قيود الرغبة

هو هاذاكا طبعو  ملي عرفتو ديما بارد في كل شي لا يحزر عليا لا عمرو صاح لاعمرو غار كيفو كيف الحيط ميحسش ...مشاعرنا مخبية ...كلامنا متكلف ..حكاية طويلة متجي كان فيلم ماسط ...منحبش نفيق خلوني معمية على الي جاي ...فيه  مشاعر مزيفة و علاقة ازيف منها مفماش ...ضحكة مصطنعة ...فرحة مصطنعة ...قلب بارد و رو ح هايمة ..روبة كينها كفن و مكياج في بلاصة القناع ...واقفة موجوعة وحد ماحاسس ...واقفة مغصوبة وحد ما فاهم ...صحيح حد مغصبني ...غصبت روحي ولا يمكن غصبني جلادي ...دموع محبوسة رافضة ترضخ للواقع يمكن خايفة تخرج تتلوث بنفاق لعباد و كذبهم ...تحب تبقى بين رموشي صافية ...خالصة ...بعيدة عن نفاق ...عن كذبتي لكبيرة ...عن لعبت حياتي ...ههههه اللعبة الي لعبتها بارادتي ...عشقت دور الضحية وزيد القدر صقلي مواهبي و قدملي ظروف الملائمة لنجاحي في دوري ...في دور البطولة المطلقة ...مانلوم حد نلوم كان روحي ...نلوم صدقي و نيتي ...تبوهيلي ساعات ..نستاهل الي صاير معايا كل و نستاهل الي باش يصير زادة لقدام ....اش نستنى من دار تبنت على الاوهام من حياة تبنت على الكذب غير وجيعة ورا وجيعة و دمعة ورا دمعة

"تفضل حبيبتي ...انت الليلة اميرة ...اميرة قلبي"
طلعت راسي شفتلو شفت لعينيه زعما يكذب زعما صادق زعما و زعما و الف زعمة و مفماش زعمة  تريح قلبي كلهم يوجعو ...يحرقو ....يقتلو ...صوتو كان خانقني لمستو حرقتني  ...كرهاتو عيفاتو متقزة منو و الله ذنب مش ذنبي ذنب قلبي طحان قلبي الي هزني لنار ...كنت نتمنى...نخرج حورية ملهوفة على حياتي جديدة ...على دنيتي جديدة ...تلفتت شفت الفرش هاذا هو قبري اي قبري الي حفرتو بيدي  ...الي يعجبك اني انا الي اخترتو ....اي سمعتوش حد اختار قبرو كيفي  ....رماني على الفرش ...هو يشوف فيا لحمة طرية اما انا كنت نشوف فيه كلب ريقتو سايلة على الي قدامو ...شدني فارعتو ...ضربني استسلمت ...باس... حمل ...حضن ...شاخ... وانا بين ايديه كحجرة ...جثة ...حبيت ندزو نقلو ارحمني ...منحبكش ...مش طيقاتك...اخطاني ...لكن حاجة فيا كانت منعتني تقلي هاذا حكمك ولازم تنفذو ...سكر فمك ...اتحمل ...موت ...مووووت ....مووووووووت...
جبد من تحتي الروبة مزينة بدمي خرج لميت سقيا ...هههه يمكن نلم الي بقى من شرفي ...مسحت دموعي دخلت بيت بانو رد و نجي على راسي تكيت علحيط شفت لام تبسمت عريت فخذي و شلطت  هاذا اول نهار فعذابي ...شفت دمي سايل بقيت نتفرج فيه  احمر اي احمر هههههه قلت خلي نثبت بالكش هو زادا لونو تبدل كدنيتي ...ذقتو ايييي محلاها طعمت لوجيعة سمعت تزغريت و تطبيل و تزمير هههه فرحانين خاطر طلعت عفيفة  و قلبي هاو مش عفيف  و مشاعري هام مش عفاف و شفايفي زادة مسخين ....قاعة ولت كلها دم حسيت دنيا فلو ريقي شاح وليت نرعش تمنيت وقتها راو ملك موت جاني ... راني مشيت وخليتلهم ها دنيا الي كلبين عليها ...راني تحررت

ضربات الي في فخذي زادو ولو خمسة ... العبد يموت مرة و انا حتى الموت يتفنن فيا كل لحظة نموت موته نوع كنت كاللعبة الخشبية وين يحطوني نتحط هاي هزتني حماتي لدار اختها هاو هزتني لوزتي لدار حموها كنت دمية كل يوم بلبسة و كل يوم مكياج لكن روح وحدة مكسورة مجروحة عايشة مع ايقاف تنفيذ ...في ليل عاد فقرة الخاصة بتمثيلية عرسي ...راجل يمسح و يتودد و مرا لابسة نويزات و تستنى ههههههه اش باش نعري لحمي منتن فاحت ريحتو ما يصلح كان لدفينة ...انا نشم في ريحتو ...وهومازال مستحلي طعمو ...كل يوم نفس سيناريو يروح يرميني في قبري يغتصبني و انا نصيح و نندب في وجهي ...يسيبني نفرفت كطير المذبوح ...طير جناحو مكسر معندو وين يهرب ...كل يوم هو يكمل منا و انا نمشي رد منا و نضرب روحي بلام ...و ندوخ ...
"علاش خذيتني ...تحب تضحك عليا الرجال ...تضرب في روحك بلام كيف لمجرمة ..كرهتني في حياتي ...اليوم نكلم بوك يلقالي حل "
وانا ..شكون يلقالي حل ...شكون يرحمني ...شكون يدافع عليا ...شكون يدويني ...كفكفلي دموعي ...ااااه يا ظالمة ....مقتلكمش تعلمت دخان ...هههه مواهبي وين ماشية عمال تزيد ...اكتشفت حاجة مازلت عذرا اي مازلت ههههه...مدام دموعي مازالت  صافية  وقلبي يدق بحبو معناها عذرا ...متلمستش ...هاكة في مخي ...جبت نفس طويل ...تبسمت ...تفكرتو ...ااااه يا ظالمة ...تكيت على شباك غمضت عينيا و تخياتو بجنبي ... قلبي حس بالامان و راض و هدى ...جلادي رجع يحب يخلص ..انا بيعة و شرية .باب باع وهو شرى و انا نخلص ...جبدني ليه ريحتو زفرة نكرها ...دزيتو ...جبدلي شعري كركرني ...و الباقي تعرفوه كان دمي سايل على فخي قمت مع هزت رجلي نخلي خطوة مرسومة بدمي ...هزيت مقص و قصيت شعري مخليت منو شي حضنتو و بقيت نبكي ...
طالت بيا المدة العينين غارت و قلب مات و تعود على لوجيعة ضعفت وليت كسعفه نترامى مع كل نسمة ...فخذي تعبى معادش عندي وين نضرب درت لرجلي لخرى ...منخرجش من بيت نوم كزايلة مربوطة بجنب الفرش يجي وقتو ندخل ندوش نتزين و نتمد فوق الفرش عريانة ...يترمى فوقي  كليل يسودلي حياتي اكثر ماهي سودة ...تكيت على الفرش موجوعة منجمتش ناقف جا شدني من ايدي باسها قلي ستني مازلت هههه ااااه يا ظالمة .... لا بينا لا كلام ولا سلام ما بينا كان الفرش ...امو قايمة بدار كل يوم نسمعهم يتعاركو عليا تقلو طلقها ...يقولها نحبها ...يقتلني كيقولها منحبش نسمعها نسكر وذنيا و نقوم نصيح باش منسمعش ....اليوم فقت خواطري مقلوبة ومش طايقة روحي ...مشيت لدارنا ...نسيت شارع ...دخلت تمديت في فرشي ...جبدت تصاورو من تحت الزليزة تفرجت فيهم شميتهم بستهم دخلت امي فكتهم قطعتني و قطعتهم ...حرقتني و حرقتهم ...شواتني ...ترميت في ثحن دار نندب و نعيط ...خرجلي خويا بسنتورة كلاني دمدمني ...هزيت ساكي مشيت خطوات طحت مافي عيني بلا ....
"لاباس مدام انت حبلة ...في شهر الثالث ...كفاش مافقتش ....شنية ضرب الي في بدنك ..."
عدى ايدو على فخذي رعشت بكلي... استحليتها ...غمضت عينيا و درت للحيط نمسح في دموعي ...جبدت هبطت جلباب ...جاوبتو برود و وقفت ...جاني سي راجلي يضحك ...قالك ولي العهد جا ...نشالله يموت و نموت انا معاه بالكش نرتاح ...روحت لحبس متاعي ...طلبت بيت وحدي ...في ليلة و نهار اوامري ولات مجابة ناس كل تحنن و تبنن ...وانا عين تهز وعين تحط من فم ساكت ...طبيب حرم عليا دخان ...جبدت الباكو الثاني نتكيف فيه ...لشهرة تعدو معادش نظرب في روحي بلام ولات عندي هواية جديدة وليت نطفي في سيقارو بين افخاذي و في صدري ...منعرفش علاش
  يمكن نقمة في بيبي الي جاي ...
كان كل دقة في قلبو تغرس خنجر في قلبي ...طلعت لدروج رميت روحي ...فقت نلقى ايدي معلقة ...راسي مكبوس ...جا طبيب ...متع المرة الي فاتت ..هزيت عينيا فهمني... قالي مات ..تنفست بلقوي تبسمت ...شافلي مذهول من شري ..جبروتي ...قسوتي ...زدت تحديتو طلعت حواجبي و بقيت نغزرلو ....
رجعت لدار ذليلة لا كلام و لا سلام كان نفس طالع هابط ...تمديت في فرش ...حطيت راسي على لمخدة و بقيت نخمم في طبيب...بعد تفكرت بلوتي تكمشت نبكي لين طلع نهار ...رجعت نشلط في روحي ...وليت في ملامحي اقرب من الرجولة ..للانوثة ...تفكرت حبي ...حملت مخدة و وليت نبوس فيها توحشت شفايفو ...
اليوم عندي عام مع راجلي العتيد من نهارت الي مات بيبي مقربليش ...وانا ملوجتش عليه ....كنا نتقابلو في كلوار صدفة ..هو في بيت و انا في بيت ...
امو مرضت ...ماتت ...معدلتش عليها كنت قاعدة على الكرسي جهامة بلا روح ...ديكور ...كملت جنازة دز الباب ودخل ترمى بين رجليا يبكي ...حملتو بلقوي ...قعدت نبنن عليه ...لين رقد
"توحشتك راني ...هبلتني ...نعشقك ...شبيك مش حاسة بيا ...راجلك راني ...حسسني بحبك ولو مرة ...قداش تبقى ذلتني ...حولتيني الوحش ...وحولتي روحك ضحية ...لكن الصحيح الي انا ضحية و انت مجرمة "
فاقد الشيئ لا يعطيه...و انا معنديش حب باش نرجعهولك ...معندي كان كره ... تحب نعطيك...عندي بزايد ...هههههههه
دخلت لدوش نبرد في حالتي لحق ورايا ...جبدني ليه و لزني للحيط لفتت وجهي ...بعدتو ...حسيت في نظرتو قوة خوفتني ...دورني للحيط ... نفس تقطع عليا ...كرهتو و كرهت عيشتي اكثر ...حسيت روحي مومس بنت ليل ...رخيصة و رخص نكر فيا الطبع ...كنت نتوجع بساكته ...نعيط دخلاني ...سيبني طحت في القاعة ...تكمشت على روحي ...هو طلع سروالو تخطاني و خرج ...لوجت على لام ملقيتش...قلبت دنيا ملقيتش ...لوجت على حاجة نضرب بيها روحي ...تلفتت للمرايا ضربتها بيدي كسرتها عفست على البلار حافية ... هزيت شقفت البلار ... حليت بيها زندي كل ... دخل لقاني ملوحة نعوم في دمي ...هزني يجري لسبيطار ...فقت شفتو واقف فوق راسي ...يتفرج فيا ...
"اليوم منيش مسيبك الا متحكيلي حكايتك ...شبيك هكة ...حليلتك ...اش ناقصك..راجلك ظاهر يحبك ...حتى مستواكم المادي ظاهر مرتاح...احكيلي شبيك ...بالك نعاونك "
كعادة بلعت لساني و لفتت وجهي ...اش باش نحكيلك ...ا باش نقلك ...هههههه...انا بيدي نسيت علاش ولا كيفاش وقتاش ...منين نبدالك ...ههههه ...مش لازم سكوت افضل وسيلة دفاع ....خلي عزاها سكات ...تلفتت نلقاه مزال يستنى و عينيه تترجى فيا باش نحكي ...دخت فيهم في عرضهم و عينيه تشبه لعينين حابيبي ناعسة كيفو ...حتى شفايفو ..بقيت نشوفلو ...محسيت كان بشفايفو على فخذي و ايديه على صدري ..ذبت ...شعلت ...شديت شعرو طلعتلو راسو وكليتلو شفايفو ...فقدت شعوري بوقت و مكان ...ضعت ...حسيت كان بيديه تبعد فيا كان نفسنا طالع هابط ...عينينا  تقاوم و بدونتنا تتقارب ...حس انو باش يضعف مرة اخرى ...قام ستوى دبشو و هرب انا تكيت بلباهي ...هبطت مريولي و تكيت نتبسم بخبث ... وين ماشية...هاذي نهايتك ملهط ما بين زوز رجال... خخخخخ ..ااااه يا ظالمة ... مش حب فيهم زوز و لا شهوة ...يمكن كره للوقت الي خلاني ...نتحول من وردة لشوكة مسمامة ...دخل سي راجلي ....يتسكبن ...ذليل ...طفيتو ...لفتت وجهي ...حسبتو مش موجود ...طبيب من نهارتها ماشفتوش هههه...يمكن خاف مني ...انا مزل كنخمم فيه و هو دخل ...وقفت لصقتو و مديت ايدي لجيبو جبدت باكو دخان ...حطيت سيقارو في فمي ...شد بريكية شعلي و ايديه يرعشو ...حسيتو شعلني انا مش سيقارو ...جبدت نفس طويل و نفختلو خان في وجهو ...حسيتو تبخر معاه طار مرجعش ..هزيت سيقارو حطيتلو السيقارو  في فمو ...قربتلو اكثر لصقتو ...قعدت نشوفلو ...وهو كلو يرعش ...كنت نكتشف موهبة جديدة فيا مكنتش نعرفها ...السقوط ...و الخمج ...كنت عايفة روحي و عيفاتو ...لكن حاجة اقوى مني دز فيا ...تشجع فيا باش نكمل ...
"مش هنا ...اي...ايجا ...اي..جا نمشو ...داري ...نمشو ...
لداري"
زايد كلكم خماج ...حيوانات تحكم فيكم كان رغبتكم ...زدت نقمت عليه و على دنيا الكل ...تبسمتلو تبسيمة صفرا ...لبست  فاست وخرجت معاه ...هو يمشي وانا وراه ..رجلي عارفة و ين حابة توصل و لغريبة قلبي مطاوعني ...
ركبت حذاه في كرهبة ...ايد حاطها على فولون و ايد على فخذي ...انا نشوفلو وسيلة ننتقم بيها من روحي و ناس الدايرين بيا...وهو كان يشوف فيا ...سلعة جديدة مذاقهاش قبل ...منا زوز فاهمين بعضنا ...زوز حاسين ببعضنا ...وصلنا دارو ...دار عازب انا ديراكت دخلت بيت نوم ...كنت لوج عليها بعينيا لين لقيتها ..كنت لوج بشغف ...برغبة ..بهتت في روحي خلط عليا لقاني من غير دبش نستنى ...عدة عليا عينيه حسيتو وصل كل تفصيلة في بدني ...نضراتو حسيتها جرحتني ...حبيت نتخبى لكن نفس هاك الاحساس رجع سيطر عليا ...تقلبت في لحظة ...مشيتلو نحيتلو دبشو حسيتو كزبدة بين ايديا عجبني احساس بسيطرة ...كنت متحكمة فيه ...في نفس متاعو بلمسة نحبسو و بلمسة نرجعو ...دزيتو للفرش ...كنت انا مسيطرة انا ...المتحكمة ...في كل لمسة ..في كل حركة ... هبلتو تحتي ...شعلتو ...خليتو رماد ...تلفتت لوجهي في لمراية نشوف في شيطان ...مبقى من انوثتي و برائتي شي ...تكيت على الكرسي جا يبوس في رجلي كيف الكلب...عدى ايدو على لحروق الي في بدني و على ضربات اللام ...حسيت بيدو تكوي في بدني ...جبدتو من شعرو  بوستو و دزيتو بساقي و قمت نلبس ...كنت مستمتعة ...بتبعيتو ليا ...عجزو ...خلاني نقوى ...نتمرد ...
"اس...اسم...اسمعني ..نجمو نعودوها ...امانك ...غدوة ...كيما اليوم ..نهزك من قدام سبيطار "

تبسمتلو و تعديت نستنى فيه بجنب الكرهبة ...عمري مسمعتو صوتي ...سكاتي كان سلاحي ...قوتي...اش نعمل بيها لحروف كرهتها ...بلي كنت نتكلم نعبر نصيح ...ملقيتش روحي ...ربحت كان ضعفي و اهانتي ...اما اليوم بسكوتي ...نجم نعمل الي متعملوش الف كلمة ... وصلت لسبيطار ...رجعت لبيتي ...تمديت على الفرش ...حسيت روحي رجعت هاك الطفلة ضعيفة الي ما عندها وسيلة لدفاع على روحها كان دموع ...هزيت سكين الي قصولي بيها الغلة و ضربت فخذي و كلعادة بقيت نتفرج على دمي سايل ...اااه ياظالمة ...
رجعت لرضوخي للامر الواقع ...استسلمت ...حسيت هاك الشر كلو تبخر مبقاش منو شي كان طفلة مسكينة لعبت عليها الدنيا ...بقيت نهار كامل راقدة حاسة بدني طايب عليا سي راجلي مشفتش منظرو نهار كامل ...جعت حسيت بايد تمشي و تجي على بدني حليت عيني نلقاه سبع البرمبة متاعي ...شنية زعما توحشني ولا توحش حجات لخرى ...لميت سقيا خايفة منو ...حط ساشي غلة و مدلي كعبة تفاح من شر لقفتها من يدو و قعدت نتش فيها و هو يتفرج فيا ... هزلي شعري شمو وتكى بجنبي يبوس في ايديا ...ستلبست لوحت التفاحة و جيت باش نهرب ...جبدني ليه عصرني ...وليت نتهز و نتنفض كيف الفرش الي راقدين عليه ...كمل وسخو خرج خلاني مش منجمة نتحرك ...تقويت على روحي ...قمت قلبت الفرش و الي في البيت كل ...دموعي كانت هابطة ثايرة ...غاضبة ...متمردة على وقعها...جبدت السكين و قعدت نشلط في فخاذي و ايديا جاني الطبيب يجري شاف حالتي توجع القلب ...شادة تركينة و نقطع في لحمي ...قربلي بشوي  طلع شميز متاعو مدلي يدو ...كنو يقلي اضرب هنا ...لوحت السكين ترميت عندو نبكي بوجيعة ميصوفهاش لكلام ...
"متبكيش ...هدي روحك ...ايجا معايا ...انا دواك ...اش رايك نمشو لداري "
شبيني في حملتو ...اوووف ...شبيني هاكة ...انا منيش ضعيفة ...الكسرة و دموع ميخرجوش عليا ...قمت من حضنو دخلت بردت حالتي ...و خرجتلو وحدة اخرى ..دخلنا بيت نوم تلفتت نلقى سبته متع سروالو ...هزيتها ...كنت خايفة من روحي ...اما شايخة ...مزطلة ...هزبت ايدي و هبطت عليه السبته ...صاح من لوجيعة ...تبسمت ...حسيت وجيعتو دوايا ...زدتو ضربة و ثنين و ثلاثة ...وهو تحتي يان ...كل مرة نكتشف فيا حاجة ...ظهرلي الطريق طويلة و مزال  نفس طويل ...تعبت تكيت ...شعلت سيقارو ...مديت رجليا و هزيت ايدو حطيتها على لحروق الي في بدني بقى يعطي في صوابعو عليها و ساكت...يستنى 
فيا نحكي ...طال سكوتي ....ولا هو يحكي ...حكالي على دارهم ...امو الي كانت سبب في انتحار بوه ...قرايتو...حبو لول ...وانا كنت نسمع و مش نسمع ....دايخة و واعية ....رغم خضوعو ليا ...كنت نحس بانوثتي معاه...رجعنا لسبيطار ... هزيت اللام و هزيت ايدي باش نضرب فخذي لقى ايدو جات ضربة فيه ...دمو سال ...حسيت بخوف و رهبة ...قلبي دق ..حسيت بيه بين ضلوعي ...في بالي مات ...طلع ينبض عايش تحت رماد .... هزيتو بيت بانو نظفتلو ايدو من دم و حطيتلو عليها ماء بارد ... كف دم ...ربطتلو جرح...حملتو كولد صغير و بقيت على الارض ....نبكي ..
هزني بين ايديه باش يحطني في الفرش ...تنفضت منحبش نرقد عليه ...كرهتو ...فهمني مشا ...رجعلي بعد شوية وراه زوز فرامل...بدلولي الفرش ...طلعت نحبي من تعب ...تمديت رتحت ...هو بقى فوق راسي لين رقدت ...عندي نهارين مشفتش الطبيب باش نهبل ...حاسة روحي مخنوقة و باش تزيد تكمل ...الواطي جا ...كلعادة يحب على نزوتو كحيوان ...المرة هاذي ...محبيتش نكسر راسي برشا ....دخلت توالات وهو لحقني ..دخل طبيب يسمع في حس و صوتي و انا نبكي ...حسيت بوجودو لكن اش يعمل القتيل قدام السكين الي ذبحاتو ...سيبني ...دزيتو ...خرجت نجري ...ملقيتوش ...خرجت للكلوار ...لجنينة شي ...مفماش ريحتو ...رجعت البيتي نتحسر غدوة نخرج من السبيطار و منيش باش نشوفو ...باش نرجع الهمي ..وغدادي و وسخي ولامي ....
      "دارك تستنى فيك ...توحشتك ...ايا تفضل "
دخلت ...قلش عليا نعفس على شوك ...نبدل الخطوة كان بسيف ...محبيتش ندخل لبيت نوم ...تمديت في صالة ...دارنا لاجوني و لا سالو عليا ...كلب ملوح ...مسالوش عليا حتى بتلفون ...قلبي وجعني ...توحشت الطبيب ...شفتوش وحدة تتوحش واحد متعرفو كان في الفرش...يمكن خاطر حسيت بحنية مش عادية فيه .. مشاعري  متضاربة...داخلة بعضها ...مش مفهومة ...منيش عارفة هالوجيعة اش باش يشفيها ...اش باش يسكتها ...ضميت ايديا لصدري ...تكيت غمضت عينيا ...من داخل سواد و من برا سواد ....وين مشية طريقي جنابو نار و وسطو شوك نهايتو معروفة ...طبست راسي نشوف البدني ...زعما روحي منظرها هكة زادة ...ظميري مات ...وليت لادين ...لا ملة ... ههههه...وليت عقاب عمري ...ذنوب راكبتني من ساسي الراسي ...عقاب عمري ...وانا اش شفت فيه عمري ...اااه يا دنيا الكلبة وين لوحتيني ...غلطة غلطتها في طيش ...دفعت حقها عمري كل ...و مزلت باش ندفع ...الباب تحل ...غلطتي الثانية جات ...هههه الي يتسمى راجلي ...حسبت روحي راقدة ...غريبة عندو مدة مقروبنيش ...نشالله ديما ...تفكرت الطبيب ...زعما توحشني  ...بصراحة ...نحب نمشيلو ...ظاهر فيا تعودت على لخمج و لخباثة ...وليت شيطان ...غاطسة في الغداد لشوشة ...
نحس كان في يد تكركر فيا من شعري ...عديم الشرف دخلني لدوش نحالي دبشي ...المرة هاذي مخفتش ...دزيتو ...صحت عليه ...قتلو منحبوش ...قتلو نخون فيك ...قتلو خنتك قبل العرس ...قتلو مغرزة ...حكيتلو كل شي ...بردت قلبي ...نحالي دبشي دكني تحت الدوش ...عاود جبدني من شعري جبد السبته و اعطاني طريحة مسيبني كان مادخت ...
هو خرج منا و انا لبست نهز في روحي هزان  و مشيت دار الطبيب نشالله نلقاه غادي...معادش راجعة للحبس الي انا فيه ...انا وصلت بتكسي  نشوف في سي راجلي داخل ...هبطت نثبت ...شفت الطبيب خرج سلم عليه ...دخلو يضحكو وانا نتفرج ...مش مصدقة الي نشوف فيه ...دخلت للجراج حليت باب و دخلت منغير حس ...الي شفتو خلى رجلي وهنت و ركايبي سابت تكيت على الحيط نجبد في النفس بقدرة ...كانو قعدين الثلاثة ...يضحكو ...يضحكو عليا ...متفهمين عليا ...خطة امسخة كنت انا ضحيتها ...يتقاسمو فيا ...كل واحد يضرب على باي متاعو ...اكثرش من رخص هاذا ...بيعة وشرية هاذي اخرتي ...
"مش قتلكم ...تشيخكم ...مجربها راني ...من نهارت الي شفتها قدام الليسي عرفتها تقضي "
"انا عملت بون كيف ...بصراحة ...واعرة ...مزلت مشبعتش انا ...انتم زوز شختو اكثر مني "
"نعرس بيها ونعطيها اسمي ...وتحب تبقى معاها اكثر مني ...خلي نطلعلكم برواحكم...اما عجبتني لحكاية نكملو"
"لا ...اسمع منك ليه فلوسي قبل كل شي ...الشاك "
ههههه...في بالي بابا باع ضهر الي حسبتو حبيبي زادة باع ...باع برخيص زادة ...كنت غالية و رخصت روحي ...الندم معادش ينفع اما مايغسل العار كان الدم ...روحت من غير ميحسو بيا ...قررت نغسل عاري  ... لبست و غطيت وجهي لزرق بمكياج سيبت شعري و ستنيتو ...دخل كيف الكلب يشمشم ...يلوج على ريحتي ...كشافني نستنى جاني يجري ...كان مع كل حركة منو انا نزيد نقوي قلبي ...كمل دزني برجليه جابني مطيشة في القاعة و تلفت رقد  خرجت نحبي لبست دبشي غسلت وجهي ...معرفتش روحي كوقفت قدام لمرايا ...اااه ياظالمة ... جبت الملحفة  رنختها بليسونس  رميتها عليه شديت بريكية ...شم ريحت لسيونس حل عينيه ...بقيت مركزة معاه في الخوف الي في عينيه رميت لبريكية ...النار شعلت فيه ....ريحت لحمو محروقة ناتنة ...لكن بنينة ...صياحو كموزيكا في وذني ...خليتو يقطع في روح ...و خرجت
...مشيت لدار الطبيب ...شافني عينيه تحلت ...دزيتو بيت نوم ...نحيتلو دبشو ربطتو ايديه و رجليه بفرش هو يمني في روحو بليلة المجنونة الي باش يعديها معايا...جبدت لام ...وهو مزال يضحك و شايخ ...شافني ماشية نقرب ليدو ولا يصيح و يحاول سيب روحو ...قصيتلو عروقو...عرق بعد عرق...بقيت نشوف في دمو كفاش هابط ...شدتني هستيريا متع ضحك ...معادش نسمع لا في صياحو ولا في ترهدينو ...تخمرت من ريحت دمو  ...خليتو يتصفى قدامي  ...صوتو بدى يضعف ...بعد سكت ...ريحت الدم ...عبتلي خشمي ... خرجت رد ...مزالي الساقط لكبير لازمو موته خاصة ...مشيتلو لدارو...حلي الباب تصدم ...عينيه وساعت....دزيتو و دخلت ...عضيت على قلبي و بوستو ...قتلو توحشتو ...معادش نصبر عليه ...قتلو يحظرلي كاس...كنت نحظر في روحي للخطة ...حط الكاس شربتو فرد نفس...قتلو نعاودو تور اخرى ...قلي براسو اي ...مشيت صبيتلو كاس فرغت فيه دبوزة اسيد كاملة ...قررت نذوقو المرار الي ذوقهولي ...مديتلو الكاس ...شربو فرد نفس ...بدى يتلوى قدامي ...دمو في كل بلاصة ...شاد حلقو بيديه زوز ...باسلي رجلي قلي اسعاف ...دزيتو ...عفست عليه ...و خرجت ...مشيت قدام لبحر جبدت اللام قررت نضرب اخر ضربة في حياتي  هبطت للماء ...لون البحر تحول ولى احمر غامق  ...خذى لوني ...احزاني و همومي ...هاذي نهايتي ...اما شوفو بدايتي...
-ياحباني ...ييياح باني ...اااطحان مش قتلك انا راك متشدش روحك  ...مش قتلي من فوق لفوق ....ياح باني ...عرسي بعد جمعة يا مغبون ...(بقت تضرب في روحها بكف و تندب في سعدها)
-تتمنيكي على *****توا وليتي تحل في ****فمك وقت الي شايخة مفكرتيش في العرس ...من غير مطول الهدرة خلي نكملو نشيخو هانهارين و بعد تو نغرزلك ..(قام من فوقها شعل سيقارو و تمد)
ها نهارين ...ادي ...بعد نهارات عرسي ..كان عاطي ربي راني نزل في سر ...اسمع غدوة نجيك للعيادة غرزلي و يزي لهنا ... (قامت تلبس في دبشها)...انا معادش جياتك ...يزي
(تنطر شدها من كرومتها لصقها حيط قرب فمو لوذنيها )..انا نقرر وقتاش الي بناتنا يوفى ...واضح ...خليني عاقل منحبش نزرقلك بدنك بطريحة يا عروسة ...(هبط على كرومتها عضها خلالها تراس و نزل على شفايفها يمص فيهم ...هبط ايدو على بدنها قرصها و عاود نحلها دبشها و رجعها للفرش حيت بدنها شعل مش فاهمة شنية ها القوة الي فيه ...شنية هالمشاعر المهبولة الي مسيطرة عليها...كنها لوجيعة هي نار تشعل انوثتها و تزيد رغبتها الي ولت متمردة عليها معادش منجمة تسيطر فيها غلبتها سيطرت عليها ...وجدي كان يعرف مليح مفاتحها ...يعرف كفاش يلمسها يعرف وين يوجعها ..باش يوصلها لقمت النشوة معاه  )
ايا قوم شيعني ...معادش وقت ...دارنا تعرفهم يتحيرو عليا ...قلتلهم نكمل الدفوار نص نهار ...وجدي ...قوم ..
(حل عينيه و عدى ايدو على شعرو )تعبتني يا فرخة ...اما شيختني ...خوذ هام متين دينار مصروفك ...تستحقش حاجة اخرى حبيبي ...تحبش نعاونك في جهاز عرسك ...شنية ناقصك ...ااا حقة كتبدى خارجة فمة فاليز صغيرة متاع حوايج هزها فيها sous vêtements نحبك تلبسهم راجلك ....
لا حبيبي ..ربي خليك ليا ...خليهم نلبسهم ليك انت ...(لبست فولار و ستوت دبشها)..مش كان سمعت كلامي و خذيتني خير ...
(حسب روحو مسمعش الي قالاتو ) ايا اقلب وجهك خوذ تاكسي ...روح...خليني نرقد ...
وصلت لدارهم ...باش طير من الفرحة قداش تحبو ...وجدي حبها الاول و الاخير..تعرفت عليه عندها شهر لتالي قدام الليسي عجبها  ...عجباتو ..صوحباتو في نهرتها ...رغم الي  مخطوبة...هي متحبش خطيبها ...بوها لزها عليه ..يخدم مقاول ...هي تكرهو خاطر هي تحب الراجل الي يعرف كفاش يدخللها و هو كان كحيط النفس لا...ولات تخرج مع البوقوس الجديد ...في العادة يعدوها بوس تعنيق و حجات اخرى منغير ما يدخلو للغارق حاجة من فوق لفوق تهيجو و تشيخو بداها بلقرص..بعد عض و ليامات لخرة ولا يضربها و يوجعها اما على قد وجعها كانت لذتها ...لكن اليوم عملو علاقة كاملة...علاقة مرا براجلها  ...هي مش نادمة ولا تخمم في نهار عرسها خاطر حبيب قلبها طبيب نسى تو رجعها بنية كيما كانت...دوشت تمدت على الفرش مزالت تحس في تاثيرو عليها...كانت مرخوفة دايخة و حاسة بمتعة ...هزت تلفون  وطلبت صحبتها و صندوق اسرارها ...
وينك اليوم من صباح ريحتك مفماش ...
مشيت انا وجدي لدارو كلعادة ....ااااه محلاه الحب ...
كب كبوبك ...اما حب ..رقبتك الي منهوشة قلش عليك بايته مع كلب و لا ايدك الزرقة و لا صدرك الي صوابعو مزالو مطبوعين فيه...خلي عزاها سكات ...اش مزال على عرسك ...يا بنتي فيق راهي سرقاتك السكينة ...
اسكت قتلها سكينة ..اليوم وليت ملك وجدي ...محلاه تعرف عنفو معايا ..ضربو ليا يزيدو يهيجوني ...سلمتلو روحي ...
ييييح باني ...ييييح باني ...اسمع من اليوم لعاد تكلمني ..لا دور بيا ...مرضة انتم زوز ...مرضة ...(علقت التلفون )
عندها حق انا **** رخيصة ...لازم نبعد عليه ...لازم اول منغرز ننساه ...نتلهى براجلي ..وانت هاذاكة تحسب فيه راجل تي انت ارجل منو ...واحد خرنقة ...وين يجي في رجوليت حبيبي ولا قوتو و لا ...(تبسمت تبسيمة صفرا ) هههههههه....ايا نتخمد خير ...حاسة قلبي باش يتطرشق و كلي نمل اووو اش خص كان نبات معاه الليلة ...
(هي دايخة في افكارها صونى تلفون )
حبي ...ايا تجي ...توحشتك و مجنيش نوم ...
ودارنا ...كفاش نعمل ...
تنص الليل..توا ..رام رقدو ...اخرج حبي ...يلا نستنى راني ...
لا نخاف ...
قتلك****اخرج ..فيدك درج من زمان ...
هي خارجة دارهم شافوها ...شدها بوها يكركر فيها من باب الدار لبيتها صب عليها القاز زعمة باش يحرقها ...شدو ولدو ...بابا نصونو عرضنا و نعطوها الراجل نرتاحو منها ...خرجولو للكرهبة ...شافهم قطع خلا كان غبرة و راه ...هزوها كلينيك في نوار ..غرزولها و روحو بيها ....هههه سلعة شنوة...مضروبة .

نحب نقول لكل طفلة انت غالية متبعيش روحك برخيص  الي قلك كلام حلو اليوم  راهو يجي نهار و يولي حنظل  في فمك ...انا الي حبيتو باعني ...باعني كهرب اول معرفو دارنا اني اعطيتو روحي  ...وباعني لصحابو خاطر جبت السوم ...