش في تونس باين فيه هزها للريف جبدت سيقارو  )

 اعملي قهوة يا ...شنية اسمك (شعلت سيقارو)

صفية ياللا اسمي صفية (خلتها و مشت دخلت للكوجينة)

لوجت على تلفونها  تفكرتو في ساكها طلعت تلوج عليه  هزاتو طلبت الحاكم 

الووو 

الووو تفضل مدام 

انا اسمي ليالي و خاطفني و احد اسمو مراد و حبسني في فيرمة امااان عونوني 

مدام سي مراد كلمنا و وصانة عليك ..اذا تستحق حاجة كلمنا (علقو تلفون)

من الغزول ضربت تلفونها على حيط كسراتو يعني حتى الحاكم تحت ايدو ...وين عندي نهرب منو ...فكري يا ليالي فكري ...لازم فما حل ...محامي و طلاق ...اي طلاق

الحاكم و كل شي تحت ايدو ...مش .مش حل ...لازم منخليشي ياخو مني اي حاجة بطريقة هذيكا تو يفد ..الي كيفو مينجمش يبقى من غير مرا .(تترشف في القهوة و ترعش)

متعرفش قداش بقت تخمم  حست بايد سخونة على كتفها دارت لقاتو مراد تنفضت و بعدت عليه 

متخافش ...متخافش ليالي ...منضركش

ان حتى لهوا الي تنتفسو بحذاك يضرني (جات تشعل في سيقارو فكهولها)

من اليوم معادش فما دخان ..معادش فما شراب ...معادش فما فساد ...انت مرتي ..انت عرضي ...لازمك تكون في مستوى 

(قربت لوذنو تكلمت بشوي ) تحلم ...تحلم ..فيق ...انا مش مرتك ...انا رقاصة ...باش نبقى لين نموت رقاصة (خلاتو و طلعت بيت نوم)

ريحتها و نفسها شعلوه ..خلوه يلهب في بلاصتو ..

ميسالش ليالي صبرت سنين ...مجاتش على شوي هاذم ..اكيد تو تتعب و تستسلم... اكيد 

تعدات جمعة هي حابسة روحها في بيتها باش تهبل على سيقارو ..راسها يوجع و خشمها يجري ...شعرها لرطب داخل بعضو وجهها الي متعود ضاوي كشمس نورو ضاوي ..هي طول عمرها كنجمة تسبح في سما متنجمش تكون محبوسة .. و نجمة ضوها بدى يطفى ...لكن عزيمتها و قوتها مطفاتش.. مراد كان ..بعيد عليها ...مقربلهاش جملة ...اما كان يسال في صفية عليها 

سيدي ...عنا جمعة ...الماكلة كيما طلعها كيما نهبطها ...خايفة على المدام ...تصيرلهاش حاجة اللطف 

بهي صفية حضريلها لفطور و هات توا نطلعلها انا (عدى ايدو على شعرو)

هز صحن و كاس من ايظ صفية و طلع دق الباب حد مجاوبو ...عاود دق ...شي حل ودخل لقى ليالي مرمية على الارض دايخة 

دكتور لاباس(يسال فيه بلهفة و خوف كبير) تستحق نهزوها كلينيك 

لا ...جيست لازمها تاكل ..بدنها فارغ ..اذا واصلت هكة تموت ...لازمها تاكل باي طريقة (خرج طبيب و هو بقى شاد ايدها و دموعو الي هابطة خنقاتو كانت ممدودة على الفرش و شعرها الطويل مزينها قلش عليها حورية ولا اميرة من قصة خيالية  )

حلت عينيها لقاتو شاد ايدها ..نترتها ..لفتت و جها 

ليالي ...اسمع ...انا ..قررت نحكيلك كل شي ....انا كنت في البار اول مرة ترقصي فيها...كنت مع الامن ...حبيتك ...كنت كل ليلة نشوفك كفاش ترقص و قلبي متعذب ...يحلم بنهار للي تكوني فيه ملكي ..كنت متاكد الي انت مستحيل تحبني و انا فقير و مازلت نقرى و معنديش مستقبل ..قتلت روحي بلقراية ...كنت معمل جاي باش نصارحك بحبي ...لكني شفتك قاعدة في طاولة مع واحد ...مدلك كولي ذهب نهارها انا كنت فقدت الامل و يئست انك تكوني ليا ...قررت نبعد ....سافرت عشرة سنين  البرة و  قلت تو اكيد ننسى.... خدمت ليل مع نهار لين كونت ثروة كبيرة و ولت عندي مجموعة الشركات قوية... رجعت لتونس لكن اول نهار رجعت فيه لقيت روحي جايك لوج عليك 

كنت كل ليلة نجي نتفرج فيك في اخر الصالة. . ادمنتك ...قررت الي انا ولت عندي السلطة و نفوذ الي خلوني نتحصل عليك ...جيتك و الباقي انت تعرفو . .بعد مدة عيشة جاتني للبيرو و قاتلي اذا تحب على ليالي انا نعاونك و طلبت مني فلوس ...وصار الي صار 

بعت و شريت فيا ...انا بيعة و شرية بنسبة ليك و ليهم ...اخرج عليا ...اخرج (ولات تصيح و تضرب في الفرش)

هدي روحك و اسمعني (حط ايديه في جيوبو) كول ...و تولهى بروحك  ... نوعدك منقلقكش ...تصرف كيما تحب ...اطلب بركة و اوامرك مجابة 

نحب نخرج...منحبش نتحبس ..

باهي عندك الفيرمة ...دور و اعمل فيها الي تحب ...و كتفد قول لصفية اخرج انت وياها من للبلاد باهي هكة (وقف بحذا الشباك و كتف ايده شنية تحب اخر  )

نحب مكتبة فيها برشا كتب ...و منحبش تقربلي و لا تلمسني و لا تجي على حالي ...نحب سلوى تجي زادة 

اكاهو (عملتلو براسها اي ) قالها الله يبارك ...توا لازمك تاكل ...نادى صفية جبتلها  لفطور لبيتها .

ليالي ...ليالي (دخل لقاها كلعادة حالة فيروز و شادة كتاب تقرى سارحة مش في ها العالم)

نعم ...شتحب ...اش طالب مني (سكرت لكتاب و دارتلو)

عندي ليك مفاجئة ايجا معايا (شدلها ايدها نتراتو و تعدات وراه  خرجت قدام دار لقت حصان اسود شعرو هابط على عينيه يهبل ...جرت حضناتو ..هي تهوى الخيل ...و ديمة كانت  تمشي نادي الفروسية )

يا شسمو ...محلاه (ولات تنقز كبنية الصغيرة)

انت سميه ...هو ملكك و انت سميه (فرحان خاطر فرحها)

انت من اليوم اسمك صخر ...ايجا نعملو دورة هههههه

لبست و سرجاتو و تعدات تجري بيه لين وصلت لاخر فيرما 

قعدت تحت شجرة و ربطاتو بحذاها 

تعرف صخر ساعات كتبدى ريح قوية لازمك طبس و تخليها تتعدى و بعدها تنجم ترفع راسك و تكمل طريقك ....هوما في بالهم الي انا استسلمت و باش نعمل الي يحبو عليه لكن انا اقوى منهم و تو تشو ف ههههههههههههه (ضحكتها ملت الارض و سما)

تعدات شهور نفس روتين ليالي بين المكتبة و صخر ساعات توسع بالها مع صفية و سلوى كل نهار و قسمو كانت تخطط و تريقل في جوها من غير ميدرى حد تستنى في النهار الي باش تهرب فيه 

نهار كان جو سخون  مراد في تونس و باش يبات غادي  خذت راحتها لبست روب قصيرة و خفيفة و دخلت رقدت كمل مراد الخدمة بكري ولى روح دخل باش يتفقدها لقاها راقدة على بطنها شعرها كلو على وجهها افخاذها عرايا و سير روبة هابط ضهرها اغلبو عريان ...بلع ريقو حاول يبعد لكن ساقيه محبتش تتحرك جمد في بلاصتو ...بقى يتفرج عليها مشاعرو غلباتو و كانت اقوى منو قربلها بشوية نحى شعر من فوق وجهها وطبس باسها..كانت شفايفو باردة و ترعش  فاقت مفجوعة ...وقفت فوق الفرش ...جبدت الملحفة تغطي في روحها ...جبدها من ساقها و نحلها  الملحفة من ايدها و رماها ...هبط عليها ككلب نهش لحمها قاومت لين فشلت و تعبت و استسلمت 

بعد مخذى مراد حاشتو منها لبس و خلاها مطيشة فوق الفرش و بقعة دم تحتها ...ليالي الليلة ماتت.... روحها ماتت الطفلة الصغيرة الي فيها ماتت ...ضحكتها ماتت...احلامها كرمتها كبريائها كلهم ماتو 

قامت ليالي دخلت مترهوجة دخلت تحت الدوش ولات تغسل في بدنها بغل و قسوة قلش عليها تحب تنحي اي اثر ليه على بدنها هي اليوم خسرت كل شي و معاد همها شي هي اليوم باش تتولد من رماد اما باش تكون جهنم حمرا على مراد الكلب ...الرجال في نظرها كلهم حيوانات متحركهم كان الغريزة ولي صار اليوم اكبر دليل لزمني نغسل شرفي لزمني ننتقم اي انا باش ننتقم اذا مدمرتكش مراد متسمنيش ليالي 

وقفت قدام لمرايا جبدت مقص و قصت شعرها و طاحت على القاعة تبكي 

الصباح لبست و هبطت كلها قوة متعرفش منين جابتها كانت هادية و رايضة لقت مراد واقف في بلكون شاد كاس و يخمم عنقاتو من تالي بهت حبس ..تكونسى في مخو 

انت وليت راجلي توا. ..وانا تعبت من المشاكل نحب نكون مرتك قدام الناس كل ...نحب نكونو كيما اي كوبل عادي 

(مراد مش مصدق الي سمعو  دارلها يثبت في وجهها لا مش يحلم هي الي تحكي )

بلحق ...تحكي برسمي ...يعني مسامحتني ...انا اصلا ...ندمت والله ...سامحني ...رغبتي و حبي ليك عموني ..منجمتش نسيطر على روحي (طاح على ركايبو يبكي )

هبطتت حملاتو (كانت تحس في بدنو شوك بين ايديها)

ميسالش حبيبي مسامحاتك (حضناتو)

ليالي وينو شعرك ...قصيتو !!!!(تصدم و دخل بعضو)

حبيت بدل لوك(تبسمت)..حاجة وحدة نحبك تعرفني على داركم نحب نعرف حماتي و اخوتك لبنات ...نحب نكونو عايلة وحدة 

باهي في اقرب فرصة  نعرفك عليهم عزيزتي (ضمها ليه و كبس عليها)

تعدات ليامات على ليالي  كي السم تشربو في كل لحظة لكن كانت صابرة و تسنى في فرصتها كانت كجثة الباردة كل ميقربلها مراد ...اول ميسيبها تدخل بيت البانو ترجع ...كانت عيفاتو و متقززة منو 

نهار هي واقفة بجنب صخر شافت مراد جاي و جايب معاه طفلة في العشرين زينها مقبول تحفونة 

عسلامة حبيبتي (باسها)

عسلامة عزيزي (مركزة مع الطفلة )

نعرفك وفاق اختي الصغيرة . .وفاق هاذي ليالي مرت خوك 

عسلامة ...ضهرت احلى من وصفو ببرشا ههههه

عيشيك عينيك هي المزيانة وفاق حتى انت تبرك الله عليك (في مخها كانت تقول جاك الموت يا تارك الصلاة ههههههه)

بقت وفاق عندهم السبت و الاحد  و نهار الاثنين روحت في المدة هاذي رمات عليها ليالي الصحبة و عرفت عليها كل شي فهمت بلي مراد هو الي رباها بعد موت بوها و بلي هو يحبها و يموت عليها و يخاف عليها برشا 

كل يوم ليالي تكلم في وفاق تحكي ساعات مع حماتها  خدوجة و اختو لكبيرة دعاء  مراد ولا عطيها جنب معادش خايف منها صدق انها رضت بيه و بحياتها معاه ...اما هي كانت مع كل لمسة منو ...كل بوسة منو تزيد تكرهو و تزيد نار الانتقام تشعل فيها اكثر و تقوى على النهار الي قبلو 

ليالي ...روحي ...حياتي (كان محملها و راقد في الفرش)

نعم حبيبي ..(تلعب بصوابعو )

غدوة لم دبشك باش نمشو نعيشو مع دارنا (باس يدها)

تحكي بلحق ...فرحتني (مراد رقد وهي بقت تخمم في المرحلة الثانية من الخطة متاعها  

دخلت بيت نومها جديدة لقتها مضخمة برشا بدلت دبشها و هبطت تفطر معاهم خدوجة كانت فارحة بيهم بطبيعة حد مايعرف حقيقة ليالي كان هو ...حظرتلهم فطور قمقوم و دعاء و وفاق كانو يحكو معاها و يفدلكو معاها ...عاملين جو ..حد مايدري بمصايب الي جاية 

ليالي ...ايجي نسهرو ...قلقت و توا نهزو معانا لبنات (مراد واقف في الباب)

بهيم شكون مات عنا شهر ملي رجعنا و انت حابسني في الدار (معوجة فمها )

مكنتش حاب حد من حياتك لقديمة يشوفك توا اكيد راهي الناس معدش متفكراتك (ينفخ في سيقارو )

وانت نسيت انا شكون ....متوحشتش رقصي (قربتلو)

اكيد توحشتو ...عندك شك (جبدها الحضنو باسها)

دخلو لربعة لمطعم مضخم كان جو محلاه ليالي مشت لتوالات و رجعت عينين مراد تبع فيها 

سهرة كاملة وهوما شايخين فما طفل محلاه فتقة متع زين ملي دخل و هو مركز مع وفاق هي حست بيه لكن مشلقتش  على روحها جا تلفون لمراد تلفتت ليالي لوفاق 

لشكون من بكري تغزري يا وحيدة (تضحك)

(وجهها حمار)اشششس تسمعنا دعاء تو بعد نقلك (غمزتها)

قامو خارجين  وفاق تمشي وراهم و طفل زادة قام  شد جرتهم 

يا مدوزال

 (تلفتت  وفاق مربوثة ) نعم ..تحكي معايا 

اي براسلي متاعك طاحت ...تفضل (مدلها ورقة فيها نمروه)

عيشك (تربثت و دخلت بعضها  تلفت مراد عقد وجهو جا ماشيلها شداتو ليالي .)

تو نشوفها انا (مشت وقفت حذاهم)

تفضل يا سيد 

شي دموازال طيحت برسلى متاعها 

ااا اوك يعطيك الصحة 

(رجعو لمراد و دعاء تلفتت ليالي لمراد )طحتلها برسلى رجعهالها ...فازي نروحو 

وصلت وفاق لدار ديراكت دخلت بيتها لحقتها ليالي 

يا وحيدة ...يظهر منك ...منين دبرتو هاك الكعبة 

شفتي ..مزينو ...يهبل ...اعطاني نمروه 

يا عيني ..باش تكلمو 

منعرش ...خايفة من مراد 

بوهالية انت ...كعبة كيما هكاكة يجي في العمر مرة ...و مراد منين باش يعرف ...عيش حياتك 

بعد ثلاثة ايام خرجت وفاق من الفاك لقت اديب يستنى 

ركبت معاه في الكرهبة 

توحشتك حبي 

كان تشوف انا ...من بكري و انا نستنى فيك تخرج شويا اخرى راني دخلت جبتك ...معادش منجم نصبر عليك 

حتى انا ...ديمة في بالي ...حتى ليالي قتلي مشلقى على روحك ..هههه.

شكون ليالي هاذي 

مرت خويا ...وانا وياها صحاب برشا ...هي الوحيدة الي تعرف  بحكيتنا من نهار مطعم 

اااا هيا باهي ...قلي حبي وين تحب نمشو (خدم الكرهبة و تعدى)

ليالي فدت حلت غناية و تحزمت و قعدت ترقص تفكرت ايامتها ككانت حرة نفسها ...كفاش كانت تبدى عاملة جو طايرة ...شايخة ..واهم حاجة حرة 

(دخل مراد بقى يتفرج عليها متكي على الباب )

مراد ...وقتاش جيت (حبست)

شبيك حبست ..كمل ..توحشت رقصك ..توحشتك ...نحبك

دزها فوق الفرش ...كانت حابة تتملص منو باي طريقة  ...حبيبي منجمش 

شبيك ...علاش 

عندي العادة ...

فد ضرب الباب و خرج متغشش عرضاتو وفاق داخلة تتبسم وحدها 

شبيك ...لاباس ...عندك نهارات مكش عجبتني ..انت (يشوفلها)

(خرجت ليالي تجري ) شبيك على طفلة ...متغشش مني تبرد قلبك فيها مو لاباس 

اكا هو العبد معادش ينجم يتكلم في هدار (خرج مغزل)

قيلك منو ايجي احكيلي شنيا صار ...(دخلو بيت نوم ليالي )

راني نحبو يا ليالي ...مش نرمال ...قداش يحبني و يخاف عليا ...يغير عليا من النسمة ...سرقلي قلبي ...

ربي فضلكم لبعضكم ...حبيبتي (تتبسم بخبث كبيير)

تعدات فترة و وفاق تخرج هي و اديب و ليالي تغطي عليها و تشجع فيها لين ولات تشوف كان فيه هو و في ربي

كل ليلة سهريات فصعة من لقراية نهار كانت قاعدة هي و اديب

 حبيبي ...تحبي تجربي تتكيفي 

لا حتى مرة مجربت ...كان يشوفني مراد ...يدفني حية 

نحبك تجرب كل شي معايا (مدلها سيقارو )

بعد فترة ولى سيقارو فيد خوه و وفاق ولات تتكيف نهار كانت مشعلة سيقارو و قاعدة في بيتها تحل باب و رمت سيجارو تحت تابل دنوي لقتها ليالي 

اااه هبلتي وفاق ...كان يفيق ...خوك يقتلك ...

(هوما هكاكة و مراد دخل جبدت ليالي السيقارو و جبدت دخان و نفخاتو شافها عقد حواجبو جاها يجري فكلها سيقارو )

شبي ****متفهميش ...مش قلنا ***دخان لا ...اخر مرة نبه عليك

راسي وجعني منجمتش نقاوم ...هاك انت تتكيف 

انا راجل ...فهمت ولا ...و انت للا مخبيا عليها ...بخي بدلتيني بيها...تو تنفعك  (خلاهم و خرج) 

(جبدت ليالي التلفون ) وي ...شنية لحكاية ...كان باش تكمل هكة الي عملناه كالو يطيح في الما ...ميهمنيش ...تصرف ...نحب لحكاية في ظرف جمعة تكون كملت ...اوك ..باي ..نستنى خبر باهي 

رمت تلفون فوق الفرش حلت فيروز و قعدت تخمم..سارحة هانت ...هانت ياسي مراد ...شدلي روحك هههههههه (تضحك بهستيريا ) سامحني وفاق ...تنجم تلوم خوك ...هو لعب بنار ...اكيد باش يتلكع ..الله غالب سمي ...قاتل ههههههه

(بعد اربعة ايام ) ليالي ...حاجتي بيك في موضوع (وفاق قعدت بجنب ليالي )

شنية ...عزيزتي 

الليلة عيد ميلاد اديب ...

اييييه كل عام و هو بالف خير..تحب فلوس باش تشري كادو (تتبسم)

لا نحبك تغطي عليا ليلا ...نحب نمشي لعيد ميلادو 

لا ...تحب خوك يطلقني ..لا مستحيل 

امااان ...ليالي ...والله منبطاش 

باهي ...باهي سخفتني ....عمل عليا 

روح مراد من الخدمة تاعب ميت ...تعشاو ..طلعت وفاق لبست و ركحت جوها...بعثت مساج ليالي 

وين ماشي حبيبي (ليالي شادة ايد مراد)

نمشي طل على وفاق ..عندي برشا مقعدتش ..حذاها 

ايجا نعملك مساج يريحك و بعد برة وين تحب (جبداتو نحتلو سوريتو و حطاتو فوق الفرش لمست ايديها ذوباتو درلها و غطس فيها .

(مع ثلاثة متع صباح جا مساج ليالي هزت تلفون خرجت ) ايا وينك ...اش عملت ...هنيتني ...صاحيتك يا رجال ...فيديو ...واضح كيما تفهمنا غدوة تلقاهم في كونت ..اي كعادة ...اسمع ...ذوب ....متبقاش في لبلاد ...اي...علق علق هاي جت ...باي 

دخلت وفاق ترعش مش منجمة تاقف على ساقيها دبشها مقطع و عينيها منفوخين من لبكى 

وفاق سبيك بطيت ...رصتلي نكذب على خوك ...شبيك ..شصارلك ...ايجا لبيتك 

دخلتها بدلتلها دبشها و حطتها في الفرش وهي ترعش و تبكي منهارة...كانت كيف عصفور المذبوح للحظة  ليالي ندمت و كرهت روحها لكن كيف وقفت قدام لمراية تفكرت وجيعتها و تشجعت  

من غدوة صباح مشت ليالي لوفاق فيقتها هزتها و خرجت وصلو لدار دخلو و وفاق ماهي فاهمة شي ...

اقعد ...تي اقعد ...متفهمش (ليالي دزت وفاق فوق كرسي)

صونى تلفون خلتها وخرجت )

الو حبيبي صباح النور 

صباح الخير ...وينك انت و وفاق 

نعملو في فوتينغ توا نجو حبيبي 

باهي متبطاوش 

اوك (علقت رجعت لوفاق)

حلت بيسى و حطتلها فيديو فيه هيا و الكلب اديب كفاش يغتصب فيها    وفاق حطت ايدها على فمها و دموعها هابطة تلفتت ليالي مش فاهمة شي 

خلي ...نفهمك .انا رقاصة خوك عرس بيا بسيف عليا و عملي كيما معملك اديب بضبط ...كسرني و خذا اغلى ماعندي ...كلامي مش باش نعاودو ...يعني اسمعي مليح ...اذا سمعتي كلامي و الي نقولهولك تنفذيه ...فيديو هاذي ميعرف عليها حد اي شي ...تعبيني معاك ...نهبطها لناس كل تتفرج فيها 

وفاق حست روحها في كبوس خايب ...لوحت روحها تحت رجلين ليالي تبوس فيها 

امااان ليالي ...راني وليا. ...امااان شعمتلك ...امااان ارحمني(تبكي باش تموت )

سامحني ...انا مرحمونيش ...منجمش نرحمك ...مرحمونيش باش نرحمك (مسحت دمعة باردة هبطت على خدها )

باهي شتحبني نعمل باش تعتقني (وقفت وفاق)

فما بار اسمو كونتسا نحبك كل ليلة تمشي غادي تسهري مع كليونات لمدت جمعة ..اكاهو 

باهي ...وبعد 

اكاهو كمل في لحكاية هاذي ...نولو ناس كل فرحنين ههههههههههه

انت وحش ...مستحيل تكوني انسانة (رجعت تبكي )

( تغششت هزت ايدها و عطتها كف) وحش خوك الي صنعو و خرجو ...لازمو يتحمل نتائج اعمالو 

روحو لدار وفاق ديراكت طلعت بيتها مخها يهز و يرجع ليالي باست خد مراد و قعدت تفطر 

حبيبتي علاش مقومتنيش راني خرجت عملت فوتينغ معاكم (يترشف في القهوة)

روحي البارح حسيتك راقد قلت خلي ترتاح (غمزاتو )

خرج مراد يخدم ...وفاق ممشتش للفاك ...ليالي عينيها ..مركزة مع كل حركة في وفاق 

في ليل بعد ما رقدو ناس كل مشت ليالي لبيت وفاق عطتها روبة لمعري فيها اكثر من المغطي ...مكيجتلها .كلمت شفور جا هزها 

وصلت وفاق للبار حست عينين الرجال كلها تنهش فيها قلش عليها عريانة ...هي في لحقيقة عريانة ...قعدت من القهرة ولات تشرب و تبكي  لين سكرت و معادش حاسة بشي الصباح فاقت لقت روحها في فرشها ...كرهت الدار و ليالي دوشت و خرجت تجري مشت للفاك هاربة من روحها يمكن 

ليالي حاسة بلذة غريبة و هي تسمع في مراد يحكي على اخواتو و تربيت اخواتو ...تسمع و بينها و بين روحها تضحك ...المدة هاذي  حاسة روحها تاعبة  و متقلقة اما معدلتش.. لاهيا في انتقامها لكبير 

تعدات اربعة ايام و وفاق تمشي للبار تحسها ولات مستمتعة بلي قاعد يصير عجبها كلام الحب الي تسمع فيه....عجبتها الحياة من غير حدود ... ولات تستنى الوقت الي  تعديه غادي تمشي باش تنسى تشرب تتكيف تتفرهد ...وترقص اي ترقص ...هنا يجي دور عيشة ..هي كلبة فلوس دوب مطمعتها ليالي رجعت تلهث تحت رجليها ...لعبت فيها سدر لحنين ...كملت الي بداتو بنت خوها 

..ليالي فهمت بلي تحب عليه صار و وفاق شدت الطريق الغالط 

ليالي فاقت صباح متقلقة كرشها توجع و خواطرها مقلوبة فادة قررت تمشي لطبيب 

شافها الطبيب و تلفت يشوفلها متبسم 

مدام مبروك ...انت حبلة في شهر الثاني (مشى للبيرو متاعو)

ليالي قعدت مبهمة مش مستوعبة هزت بوشات متاعها و خرجت تجري مشت للبحر هو وحدو الي باش يفهمها توا   

لا ...لا ..مكنتش عاملة حساب لحكاية هاذي ها بيبي لازم يموت ...لازم ..معنديش حل ... انت ثمرت كره مش ثمرت حب و كان نجيبك دمرلي حياتي لازم طيحك و اليوم قبل غدوة .(تكات على الكرسي تضرب في فولو ) 

عيشة وينك ...توا نلقاك في الدار .

(دخلت كشاكشها طالعة ) اش عملت مع وفاق ...كلو مريقل 

اي ..الطفلة ...طابت و حاضرة ...في اي وقت ...نفذ 

باهي ...باهي ...شوفلي طبيب باهي متاع نسى (تتكيف)

علاش شبيك لاباس ...شبيك داخلة بعضك 

سكر ****عليا ...حاجة متخصكش ....توا كلم شفيق قلو عندي طفلة جديدة ...و غدوة هزهالو (خرجت و رفنت الباب)

روحت خواطرها دايرة على اعصابها ...تصيح ..ترفن ...تكش على ناس كل دوشت و رقدت 

تعدات جمعتين و هي على عصابها تحب تتخلص من الغلطة الي في كرشها كيما هي تقول ..اخيرا لقت طبيبة وافقت على الاجهاض اما بعد ما طلبت برشا فلوس  .لبست وجت خارجة 

وين على خير ياللا لباس برك ...متعرفش تشاور 

مش وقتك مراد (خلاتو و خرجت )

قلبو كلاه زعما رجعت لخنارها لقديم ...وين ماشية ...لازم نعرف (خرج لحقها .من غير متفيق)

شافها دخلت كلينيك ...زاد هبل و حاير مش فاهم شي ...هي كانت خايفة و مربوثة ما انتبهتش ..دخل وراها...لكلينيك فارغة ...زاد استغرب  ...وقف ورا الباب 

مدام مثبته...تحب تنحيه البيبي 

قداش مرة تسال ...قتلك اي .

.باهي هدي اعصابك ...قداش عمرو 

شهرين و نص ...وقتاش نجيك 

غدوة ...غدوة صباح ...صايمة 

باهي ...هاذي تسبقة و كتكمل توا نعطيك الباقي 

خرج يجري قبل متشوفو خدم الكرهبة و تعدى مش عارف روحو وين ماشي ....قلبو يعصر عليه ...دايخ. ..فادد...حاب يصيح ...يروح يقتلها كيما هي حابة تقتلو ولدو ...كيبدى مش ولدو ...في لخر هي بنت ليل ...)

لا اش تحكي يا مراد ...تبدلت على خاطرك راهي ...تحبك ..كيما انت تتنفس ريحتها 

معرفش وين يمشي لقى روحو قدام بار متع شفيق دخل 

وفاق كانت تتمايل و تشطح بدنها عريان و مراد يتفرج فيها مش مصدق عينيه ...منغير ميحس نقز عليها يضرب فيها و ناس تحز ستة رجال شدوه دزهم و عاود رجع يضرب فيها مسيبها كان ما دمها يجري و بدنها ازرق ...كان بينها و بين الموت شعرة ..

دخلو لسبيطار امو تبكي و تضرب في روحها دعاء مصدومة و ليالي واقفة تتفرج و مستمتعة بكمية لعذاب الي تشوف فيه في عينين مراد...الي تستنى فيه توا عامين صار ...شافت الكسرة ...الذل  في عينيه ...كان مطبس راسو ومش منجم يرفعو 

تعدات سوايع رزينة خرج الطبيب

شوفو للاسف لمريضة دخلت في غيبوبة ...بصراحة مازالت مخرجتش من مرحلة الخطر ...ادعولها 

امهم طاحت مافي عينها بلة و مراد تكى على الحيط يبكي  نهارين و مفماش جديد ...مراد تحسو الذنب ياكل فيه ماكلة ..وجهو اصفر ...لحيتو سايبة ...لاياكل ..لايشرب...كان دخان من جيهة يخمم في بيبي و من جيهة في اختو و في ليالي ...مخو ثقل ...مشى جبد دبوزة ..من مني بار و قعد 

ليالي كانت قاعدة كعادة تسمع في فيروز و تقرى دخل عليها مراد يترامى مش منجم ياقف 

لي...لي...ليالي ...علاش ...قلي علاش امااان 

شبي عزاك ...شبيك في هالليل ..اففف شنيه هاذا ...ريحتك كل شراب 

ميهمكش ..دخلكش ..جاوبني 

على شنوة (تشوفلو ...خافت ليكون عرف الي هي ورا الي صار لوفاق)

علاش ..تحب تقتل ...ولدنا 

(تصدمت ..منين عرف هاذا ...ااااو)...

تكلم شبيك ***ساكته ...علاش 

خاطرو مش ولدك ...انا خنتك ...حبيت نتخلص من الغلطة الي عملتها ...انت ...انت ..كفاش عرفت ...متقوليش ...هو قالك 

شكون ...تتكلم ...شكون ...(شدها من شعرها و يخض فيها) 

تنكلم يا ****تقول (ضربها بوحشية)

صاحبك ...صاحبك ..محمد

جمد في بقعتو داخ ...ترهوج ......مات بلحيا 

ههههههههههه هههههههههههه ههههههههه(ليالي تضحك بهستيريا )

الولد ولدك ...وانا اليوم مشيت ...قتلتو ...خاطرو ولدك ...ولد اكثر انسان ..كرهتو في ها دنيا ...تعرف قبل كنت عايشة خاطر ..نكره بابا. ..كرهي ليه كان يخليني قوية ...اما توا كرهي ليك هو الي مقويني 

شنية تحكي ...منيش مصدق ...العام الي عديناه مع بعضنا 

كذبة . تمثلية كبيرة ...سميها كيما تحب ...

بدنو معادش متحمل ...طاح دايخ 

استغلت الفرصة لمت دبشها و خرجت من الدار  ...طايرة بكرهبة 

مشت للبحر  راكت الكرهبة و هبطت الموج كان غاضب داخل بعضو يتلاطم و يزمجر كيفها كانت  مخها داخل بعضو و مش مرتاحة ..قلبها يدق ..عينيها تبكي ...حاسة بفراغ ..كبير ...حاسة روحها ..مدفونة مخنوقة تلوج على لهوا و تتنفس بسيف 

(تكلم في روحها)ليالي شبيك ...حبيت تنتقم ...وانتقمت ...حبيت تشوف مراد ذليل قدامك ...و شفتو ..علاش مكش فرحانة ..علاش  مكش مرتاحة ....انا مغلطتش ...لا هو غلط ...هو راجل ...رجال كل سقاط ..كل كلاب ...يستاهل و شوي فيه ...يستاهل خطر حبك ..صانك خرجك من المستنقع الي كنت فيه ...حماك ...حسبك شرفو ..و عرضو ...هو اغتصبني ...جرحني ...دواك و عشقك ...اش معناها انا غالطة ...لا ..انا منغلطش ...هو كرهني فيه ...تكذب تحبو ...لا .نكرهو ...تحبو بامارت ولدو الي كدخلت لكلينيك رفضت تقتلو ...توا انت مكش فرحانة ...خاطر ..خسرتو ...خاطر هنتو ...في بالك دمرو ترتاح ...يخي دمرت روحك معاه ...اااااه ....اااااااااه (تبكي و تصيح) ..اسكتي ...اسكتيي..اسكتيييييي...ليالي ...اش عملت في روحك و فيه و في وفاق ...حسباتك اختها ...طعنتها ...مرمدتها ...عوض تحميها ...نهشتها ....وين باش تتخبى ...وين ...وين ..(تمسح في دموعها)...مراد صان عرضك و انت مسختلو اختو ...هو حماك و انت قتلتو ..معادش عندي وين نهرب ...وصلت اخر طريق ...لازمني نكمل ...ههههه(تضحك بوجيعة )...ياخي اش مازال باش يكمل 

(صونى التلفون عيشة تطلب محبتش تهز طلبت مرة اثنين و الف شي بعثتلها مساج)

مبروك اليوم انتقامك كمل ...وفاق ماتت ...

مكملتش قرت المساج رمت تلفون وسط الموج ولات تصيح ....اااااااااااااه ....ااااااااااااااااه...اااااااااااااااه ...صياحها كان يسمعو كان الموجوع صياحها كان صوت عذابها ضميرها فاق من موتو بعد مقتلها و حول انتقامها لجهنم حمرا ليها و لديرين بها ...

وفاااق ...اماااااان سامحيني..... اماااااااااان ...وفاااااق 

المحكمة الي نصبتها الروحها حكمت عليها و البحر باش يكون الشاهد...على اعترافها ...هي لازم تموت ...معادش عندها علاش تعيش ...لكن لازمها تعمل حاجة قبل   

بقت تتفرج من بعيد عليهم كفاش يدفنو في وفاق ...كانت دفينتها هي مش دفينت  وفاق ...كانو يغطو في بدنها هي مش يغطو في بدن وفاق و مراد كان ياخذ في عزاها هي مش عزا اختو ...ستنات الناس كل لين روحو ...ترمت فوق تراب لقبر تصيح و تعيط ..تهز في تراب و تحط فوق راسها ...ضربت روحها ...ندبت خدودها ...ترجت وفاق تسامحها..لكن توا فات الفوت ...حضنت لقبر و قعدت تبكي لين نشفو دموعها ...تعبت و هزها النوم 

"ليالي ...ليالي ..(حلت عينيها تشوف في وفاق كانت واقفة لابسة في لبيض...وجهها كلملايكة ...تبكي و مكتفة ايديها و واد دم قدامها ..وواحد مرمي على وجهو و دمو سايل مع الماء..المنظر هاذا تعرفو ...اي الحلمة ...الحلمة الي كانت ديمة تحلم  بيها،)

 ...سامحني ...سامحني ..اماان ...(طبست تبوسلها في ساقيها و ما في فمها كان كلمت سامحني ) سامحني ...يامحني ...امااان نعمل اي حاجة غير سامحني

 سامحتك ...اما خويا ...مراد ...انقذ مرااد ...(كان الصوت وين ماشي يبعد)"

حلت عينيها مفجوعة دنيا ظلام )...مراد ...مراد 

قامت تجري ...مابين عينيها كان مراد ...ركبت كرهبتها تجري وصلت للفيرمة ...تنادي 

مرااااااد....مراااااااد ...مراااااااااد 

دخلت لدار تلوج كمهبولة ...خرجت ..لجنينة ..تسمع في صوت كرطوشة ...وخلت ...ولات تكركر في ساقيها ...طاحت على ركايبها ...عينيها محلولة و دموعها سايلة سخونة ...هزت عينيها تشوف في خيال عبد تحت الزيتونة ...لمت الي بقى من شجعتها و مشت تجري للبلاصة 

وقفت حاطة ايدها على فمها مراد شاد فرد و حاطو على راسو صوتها خارج بسيف ..مبحوح ...ضعيف 

متموتش ....اماان متموتش ....مش انت تستاهل الموت ...انا نستهلو ...هات الفرد ...مراد ...هات الفرد 

ههههههههه انت قاتلة و انا قاتل ...انت قتلت ولدي ..و انا قتلت اختي (يتكلم و دموعو هابطة )

اسمعني ...انا ...انااا ...نح...نحبك ...والله نحبك ...سامحني ..سامحني ...امااان ...مراد ...نحبك ...يزيني ما تشويت...امااان هاتو ..

ابعد ...متقربش (كبس ايدو على الفرد) 

(تلفتت شافت منجل مشتلو تجري هزاتو )  تموت انت ...نموت انا ...قرر ...(حطت المنجل على رقبتها)

كبست المنجل سالت  قطرة من دمها ..مراد هبل ...لوح الفرد ...مشالها يجري فكلها المنجل ...حس الخطوات الي بينهم اميال ..وقتها حبو ليها هو الي حركو ...نسى الي صار الكل ...حبو ليها وصل لدرجة ميتصورهاش لعقل ...مستعد يعمل اي حاجة في خطرها ...يحارب الكون كل ...يتقلى في نار جهنم ...و ميراش  حاجة  ..تاذيها ...مستحيل يستحمل ...هو حملها ...هي ستسلمت للمشاعر الي كانت ديما تقاوم فيها ...اعصابها  ترخفو ...معادش منجمة تاقف على ساقيها ...انهارت ..مابين ايديه 

ليالي ...سامحني ...لياللي ...فيق ...نحبك راني ...ليالي و الله نعشقك ...العشق تسمى باسمك ...ليالي ...حل عينيك 

حسيت صوتو جاي من بعيد ..حليت عينيا ...نلقاه محملني و يبكي ..حملت و غرست راسي فيه كبشت فيه قلش عليا نحب نولي انا وياه واحد ...حملتو قعدت نشم في ريحتو 

هزيتها دخلنا لدار ...حطيتها قدامي في البانو بقيت نصب عليها في الماء و هي دكة فيا ...حسيت بسخونة بدنها ...قلش اول مرة ...اول مرة لمسها ...كنا سكتين ..لكن في سكوتنا كان فما برشا كلام ...هزيتها و حطيتها على الفرش كانت كبنية صغيرة ....كلها براءة ...كلها انوثة ...كلها رغبة طبست على تاتو الي في رقبتها نبوس فيه و هي تان و تتاوه  هبلتني  ..عيشتني احلى لحظات حياتي ...نستني الي صار الكل..حسيت روحي تولدت من جديد ...

وقت كنا في البانو كان مراد يصب عليا في الماء ...كان هاك الماء كدوا مسحلي جروحي و جبرلي خاطري ...حياني بعد موتي ...غمضت عينيا و سلمتلو روحي ...انفاسو السخونة خلتني نرتاح...و لمساتو ..رجعتني لدنيا ...حسيت احساس عمري لحسيتو ...حسيت بامان ...الاحساس الي عمري كل اللوج فيه ...اليوم لقيتو ...في حضنو ...تمنيت الليلة ماتوفاش..حبيت نبقى عمري كل معاه ...لكن اللوم بعد القضاء بدعة ...و الحلمة المزيانة لازم توفى ...كل منجي نحكي ...كل منجي نعترف يسكتني بوسة سخونة تعاود تبخرلي كل الشجاعة الي لميتها ...في لخر قررت نسكت و نعمل الي في بالي 

  مع الفجر ...خرجت نسرسب من تحت مراد ..بقيت نتامل فيه ...حفرت كل تفصيلة فيه في قلبي ...بستو من جبينو ..لبست و خرجت هزيت الفرد معايا ..قعدت نمشي ..نخمم...ضايعة ..وصلت لبلاصة فارغة...قعدت على ركايبي في بكيت مايغسلني دموع 

يا ربي سامحني ...ياربي معنديش غيرك نجيه نطلب منو سماح ...ياربي دلني لصواب ...ياربي دلني لصواب ...سامحني مراد ...سامحيني وفاق ..

شديت الفرد و حطيتو على راسي ...غمضت عينيا ..و شهدت 

يابنيتي اش تعمل ...حرام عليك. ..تحب تقتل نفس 

طلعت راسي نلقى شايب ...وجهو منور ...باين فيه شيخ ...اي اكيد شيخ ...شاد سبحة ...عينيه  وحدها ...تخليك تحس بقوة ايمانو 

لوحت روحي عند رجلو و بكيت ...انقذني من روحي يا بابا ...انقذني من روحي 

صلي على النبي يا بنيتي ...ايجا معايا ...هزني لدار قريبة من الجامع ...قعدت ...وهو جا مقابلني ...قعد تبسم و قالي احكيلي ...

بقيت نحكي ...نبكي ...حكيتلو كل شي ....كل شي ...فرغت قلبي ...

يا بنتي ربي غفور ..رحيم ..توبي ...توبي الربي ...وهو توا يشفيلك روحك ...حرام تقتل روحين ...حرام...خلي السر مخبي ربي ستار غفار ....ادعيلها ...ترحمي عليها  .

..حط ايدو على راسي و بدى يقرى في القران ...حسيت جبال على اكتافي تهدو ...اول مرة نحس روحي قريبة من خالقي ...تبت و استغفرت...ندمت ...تولدت انسانة جديدة 

حل مراد  عينيه ...تبسم 

ايجى هنا انت اش تعمل هنا (جبدها يبوس فيها)

بابا ...ماما ...الله اكبر 

اي عيش بنتي خلي ماما تصلي ...بعد نهزكم نفطرو باهي هههههه

السلام عليكم و رحمتو الله....السلام عليكم و رحمة الله 

وفاق البوسة البابا بركا و ماما لا ههههه

سيبت مراد و مشت تجري الليالي عنقتها